Mak 9
9
1Pang lah n'hai bơl jơrnơ: “A ngan, Hei lah bơl 'bei, m'baak knông bơl bnih plah ta yoong tu au a kươi 'bưn chhưt noor tơt sau nggoor Brah Ưn lôh u kmheng.”
Brah Jê-sus tơ krik gui
(Ma-thi-ơ 17:1-13; Lu-ka 9:28-36)
2Prau nar kươi, Brah Jê-sus liêu êêng Phi-e-rơ, Ja-kơ, u Jang pôl n'hai Pang hao di bnơm prêh, u Pang tơ krik gui di mat bu.#II Phi 1:17-18. 3Khôw ao Pang but aang rwaah u book 'bruôk lôh moh 'bưn geh rak mon yuk ơơn a swich teh au baah yuk book kươt bei nei. 4Ê-li u Môi-se lôh sot mor chhuôr n'hai Brah Jê-sus. 5Phi-e-rơ ơh n'hai Brah Jê-sus: “Ơi Yau, bơl bơn gôq a au kah đat; dan aan bơl ju kơldơk pei ơơk naam: di mlơm aan Yau, di mlơm aan Môi-se u di mlơm aan Ê-li.” 6Đươm leq pei du kot n'hông đat mơ Phi-e-rơ 'bưn gưt nơơm mhei mor ơơn. 7Ja nei geh di nduq km'bang bu; a knông nduq geh baak lah laah: “Au laa Koon êch srlanh Hei ri, phrui iat baak Bu!”#Mat 3:17; Mak 1:11; Lu 3:22. 8Ndrot glơn, bơl jơrnơ mơq rlum, 'bưn sau 'bơơn ơơm, dơơn nha di mbu Brah Jê-sus gôq n'hai bu ei.
9Tơt jưr a lơ bnơm pôl bơl bơl jơrnơ, Pang pn'ak bu 'bưn kươt chhuôr kươi n'hai 'bơơn pal ntil nơơm ja sau aan tơt jơl Koon Bnih a ktôk chhưt rêh kươi. 10Bơl jơrnơ chmlam baak nei u ta ôp “a ktôk chhưt rêh kươi” rơih laa bei êch? 11Ja nei bu ôp Pang: “A hay bơl yau gưt jhai leet mor laah Ê-li phrui lôh noor?”#Mat 11:14. 12Pang ơh: “A ngan Ê-li phrui lôh noor jah kah kơơt jôm kaar. Nha baak 'bian teq u Koon Bnih laah Pang phrui dol ơk ji rngiêl u dol pnđeh pnđơơt nei bei êch? 13Dôh Hei mor aan bơl 'bei gưt, Ê-li lôh hơơi, bu nday ja gôq rêh n'hai bu tênh rnđêch bơl bu, dip bei baak ja 'bian teq u bnih bei nei.”
Brah Jê-sus tơmbah koon drêên klau dol chaak rup
(Ma-thi-ơ 17:14-21; Lu-ka 9:37-43a)
14Tơt Brah Jê-sus u pei du jơrnơ plơq kươi ktôk bơl jơrnơ nday nei sau di phung raih ơk đat rum rlum plah bu; geh pal yau gưt jhai plah ta rmhanh n'hai bu. 15Mhei sau Pang, leq phung ơk êêng aang đat, kơndaal kơrnaan tơt waak wơơt Pang drơh. 16Pang ôp bu: “Bơl 'bei ta rmhanh n'hai bơl jơrnơ teq u kaar ơơn hôm?” 17Di mbu knông phung ơk ơh: “Ơi Yau, hei liêu koon klau hei lôh aan Yau. Drêên dol wêêng rup, lơh but kơrlôw, 18kơơp ndơq chaak rup nei mrah drêên kơq u teh, lơh aan sơmbuh wiêm, kap chhêk kraam kn'ơơng leq bnih. Hei ja chkhôm bơl jơrnơ Yau prơh chaak nei, dôh bu 'bưn prơh kươt.” 19Brah Jê-sus lah: “Ơi klap 'bưn jơ tôw, Hei a kươi gôq n'hai bơl 'bei aan tơt khal êch? Hei a kươi nha dol ơt ơl bơl 'bei aan tơt khal êch? Phrui liêu koon drêên lôh aan Hei.” 20Bu liêu koon drêên lôh aan Pang. Mhei sau Brah Jê-sus, chaak mrah kơndang kơndaal koon drêên, bu a kơq u teh, prơpich prơpung, sơmbuh wiêm. 21Brah Jê-sus ôp bnih bươp: “Drêên dol lôh bei au a khal êch?” Bnih bươp ơh: “A bơh bu nha koon drêên. 