Mak 8
8
Brah Jê-sus tơ krik nom wưt baar
(Ma-thi-ơ 15:32-39)
1Knông pal nar nei, kươi geh di phung raih ơk pơrgum u bu 'bưn geh pi ơơn jah sa, mơ Brah Jê-sus khuôl bơl jơrnơ lôh u maanh: 2“Hei gmaak phung raih au, đươm bu ja gôq n'hai Hei pei nar u bei au 'bưn geh pi ơơn jah sa ơơm. 3Mơq Hei teq bu siq pul nh'hit, ngan bu a kươi lơbai rgoq troong đươm knông bu geh m'baak bnih a pal ktôk ngngai lôh.” 4Bơl jơrnơ ơh laah: “Klung ktôk trenh sngat au, lơh bei êch baah geh joi sơp nom aan bu sa?” 5Pang ôp: “Bơl 'bei geh pal ơk nom?” Bu ơh: “Geh poh ơơk.” 6Pang tơmbơh aan phung raih gôq u teh; pơih poh ơơk nom, or gun, ja nei pak ndơơp aan bơl jơrnơ jah tacheq aan phung raih. 7Bơl jơrnơ kot geh pal pi ka dêq; Brah Jê-sus or gun, ja nei kot tơmbơh ơn tacheq bei nei. 8Jôm bnih kot sa bơm hơơm u bu pơrgum kươi kươt poh sah bêêng pal plơơp nom ngroh. 9Nak bnih sa tơmlai mbôông puôn ban du. Brah Jê-sus aan phung raih siq, 10nha Pang kơndaal jưr duuk pôl bơl bơl jơrnơ han tơt kwaal Đa-ma-nu-tha.
Dan chmlih chmleek a trôôk
(Ma-thi-ơ 16:1-4)
11Geh pal du Pha-ri-si lôh u ta rmhanh n'hai Pang, bu dan Pang di chmlih chmleek a trôôk jah tuul Pang.#Mat 12:38; Lu 11:16. 12Brah Jê-sus chhôôih knông chưt laah: “A hay klap au leet wơng joi chmlih chmleek? A ngan, Hei lah bơl 'bei, a kươi 'bưn geh di chmlih chmleek ơơn kươt ươn jah klap au.”#Mat 12:39; Lu 11:29. 13Ja nei Pang lơơi bu, plơq kươi duuk u han rlach mak tôw kơh.
Kenh bnih Pha-ri-si ri u kenh Hê-rôt ri
(Ma-thi-ơ 16:5-12)
14Bơl jơrnơ a wich liêu nom n'hai; knông duuk bu dơơn geh di mlơm nom ei. 15Pang pn'ak pn'am bu: “Phrui njrang u mơq nhjrang kenh bnih Pha-ri-si ri u kenh Hê-rôt ri.”#8:15 Hê-rôt: Knông m'baak plơơp 'bian ti laa tênh thap Hê-rôt.#Lu 12:1. 16Bơl jơrnơ pơrgênh ta n'hai: “Đươm ngan bơl bơn 'bưn geh nom.” 17Gưt ntil nei, Brah Jê-sus lah: “A hay bơl 'bei leet pơrgênh tơrnang nơơm teq u kaar bơl 'bei 'bưn geh nom? Bơl 'bei nha ndah gưt, ơơm? Chưt bơl 'bei nha kraam đat nggan? 18A hay bơl 'bei geh pi mat baah 'bưn sau? Geh tôr baah 'bưn iat? Bơl 'bei 'bưn gênh laang?#Mak 4:12. 19Khal Hei pak pram ơơk nom aan pram ban du, bơl 'bei pơrgum kươt pal êch sah bêêng nom ngroh?” Bu ơh: “Mơt baar sah.” 20“Nha khal Hei pak poh ơơk nom aan puôn ban du, bơl 'bei pơrgum kươt pal êch sah bêêng nom ngroh?” Bu ơh: “Poh sah.” 21Pang lah: “Bơl 'bei nha ndah gưt ơơm?”
