1 Thessalonians 4
4
1A va'a, dalahimam nga, nga bid kinè, nga fa kinè ma a gèƋ, te Bai Yèsu: Ara man kin ngotso a sam nga, vodo arsa, ambaba Zhiklè. Skwi man kin gia'a, vagu holhola'a a ma ma. 2Aman kin sun skwi man nga ngreda kinè te Bai Yèsu. 3Aman na haha skwi man Zhiklè a woya'a: aman ndav kinè nkezla, a kin nzi dra a sam mphömè.
4StaƋ staƋ te ndev kinè da slubordo ngwoz na, a ndav nkezla'a, a nlèɓèslè, 5a géƌ ntétékè gaƋa va genè ka ɓai, ara ndohi herkeda man ta sun Zhiklè ɓai. 6Ko staƋ da beza zlawa ɓai, da ngwoda ri a kramam na te skwi haha ɓai. Zhiklè a da pela gèƋ skwi tèlèba, ara man nga gaƋa kinè, a nga ngreda kinè nshèlèkura'a.
7Aman Zhiklè a baba nga a sam skwi nlizhè ka ɓai, aman a sam nkezla'a. 8Ndo man a kwola ma haha, a kwola ndo ka ɓai, aman a kwola Zhiklè, man a va kinè Mèzhèɓ nenga'a nkezla'a a ndav. 9A géƋ mwoy kramama, nga winda kinè ma azɓai. Zhiklè a senda kinè a ri na, aman kin woy va kinè, ngiƋè da woy ngiƋè, ngiƋè da woy ngiƋè a ndav na. 10Kin gi arsa a sam kramamhi telèba, man ta zhè te kokwar Macédoine. Aman nga bid kinè, dalahimam nga, aman kin grè a ma ma,
11a kin gi maya holhola'a, aman kin nzi tètè, a kin gi mizlinè kinè a ri kinè, ara man nga gaƋa kinè; 12a kin nzi a maya a sam di ndohi nte deɓa, kin dzhoƋ skwa te ri ta ɓai. 13Aman nga woy a kin suna, dalahimam nga, a géƋ ndohi man ta bazl ta: kin hur gèƋ zlau ɓai, ara njèkèƋia'a man ta zhèr skwi te ndav azɓai. 14Aman nga co a ndav, Yèsu a m'mets na, a nslambaƌkaƌauda za'a, lèmèlèmè tenga'a man ta bazl ta a Yèsu te ndav, Zhiklè a da helka ta a nda nenga'a.
15Aman nga gaƌa kinè ma haha: Nga, man nga zhè a nshèffè, a nga nzi dai ba pats mshkè Bai Yèsu, nga da ngel ta ndohi man ta bazl ta a pa azɓai. 16Aman Bai Yesu a ri na a di a shkèhai te zhiklè, a nguzlai, a nhèzlèwè bigol Zhiklè, a ntsi tolom Zhiklè. A ndohi mbazl ta a Yèsu te ndav, ta da slèmbèƋè nshèlèkura'a.
17Te deɓa'a nga, njèkèƋia'a man nga a nshèffè, nga dè a nga humdè va a tenga'a te va vanai, a nga zli gèƋ a Bai Yèsu t'hwaƋ giƋfèk. Gar haha, nga da nzi a nda Bai Yèsu pèc pèck. 18Vabüd va kine, ngiƋè a ngiƋè, ngiƋè a ngiƋè, a ma haha.
Mofa New Testament © The Bible Society of Cameroun, 1989