22Ơk wưt chaak ja jang bu teq u ôinh, teq u daak, jah lưm bu chhưt. Dôh mơq Yau awap lơh kươt ơơn, dan gmaak u jraih aan bơl hei!” 23Brah Jê-sus ơh: “A hay leet mor ‘mơq Yau awap lơh kươt’? 'Bơơn jơ nei jôm kaar kot lơh kươt leq.” 24Bươp koon drêên hao troh laah: “Hei jơ, dan jraih aan baak 'bưn jơ hei ri!” 25Tơt sau phung raih rum ơk dươn ơk dươn, Brah Jê-sus têh gmhaar wêêng 'bưn jrah u lah: “Chaak lơh kơrlôw u têch tôw, Hei maanh aan may phrui lơơi rlach koon drêên au, 'bưn kươt rup teq u bu hôm!” 26Chaak hao rôw, mrah kơndang koon drêên ja nei sot rlach; koon drêên but bei di kơmôich chhưt, mơ ơk bnih mor laah: “Bu chhưt hơơi!” 27Dôh Brah Jê-sus dơp ti koon drêên, kơldơk hao bu, u bu ta yoong.
28Tơt Brah Jê-sus ja mưt knông nhi hơơi, bơl jơrnơ ôp êêng Pang: “A hay bơl hei prơh 'bưn kươt chaak nei?” 29Pang ơh: “Mơq 'bưn r'bon dan#9:29 r'bon dan: Knông m'baak plơơp 'bian ti laa r'bon dan n'hai ơt jrơng. nei 'bưn geh 'bơơn prơh ntil chaak nei sot kươt.”
Brah Jê-sus kươi tơmbơh noor teq u baak chhưt n'hai baak rêh kươi Pang ri
(Ma-thi-ơ 17:22,23; Lu-ka 9:43b-45)
30Lơơi ktôk nei, Brah Jê-sus u bơl jơrnơ han rloot kwaal Ga-li-lê. Pang 'bưn êch 'bơơn gưt kaar au, 31đươm Pang plah kne bơl jơrnơ laah: “Koon Bnih a kươi dol ndơơp teq u ti bu nday, bu a kươi lưm Pang; u pei nar a kươi dol lưm, Pang a kươi rêh kươi.” 32Dôh bơl jơrnơ 'bưn gưt baak nei, leet n'hông 'bưn baanh ôp Pang.
Baak prêh thlay ngan
(Ma-thi-ơ 18:1-9; Lu-ka 9:46-48)
33Brah Jê-sus u bơl jơrnơ lôh poh Ka-bê-na-um. Tơt ja mưt knông nhi hơơi, Pang ôp bơl jơrnơ: “Plah han troong, bơl 'bei ta tau tơrnang nơơm kaar ơơn hôm?” 34Dôh bu lơh rngơt, đươm rgoq troong bu ja ta meh mơq 'bơơn laa bnih prêh thlay huôih leq.#Lu 22:24. 35Pang gôq u teh, khuôl jmơt baar jơt jơng u lah: “Mơq 'bơơn êch lơh bôôk, nei phrui lơh ptut u lơh dêch aan jôm bnih.”#Mat 20:26-27; 23:11; Mak 10:43-44; Lu 22:26. 36Ja nei Pang liêu di mbu koon drêên teq a klung bơl jơrnơ; Pang pư koon drêên knông ti u lah: 37“Bnih êch đươm saak Hei wơơt di mbu koon drêên bei au#9:37 di mbu koon drêên bei au: Paich laa di mbu knông bơl koon drêên au. nei laa wơơt Hei; nha 'bơơn wơơt Hei, nei 'bưn geh wơơt Hei, dôh wơơt Yaang ja maanh Hei.”#Mat 10:40; Lu 10:16; Ja 13:20.
