Mak 7
7
Rao ti noor nang sôông
(Ma-thi-ơ 15:1-20)
1Bei au geh pal du Pha-ri-si u yau gưt jhai a poh Jê-ru-sa-lem lôh, pơrgum rlum Brah Jê-sus; 2bu sau mbu baar du jơrnơ Pang sôông sa dôh ti 'bưn jrah, rơih laa ndah rao ti. 3(Tênh rpach ơơm bnih khal hư ri, bnih Ju-đa u bơl Pha-ri-si mơq bu ndah rao ti nei bu 'bưn sôông sa; 4tơt siq a pơsaar, mơq ndah jhut rao bu kot 'bưn sa.#7:4 tơt siq a pơsaar... kot 'bưn sa: Paich laa griêng siq a pơsaar, mơq ndah rao, bu kot 'bưn sa. Bu kươi nha prap ơk ntil nday dơq bei rao tgaan beeng, kwah u pal griêng lơhc dơng đay). 5Nei mơ, bơl bnih Pha-ri-si u bơl yau gưt jhai ôp Pang: “A hay jơrnơ Yau 'bưn rêh tênh rpach ơơm bnih khal hư ri, khang teq ti jrơơk baah sôông sa bei nei?” 6Pang ơh: “Ê-sai ja mor grnưt noor teq u bơl pưl baar taap bơl 'bei, laa dip bei ja 'bian:
‘Raih au pơih wiêm baak jah tư đing Hei,
Dôh chưt bơl bu phơt ngngai Hei đat.
7Kaar bơl nei chuh th'bưn Hei laa 'bưn thlay,
Baak ch'bap bơl nei kne dơơn laa pal ch'bap koon bnih ri.’
8Bơl 'bei dhot baak ch'bap Brah Ưn ri baah prap baak kne ndơm koon bnih ri!”
9Pang kot lah n'hai bu: “Bơl 'bei jhai dhot baak ch'bap Brah Ưn ri jah prap pơih rpach ơơm nơơm ri! 10Đươm yau Môi-se ja mor: ‘Phrui kôt nhôt mei bươp 'bei’ u ‘'Bơơn pơđaai sa mei bươp nei phrui dol lưm chhưt’; 11dôh bơl 'bei leet maanh: ‘Mơq 'bơơn mor n'hai mei bươp laah ntil ơơn koon geh lơh jraih mei bươp laa Ko-ban’ (rơih laa griêng thwaai ja piyơ aan Brah Ưn). 12Bei nei bơl 'bei 'bưn aan ch'bap bnih nei lơh ơơn aan mei bươp hôm. 13Bei nei, bơl 'bei khom prap ơn rpach ơơm nơơm ri baah teq lơơi baak Brah Ưn. Bơl 'bei nha lơh ơk kaar nday rkhat bei nei.”
14Kơi nei, Pang khuôl phung raih lôh di wưt dơq u lah: “Leq sêch phrui iat Hei u gưt laah: 15'Bưn geh griêng ơơn a gaaih mưt klung koon bnih jah lơh jrơơk jrơơm bnih kươt; dôh ntil ơơn sot a klung koon bnih mơ lơh jrơơk jrơơm bnih.” 16[Mơq 'bơơn geh tôr jah iat, phrui iat!]#7:16 M'baak plơơp 'bian ti 'bưn geh ndroong 16. 17Tơt Pang ja mưt knông nhi u phơt ngngai phung raih hơơi, bơl jơrnơ ôp Pang teq u pn'geh ruk nei. 18Pang lah: “Bei nei bơl 'bei nha 'bưn gưt ơơm? Bơl 'bei 'bưn gưt laah 'bưn geh griêng ơơn a gaaih mưt jah lơh jrơơk jrơơm koon bnih kươt laang? 19Đươm griêng nei 'bưn mưt u chưt bnih, dôh mưt u pul, ja nei dol krôih sot ktôk kơndơp.” Bei nei, Pang êch mor laah jôm griêng sa kot jrah jriêp. 20Pang kươi lah: “Ntil ơơn sot a koon bnih mơ lơh jrơơk jrơơm koon bnih. 21Đươm a klung, a chưt bnih baah kơsot lôh pal gơrninh ap bei: jrôq jrơm, ttung lmuôich, lưm bnih, 22ta tưr, m'oh n'haan, ch'ươk ch'aak, lhiat lboor, rtơp rtaap, skiêr, ntơn baak, uôt nhjơơl, kmhênh kmhang. 23Leq sêch ơp ntil ap nei sot bơơh klung u lơh aan koon bnih jrơơk jrơơm.”
