Mak 10
10
Kaar Brah Jê-sus ri tu Ju-đê u Jê-ru-sa-lem
(10:1 – 13:37)
Baak kaar teq lơơi
(Ma-thi-ơ 19:1-12; Lu-ka 16:18)
1A nei Brah Jê-sus han mưt kwaal Ju-đê [u kwaal]#10:1 [u kwaal]: Knông m'baak plơơp 'bian ti 'bưn geh pal sêr au. mak tôw daak glung Jô-đanh. Phung raih ơk kươi pơrgum rlum Pang, u bei ơp ndơq, Pang kne bu. 2Geh pal du Pha-ri-si lôh ôp jah tuul Pang: “Bơl klau geh kươt ch'bap teq lơơi sai ur 'bưn?” 3Pang ôp: “Môi-se ja tơmbơh tti bơl 'bei ntil ơơn?” 4Bu ơh: “Môi-se aan ch'bap bnih bơl klau 'bian kơrđaih ta teq ja nei mơ teq lơơi sai ur.” 5Brah Jê-sus lah: “Đươm teq u baak kraam chưt bơl 'bei ri baah Môi-se mơ 'bian sot ch'bap au. 6Dôh a bơh tơmbut, ‘Brah Ưn mbưt di mbu klau u di mbu dơur.’ 7‘Đươm rơ kheet nei baah bnih klau phrui lơơi mei bươp nơơm [u prơgap n'hai sai ur],#10:7 [u prơgap n'hai sai ur]: Knông m'baak plơơp 'bian ti 'bưn geh pal sêr au. 8u baar du but di mlơm chhak.’ Bei nei, ur sai 'bưn nh'hơơm laa baar hôm, baah dơơn laa mlơm chhak. 9Bei nei, koon bnih 'bưn kươt pơrgah bơl bnih baah Brah Ưn ja ta pơrgap.”
10Tơt gôq knông nhi, bơl jơrnơ kươi ôp Pang teq u baak kaar au; 11Pang lah: “Bnih êch teq lơơi sai ur jah kliêr bnih nday laa geh dôih ta tưr n'hai sai ur. 12Mơq dơur teq lơơi sai klau jah ta sai n'hai bnih nday nei kot geh dôih ta tưr.”#Mat 5:32; I Kô 7:10-11.
Brah Jê-sus ươn smlaang aan koon drêên
(Ma-thi-ơ 19:13-15; Lu-ka 18:15-17)
13Bu nday liêu koon drêên lôh u Brah Jê-sus jah kươt Pang dơih ti#10:13 S'bt: buut. lơ bu, dôh bơl jơrnơ sngaanh bu. 14Sau bei nei, Pang hao nuih u maanh bơl jơrnơ: “Phrui teq koon drêên lôh u Hei, khơơm pơrkhang bu, đươm nggoor Brah Ưn pơơn teq u bơl 'bơơn bei bơl koon drêên nei. 15A ngan, Hei lah bơl 'bei, 'bơơn 'bưn waak wơơt nggoor Brah Ưn bei di mbu koon drêên nei a kươi 'bưn mưt ktôk nei kươt.”#Mat 18:3. 16Ja nei Pang pư bơl koon drêên nei, dơih ti lơ bu u ươn smlaang aan bu.