'Bưn wal bơl bơn lah pơơn u bơl bơn
(Lu-ka 9:49,50)
38Jang ơh n'hai Pang: “Ơi Yau, bơl hei ja sau geh bnih tơmoh chhak Yau baah prơh chaak, u bơl hei ja pơrkhang đươm bnih nei 'bưn tênh bơl bơn.” 39Dôh Brah Jê-sus lah: “Khơơm pơrkhang bu, đươm 'bưn geh 'bơơn awap m'ei tơmoh chhak Hei lơh chmlih chmleek kươi nei leet mor ap Hei kươt. 40'Bơơn 'bưn wal bơl bơn laa ta sruôl bơl bơn.#Mat 12:30; Lu 11:23. 41Nha 'bơơn tơmoh chhak Hei baah aan bơl 'bei di tgaan daak, đươm bơl 'bei pơơn teq u Yaang Krist, Hei lah a ngan aan bơl 'bei, bnih nei a kươi 'bưn saap tkôm nơơm ri laang.#Mat 10:42. 42Dôh 'bơơn rook aan di mbu knông bơl koon drêên au ja jơ Hei a kơq teq u dôih 'baap nei n'hop n'hal kơt paal tmau teq u kôw bnih nei baah jang teq u daak rmưt huôih nha.”
Lêch lung
(Ma-thi-ơ 18:6-9; Lu-ka 17:1,2)
43“Mơq ti 'bei rook aan 'bei geh dôih, phrui paang teq ơơi! Đươm n'hop n'hal lưt di ti baah mưt u baak rêh, huôih nha sơp leq baar ti baah jang teq u gưndrung ôinh, knông ôinh 'bưn geh ngơt,#Mat 5:30. 44[laa ktôk pi raai pi pơpach 'bưn geh chhưt, u ôinh 'bưn geh ngơt.]#9:44 Knông m'baak plơơp 'bian ti 'bưn geh ndroong 44. 45Mơq jơng 'bei rook aan 'bei geh dôih, phrui paang teq ơơi! Đươm n'hop n'hal lưt di jơng baah mưt u baak rêh, huôih nha sơp leq baar jơng baah dol jang teq u gưndrung ôinh, 46[laa ktôk pi raai pi pơpach 'bưn geh chhưt, u ôinh 'bưn geh ngơt.]#9:46 Knông m'baak plơơp 'bian ti 'bưn geh ndroong 46. 47Nha mơq pi mat 'bei rook aan 'bei geh dôih, phrui glach teq ơơi! Đươm n'hop n'hal tiah di pi mat baah mưt u nggoor Brah Ưn, huôih nha sơp leq baar pi mat baah dol jang teq u gưndrung ôinh,#Mat 5:29. 48laa ktôk pi raai pi pơpach 'bưn chhưt u ôinh 'bưn geh ngơt. 49Đươm jôm bnih a kươi dol jhut rao dơng ôinh griêng thwaai kươt jhut rao dơng boh.#9:49 Đươm... boh: Knông m'baak plơơp 'bian ti laa đươm jôm bnih a kươi dol boh dơng ôinh; knông m'baak plơơp 'bian ti nday laa đươm jôm griêng thwaai a kươi dol wat dơng boh; knông m'baak plơơp 'bian ti nday laa đươm jôm bnih a kươi dol boh dơng ôinh, n'hai jôm griêng thwaai a kươi dol wat dơng boh.
50Boh ơơm laa klanh, dôh mơq boh saap ttiat, nei lơh bei êch aan ttiat kươi kươt? Bơl 'bei phrui geh boh knông chưt bơn na, u rêh gôq kah lah klanh ta n'hai.”#Mat 5:13; Lu 14:34-35.
© 2024 Bible Society Vietnam. All rights reserved.