Bnih tiah a Bêt-sai-đa
22Brah Jê-sus u bơl jơrnơ lôh poh dêq Bêt-sai-đa. Bu nday liêu aan Pang di mbu bnih tiah u dan jjuh Pang buut teq u bu. 23Pang dơp ti bnih tiah, têêk bu sot rlach poh dêq, lơơm daak kơrsoh lơ pi mat#8:23 S'bt: chhoh paich laa bruh lap mat bnih tiah. u dơih ti lơ bu, ja nei ôp: “'Bei geh sau pi ơơn 'bưn?” 24Bnih tiah ngơơk nggơơr ja nei ơh: “Hei sau bu nday, dôh mơq bu bei tơơm jhư, plah han mat han kươi.” 25Brah Jê-sus kươi dơih ti lơ pi mat bu; bu chmlam mơq, pi mat kươt tơmbah u bu sau srlah jôm griêng. 26Brah Jê-sus aan bu siq u pn'ak: “Khơơm plơq mưt knông poh dêq.”
Tơmbơh baak chôôl Phi-e-rơ ri
(Ma-thi-ơ 16:13-20; Lu-ka 9:18-21)
27Brah Jê-sus pôl bơl bơl jơrnơ han rlach nei, mưt pal poh dêq dơơh poh Sê-sa-rê Phi-lip. Rgoq troong, Pang ôp bơl jơrnơ laah: “Bu nday chôôl Hei laa 'bơơn?” 28Bu ơh: “Geh bnih nei chôôl Yau laa Jang Bap-tit; bnih nei chôôl laa Ê-li; bnih nday nei chôôl laa di mbu knông bơl grnưt noor.”#Mak 6:14-15; Lu 9:7-8. 29Pang ôp: “Nha bơl 'bei nei chôôl Hei laa 'bơơn?” Phi-e-rơ ơh laah: “Yau laa Yaang Krist.”#Ja 6:68-69. 30Brah Jê-sus tơmbơh aan bơl bơl jơrnơ 'bưn kươt chhuôr aan 'bơơn gưt teq u Pang.
Brah Jê-sus tơmbơh noor teq u baak chhưt n'hai rêh kươi Pang ri
(Ma-thi-ơ 16:21-28; Lu-ka 9:22-27)
31Bei au, Pang ptơơm kne bơl jơrnơ laah Koon Bnih phrui dol ơk ji rngiêl, phrui dol bơl raanh ttơơm, bơl yau thwaai ndap ttơơm u bơl yau gưt jhai teq lơơi, phrui dol lưm, dôh pei nar kươi rêh kươi. 32Pang lah srlah srlom kaar au n'hai bơl jơrnơ. Phi-e-rơ liêu Pang teq ktôk êêng, u sngaanh Pang. 33Dôh Brah Jê-sus wih kươi mơq bơl jơrnơ, u têh gmhaar Phi-e-rơ: “Ơi Sa-tan, phrui rônh sot mak kươi Hei, đươm 'bei 'bưn gênh tơt kaar Brah Ưn ri, dơơn gênh tơt kaar koon bnih.”
34Kơi nei, Pang khuôl phung raih u bơl jơrnơ lôh u mor: “Mơq 'bơơn êch tênh Hei, phrui thot lơi nơơm bơn na, tung chhư rglaang nơơm ri baah tênh Hei. #Mat 10:38; Lu 14:27. 35Đươm 'bơơn êch đoh sm'boh rêh nơơm nei a kươi saap, nha 'bơơn đươm Hei u Baak Sroong Klanh baah saap sm'boh rêh, nei a kươi kươt đoh sm'boh rêh nơơm.#Mat 10:39; Lu 17:33; Ja 12:25. 36Mơq di mbu 'bơơn geh leq swich teh baah saap wêêng yaang nơơm nei geh thlay ơơn? 37Bnih nei a kươi pơih ơơn baah gơl kươi wêêng yaang nơơm? 38Đươm mơq 'bơơn prêêng mat teq u Hei n'hai baak preh Hei knông klap jrôq jrơm dôih 'baap au, nei Koon Bnih a kươi kot prêêng mat teq u bu nei tơt Pang pôl n'hai bơl lênh brah jrah gôq lôh knông chring chraang Bươp Pang ri.”
© 2024 Bible Society Vietnam. All rights reserved.
