Galatians 6
6
1Dalahimam ga, kinè man Mèzhèɓ Zhiklè a ndha ndav kinè! Man mali a kala na a gèƋ ndo ngiƋè, vatakaha, vatilè'a a ndav nlüɓekwa'a. A ndo staƋ staƋ da gu maya a géƋ va na ba, man ɓai ta pe kinè a wi arsa. 2StaƋ staƋ da takaha a nzhuɓ skwi man a nzala na ndo ngiƋè, aman ar haha kin gu ara ma kita Kristi. 3Aman ndo ngiƋè a huro, i mbia'a, i fena ngiƋè, ko nenga'a a pi va na a wai a ri na. 4Ndo staƋ staƋ da war gèƋ na dai; wa ngiƋè ba a ngècè njégèr va a géƋ na, a géƋ ndo ngiƋè ka ɓai. 5Aman ndo staƋ staƋ tèlèba a skwi na a gèƋ na.
6Aman ndo man ta njè na ma, da va na skwi a ndo man a njè na. 7Kin pu va kinè a wi a ri kinè ɓai! Kin slaha kin mbèhwali a Zhiklè azɓai. Skwi man ndo a zlekia'a, a di a ɓicè'a. 8Ndo man a zleki a géƋ ntétékè na, a di a ɓicè te ntétékè skwi man a gedassa va na. Aman ndo man a zlekia'a te Mèzhèɓ, a di aɓicète Mèzhèɓ Zhiklè nshèffè a mèdèp. 9Ngogokoy skwi man amba, a nga ngézhè azɓai. Aman nga jèkeda ɓai, a pats nasa a di nga da ɓicè skwai.
10Gar haha aman nga slaha dai, ngogokoy skwi man amba a sam ndohi tèlèba, holhola'a a sam gwoli nga te ncè-a-ndav. 11Ma haha i winda kinè a lamba mbia'a a ri ga. 12Ndohi man ta gaƋa kinè, sèi kin ngel ngwon ndèzl, ta woy a ta gi a ndohi mbibihia'a a sam di ndohai, a ta woy aman ndohi ngiƋè ta paraha ta azɓai a geƋ wof ngézlèl Kristi. 13Aman tenga'a ba, man ngwon ta n'ngela, ta jèjèr ma kita azɓai. Aman ta woy a kin ngél ngwon, aman ta slaha ta jégèr va a géƋ kinè.
14Aman i woy a i jégèr va azɓi fèt ba. Aman n'njèl ga staƋgenè, nenga'a wof ngézlèl Bi nga Yesu Kristi, te nenga'a herkeda ngezlala a sam ga, a iyè a sam herkeda. 15Aman ko ngwon n'ngela, ko ngwon n'ngel ɓai, skwi ambalai. Aman sèi ndo man a ngots nshèffè mɓua'a. 16A sam ndohi tèlèba man ta jejèr ma haha gumai a pombi Zhiklè da zhè a sam ta, a sam Israel, ndohi Zhiklè, tèlèba. 17Anai ndo da ngezyè te deɓa'a asaɓai! Vovi mblè a va ga a ngredyè, ara man i ɓèl Yèsu. 18Pombi Bi nga Yèsu Kristi, da zhè a nda Mèzhèɓ kinè, dalahimam ga! Amen.
Mofa New Testament © The Bible Society of Cameroun, 1989