Mak 9
9
1Pang lah n'hai bơl jơrnơ: “A ngan, Hei lah bơl 'bei, m'baak knông bơl bnih plah ta yoong tu au a kươi 'bưn chhưt noor tơt sau nggoor Brah Ưn lôh u kmheng.”
Brah Jê-sus tơ krik gui
(Ma-thi-ơ 17:1-13; Lu-ka 9:28-36)
2Prau nar kươi, Brah Jê-sus liêu êêng Phi-e-rơ, Ja-kơ, u Jang pôl n'hai Pang hao di bnơm prêh, u Pang tơ krik gui di mat bu.#II Phi 1:17-18. 3Khôw ao Pang but aang rwaah u book 'bruôk lôh moh 'bưn geh rak mon yuk ơơn a swich teh au baah yuk book kươt bei nei. 4Ê-li u Môi-se lôh sot mor chhuôr n'hai Brah Jê-sus. 5Phi-e-rơ ơh n'hai Brah Jê-sus: “Ơi Yau, bơl bơn gôq a au kah đat; dan aan bơl ju kơldơk pei ơơk naam: di mlơm aan Yau, di mlơm aan Môi-se u di mlơm aan Ê-li.” 6Đươm leq pei du kot n'hông đat mơ Phi-e-rơ 'bưn gưt nơơm mhei mor ơơn. 7Ja nei geh di nduq km'bang bu; a knông nduq geh baak lah laah: “Au laa Koon êch srlanh Hei ri, phrui iat baak Bu!”#Mat 3:17; Mak 1:11; Lu 3:22. 8Ndrot glơn, bơl jơrnơ mơq rlum, 'bưn sau 'bơơn ơơm, dơơn nha di mbu Brah Jê-sus gôq n'hai bu ei.
9Tơt jưr a lơ bnơm pôl bơl bơl jơrnơ, Pang pn'ak bu 'bưn kươt chhuôr kươi n'hai 'bơơn pal ntil nơơm ja sau aan tơt jơl Koon Bnih a ktôk chhưt rêh kươi. 10Bơl jơrnơ chmlam baak nei u ta ôp “a ktôk chhưt rêh kươi” rơih laa bei êch? 11Ja nei bu ôp Pang: “A hay bơl yau gưt jhai leet mor laah Ê-li phrui lôh noor?”#Mat 11:14. 12Pang ơh: “A ngan Ê-li phrui lôh noor jah kah kơơt jôm kaar. Nha baak 'bian teq u Koon Bnih laah Pang phrui dol ơk ji rngiêl u dol pnđeh pnđơơt nei bei êch? 13Dôh Hei mor aan bơl 'bei gưt, Ê-li lôh hơơi, bu nday ja gôq rêh n'hai bu tênh rnđêch bơl bu, dip bei baak ja 'bian teq u bnih bei nei.”
Brah Jê-sus tơmbah koon drêên klau dol chaak rup
(Ma-thi-ơ 17:14-21; Lu-ka 9:37-43a)
14Tơt Brah Jê-sus u pei du jơrnơ plơq kươi ktôk bơl jơrnơ nday nei sau di phung raih ơk đat rum rlum plah bu; geh pal yau gưt jhai plah ta rmhanh n'hai bu. 15Mhei sau Pang, leq phung ơk êêng aang đat, kơndaal kơrnaan tơt waak wơơt Pang drơh. 16Pang ôp bu: “Bơl 'bei ta rmhanh n'hai bơl jơrnơ teq u kaar ơơn hôm?” 17Di mbu knông phung ơk ơh: “Ơi Yau, hei liêu koon klau hei lôh aan Yau. Drêên dol wêêng rup, lơh but kơrlôw, 18kơơp ndơq chaak rup nei mrah drêên kơq u teh, lơh aan sơmbuh wiêm, kap chhêk kraam kn'ơơng leq bnih. Hei ja chkhôm bơl jơrnơ Yau prơh chaak nei, dôh bu 'bưn prơh kươt.” 19Brah Jê-sus lah: “Ơi klap 'bưn jơ tôw, Hei a kươi gôq n'hai bơl 'bei aan tơt khal êch? Hei a kươi nha dol ơt ơl bơl 'bei aan tơt khal êch? Phrui liêu koon drêên lôh aan Hei.” 20Bu liêu koon drêên lôh aan Pang. Mhei sau Brah Jê-sus, chaak mrah kơndang kơndaal koon drêên, bu a kơq u teh, prơpich prơpung, sơmbuh wiêm. 21Brah Jê-sus ôp bnih bươp: “Drêên dol lôh bei au a khal êch?” Bnih bươp ơh: “A bơh bu nha koon drêên. 