Bnih dơlu khunh geh
(Ma-thi-ơ 19:16-30; Lu-ka 18:18-30)
17Tơt Brah Jê-sus mhei riêp han, geh di bu tơt, kơltut bôôk mat Pang u ôp: “Ơi Yau l'ut l'ok, hei phrui lơh ơơn jah kươt a dơơn baak rêh yoot yôw?” 18Brah Jê-sus ơh: “A hay 'bei khuôl Hei laa l'ut l'ok? Di gaaih Brah Ưn, 'bưn geh 'bơơn lah l'ut l'ok laang. 19'Bei gưt pal baak ch'bap: ‘Khơơm lưm bnih; khơơm geh dôih ta tưr; khơơm ttung lmuôich; khơơm lơh ndraanh lhiat; khơơm kơhok 'boor; phrui kôt nhôt mei bươp 'bei.’” 20Bnih nei lah: “Ơi Yau, hei ja lơh tênh jôm ntil nei a bơh dơk tih.” 21Brah Jê-sus mơq srlanh bu u lah: “'Bei nha khwaq di ntil. Phrui han, tach ntil ơơn nơơm geh u tacheq aan bnih l'ơơi nei 'bei a kươi geh nơm preh a lơ trôôk; ja nei phrui lôh tênh Hei.” 22Ttang bei nei, muh mat bu sot rmlơng đat, ja nei chhong rmlơng han du, đươm bu nei geh ơk đat griêng grau.
23Brah Jê-sus gleng mơq rlum ja nei lah n'hai bơl jơrnơ: “Bnih khunh mưt u nggoor Brah Ưn lah rngiêl gưt pal êch!” 24Bơl jơrnơ sot êêng aang teq u baak au. Dôh Brah Jê-sus kươi lah: “Ơi bơl 'bei, jah kươt mưt#10:24 jah kươt mưt: Knông m'baak plơơp 'bian ti laa dôh 'bơơn chkhôm rbưng teq u baak khunh geh jah kươt mưt. nggoor Brah Ưn bơm yoh rngiêl! 25Seh joong kôw mưt u trôôm nglaai nha snôk huôih bnih khunh mưt nggoor Brah Ưn.” 26Bơl jơrnơ bơm yoh êêng aang, mor tơrnang nơơm:#10:26 mor tơrnang nơơm: Knông m'baak plơơp 'bian ti laa mor n'hai Pang. “Bei nei 'bơơn awap kươt đoh?” 27Brah Jê-sus mơq bu u lah: “Koon bnih 'bưn geh lơh kươt kaar au, dôh teq u Brah Ưn nei êêng; đươm Brah Ưn lơh kươt jôm baak.”
28Phi-e-rơ lah drơh: “Ơi Yau, bơl hei ja dhot teq leq sêch baah tênh Yau.” 29Brah Jê-sus ơh: “A ngan, Hei lah bơl 'bei, 'bưn geh 'bơơn đươm Hei u Baak Sroong Klanh teq lơi nhi ba, oh bi, mei ruh, mei bươp, koon sau, pưng srei, 30baah bei au na, knông klap au broih, leet 'bưn pơih huôih riêng wưt leq nhi ba, oh bi, mei ruh, mei, koon sau, pưng srei, pôl n'hai baak nhôp kơt, u baak rêh yoot yôw knông klap kươi. 31Dôh geh ơk bnih a bôôk a kươi but ptut, u bnih ptut a kươi but a bôôk.”#Mat 20:16; Lu 13:30.
Brah Jê-sus tơmbơh noor wưt pei u baak chhưt n'hai baak rêh kươi Pang ri.
(Ma-thi-ơ 20:17-19; Lu-ka 18:31-34)
32Brah Jê-sus u bơl jơrnơ plah a troong hao poh Jê-ru-sa-lem, Pang han noor bu. Bơl jơrnơ sot êêng aang, nha bơl bnih han n'hai nei n'hông. Pang kươi liêu êêng jmơt baar jơt jơng u lah aan bu ntil ơơn a kươi lôh tơt aan nơơm bu. 33Pang lah: “Au, bơl bơn hao poh Jê-ru-sa-lem, Koon Bnih a kươi dol ndơơp aan bơl yau thwaai ndap ttơơm u bơl yau gưt jhai. Bơl bu a kươi pơrkat lưm chhưt Bu, ja nei ndơơp aan raih agaih. 34Bu nday a kươi đam điêl Bu, chhoh brech lơ Bu, pơm sơmboong u lưm chhưt Bu; dôh rlach pei nar, Bu a kươi rêh kươi.”
