2 Timothy 3
3
1Aman sèi sun skwi haha: a pats man ndul ndul ndikèma skwi tèlèba, pats mwuƋitpa holhola'a. 2Ndohi ta hér va ta genè, ta woy suli genè, ta jégèr va, ta fi va, ta derƋe ndo, ta fi gèƋ a ma bab ta a mam ta azɓai, a ta shid gèƋ te skwa azɓai, ta woy skwi Zhiklè ɓai; 3ndo a se ta te va azɓai, ta tsi gumi azɓai, ndohi ngre ndo, ta gi wuƋai, ta gi shèwa, ta woy skwi mbela'a ɓai; 4ta ti ƌaf a gèƌ a ndo, ta wosla na va a skwi a ri ta, ta grè gèƌ, ta woy skwi herkeda a fena Zhiklè. 5Ta fi va ta a ndohi Zhiklè, aman ta sun wuƌi Zhiklè ɓai. Menda va ngaya a deɓa a sam ndohi sa!
6Te ndev tenga'a ndohi man ta wuckaƌa va'a a metsar, a ta pe ta ngwozi man wuƌi ta azɓai, a wai, ngwozi man mali kumba a gèƌ ta, a ntétékè tsaƌ tsaƌ a ga ta, 7man ta shindè skwi pèc pècèk, aman ta ndikè a sam man ta shin ma nzura'a azɓi fèt. 8Lèmèlèmè ara Jannès a Jambrès, ta sala na va a gèƌ a Moise, tenga'a ba ta sala na va a gèƌ a ma nzura'a. Ndohi man gèƌ ta ndzakaɓa, ncè-a-ndav ta azɓai. 9Aman ta slaha ta gi arsa a ma ma azɓai. Nrzlè tenga'a a di a ngredè auda a sam di ndo tèlè, lèmèlèmè ara man a gu a sam tenga'a cèw haha, nda Jannès a Jambrès.
10Aman ka, ka dzodzor njèma ga, maya nshèffè ga, skwi man i huro, ncè-a-ndav ga, nzhèr skwi man i zhèrè'a a dai, mwoy-ndo a ndav ga, nzhèrè te ndav ga, 11te va man ta parahayè, a ta gay matakwan te Antioche, te Icone, te Lystre. Te pa ta parahayè kumba. Te skwi tèlèba Bi Zhiklè a mɓeryè. 12Ndohi tèlè man ta woy a ta nzi a nshèffè a zlau Zhiklè te Yèsu Kristi, ta da ga ta matakwan. 13Aman ndohi ambaɓihia'a a ndohi ncèkèlma ta gi ambaɓi holhola'a a ma ma Ta pi ndohi a wai, a ndohi ngiƌè ta pe ta tenga'a a wai.
14Aman ka, sèi nza te skwi man ka jongo, a ka sun te ndav ngaya a vava, te man ka sun ndohi man ta senda ka. 15Ka sun Ƌelèwèr Zhiklè daga man ka kra, a nenga'a a slaha a nslebda ka, a de ka a sam m'mbel ndo te ncè Yèsu Kristi a ndav. 16Aman ma Ƌèlèwèr Zhiklè tèlèba, Mèzhèɓ Zhiklè a mvau, amba man a senda nga, a ngreda nga malai, a ngatsa nga maya, a nje nga te ngizura'a, 17a géƌ man ndo Zhiklè a gi njèlèle'a, ntila a mizlinè man amba tèlèba.
Mofa New Testament © The Bible Society of Cameroun, 1989