22Ơk wưt chaak ja jang bu teq u ôinh, teq u daak, jah lưm bu chhưt. Dôh mơq Yau awap lơh kươt ơơn, dan gmaak u jraih aan bơl hei!” 23Brah Jê-sus ơh: “A hay leet mor ‘mơq Yau awap lơh kươt’? 'Bơơn jơ nei jôm kaar kot lơh kươt leq.” 24Bươp koon drêên hao troh laah: “Hei jơ, dan jraih aan baak 'bưn jơ hei ri!” 25Tơt sau phung raih rum ơk dươn ơk dươn, Brah Jê-sus têh gmhaar wêêng 'bưn jrah u lah: “Chaak lơh kơrlôw u têch tôw, Hei maanh aan may phrui lơơi rlach koon drêên au, 'bưn kươt rup teq u bu hôm!” 26Chaak hao rôw, mrah kơndang koon drêên ja nei sot rlach; koon drêên but bei di kơmôich chhưt, mơ ơk bnih mor laah: “Bu chhưt hơơi!” 27Dôh Brah Jê-sus dơp ti koon drêên, kơldơk hao bu, u bu ta yoong.
28Tơt Brah Jê-sus ja mưt knông nhi hơơi, bơl jơrnơ ôp êêng Pang: “A hay bơl hei prơh 'bưn kươt chaak nei?” 29Pang ơh: “Mơq 'bưn r'bon dan#9:29 r'bon dan: Knông m'baak plơơp 'bian ti laa r'bon dan n'hai ơt jrơng. nei 'bưn geh 'bơơn prơh ntil chaak nei sot kươt.”
Brah Jê-sus kươi tơmbơh noor teq u baak chhưt n'hai baak rêh kươi Pang ri
(Ma-thi-ơ 17:22,23; Lu-ka 9:43b-45)
30Lơơi ktôk nei, Brah Jê-sus u bơl jơrnơ han rloot kwaal Ga-li-lê. Pang 'bưn êch 'bơơn gưt kaar au, 31đươm Pang plah kne bơl jơrnơ laah: “Koon Bnih a kươi dol ndơơp teq u ti bu nday, bu a kươi lưm Pang; u pei nar a kươi dol lưm, Pang a kươi rêh kươi.” 32Dôh bơl jơrnơ 'bưn gưt baak nei, leet n'hông 'bưn baanh ôp Pang.
Baak prêh thlay ngan
(Ma-thi-ơ 18:1-9; Lu-ka 9:46-48)
33Brah Jê-sus u bơl jơrnơ lôh poh Ka-bê-na-um. Tơt ja mưt knông nhi hơơi, Pang ôp bơl jơrnơ: “Plah han troong, bơl 'bei ta tau tơrnang nơơm kaar ơơn hôm?” 34Dôh bu lơh rngơt, đươm rgoq troong bu ja ta meh mơq 'bơơn laa bnih prêh thlay huôih leq.#Lu 22:24. 35Pang gôq u teh, khuôl jmơt baar jơt jơng u lah: “Mơq 'bơơn êch lơh bôôk, nei phrui lơh ptut u lơh dêch aan jôm bnih.”#Mat 20:26-27; 23:11; Mak 10:43-44; Lu 22:26. 36Ja nei Pang liêu di mbu koon drêên teq a klung bơl jơrnơ; Pang pư koon drêên knông ti u lah: 37“Bnih êch đươm saak Hei wơơt di mbu koon drêên bei au#9:37 di mbu koon drêên bei au: Paich laa di mbu knông bơl koon drêên au. nei laa wơơt Hei; nha 'bơơn wơơt Hei, nei 'bưn geh wơơt Hei, dôh wơơt Yaang ja maanh Hei.”#Mat 10:40; Lu 10:16; Ja 13:20.
