Galatians 5
5
1Kristi a mpre nga, aman nga pra'a a vava. Gar haha vanze tara'a, kin gu ɓèlè ara hala ɓai! 2Na haha, iyè Paul, i gaƋa kinè: Aman kin ngél ngwon, ara ndohi Juif, Kristi skwi ambalai a sam kinè. 3I ngreda na ndo staƋ staƋ tèlèba za'a; aman a ngél ngwon sèi man a jèjèr ma kita tèlèba ndèzl. 4Aman kin woy a kin ngècè ngizura'a te ma kita Zhiklè, kin kezla a nda Kristi, a kin kèlè auda te pombai.
5Nga zhèr ngizura'a te ndav. Aman sèi nga zhèrè'a te Mèzhèɓ a ncè-a-ndav. 6Aman te Kristi Yèsu, ko ngwon n'ngela, ko ngwon n'ngel ɓai, skwi ambalai; sèi ncè-a-ndav te mwoy-ndo. 7Kin hüno amba amba. Nzlatsede kinè a hi wa, a kin fi gèä a ma nzura'a azɓai? 8Ma man ta fa kinè a gèƋ arsa, a shkè te nenga'a man a baba kinè ka ɓai.
9Movar mɓesla'a kèshkata a ɓesla movar tèlèba.
10I huro, te Bi Zhiklè, kinè ba kin hur ara ga. Aman ndo man a dzakaɓama kinè gèƌ, a ngècè kita Zhiklè, ko wawa. 11Aman iyè, dalahimam ga, man i njè ma n'ngél ngwon, ndohi Juif ta parahayé èhèmè? Man arsa, njèma ga a gèƌ wof ngézlèl Yèsu nara skwi nslafaƌama ta sak asakaɓai.
12Dara tenga'a man ta dzakaɓa kinè, ta tsuɓa va ta a ri ta. 13Aman kinè, dalahimam ga, Zhiklè a baba kinè a sam mpra'a. Aman vagu maya, aman a géƌ man kin pra t'uda ma, kin va na civèƌ a ntétékè te va kinè ɓai. Aman te mwoy-ndo, ngiƌè da takaha ngiƌè, ngiƌè da takaha ngiƌè. 14Aman ma kita Zhiklè tèlèba nhumda te ma staƌ:
Woy ndo a ndav ngaya ara man ka woy nshèffe ngaya.
15Aman kin bèzl va, a kin ndi va kinè a ma dai, vagu maya, man ɓai kin ndeva va kinè!
16Aman i gaƋa: Vodo te Mèzhèɓ, kin dzodzor ntètèkè va kinè ɓai! 17Aman ntètèkè ndo a gi var a Mèzhèɓ, a Mèzhèɓ a ntètékè ndo. Ta cèw ta bèzl va, a kin gi skwi man kin woya'a azɓai. 18Aman Mèzhèɓ Zhiklè a gi bi kinè, kinè t'hwaƋ ma kita Zhiklè ka ɓai.
19Skwi man ndohi ta gia'a te ntétékè ta, a ngrédè auda ara: ngi mpnömè, skwi nlizhèa, mbizhè zlawa, 20ngi vrai, m'mbèh skwai, ngi mayam, ngi ndav, srak, ndzoan, mbèzl va, tiflè man a kezla ta ndohai, njèjèr ma civèƋ Zhiklè ngiƋè, 21ntètèkè, njèjèr zom, n'ndi skwi ketsamketsama'a, a skwi tsaƋ tsaƋ aranta man i gaƋa kinè nshèlèkura'a, a i gèƋè za'a: Tengahi man ta gi arsa, ta da ndi kokwar-Bi Zhiklè azɓai.
22Skwi man a shkè auda te Mèzhèɓ: Mwoy ndo a ndav, mwuffè, gumai, nzhèr skwi a ma ma, ndo a se ka te va, ndav amba, nlèɓèslea, 23ndav nlüɓekwa'a, ngshè va; ma kita Zhiklè a gedassa skwi haha azɓai! 24Aman ndohi man te Yèsu Kristi, ta gezlala ntétékè va tenga'a, a skwi man a woya'a. 25Aman nga nzi a nshèffè te Mèzhèɓ, sèi nga jèjèr Mèzhèɓ ba. 26Nga da woy n'njèl ambali ɓai, nga da poko ta gèƋ auda a ndohi ɓai, nga da gu srak a gèƋ ndo ngiâè ɓai!
Mofa New Testament © The Bible Society of Cameroun, 1989