1 Timothy 2
2
1Ma man i fa ka a gèƋ nshelekura`a: a woy ta tsi rai, mbuhmbuha'a, ta tsi rai a géƋ ndohi ngiƋè, a ta shid gèƋ a géƋ ndohi tèlè, 2a géƋ bihai, a géƋ ndohi mbibihia tèlè, aman nga nzi te nshèffè a gumai, aman nga gi zlau Zhiklè, a nga nzi lèɓèslè'a. 3Nasa amba, ambaba Zhiklè, Bi m'mbel nga, 4nenga'a man a woy aman ndohi tèlèba ta mbél ta, a ta ndikè a sam man ta sun ma nzura'a. 5Zhiklè staƋgenè, ndo mbezda ta skwi Zhiklè a ri a ndohai, staƋgenè, nenga'a Kristi Yèsu, ndo. 6Nenga'a a mvau va na a skwi mpil gèƋ nga tèlèba. Nasa skwi malwuƋai, man n'ndika na ma a sama ma.
7Ta fiyè a ndo njè ma Zhiklè, a ndo sak, aman i senda ta ncè-a-ndav a ma nzura'a a ndohi herkeda i gèƋè zura'a, i cèkèlma azɓai. 8Gar haha i woya aman ngurhi a sam tèlèba ta tsi rai, a ta peda ri man nlizha a mali ɓai a zhiklè, a ndav ka ɓai, a ndav staƌ. 9Lèmèlèmè ngwozi ba, i woya aman ta cückwo va ta, a ta vi maslaka a va a di na a di na, a ta til va ta a maya, ta fi va a géƋ ncèffè gèƋ ka ɓai, a guro a skwi wi ka ɓai, a nhèsh maslaka man gani a pa kumba ka ɓai. 10Sèi ta gi mizlinè man amba; nasa ngwozi ta gia'a, man ta woy a ta slébèrdè Zhiklè.
11Sèi ngwoz da slebau skwai, da nze tètè, da fu gèƌ. 12I va na civèƌ a ngwoz azɓai, aman a njèngè ta ndohai; da gu ngula'a a géƋ ngura'a ɓai, aman da nze tètè. 13Zhiklè a ngu Adam nshèlèkura'a, Eve te deɓa'a. 14SaƋan a mpa Adam a wi ɓai, aman a mpu ngwoz a wai. Nenga'a a nkalahi a malai. 15Aman te deɓa'a a da mbél na, man a yi wuda, te maya nlèɓèslè, te ncè-a-ndav, te mwoy-ndo a ndav, a ndav nkezla'a.
Mofa New Testament © The Bible Society of Cameroun, 1989