Esaburi 12
12
Esala Lia Okhusava Owuyeti
Khu omwembesi: Esaburi ya Daudi.
1Chuyete OMWAMI, sikira sialikhoo omulungi nundi ta,
sikira avasuvirwa vaweye muvanju.
2Wulimunju awolanga owuveyi khumumenywa wuwe,
valomaloma neminwa kiowuveyi nende omwoyo kwowuvacha.
3OMWAMI akhoya kachusayo eminwa kiowuveyi kiosi,
nenimi chiokhwekinia okhukali,
4nje avawolanga, “Nenimi chiefwe khuchia okhukhira,
eminwa khuli nakio, njanu onyala khuchuchuka?”
5OMWAMI awola, “Esikira mbo avamanani vanyakhana, ne esikira avatambi valira”,
khanu njia okhwinyokha,
“Njia okhuvaweresa owulindi owu vanaliriranga.”
6Elaka lia OMWAMI enifu nilio,
liri ngefesa yasambwa mumuliro,
yachwenulwa amakhavi saba.
7Chulinde, Ewe OMWAMI,
chulinde musialo mulwiwulo luno.
8Avamayanu vakenda wuli awunju,
ngamavi kenyokha muvanju.
©The Bible Society of Kenya, 2024