Chưt jơrnơ bnih dơur Ka-na-an ri
(Ma-thi-ơ 15:21-28)
24A nei, Brah Jê-sus han tơt kwaal poh Ti-rơ u poh Si-đôn. Pang mưt di nhi tôw u 'bưn ươn 'bơơn gưt nơơm bu a nei, dôh 'bưn geh pôn kươt. 25Di mbu dơur tôw geh koon ur dol wêêng 'bưn jrah rup, mhei ttang lah n'hai Pang, kơndaal lôh kơl tưt kôq tang a teh jơng Pang. 26Mei laa raih agaih,#7:26 raih agaih: Paich laa bnih Hi-lap. tơrgôq poh Si-rô-phê-ni-si. Mei dan Pang prơh chaak sot rlach a koon ur nơơm. 27Brah Jê-sus maanh mei: “Phrui teq aan koon sau sôông hơơm noor, đươm pơih nom koon sau ri baah jang aan sôw sa laa ntil 'bưn dip.” 28Dôh bu ơh laah: “Brah ơi, dip laa bei nei đêêl, dôh pal pi sôw a teh bliêng kot kươt sa pal plơơp nom kơn hach koon sau ri.” 29Pang lah: “'Bei siq ơơi, đươm baak 'bei mhei mor chaak ja sot rlach koon ur 'bei hơơi.” 30Siq tơt nhi, bu sau koon nơơm bu bêch lơ ndơl, u chaak ja sot rlach.
Brah Jê-sus tơmbah bnih têch
31Brah Jê-sus kươi lơơi kwaal poh Ti-rơ, han rloot poh Si-đôn r'bong tơt daak rmưt Ga-li-lê u lap kwaal Đê-ka-bô-lơ. 32Bu nday liêu lôh aan Pang mbu bnih têch u mor agơq, dan jjuh Pang dơih ti lơ bnih nei. 33Pang liêu bnih nei sot rlach phung ơk, dơih koon dong teq u baar ơơk tôr bu nei, u chhoh daak kơrsoh lơơm teq u lpiat bu nei. 34Ja nei Pang nggơơr mat lơ trôôk, n'hơm nhjoong u lah: “Ep-pha-ta!” rơih laa: “Phrui a pơơk!” 35Kơn dal tôr bnih nei kươt a pơơk, lpiat kươt rhơi, u bu nei mor srlah srlom. 36Brah Jê-sus maanh bu khơơm chhuôr kươi baak au n'hai 'bơơn, dôh Pang pơrkhang dươn, bu nday mor dươn. 37Jôm bnih kot bơm yoh êêng aang u mor: “Pang lơh jôm kaar klanh a ngan: Pang tak lơh bơl têch iat kươt, bnih kơrlôw mor kươt!”
© 2024 Bible Society Vietnam. All rights reserved.
Mak 7
7
Rao ti noor nang sôông
(Ma-thi-ơ 15:1-20)
1Bei au geh pal du Pha-ri-si u yau gưt jhai a poh Jê-ru-sa-lem lôh, pơrgum rlum Brah Jê-sus; 2bu sau mbu baar du jơrnơ Pang sôông sa dôh ti 'bưn jrah, rơih laa ndah rao ti. 3(Tênh rpach ơơm bnih khal hư ri, bnih Ju-đa u bơl Pha-ri-si mơq bu ndah rao ti nei bu 'bưn sôông sa; 4tơt siq a pơsaar, mơq ndah jhut rao bu kot 'bưn sa.#7:4 tơt siq a pơsaar... kot 'bưn sa: Paich laa griêng siq a pơsaar, mơq ndah rao, bu kot 'bưn sa. Bu kươi nha prap ơk ntil nday dơq bei rao tgaan beeng, kwah u pal griêng lơhc dơng đay). 5Nei mơ, bơl bnih Pha-ri-si u bơl yau gưt jhai ôp Pang: “A hay jơrnơ Yau 'bưn rêh tênh rpach ơơm bnih khal hư ri, khang teq ti jrơơk baah sôông sa bei nei?” 6Pang ơh: “Ê-sai ja mor grnưt noor teq u bơl pưl baar taap bơl 'bei, laa dip bei ja 'bian:
‘Raih au pơih wiêm baak jah tư đing Hei,
Dôh chưt bơl bu phơt ngngai Hei đat.
7Kaar bơl nei chuh th'bưn Hei laa 'bưn thlay,
Baak ch'bap bơl nei kne dơơn laa pal ch'bap koon bnih ri.’
8Bơl 'bei dhot baak ch'bap Brah Ưn ri baah prap baak kne ndơm koon bnih ri!”
9Pang kot lah n'hai bu: “Bơl 'bei jhai dhot baak ch'bap Brah Ưn ri jah prap pơih rpach ơơm nơơm ri! 10Đươm yau Môi-se ja mor: ‘Phrui kôt nhôt mei bươp 'bei’ u ‘'Bơơn pơđaai sa mei bươp nei phrui dol lưm chhưt’; 11dôh bơl 'bei leet maanh: ‘Mơq 'bơơn mor n'hai mei bươp laah ntil ơơn koon geh lơh jraih mei bươp laa Ko-ban’ (rơih laa griêng thwaai ja piyơ aan Brah Ưn). 12Bei nei bơl 'bei 'bưn aan ch'bap bnih nei lơh ơơn aan mei bươp hôm. 13Bei nei, bơl 'bei khom prap ơn rpach ơơm nơơm ri baah teq lơơi baak Brah Ưn. Bơl 'bei nha lơh ơk kaar nday rkhat bei nei.”