Baak dơrnan Ja-kơ ri n'hai Jang
(Ma-thi-ơ 20:20-28)
35Baar koon klau Sê-bê-đê ri laa Ja-kơ u Jang lôh dơơh Brah Jê-sus u mor: “Ơi Yau, bơl hei ndưng Yau lơh tênh ntil bơl hei r'bon dan.” 36Pang ôp: “Bơl 'bei êch Hei lơh ơơn aan bơl 'bei?” 37Bu ơh: “Tơt Yau kươt chring chraang, dan aan baar du bơl hei di mbu kươt gôq mak ma, di mbu mak giêu Yau ri.” 38Dôh Brah Jê-sus lah: “Bơl 'bei 'bưn gưt ntil nơơm dan. Bơl 'bei awap ôn kươt tgaan Hei ôn, u dol kươt bap-tem Hei dol 'bưn?”#Lu 12:50. 39Bu ơh: “Ơ kươt!” Brah Jê-sus lah: “Bơl 'bei a kươi ôn tgaan Hei ôn, u a kươi dol bap-tem Hei dol. 40Dôh kaar gôq mak ma paich mak giêu Hei nei Hei 'bưn aan kươt, ktôk nei ơn jah bơl bnih ja kươt waat ơơm.”#10:40 S'bt: riêp snap.
41Ttang bei nei, jmơt jơt jơng a tôw hao nuih Ja-kơ u Jang. 42Brah Jê-sus khuôl bu lôh u lah: “Bơl 'bei gưt laah bơl bnih kươt tư lơh bnih kan ch'bap raih agaih nei kan bôôk raih bal; bơl kan ttih prêh huôih nei nhôq ch'bap baah kan bôôk.#Lu 22:25-26. 43Dôh lwah bơl 'bei nei 'bưn geh bei nei. Mat baah kươi, 'bơơn êch lơh ttih knông bơl 'bei nei phrui lơh dêch, 44Nha 'bơơn êch ta yoong a bôôk nei phrui lơh dêch aan jôm bnih.#Mat 23:11; Mak 9:35; Lu 22:26. 45Đươm Koon Bnih ja lôh, 'bưn geh jah kươt bu nday jraih kaar dôh jah jraih kaar, u piyơ sm'boh rêh nơơm lơh griêng kwaai aan ơk bnih.”
Brah Jê-sus tơmbah bnih tiah a Jê-ri-kô
(Ma-thi-ơ 20:29-34; Lu-ka 18:35-43)
46Brah Jê-sus u bơl jơrnơ lôh Jê-ri-kô. Tơt Pang pôl n'hai bơl jơrnơ u phung raih ơk lơơi rlach poh, geh di mbu tiah chhak laa Ba-ti-mê, koon klau Ti-mê, gôq dan sa a gêêng troong. 47Ttang mor au laa Brah Jê-sus bnih Na-sa-ret, bu khuôl mơh: “Smbah Brah Jê-sus, Koon snđach Đa-wit, dan gmaak hei!” 48Ơk bnih sngaanh bu, maanh phrui ơt rngơt, dôh bu dươn khuôl ttih huôih: “Smbah Koon snđach Đa-wit, dan gmaak hei!” 49Brah Jê-sus srung kươi u maanh: “Phrui khuôl bnih nei lôh u đau.” Bu khuôl bnih tiah u maanh: “Phrui jap chưt, ta yoong, Pang khuôl bu nei.” 50Bnih tiah jang teq ao ryoq, ta yoong lôh u Brah Jê-sus. 51Brah Jê-sus ôp: “'Bei êch Hei lơh ơơn aan 'bei?” Bu ơh: “Ơi Yau, dan aan hei kươt aang mat.” 52Pang lah: “Phrui han, chưt jơrnơ 'bei ja tơmbah 'bei.” Kơndaal bnih tiah kươt aang mat lơơi u han tênh Pang.
© 2024 Bible Society Vietnam. All rights reserved.
