Esaburi 13
13
Esala lia Okhusava Owuyeti
Khu omwembesi: Esaburi ya Daudi.
1Okhwola lina OMWAMI? Onanjivirire enyinga chiosi?
Okhwola lina, onanjiekisekho?
2Okhwola lina njia okhwefwira amatinyu mumwoyo kwange,
nokhuverera wulinyinga?
Okhwola lina omusiku wange achia okhukingulwa?
3Wulira mana wunjipe, Ewe OMWAMI, Nyasaye wange,
lecha owulafu mumoni chiange, ochalekha nafwa tawe.
4Omusiku wange akhewulira kawola, “Namuchisisie”,
avasiku vange vakhewulira vekhoya sikira ngwiye.
5Nausa nasuvira muwusimi wuwo wa wuli lwosi owuchaliwa;
omwoyo kwange kuchia khwekhoyera muwuwonia wuwo.
6Njia okhwembera OMWAMI,
sikira kakholeye amalayi.
©The Bible Society of Kenya, 2024