Mak 8
8
Brah Jê-sus tơ krik nom wưt baar
(Ma-thi-ơ 15:32-39)
1Knông pal nar nei, kươi geh di phung raih ơk pơrgum u bu 'bưn geh pi ơơn jah sa, mơ Brah Jê-sus khuôl bơl jơrnơ lôh u maanh: 2“Hei gmaak phung raih au, đươm bu ja gôq n'hai Hei pei nar u bei au 'bưn geh pi ơơn jah sa ơơm. 3Mơq Hei teq bu siq pul nh'hit, ngan bu a kươi lơbai rgoq troong đươm knông bu geh m'baak bnih a pal ktôk ngngai lôh.” 4Bơl jơrnơ ơh laah: “Klung ktôk trenh sngat au, lơh bei êch baah geh joi sơp nom aan bu sa?” 5Pang ôp: “Bơl 'bei geh pal ơk nom?” Bu ơh: “Geh poh ơơk.” 6Pang tơmbơh aan phung raih gôq u teh; pơih poh ơơk nom, or gun, ja nei pak ndơơp aan bơl jơrnơ jah tacheq aan phung raih. 7Bơl jơrnơ kot geh pal pi ka dêq; Brah Jê-sus or gun, ja nei kot tơmbơh ơn tacheq bei nei. 8Jôm bnih kot sa bơm hơơm u bu pơrgum kươi kươt poh sah bêêng pal plơơp nom ngroh. 9Nak bnih sa tơmlai mbôông puôn ban du. Brah Jê-sus aan phung raih siq, 10nha Pang kơndaal jưr duuk pôl bơl bơl jơrnơ han tơt kwaal Đa-ma-nu-tha.
Dan chmlih chmleek a trôôk
(Ma-thi-ơ 16:1-4)
11Geh pal du Pha-ri-si lôh u ta rmhanh n'hai Pang, bu dan Pang di chmlih chmleek a trôôk jah tuul Pang.#Mat 12:38; Lu 11:16. 12Brah Jê-sus chhôôih knông chưt laah: “A hay klap au leet wơng joi chmlih chmleek? A ngan, Hei lah bơl 'bei, a kươi 'bưn geh di chmlih chmleek ơơn kươt ươn jah klap au.”#Mat 12:39; Lu 11:29. 13Ja nei Pang lơơi bu, plơq kươi duuk u han rlach mak tôw kơh.
Kenh bnih Pha-ri-si ri u kenh Hê-rôt ri
(Ma-thi-ơ 16:5-12)
14Bơl jơrnơ a wich liêu nom n'hai; knông duuk bu dơơn geh di mlơm nom ei. 15Pang pn'ak pn'am bu: “Phrui njrang u mơq nhjrang kenh bnih Pha-ri-si ri u kenh Hê-rôt ri.”#8:15 Hê-rôt: Knông m'baak plơơp 'bian ti laa tênh thap Hê-rôt.#Lu 12:1. 16Bơl jơrnơ pơrgênh ta n'hai: “Đươm ngan bơl bơn 'bưn geh nom.” 17Gưt ntil nei, Brah Jê-sus lah: “A hay bơl 'bei leet pơrgênh tơrnang nơơm teq u kaar bơl 'bei 'bưn geh nom? Bơl 'bei nha ndah gưt, ơơm? Chưt bơl 'bei nha kraam đat nggan? 18A hay bơl 'bei geh pi mat baah 'bưn sau? Geh tôr baah 'bưn iat? Bơl 'bei 'bưn gênh laang?#Mak 4:12. 19Khal Hei pak pram ơơk nom aan pram ban du, bơl 'bei pơrgum kươt pal êch sah bêêng nom ngroh?” Bu ơh: “Mơt baar sah.” 20“Nha khal Hei pak poh ơơk nom aan puôn ban du, bơl 'bei pơrgum kươt pal êch sah bêêng nom ngroh?” Bu ơh: “Poh sah.” 21Pang lah: “Bơl 'bei nha ndah gưt ơơm?”
