Mateo 12
12
Jamay junaqpaq Jesús munayyuq kashqan
Marcos 2.23-28; Lucas 6.1-5
1Jamay junaqchömi discïpulunkunawan Jesús päsaykäyarqan trïgu poquraykaq chakrakunapa. Saypa päsarmi discïpulunkuna mikanäyashpan trïguta palar uchuyarqan.#Deut. 23.25. 2Sayta rikarmi fariseukuna niyarqan: <<Rikay. Discïpuluykikuna leyninsita mana cäsukuypami jamay junaq kaykaptin trïguta palaykäyan>>.
3Saymi Jesús nirqan: <<¿Manaku imaypis liyiyashkanki yanapaqninkunawan mikanar David imata rurashqantapis? 4Davidshi Tayta Diospa wayinman yaykur Diospaq churayashqan tantata mikunaq.#1Sam. 21.1-6. Say tanta manami David ni paywan kaykaq runakuna mikuyänanpaqsu karqan, saypa trukanqa cürakunala mikuyänanpaqmi.#Lev. 24.9. 5Saynöpis Moisés qelqashqan leykunacho nikan cürakuna templucho jamay junaq arurpis jusayuq mana kayashqantami. Saytapis ¿manaku liyiyashkanki?#Núm. 28.9-10. 6Saymi qamkunata nï: Noqami templupitapis mas munayyuq kaykä.#12.6 Cürakuna jamay junaq templucho aruyashqan jusa mana kashqannömi Jesúspa discïpulunkuna jamay junaqcho trïguta palayashqanpis jusasu karqan.
7<<Tayta Diospa palabrancho kaynömi nikan: <Sacrificiuta rupasiyashqaykipitapis mas munä kuyapäkuq kayänaykitami>. Sayta tantiyakurqa manami discïpulükunata jamurpaykäyankimansu.#Ose. 6.6; Mat. 9.13. 8Runapa Surinqa jamay junaqpaqpis munayyuqmi kaykan>>.#12.8 Sayno nirqa jamay junaqcho runa imata rurananpaq y mana rurananpaqpis munayyuq kashqantami Jesús nirqan.
Makin wanush runata jamay junaqcho Jesús aliyäsishqan
Marcos 3.1-6; Lucas 6.6-11
9Saypita aywarmi sinagögaman Jesús yaykurqan. 10Saychömi makin wanush runapis kaykarqan. Saymi Jesústa tapur niyarqan: <<Jamay junaqcho qeshyaykaqta ¿aliyäsishwanku o manaku?>>
Sayno tapuyarqan aliyäsiptinqa say achäquila Jesúspa contran sharkuyänanpaqmi.
11Saymi Jesús nirqan: <<Mayqaykipapis uyshayki pözuman jeqaptin jamay junaq kaykaptinpis ¿manaku jinan höra jorquq aywayanki?#Luc. 14.5. 12Uyshapitapis masmi runa välin. Sayno kaykaptinqa jamay junaqchöpis runa mayinsita aliyäsishwanmi>>.
13Nirkurmi makin wanush runata nirqan: <<¡Makikita joqariy!>>
Joqarkuptinmi jukaq makinno alina rikakurqan. 14Saypitanami fariseukuna yarquriyashpan Jesústa wanusiyänanpaq wilanakuyarqan.
Jesúspita profëta Isaías qelqashqan
15Sayno wilanakuyashqanta musyaykurmi say markapita Jesús aywakurqan. Aywakuptinmi aska runakuna qepanpa aywayarqan. Qeshyaq kaqtaqa lapantami Jesús aliyäsirqan. 16Aliyarkasirmi Jesús nirqan: <<Pitapis ama wilapäyankisu noqa aliyäsishqäta>>.
17Saynöpami profëta Isaías kayno qelqashqanta Jesús cumplirqan:
18<<Sirvimaqnï imano kashqantapis tantiyakuyay.
Paytami akrashkä.
Paytami kuyä.
Paypitami fiyupa kushikü.
Espïritütami payman kachamushaq.
Paymi maysay nación runakuna munashqäno kawayänanpaq wilakunqa.
19Payqa manami olqutupanqasu ni qayapanqasu.
Cällikunachöpis manami wajukur purinqasu.
20Laksish shoqushtapis manami pakirinqasu.