14Kơi nei, Pang khuôl phung raih lôh di wưt dơq u lah: “Leq sêch phrui iat Hei u gưt laah: 15'Bưn geh griêng ơơn a gaaih mưt klung koon bnih jah lơh jrơơk jrơơm bnih kươt; dôh ntil ơơn sot a klung koon bnih mơ lơh jrơơk jrơơm bnih.” 16[Mơq 'bơơn geh tôr jah iat, phrui iat!]#7:16 M'baak plơơp 'bian ti 'bưn geh ndroong 16. 17Tơt Pang ja mưt knông nhi u phơt ngngai phung raih hơơi, bơl jơrnơ ôp Pang teq u pn'geh ruk nei. 18Pang lah: “Bei nei bơl 'bei nha 'bưn gưt ơơm? Bơl 'bei 'bưn gưt laah 'bưn geh griêng ơơn a gaaih mưt jah lơh jrơơk jrơơm koon bnih kươt laang? 19Đươm griêng nei 'bưn mưt u chưt bnih, dôh mưt u pul, ja nei dol krôih sot ktôk kơndơp.” Bei nei, Pang êch mor laah jôm griêng sa kot jrah jriêp. 20Pang kươi lah: “Ntil ơơn sot a koon bnih mơ lơh jrơơk jrơơm koon bnih. 21Đươm a klung, a chưt bnih baah kơsot lôh pal gơrninh ap bei: jrôq jrơm, ttung lmuôich, lưm bnih, 22ta tưr, m'oh n'haan, ch'ươk ch'aak, lhiat lboor, rtơp rtaap, skiêr, ntơn baak, uôt nhjơơl, kmhênh kmhang. 23Leq sêch ơp ntil ap nei sot bơơh klung u lơh aan koon bnih jrơơk jrơơm.”
Chưt jơrnơ bnih dơur Ka-na-an ri
(Ma-thi-ơ 15:21-28)
24A nei, Brah Jê-sus han tơt kwaal poh Ti-rơ u poh Si-đôn. Pang mưt di nhi tôw u 'bưn ươn 'bơơn gưt nơơm bu a nei, dôh 'bưn geh pôn kươt. 25Di mbu dơur tôw geh koon ur dol wêêng 'bưn jrah rup, mhei ttang lah n'hai Pang, kơndaal lôh kơl tưt kôq tang a teh jơng Pang. 26Mei laa raih agaih,#7:26 raih agaih: Paich laa bnih Hi-lap. tơrgôq poh Si-rô-phê-ni-si. Mei dan Pang prơh chaak sot rlach a koon ur nơơm. 27Brah Jê-sus maanh mei: “Phrui teq aan koon sau sôông hơơm noor, đươm pơih nom koon sau ri baah jang aan sôw sa laa ntil 'bưn dip.” 28Dôh bu ơh laah: “Brah ơi, dip laa bei nei đêêl, dôh pal pi sôw a teh bliêng kot kươt sa pal plơơp nom kơn hach koon sau ri.” 29Pang lah: “'Bei siq ơơi, đươm baak 'bei mhei mor chaak ja sot rlach koon ur 'bei hơơi.” 30Siq tơt nhi, bu sau koon nơơm bu bêch lơ ndơl, u chaak ja sot rlach.
Brah Jê-sus tơmbah bnih têch
31Brah Jê-sus kươi lơơi kwaal poh Ti-rơ, han rloot poh Si-đôn r'bong tơt daak rmưt Ga-li-lê u lap kwaal Đê-ka-bô-lơ. 32Bu nday liêu lôh aan Pang mbu bnih têch u mor agơq, dan jjuh Pang dơih ti lơ bnih nei. 33Pang liêu bnih nei sot rlach phung ơk, dơih koon dong teq u baar ơơk tôr bu nei, u chhoh daak kơrsoh lơơm teq u lpiat bu nei. 34Ja nei Pang nggơơr mat lơ trôôk, n'hơm nhjoong u lah: “Ep-pha-ta!” rơih laa: “Phrui a pơơk!” 35Kơn dal tôr bnih nei kươt a pơơk, lpiat kươt rhơi, u bu nei mor srlah srlom. 36Brah Jê-sus maanh bu khơơm chhuôr kươi baak au n'hai 'bơơn, dôh Pang pơrkhang dươn, bu nday mor dươn. 37Jôm bnih kot bơm yoh êêng aang u mor: “Pang lơh jôm kaar klanh a ngan: Pang tak lơh bơl têch iat kươt, bnih kơrlôw mor kươt!”
© 2024 Bible Society Vietnam. All rights reserved.