Mak 10
10
Kaar Brah Jê-sus ri tu Ju-đê u Jê-ru-sa-lem
(10:1 – 13:37)
Baak kaar teq lơơi
(Ma-thi-ơ 19:1-12; Lu-ka 16:18)
1A nei Brah Jê-sus han mưt kwaal Ju-đê [u kwaal]#10:1 [u kwaal]: Knông m'baak plơơp 'bian ti 'bưn geh pal sêr au. mak tôw daak glung Jô-đanh. Phung raih ơk kươi pơrgum rlum Pang, u bei ơp ndơq, Pang kne bu. 2Geh pal du Pha-ri-si lôh ôp jah tuul Pang: “Bơl klau geh kươt ch'bap teq lơơi sai ur 'bưn?” 3Pang ôp: “Môi-se ja tơmbơh tti bơl 'bei ntil ơơn?” 4Bu ơh: “Môi-se aan ch'bap bnih bơl klau 'bian kơrđaih ta teq ja nei mơ teq lơơi sai ur.” 5Brah Jê-sus lah: “Đươm teq u baak kraam chưt bơl 'bei ri baah Môi-se mơ 'bian sot ch'bap au. 6Dôh a bơh tơmbut, ‘Brah Ưn mbưt di mbu klau u di mbu dơur.’ 7‘Đươm rơ kheet nei baah bnih klau phrui lơơi mei bươp nơơm [u prơgap n'hai sai ur],#10:7 [u prơgap n'hai sai ur]: Knông m'baak plơơp 'bian ti 'bưn geh pal sêr au. 8u baar du but di mlơm chhak.’ Bei nei, ur sai 'bưn nh'hơơm laa baar hôm, baah dơơn laa mlơm chhak. 9Bei nei, koon bnih 'bưn kươt pơrgah bơl bnih baah Brah Ưn ja ta pơrgap.”
10Tơt gôq knông nhi, bơl jơrnơ kươi ôp Pang teq u baak kaar au; 11Pang lah: “Bnih êch teq lơơi sai ur jah kliêr bnih nday laa geh dôih ta tưr n'hai sai ur. 12Mơq dơur teq lơơi sai klau jah ta sai n'hai bnih nday nei kot geh dôih ta tưr.”#Mat 5:32; I Kô 7:10-11.
Brah Jê-sus ươn smlaang aan koon drêên
(Ma-thi-ơ 19:13-15; Lu-ka 18:15-17)
13Bu nday liêu koon drêên lôh u Brah Jê-sus jah kươt Pang dơih ti#10:13 S'bt: buut. lơ bu, dôh bơl jơrnơ sngaanh bu. 14Sau bei nei, Pang hao nuih u maanh bơl jơrnơ: “Phrui teq koon drêên lôh u Hei, khơơm pơrkhang bu, đươm nggoor Brah Ưn pơơn teq u bơl 'bơơn bei bơl koon drêên nei. 15A ngan, Hei lah bơl 'bei, 'bơơn 'bưn waak wơơt nggoor Brah Ưn bei di mbu koon drêên nei a kươi 'bưn mưt ktôk nei kươt.”#Mat 18:3. 16Ja nei Pang pư bơl koon drêên nei, dơih ti lơ bu u ươn smlaang aan bu.