Upinaykaq aksitapis manami upirasinqasu.#12.20 Kay textuchömi lakikuqkunata tinkusirqan laksish shoqushman y upinaykaq aksiman. Saymi kay textucho nikan lakish kawaykaq runakunata Jesucristo manakaqman churananpa trukan kuyapänanpaq kashqanta.
Payqa lapantapis alimi juzganqa.
21Juklä nacioncho taqkunapis paymanmi yärakuyanqa>>.#Isa. 42.1-4.
Jesúspa contran parlayashqan
Marcos 3.20-30; Lucas 11.14-23; 12.10
22Saypitanami supay qaprayäsishqan y upayäsishqan runata Jesús kaqman pushayarqan. Say runami Jesús aliyäsiptin rikarqanna y parlarqanna. 23Sayta rikarmi runakuna kushikuyashpan niyarqan: <<¿Kay runaqa Davidpa Surinsuraq kaykan?>>
24Sayno niyashqanta wiyarmi fariseukuna niyarqan: <<Kay runaqa supaykunapa mandaqnin Beelzebúpa#12.24 Beelzebúqa Satanáspa jukaq jutinmi kaykan. munayninwanmi supaykunata qarquykan>>.#Mat. 9.34; 10.25.
25Paykuna yarpäyashqanta musyarmi Jesús nirqan: <<Juk nacioncho runakuna kikinkunapura chikinakurqa ¿manasuraq wanusinakur ushakäyanman? Saynöpis juk markacho taqkunapis o juk wayicho taqkunapis chikinakurqa ¿manasuraq wakpa kaypa aywakur ushakäyanman? 26Saynölami Satanáspis kikinpa contran sharkurqa rakikash kayanqa. Sayno kaptinqa mandaykashqanpis ushakanqami.
27<<Beelzebúpa munayninwan supaykunata qarquptïqa ¿pipa munayninwantaq discïpuluykikunaqa supaykunata qarquyan? Diospa munayninwan supaykunata qarquyashqanta tantiyaykarqa ¿imanirtaq tantiyayankisu noqapis Diospa munayninwan qarqushqäta? 28Diospa Espïritunwan supaykunata qarquptïmi Tayta Dios mandaykashqan qamkunaman chämushqanta musyayanki>>.
29<<Kalpayuq runata manaraq pankarqa manami pipis wayinman yaykur imankunatapis apakunmansu. Pankaykurmi isanqa imankunatapis apakunman.#12.29 Kalpayuq runamanmi Satanásta tinkusin. Kalpayuq runapa imankunamanmi munaynincho sararashqan runakunata tinkusin. Satanáspita mas kalpayuq runamanmi Jesucristo tinkusikun. Saynöpami tantiyasirqan Satanáspita mas munayyuq kashqanta.
30<<Pipis favornï mana karqa chikiykämanmi. Mana shuntäsimaq kaqqa mashiykanmi.#12.30 Sayno parlarqa Jesucristo nirqan: Tayta Dios mandaykashqancho runakuna kawayänanpaq mayqanpis mana shuntäsimaq kaqqa sapatami churapaykan. 31Saymi qamkunata nï: Runakuna jusalikuyashqanta y Diospa contran parlayashqantapis Tayta Dios perdonanqami. Espíritu Santupa contran parlayashqantami isanqa perdonanqasu. 32Runapa Surinpa contran parlayaptinqa perdonanqami. Espíritu Santupa contran parlayaptinmi isanqa kay vïdachöpis ni juk vïdachöpis perdonanqasu.#12.31-32 Espíritu Santuqa jusansita kacharir Jesucristuta chaskikunansipaqmi tantiyasimansi (Juan 16.8-11). Saymi Espíritu Santupa contran parlarqa pay tantiyasishqanta mana chaskikur Jesucristuta imaypis chaskikunsu (Hech. 7.51). Jesucristuta chaskikuq kaqmi isanqa perdonash kanqa.#Luc. 12.10.
