1 Thessalonians 5
5
1A gèƋ sama'a a patsa'a dalahimam nga, nga windè kinè azɓai. 2Aman kinè a ri kinè kin sun a vava, pats Bai Yèsu a di a shkè ara ndo metsar a vaƋ. 3Aman a di ta gaƋa: gumi a zhè, skwi mwuƋitpa asaɓai, skwi ngedas ta a kèlè a gèƌ ta tsam tsam, ara ngwoz man na hwaƌ, a ƌish va. A ta slaha a ta hi ta asaɓai. 4Aman kinè, dalahimam nga, kinè te ruva ka ɓai, pats sa da ngats kinè ara ndo metsar ɓai.
5Aman kin tèlèba wudahi skwi nhél sam, wudahi pats. Nga ndohi vaƌ ka ɓai, ndohi ruva ka ɓai. 6Gar haha ngonzhunokoy ɓai, ara tengahia ngiƌè. Aman ngonzokoy a dai, a zom te gèƌ ka ɓai. 7Aman tengahia man ta nzhuna, ta nzhuna a vaƌ, a ndohi man zom a keƌ ta, zom a keƌ ta a vaƌ. 8Aman nga, ndohi pats, nga da nza a zom te gèƌ ɓai, slarba man a ndav, nenga'a ncè-a-ndav a mwoy-ndo; a dzokwom te gèƋ, nenga'a skwi m'mbel nga man nga zhèrè te ndav.
9Aman Zhiklè a mpe nga a sam ndzoan ɓai, aman a sam man nga mbel nga te Bi nga Yèsu Kristi, 10man a m'mets na a géƋ nga, aman nga nzi a nshèffè a nda nenga'a, ko nga nzi aƋai, ko nga nzhuna. 11Gar haha vabüd va kinè, ngiƋè a ngiƋè, vagau aman kin grè a ma ma, ngiƋè asam ngiƋè, lèmèlèmè ara man kin gia antanta. 12Nga tsa kinè rai, dalahimam nga, aman kin pi di a tenga'a man ta gi mizlinè a sam kinè, a ta takaha kinè a ma Zhiklè, a ta bid kinè.
13Vaslebarde ta, vawoy ta a ndav kinè a vata a gèƋ mizlinè tenga'a. Vanza a gumai, ngiƋè a ngiƋè. 14Aman nga fa kinè ma a gèƋ, dalahimam nga, vangatsa ta maya a ndohi ndzakaɓahia'a, vabid ta ndohi zlau, vatakaha ta ndohi man wuƋi ta azɓai, vazhèr ta ndohi tèlèba a rai. 15Vagu maya, ko ndo staƋ da menda skwi man ambaɓai a deɓa a skwi man ambaɓi ɓai. Aman pèc pècèk vahau a verzi skwi man amba, te ndev kinè ba, a sam ndo staƋ staƋ tèlèba.
16Vawuffa pèc pècèk, 17vatsu rai, kin ndeva ɓai! 18Vagu susai a gèƋ skwi tèlèba. Amanskwi hahaZhiklèawoy kin gia'a te Yèsu Kristi. 19Kin mbatsa Mèzhèɓ Zhiklè te ndav kinè ɓai! 20Ma ndohi nhadka ma kin kwola ɓai! 21Vawar skwi tèlèba, skwi man amba voco! 22Vaɓarra va kinè a sam skwi man ambaɓi tèlèba! 23A Zhiklè gumai, nenga'a a ri na, da kezla ndav kinè tèlèba, da ɓür mèzhèɓ kinè ndzuwoäaƋa'a; a ndav kinè, a va kinè tèlèba ta da nzi jèlèlè'a, ba pats mshkè Bi nga Yèsu Kristi.
24Nenga'a man a baba kinè, nlèɓèslèa, nenga'a a ngia'a. 25Dalahimam nga, vatsu rai a géƋ nga! 26Vaga ta mbalai a kramamhi tèlèba a nkelèw ri a da'ai ndohi Zhiklè. 27l fa kinè a gèƋ a sam di Bi Yèsu, aman kin va ta delèwèr haha a kramamhi tèlèba, a ta jènge'a. 28Pombai Bi m'mbel nga Yèsu Kristi da zhè a nda kinè!
Mofa New Testament © The Bible Society of Cameroun, 1989