Bnih dơlu khunh geh
(Ma-thi-ơ 19:16-30; Lu-ka 18:18-30)
17Tơt Brah Jê-sus mhei riêp han, geh di bu tơt, kơltut bôôk mat Pang u ôp: “Ơi Yau l'ut l'ok, hei phrui lơh ơơn jah kươt a dơơn baak rêh yoot yôw?” 18Brah Jê-sus ơh: “A hay 'bei khuôl Hei laa l'ut l'ok? Di gaaih Brah Ưn, 'bưn geh 'bơơn lah l'ut l'ok laang. 19'Bei gưt pal baak ch'bap: ‘Khơơm lưm bnih; khơơm geh dôih ta tưr; khơơm ttung lmuôich; khơơm lơh ndraanh lhiat; khơơm kơhok 'boor; phrui kôt nhôt mei bươp 'bei.’” 20Bnih nei lah: “Ơi Yau, hei ja lơh tênh jôm ntil nei a bơh dơk tih.” 21Brah Jê-sus mơq srlanh bu u lah: “'Bei nha khwaq di ntil. Phrui han, tach ntil ơơn nơơm geh u tacheq aan bnih l'ơơi nei 'bei a kươi geh nơm preh a lơ trôôk; ja nei phrui lôh tênh Hei.” 22Ttang bei nei, muh mat bu sot rmlơng đat, ja nei chhong rmlơng han du, đươm bu nei geh ơk đat griêng grau.
23Brah Jê-sus gleng mơq rlum ja nei lah n'hai bơl jơrnơ: “Bnih khunh mưt u nggoor Brah Ưn lah rngiêl gưt pal êch!” 24Bơl jơrnơ sot êêng aang teq u baak au. Dôh Brah Jê-sus kươi lah: “Ơi bơl 'bei, jah kươt mưt#10:24 jah kươt mưt: Knông m'baak plơơp 'bian ti laa dôh 'bơơn chkhôm rbưng teq u baak khunh geh jah kươt mưt. nggoor Brah Ưn bơm yoh rngiêl! 25Seh joong kôw mưt u trôôm nglaai nha snôk huôih bnih khunh mưt nggoor Brah Ưn.” 26Bơl jơrnơ bơm yoh êêng aang, mor tơrnang nơơm:#10:26 mor tơrnang nơơm: Knông m'baak plơơp 'bian ti laa mor n'hai Pang. “Bei nei 'bơơn awap kươt đoh?” 27Brah Jê-sus mơq bu u lah: “Koon bnih 'bưn geh lơh kươt kaar au, dôh teq u Brah Ưn nei êêng; đươm Brah Ưn lơh kươt jôm baak.”
28Phi-e-rơ lah drơh: “Ơi Yau, bơl hei ja dhot teq leq sêch baah tênh Yau.” 29Brah Jê-sus ơh: “A ngan, Hei lah bơl 'bei, 'bưn geh 'bơơn đươm Hei u Baak Sroong Klanh teq lơi nhi ba, oh bi, mei ruh, mei bươp, koon sau, pưng srei, 30baah bei au na, knông klap au broih, leet 'bưn pơih huôih riêng wưt leq nhi ba, oh bi, mei ruh, mei, koon sau, pưng srei, pôl n'hai baak nhôp kơt, u baak rêh yoot yôw knông klap kươi. 31Dôh geh ơk bnih a bôôk a kươi but ptut, u bnih ptut a kươi but a bôôk.”#Mat 20:16; Lu 13:30.
Brah Jê-sus tơmbơh noor wưt pei u baak chhưt n'hai baak rêh kươi Pang ri.
(Ma-thi-ơ 20:17-19; Lu-ka 18:31-34)
32Brah Jê-sus u bơl jơrnơ plah a troong hao poh Jê-ru-sa-lem, Pang han noor bu. Bơl jơrnơ sot êêng aang, nha bơl bnih han n'hai nei n'hông. Pang kươi liêu êêng jmơt baar jơt jơng u lah aan bu ntil ơơn a kươi lôh tơt aan nơơm bu. 33Pang lah: “Au, bơl bơn hao poh Jê-ru-sa-lem, Koon Bnih a kươi dol ndơơp aan bơl yau thwaai ndap ttơơm u bơl yau gưt jhai. Bơl bu a kươi pơrkat lưm chhưt Bu, ja nei ndơơp aan raih agaih. 34Bu nday a kươi đam điêl Bu, chhoh brech lơ Bu, pơm sơmboong u lưm chhưt Bu; dôh rlach pei nar, Bu a kươi rêh kươi.”
