1 Timothy 1
1
1Paul, ndo sak Kristi Yèsu, ara man Zhiklè, ndo m'mbel nga, a woya'a, Bi Yèsu Kristi, man nga zhèrè te ndav, 2a sam Timothée, kra ga nzura'a te ncè-a-ndav: pombai, nsi ndo te va, gumai te Zhiklè Bab nga, te Yèsu Kristi Bi nga! 3A pats man i kala Macédoine, i fa ka ma a gèƋ, aman ka nzi te kokwar Ephèse, a ka gaƋa ta ndohi ngiƋè tsaƋ tsaƋ, aman ta njè ma ngiƋè azɓai, 4a ta hér ma tsaval ngiƋè azɓai, a ma te verzi babab ta man a ngeslè azɓai. A géƋ nenga'a ndohi ta gi gèjau, a mizlinè Zhiklè te ncè-a-ndav a dè a ma ma azɓai.
5Ndikèma ma nkwèr Zhiklè: mwoy-ndo a ndav, man a shkè te ndav mpana, mèzhèɓ ndav man amba, ncè-a-ndav mberzlalaha'a genè ka ɓai. 6Ndohi ngiƌè ta mende va ta a deɓa te skwi haha, ta zi ta a tsaval ma ambalai. 7Ta woy a ta gi ara ndohi njèngè ma kita, aman ta sun skwi man ta gèƌè ɓai, ta sun verzia ɓai.
8Nga suna, ma kita amba a vata, a sam ndo man a gi ara man ma kita Zhiklè a gaƌa. 9Aman nga suna, ta va ma kita Zhiklè ɓai a géƌ ndohi nzura'a, aman a géƌ ndohi ambaɓihia'a, a ndohi man ta tsena gèƌ ɓai, ndohi man ta woy ma Zhiklè ɓai, ndohi malihai, ndohi man ta woy Zhiklè ɓai, ndohi man ta dérƌè Zhiklè, ndohi man ta fì gèƌ a mam ta a bab ta azɓai, ndohi nkeƌ ndo, ndohi man ta gi ngwoz a dala, ndohi ngi mphömè ngura'a a ngura'a, 10ndohi ngi metsar ndo, ndohi ncèkèlma, ndohi m'mbèƌè a ncèkèlma, a skwi ngiƌè tsaƌ tsaƌ, man njèma nzura ka ɓai, 11ara ma mbela'a te n'njèl Zhiklè, Zhiklè mwuífè, ma mbela'a man Zhiklè a mvay a rai.
12l shid gèƋ a Kristi Yèsu, Bi nga, nenga'a man a mvay wuƋai, te man a rkayè, i lèɓèslè'a, aman a vay mizlinè nenga'a. 13Iyè man hala'a i ndo ndèrƌè'a, i ndo njèrè'a, i ndo medègèƋ. Aman i su Yèsu te va, te man skwi man i gau, i sun ɓai, a i ca Yèsu a ndav di ɓai. 14Aman pombi Bi nga a zhè mbia holhola'a a sam ga, a ncè-a-ndav, a mwoy-ndo a ndav, man a zhè te Yèsu Kristi.
15Nasa ma nzura'a, amba aman nga cè'a: Yèsu Kristi a mshkè a herkeda, aman a mbel ta ndohi malihai man i tsuvom tenga'a. 16Aman i su Zhiklè te va, a géƋ man a ngrédè auda te va ga, ara man Yèsu Kristi a zhèr ndo dai, a i gi a ndo malwuƋai a sam tengahi ngiƋè man ta da cè Yèsu a ndav, a ta ngècè nshèffè a mèdèp. 17A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staƋgenè, nslébèrdè a n'njèlè pèc pècèk a mèdèp! Amen!
18Ma haha i va ka a rai, Timothée, kra ga, ara man ta hodko hala'a a géƌ ngaya, a ka gi var man amba; 19ɓür ncè-a-ndav, ɓür mèzhèɓ ndav man amba! Skwi haha ndohi ngiƋè ta kwola'a, a ncè-a-ndav tenga'a ngedas na. 20Te va tenga'a Hyménée a Alexandre, man i pe ta a ri a SaƋan, a ta ngècè maya, aman ta dèrƌé Zhiklè azɓai.
Mofa New Testament © The Bible Society of Cameroun, 1989