LUKA 4
4
Satana ameki Yezu
(Mt. 4:1-11; Mk. 1:12-13)
1Ntango eongoiki Yezu louta obodjiko bwa Yolodane omokia mwa libatisi Elimo Santu ebeki nande, Elimo Santu emokambiki obobe. 2Wa Satana amekiki Yezu mikolo ntuku inei mia moyi mpe ntuku inei mia butu. Yezu akodjaka ekei bito omikolo mina minso; bona ntango ekoki mikolo mei, aoki nzala. 3Omokia Satana akoliki na Yezu: Obaka mwana wa Libanza kolo na libanga dji likoma bieka mpoyau! 4Yezu akoliki na Satana: Ekomami 'te: Moto ndaibika unko na mampa bito! 5Satana atombiki Yezu oeyoma ya likolo mpe na ngonga ena amolakeli mamboka manso ma mokili 6Satana akoliki na Yezu: Nguya olikolo dja mamboka ma manso na bomengo,na nkembo inso ya mpamela. Yango ena nakoki lobopa nawe to na odjinginga. 7Bona 'te ongbangemaka onse, mpe umbamelaka, bokonzi bu bunso bukakoma bwau. 8Yezu akoli na Satana: ekomami 'te engeli ongumbamela nkolo Libanza wau omokelela bobele yo mpenza. 9Omokia Satana akambi Yezu o Yelusaleme, amobakei omotondo mwa Tempelo mpe amokoleli'te olo mwana wa Libanza omibwaka onse 10Mpo ekomami 'te Libanza akatoma Banzelu bande babo bikia. 11Banezlu bakabopela omaboko mabango mpo lokolo lau lotika na lota libanga. 12Yezu akoliki na Satana: Makomi makoli 'te oikoka lomeka Nkolo Libanza wa bio bito. 13Esidjei Satana na lomosenginya na ndege inso atikiki Yezu yo mpenza kino ntango ensu.
MOSALA MWA YEZU O ETUKA GALILEYA
Yezu amasi mosala mwande
(Mt. 4:12-17; Mk. 1:14-15)
14Omokia Yezu aongoi o etuka ya Galileya na nguya ya Elimo Santu. Mpe sango yande edjati o etuka mobimba. 15Abeki akateyi mbala na mbala oeyoma ya makita maba Yuda ya bango mpe moto munso abeki akakoli makambo ma malau mpo yande.
(Mt. 13:53-58; Mk. 6:1-6)
16Omokia Yezu akeiki o nazaleta mboka ekoliki yo. Omokolo mwa Sabato#4:16 Sabato Mokolo mwa lopema mwa bayuda., akeiki oeyoma ya makita maba Yuda ndenge emeseniki yo lokela mpe ateloi mpoya lotanga makomi. 17Moto wawi amopeiki buku bu bubeki na nsango uta Nzeni Izaya. Adjiboliki buku mei mpe azwiki eyoma mei mpe atangiki makambo boekomami omoi makoli bo: 18Elimo ya Libanza elonanga elongo mpoya lonsunga. Amponi mpo na sakola nsango elau omboka babola. Antomi na kolela bakangami 'te balo na bonsomi mpe bawei miyo bakaene mpe naumola moto munso oka nyokwami. 19Atomi mpo na sangela bato 'te mobu mu Nkolo nda lakeli boboto bwande. 20Omokia Yezu aumbi buku apei mosali mpe akei akanzala bato banso babeki oeyoma ya makita babeki baka mokeki nabolau. 21Omokia Yezu amasiki lolimbola maloba matangiyo, lokolo bo: Makambo mauti bino lokanga nakatangi makokisami lelu. 22Bato banso omoi ba mwamboli mpe babeki baka kamoi na nsango elau ye ebekiyo aka bakoleli. Kasi omokia babeki baka tunani: Yo aiba mwana wa Yozefu bito? 23Yezu akoliki nabango: bonkolela eyele ye: Munganga omibikia we mpenza edjingi lokolo bokela bikamwisi wa omboka ya bino eokiki biyo 'te okeliki omboka kafarnaum. 