'Bưn wal bơl bơn lah pơơn u bơl bơn
(Lu-ka 9:49,50)
38Jang ơh n'hai Pang: “Ơi Yau, bơl hei ja sau geh bnih tơmoh chhak Yau baah prơh chaak, u bơl hei ja pơrkhang đươm bnih nei 'bưn tênh bơl bơn.” 39Dôh Brah Jê-sus lah: “Khơơm pơrkhang bu, đươm 'bưn geh 'bơơn awap m'ei tơmoh chhak Hei lơh chmlih chmleek kươi nei leet mor ap Hei kươt. 40'Bơơn 'bưn wal bơl bơn laa ta sruôl bơl bơn.#Mat 12:30; Lu 11:23. 41Nha 'bơơn tơmoh chhak Hei baah aan bơl 'bei di tgaan daak, đươm bơl 'bei pơơn teq u Yaang Krist, Hei lah a ngan aan bơl 'bei, bnih nei a kươi 'bưn saap tkôm nơơm ri laang.#Mat 10:42. 42Dôh 'bơơn rook aan di mbu knông bơl koon drêên au ja jơ Hei a kơq teq u dôih 'baap nei n'hop n'hal kơt paal tmau teq u kôw bnih nei baah jang teq u daak rmưt huôih nha.”
Lêch lung
(Ma-thi-ơ 18:6-9; Lu-ka 17:1,2)
43“Mơq ti 'bei rook aan 'bei geh dôih, phrui paang teq ơơi! Đươm n'hop n'hal lưt di ti baah mưt u baak rêh, huôih nha sơp leq baar ti baah jang teq u gưndrung ôinh, knông ôinh 'bưn geh ngơt,#Mat 5:30. 44[laa ktôk pi raai pi pơpach 'bưn geh chhưt, u ôinh 'bưn geh ngơt.]#9:44 Knông m'baak plơơp 'bian ti 'bưn geh ndroong 44. 45Mơq jơng 'bei rook aan 'bei geh dôih, phrui paang teq ơơi! Đươm n'hop n'hal lưt di jơng baah mưt u baak rêh, huôih nha sơp leq baar jơng baah dol jang teq u gưndrung ôinh, 46[laa ktôk pi raai pi pơpach 'bưn geh chhưt, u ôinh 'bưn geh ngơt.]#9:46 Knông m'baak plơơp 'bian ti 'bưn geh ndroong 46. 47Nha mơq pi mat 'bei rook aan 'bei geh dôih, phrui glach teq ơơi! Đươm n'hop n'hal tiah di pi mat baah mưt u nggoor Brah Ưn, huôih nha sơp leq baar pi mat baah dol jang teq u gưndrung ôinh,#Mat 5:29. 48laa ktôk pi raai pi pơpach 'bưn chhưt u ôinh 'bưn geh ngơt. 49Đươm jôm bnih a kươi dol jhut rao dơng ôinh griêng thwaai kươt jhut rao dơng boh.#9:49 Đươm... boh: Knông m'baak plơơp 'bian ti laa đươm jôm bnih a kươi dol boh dơng ôinh; knông m'baak plơơp 'bian ti nday laa đươm jôm griêng thwaai a kươi dol wat dơng boh; knông m'baak plơơp 'bian ti nday laa đươm jôm bnih a kươi dol boh dơng ôinh, n'hai jôm griêng thwaai a kươi dol wat dơng boh.
50Boh ơơm laa klanh, dôh mơq boh saap ttiat, nei lơh bei êch aan ttiat kươi kươt? Bơl 'bei phrui geh boh knông chưt bơn na, u rêh gôq kah lah klanh ta n'hai.”#Mat 5:13; Lu 14:34-35.
© 2024 Bible Society Vietnam. All rights reserved.