Mak 6
6
Brah Jê-sus tu Na-sa-ret
(Ma-thi-ơ 13:53-58; Lu-ka 4:16-30)
1Brah Jê-sus lơơi ktôk nei, plơq siq ktôk lgơơch nơơm; bơl jơrnơ han tênh pôl. 2Tơt nar sa-'bat, Pang ptơơm kne knông nhi pơrgum. Ơk bnih iat Pang chhuôr nei êêng aang u mor: “Đươm a êch bu au geh kươt pal ntil nei? Baak gưt jhai bu nei kươt ươn laa pi ơơn? Lơh bei êch ti bu nei lơh kươt ơk kaar dang kmheng bei nei? 3'Bưn geh bu au laa bnih rak mon chhư, koon klau Ma-ri, bi Ja-kơ, Jô-sê, Ju-đe, u Si-môn nei laang? Bơl oh ur bu 'bưn geh plah gôq a au n'hai bơl bơn laang?” U bu trơnih đươm Pang. 4Dôh Brah Jê-sus lah: “Bơl grnưt noor 'bưn dol bu nday jam joot, dôh dol bơl phuch phung rung mbaang jam joot n'hai bơl knông ktôk deh, u nhi nak nơơm bơn na.”#Ja 4:44. 5A nei Pang 'bưn kươt lơh di kaar dang kmheng ơơn dơơn laa kươt dơih ti lơ di mbu baar du tanh ji u tơmbah aan bu. 6Pang êêng aang đươm chưt 'bưn jơ bu ri.
Ja nei Pang han chhuôr kne pal poh dêq dơơh nei.
Jmơt baar jơt jơng kươt maanh han
(Ma-thi-ơ 10:5-15; Lu-ka 9:1-6)
7Pang khuôl jmơt baar jơt jơng, ptơơm maanh han phaa ndrôp, u ươn bu ch'bap kmheng lơ wêêng 'bưn jrah. 8Pang tơmbơh aan bu tơt han troong, dơơn kan mlơm tong jra, khơơm liêu u ntil ơơn leq, 'bưn nom, 'bưn thong loom, 'bưn thong prak;#6:8 S'bt: prak jah knông chhei wơnh rglaang buq.#Lu 10:4-11. 9dơơn dook sroom, 'bưn dook ao baar.#6:9 ao: Di til ao ryoq geh chhei wơnh rglaang buq. 10Pang pn'ak bu: “Tơt bơl 'bei mưt di nhi êch, phrui khang gôq a nei aan tơt khal sot du. 11Mơq geh ktôk êch bu nday 'bưn wơơt u 'bưn iat bơl 'bei nei phrui han rlach nei, tơrpôih pưn druih a jơng bơl 'bei bei di ndraanh ta wal kươi bu.”#Kênh 13:51. 12Bei nei, bơl jơt jơng sot han, chhuôr laah jôm bnih phrui teq lơi dôih. 13Bơl bu ja prơh ơk chaak, lơơm pring u tơmbah ơk bnih pơrtanh.#Jak 5:14.
Hê-rôt lưm Jang Bap-tit
(Ma-thi-ơ 14:1-12; Lu-ka 9:7-9)
14Snđach Hê-rôt#6:14 Snđach Hê-rôt: Au lah snđach Hê-rôt An-ti-pa, kan bôôk Kwaal Ga-li-lê (mơq Ma-thi-ơ 2:1). ttang lah teq u Brah Jê-sus, đươm saak baak Pang ja kươt ơk bnih gưt tơt. M'baak bnih lah:#6:14 M'baak bnih lah: Knông m'baak plơơp 'bian ti laa Bu nei mor. “Jang Bap-tit a ktôk chhưt rêh kươi nei mơ lơh tênh kươt pal chmlih chmleek au.”#Mat 16:14; Mak 8:28; Lu 9:19. 15M'baak nday leet mor: “Nei laa Ê-li.” M'baak nday nha nei lah: “Nei laa grnưt noor, bei di mbu knông bơl grnưt noor klap khal hư.” 16Dôh tơt ttang bei nei, Hê-rôt lah: “Au laa nơơm Jang, bnih hei ja sreh bôôk, au rêh kươi.”
17Nak laa Hê-rôt ja maanh bnih nhôp Jang, kơt lơơi u groon knông khaam dươn kaar snđach ja kliêr Hê-rô-đia, sai ur Phi-lip oh snđach, lơh sai ur.#Lu 3:19-20. 18Đươm Jang kaang laah: “Snđach pơih sai oh nơơm ri jah lơh sai ur nei laa ntil tih ch'bap” 19Nei mơ Hê-rô-đia a kiêr Jang u êch lưm. Dôh bu 'bưn geh lưm kươt, 20đươm Hê-rôt n'hông Jang, gưt bu laa mbu bnih sêch song u jrah klanh, mơ nha roq bu. Snđach êch iat Jang mor, paich jôm wưt iat luôih chưt snđach kot sau rhơq rpơq. 21Tơt jơl ryơơng nar lgơơch, Hê-rôt lơh griêng sa kwaal bơl dêch tadơơh, bơl kơrnan lênh, u bơl bnih peh lư knông kwaal Ga-li-lê. 22Koon ur Hê-rô-đia mưt njroh rơm, lơh broh chưt Hê-rôt u bnach joq sa, mơ snđach lah n'hai dơur: “Phrui dan paich ntil ơơn koon êch, hei a kươi aan.” 23Snđach kươi daai: “Paich ntil ơơn 'bei dan, hei a kươi kot aan, paich laa di bôh nggoor hei ri.” 24Dơur han sot ôp mei: “Koon khom dan ntil ơơn?” Mei bu lah: “Bôôk Jang Bap-tit ri.” 25Kơndaal, dơur dil daal plơq mưt u ơh n'hai snđach: “Koon êch bôôk Jang Bap-tit dơih lơ thaail kơndaal bei au.” 26Snđach uôl chưt đat; dôh đươm ja daai u di mat bnach joq sa, snđach 'bưn êch teq baak ja daai. 27Snđach maanh drơh mbu lênh han u tơmbơh liêu bôôk Jang lôh. 28Bnih nei han teq u khaam paang bôôk Jang, ja nei teq bôôk lơ thaail u ndơơp aan dơur. Dơur ndơơp aan mei nơơm. 29Bơl jơrnơ Jang ri ttang baak nei, lôh pơih kơmôich bu, u rôôp knông rôông kmôôch.