Parlakuyninpa runata reqishqansita Jesús nishqan
Lucas 6.43-45
33<<Ali jachaqa alitami wayun. Mana ali jachami isanqa mana alita wayun. Wayuyninpami jachata reqinsi.#12.33 Sayno parlar Jesucristo kaynömi nirqan: Jachata wayuyninpa reqishqansinömi runatapis parlakuyninpa reqinsi ali runa kashqanta o mana ali runa kashqantapis.#Mat. 7.20; Luc. 6.44. 34¡Culebra casta runakuna!#Mat. 3.7; 23.33; Luc. 3.7. Fiyu runa kaykarqa ¿imanöpashi alita parlaykuyankiman? Runaqa shonqun yarpashqantami alitapis o mana alitapis parlan.#Mat. 15.18; Luc. 6.45. 35Ali runaqa shonqun alita yarpashqantami parlan y fiyu runaqa shonqun mana alita yarpashqantami parlan. 36Saymi qamkunata nï: Imatapis lutankunata parlayashqanpitami Tayta Dios juiciu finalcho juzganqa. 37Alita parlaqtaqa salvanqami. Lutankunata parlaqtami isanqa infiernuman qaykunqa>>.
Milagrutaraq Jesús rurananta munayashqan
Marcos 8.11-12; Lucas 11.29-32
38Sayno niptinmi wakin fariseukuna y ley yachasiqkuna Jesústa niyarqan: <<Rabí, Tayta Dios rasunpaypa kachamushushqaykita musyayänäpaq ima milagrutapis ruraykulay>>.#Mat. 16.1; Mar. 8.11; Luc. 11.16.
39Saymi Jesús nirqan: <<¡Mana wiyakuq jusasapa runakuna! Milagruta ruranäta munayaptikipis#Mat. 16.4; Mar. 8.12. manami ima milagrutapis rurashaqsu. Saypa trukanqa profëta Jonásta salvar milagruta rurashqannömi Tayta Dios juk milagruta ruranqa. 40Kimsa junaq kimsa paqas jatunkaray pescädupa pachancho Jonás kashqannömi#Jon. 1.17. Runapa Surinpis kimsa junaq kimsa paqas pamparanqa.
41<<Jonás wilakushqanta chaskikurmi Nínive runakuna jusalikuyta wanakuyarqan.#Jon. 3.5. Kananqa Jonáspita mas munayyuq kaqmi wilapaykäyäshunki.#12.40-41 Runapa Surinpaq parlar y Jonáspita mas munayyuq kaqpaq parlarqa kikinpaqmi Jesucristo parlarqan. Saymi juiciu finalcho Nínive runakuna sharkarkamur kanan wisan runakunata acusayanqa>>.
42<<Salomón yachasishqanta wiyananpaqmi mandaq reinapis sur kaqlä karu nacionpita shamurqan.#1Rey. 10.1-10; 2Crón. 9.1-12. Kananqa Salomónpita mas yachaq kaqmi wilapaykäyäshunki.#12.42 Salomónpita mas yachaq kaqpaq parlarqa kikinpaqmi Jesucristo parlarqan. Saymi juiciu finalcho say reina sharkarkamur kanan wisan runakunata acusanqa.
Runaman supay kutishqan
Lucas 11.24-26
43<<Runapita supay yarqurmi maychöpis tänanpaq ashir sunyaq jirkakunapa purin. Mana tariykurmi 44nin: <Yarqamushqä wayïman kutikushaq>. Kutishpanmi tarin pisapakush y churapakush jäkuraykaqta. 45Saynöta tariykurmi supay mayinkunaman aywar paypita mas fiyu qanchis supaykunata pushakurkur say tashqanman kutin. Saymi nawpata kashqanpitapis peorraq say runa rikakun. Saynömi päsanqa kanan wisan yaqa runakunatapis>>.
Jesúspa maman y wawqinkuna pï kayashqanpis
Marcos 3.31-35; Lucas 8.19-21
46Jesús sayno yachaykäsiptinmi paywan parlayta munar maman y wawqinkuna punkucho shuyaraykäyarqan. 47Saymi juk runa Jesústa wilarqan: <<Mamaykiwan wawqikikunami punkucho shuyaraykäyäshunki>> nir.
48Sayno wilaptinmi Jesús nirqan: <<Kanan wilayäshayki mamä y wawqïkuna pï kayashqantapis>>.
49Sayno nirmi discïpulunkuna kaqläpa toqiykur nirqan: <<Paykunami mamä y wawqïkuna kaykäyan. 50Pipis jana pasacho kaykaq Taytä munashqanno kawaq kaqmi wawqï, panï y mamä kaykan>>.
© 2003, Wycliffe Bible Translators, Inc. All rights reserved.