Bnih tiah a Bêt-sai-đa
22Brah Jê-sus u bơl jơrnơ lôh poh dêq Bêt-sai-đa. Bu nday liêu aan Pang di mbu bnih tiah u dan jjuh Pang buut teq u bu. 23Pang dơp ti bnih tiah, têêk bu sot rlach poh dêq, lơơm daak kơrsoh lơ pi mat#8:23 S'bt: chhoh paich laa bruh lap mat bnih tiah. u dơih ti lơ bu, ja nei ôp: “'Bei geh sau pi ơơn 'bưn?” 24Bnih tiah ngơơk nggơơr ja nei ơh: “Hei sau bu nday, dôh mơq bu bei tơơm jhư, plah han mat han kươi.” 25Brah Jê-sus kươi dơih ti lơ pi mat bu; bu chmlam mơq, pi mat kươt tơmbah u bu sau srlah jôm griêng. 26Brah Jê-sus aan bu siq u pn'ak: “Khơơm plơq mưt knông poh dêq.”
Tơmbơh baak chôôl Phi-e-rơ ri
(Ma-thi-ơ 16:13-20; Lu-ka 9:18-21)
27Brah Jê-sus pôl bơl bơl jơrnơ han rlach nei, mưt pal poh dêq dơơh poh Sê-sa-rê Phi-lip. Rgoq troong, Pang ôp bơl jơrnơ laah: “Bu nday chôôl Hei laa 'bơơn?” 28Bu ơh: “Geh bnih nei chôôl Yau laa Jang Bap-tit; bnih nei chôôl laa Ê-li; bnih nday nei chôôl laa di mbu knông bơl grnưt noor.”#Mak 6:14-15; Lu 9:7-8. 29Pang ôp: “Nha bơl 'bei nei chôôl Hei laa 'bơơn?” Phi-e-rơ ơh laah: “Yau laa Yaang Krist.”#Ja 6:68-69. 30Brah Jê-sus tơmbơh aan bơl bơl jơrnơ 'bưn kươt chhuôr aan 'bơơn gưt teq u Pang.
Brah Jê-sus tơmbơh noor teq u baak chhưt n'hai rêh kươi Pang ri
(Ma-thi-ơ 16:21-28; Lu-ka 9:22-27)
31Bei au, Pang ptơơm kne bơl jơrnơ laah Koon Bnih phrui dol ơk ji rngiêl, phrui dol bơl raanh ttơơm, bơl yau thwaai ndap ttơơm u bơl yau gưt jhai teq lơơi, phrui dol lưm, dôh pei nar kươi rêh kươi. 32Pang lah srlah srlom kaar au n'hai bơl jơrnơ. Phi-e-rơ liêu Pang teq ktôk êêng, u sngaanh Pang. 33Dôh Brah Jê-sus wih kươi mơq bơl jơrnơ, u têh gmhaar Phi-e-rơ: “Ơi Sa-tan, phrui rônh sot mak kươi Hei, đươm 'bei 'bưn gênh tơt kaar Brah Ưn ri, dơơn gênh tơt kaar koon bnih.”
34Kơi nei, Pang khuôl phung raih u bơl jơrnơ lôh u mor: “Mơq 'bơơn êch tênh Hei, phrui thot lơi nơơm bơn na, tung chhư rglaang nơơm ri baah tênh Hei. #Mat 10:38; Lu 14:27. 35Đươm 'bơơn êch đoh sm'boh rêh nơơm nei a kươi saap, nha 'bơơn đươm Hei u Baak Sroong Klanh baah saap sm'boh rêh, nei a kươi kươt đoh sm'boh rêh nơơm.#Mat 10:39; Lu 17:33; Ja 12:25. 36Mơq di mbu 'bơơn geh leq swich teh baah saap wêêng yaang nơơm nei geh thlay ơơn? 37Bnih nei a kươi pơih ơơn baah gơl kươi wêêng yaang nơơm? 38Đươm mơq 'bơơn prêêng mat teq u Hei n'hai baak preh Hei knông klap jrôq jrơm dôih 'baap au, nei Koon Bnih a kươi kot prêêng mat teq u bu nei tơt Pang pôl n'hai bơl lênh brah jrah gôq lôh knông chring chraang Bươp Pang ri.”
© 2024 Bible Society Vietnam. All rights reserved.