Baak dơrnan Ja-kơ ri n'hai Jang
(Ma-thi-ơ 20:20-28)
35Baar koon klau Sê-bê-đê ri laa Ja-kơ u Jang lôh dơơh Brah Jê-sus u mor: “Ơi Yau, bơl hei ndưng Yau lơh tênh ntil bơl hei r'bon dan.” 36Pang ôp: “Bơl 'bei êch Hei lơh ơơn aan bơl 'bei?” 37Bu ơh: “Tơt Yau kươt chring chraang, dan aan baar du bơl hei di mbu kươt gôq mak ma, di mbu mak giêu Yau ri.” 38Dôh Brah Jê-sus lah: “Bơl 'bei 'bưn gưt ntil nơơm dan. Bơl 'bei awap ôn kươt tgaan Hei ôn, u dol kươt bap-tem Hei dol 'bưn?”#Lu 12:50. 39Bu ơh: “Ơ kươt!” Brah Jê-sus lah: “Bơl 'bei a kươi ôn tgaan Hei ôn, u a kươi dol bap-tem Hei dol. 40Dôh kaar gôq mak ma paich mak giêu Hei nei Hei 'bưn aan kươt, ktôk nei ơn jah bơl bnih ja kươt waat ơơm.”#10:40 S'bt: riêp snap.
41Ttang bei nei, jmơt jơt jơng a tôw hao nuih Ja-kơ u Jang. 42Brah Jê-sus khuôl bu lôh u lah: “Bơl 'bei gưt laah bơl bnih kươt tư lơh bnih kan ch'bap raih agaih nei kan bôôk raih bal; bơl kan ttih prêh huôih nei nhôq ch'bap baah kan bôôk.#Lu 22:25-26. 43Dôh lwah bơl 'bei nei 'bưn geh bei nei. Mat baah kươi, 'bơơn êch lơh ttih knông bơl 'bei nei phrui lơh dêch, 44Nha 'bơơn êch ta yoong a bôôk nei phrui lơh dêch aan jôm bnih.#Mat 23:11; Mak 9:35; Lu 22:26. 45Đươm Koon Bnih ja lôh, 'bưn geh jah kươt bu nday jraih kaar dôh jah jraih kaar, u piyơ sm'boh rêh nơơm lơh griêng kwaai aan ơk bnih.”
Brah Jê-sus tơmbah bnih tiah a Jê-ri-kô
(Ma-thi-ơ 20:29-34; Lu-ka 18:35-43)
46Brah Jê-sus u bơl jơrnơ lôh Jê-ri-kô. Tơt Pang pôl n'hai bơl jơrnơ u phung raih ơk lơơi rlach poh, geh di mbu tiah chhak laa Ba-ti-mê, koon klau Ti-mê, gôq dan sa a gêêng troong. 47Ttang mor au laa Brah Jê-sus bnih Na-sa-ret, bu khuôl mơh: “Smbah Brah Jê-sus, Koon snđach Đa-wit, dan gmaak hei!” 48Ơk bnih sngaanh bu, maanh phrui ơt rngơt, dôh bu dươn khuôl ttih huôih: “Smbah Koon snđach Đa-wit, dan gmaak hei!” 49Brah Jê-sus srung kươi u maanh: “Phrui khuôl bnih nei lôh u đau.” Bu khuôl bnih tiah u maanh: “Phrui jap chưt, ta yoong, Pang khuôl bu nei.” 50Bnih tiah jang teq ao ryoq, ta yoong lôh u Brah Jê-sus. 51Brah Jê-sus ôp: “'Bei êch Hei lơh ơơn aan 'bei?” Bu ơh: “Ơi Yau, dan aan hei kươt aang mat.” 52Pang lah: “Phrui han, chưt jơrnơ 'bei ja tơmbah 'bei.” Kơndaal bnih tiah kươt aang mat lơơi u han tênh Pang.
© 2024 Bible Society Vietnam. All rights reserved.