24Mpe abakoli, yabwele nabosangeli bo: Bakwa mbola Nzeni omboka yande eyakola yo bito. 25Manya likambo dji: Moko mokolo ntango ebeki Nzeni Eliya na bomoi, ebei yabwele bantaka badjenge babeki babaike omboka ya Isalayele. Ontango ena, mbula ya tikaka lono ontaka ya mbula yato na ndambo, mpe mungenge mwa mokali mokelami oekolo mobimba. 26Nabona Eliya a kotomamaka omboka moko wa bango bito, Atomamaka omboka muntaka bodjenge obeki akadjali olibanda dja Yisalayele o Engumba Zarefate, o etuka ya Sidoni. 27Ndenge yawi oeleko ya nzeni Elize bato ba maba babaka baike o Isalayele nzokande Elize akobikiaka moko wa bango bito abikeiki tu Namana mumpele moko akobaka Moyuda bito yo autiki omboka ya sulia. 28Eoki bato banso ba eyoma ya makita maba Yuda akakoli makambo mana batondi na kele. 29Bateloi bamobendiki nabokali olibanda dja Engumba ya bango mpe bamotombi opio ya ngomba ebeki engumba badjingiki bamotidja omombi uto ngomba. 30Kasi Yezu alekiki ontei ya bango mpe adjatiki.
Yezu abenginyi molimo mobe mpe abikeyi bato ba bololi
(Mt. 1:21-25)
31Mokolo mwawi Yezu akei O kafarnaum o etuka ya Galileya mpe abeki akateyi bato omoi mokolo mwa sabato oeyoma ya makita maba yuda. 32Ntango eteyiki Yezu bato bakamoiki, na bokonzi bubekiyo akateyi na bwango. 33Moto moko abaka oeyoma ya makita maba Yuda, abaka na molimo mobe amasi lokolo na mungongo mokali. 34Ee! Yezu wa Nazaleta mpo yandei okalotungisi? Olowa nde mpoya Lolobebisa? Naebi 'te olo monsantu otomi Libanza! 35Yezu angaleli molimo mobe, nziba monoko mpe bima onzoto ya Moto yo. Satana amobwaki omombi ontei ya bato banso Abimi onzoto yande kasi aimokela bobe bito. 36Bato banso bakamoiki mpe batuniki ye elo liteya dja ndenge ndei? Alona bokonzi mpe nguya atomi molimo mobe mpe mibimi obato. 37Yango ena bato babeki baka palanganisi nsango ya makambo makeliki Yezu omamboka manso ma etuka mobimba.
(Mt. 8:14-17; Mk. 1:29-34)
38Mokia mwa lobima oeyoma ya makita maba Yuda akei ondako ya simoni bokilo bwa Simoni abeki na fefele ekali ba mobondeli 'te amobikia. 39Nabona Yezu akeiki mpe atemiki pio na nkela yande mpe apeiki mitindo 'te fefele yango eumwana mpe abiki. Ateloiki mbala yawi mpe ampongiki biaka mpoya bango. 40Ebandi moyi lokitela bango banso bamoyeli bato Babango ba maloli ndenge nandenge. Abatandeli wawi- wawi maboko mpe babiki. 41Ebeki na basu babeki na milimo mibe. Milimo mibe mibimiki onzoto ya bato baike na etoma yande apeiki mitindo banganga, Olo mwana wa Libanza abapaleli lokolo mpo ba moebi abe Klisto. 42Nantongo ya mokolo mubengi, Yezu abimiki obobe. Bato bamwasiki bipai binso mpe ntango ezwani bango nande, ba mobondeli 'te abatika bito. 43Kasi Yezu abakoleli: Nengeli na sangela bato omamboka masu nsango elau nantina ya lolenge ludjingi Libanza angela bomoi bwa bango, mpo elo bokonzi bwa libanza lontoma omombi. 44Yango ena akobiki loteya obiyoma bia makita maba Yuda binso o etuka ya Yudeya.
Ndobo Bible by Beyond Translation is licensed under Creative Commons Attribution-ShareAlike 4.0 License.