Brah Jê-sus tơ krik nom a daak bôôk
(Ma-thi-ơ 14:13-21; Lu-ka 9:10-17; Jang 6:1-14)
30Bơl jơt jơng pơrgum rlum Brah Jê-sus, chhuôr tơmbơh n'hai Pang jôm kaar bu ja lơh u kne. 31Pang maanh bơl jơt jơng: “Bơl 'bei phrui han êng tơt ktôk sngat, rlu rlơk di rbôông.” Đươm bơl rloot mat rloot kươi ơk đat, mơ Pang u bơl jơt jơng 'bưn geh pơơn ja sôông. 32Bei nei, Pang n'hai bơl jơrnơ jưr duuk han tơt ktôk sngat. 33Ơk bnih sau nei gưt sot Brah Jê-sus u bơl jơrnơ mơ a jôm ktôk poh, bu tuôt jơng tênh u ja tơt ktôk nei noor. 34Mhei sot rlach duuk, Brah Jê-sus sau phung raih ơk nei gmaak bu, đươm bu bei bưr 'bưn geh bnih gwaal. Pang ptơơm kne bu ơk ntil.#Mat 9:36. 35Tơt trôôk teq u mau, bơl jơrnơ lôh ơh n'hai Pang: “Ktôk au rhông rhaang dôh trôôk ja mau hôm; 36dan Yau aan phung raih siq jah bu han mưt pal kwaal poh, poh bri ktôk dơơh jah pook griêng sa.” 37Dôh Pang maanh: “Nơơm bơl 'bei phrui aan bu sa.” Jơrnơ ơh laah: “Bơl hei phrui han pook tơt baar riêng đơ-ni-ê#6:37 Mơq baak rơih gôq Mat 18:28. nom aan bu sa neh?” 38Pang maanh: “Phrui han mơq bơl 'bei geh pal êch nom?” Di kươi mơq luôih, bơl jơrnơ ơh: “Geh pram ơơk nom u baar pi ka.” 39Pang maanh bơl jơrnơ gah phung raih gôq phaa phung lơ tơơm deh. 40Bu gôq u teh rêêng phung, phung di riêng, phung pram jơt. 41Brah Jê-sus pơih pram ơơk nom u baar pi ka, nggơơr mat u trôôk, or gun, ja nei pak nom u ndơơp aan bơl jơrnơ jah tacheq aan phung raih. Pang kot cheq baar pi ka aan jôm bnih. 42'Bơơn na kot sa bơm hơơm. 43Bu pơrgum kươi kươt jmơt baar sah bêêng pal bôh nom u pi ka ngroh. 44Nak bnih sa nom laa pram ban du.
Brah Jê-sus han lơ daak rmưt
(Ma-thi-ơ 14:22-23; Jang 6:15-21)
45Kơndaal kươi nei, Brah Jê-sus nôôl bơl jơrnơ jưr u duuk han noor rlach kơh mak tôw, r'bong teq u poh Bêt-sai-đa, plah nei Pang aan phung raih siq. 46Di kươi lơơi bu, Pang han hao bnơm jah r'bon dan. 47Tơt jơ ngôw, duuk a nggơl klung daak rmưt, nha Pang nei gôq mbu êêng lơ teh kơh. 48Pang sau bơl jơrnơ bla duuk bool hưl đươm chaal pơk mat jah kươi mơ tơt êch dơơh aang,#6:48 tơt êch dơơh aang: Tơmlai pei bêl tơt prau bêl aang. Mơq baak rơih gôq Mat 14:25. Pang han lơ daak rmưt baah lôh u bơl jơrnơ. Pang êch han rlach noor bơl bu. 49Dôh tơt sau Pang han lơ daak rmưt, bơl jơrnơ kơn ơơn laa chaak mơ troh, 50đươm leq sêch kot sau Pang u ring n'hông. Dôh Brah Jê-sus lah n'hai bu drơh: “Phrui un chưt, Hei au, khơơm n'hông!” 51Ja nei Pang chwaat hao lơ duuk u bơl jơrnơ, u chaal rngơt. Bu bơm yoh êêng aang, 52đươm 'bưn gưt rpach chmlih chmleek tơ krik nom, đươm chưt bu nha kraam.
Brah Jê-sus tơmbah tanh tu Gê-nê-sa-rêt
(Ma-thi-ơ 14:34-36)
53Tơt ja han rlach kơh mak tôw, Brah Jê-sus u bơl jơrnơ lôh kwaal Gê-nê-sa-rêt, kơt duuk tu nei. 54Mhei sot rlach duuk, phung raih gưt sot Pang drơh. 55Bu tuôt jôm kwaal, mơ ttang Pang a êch nei krôông krêêng bnih pơrtanh bêch lơ ndơl tơt nei. 56Paich ktôk êch Brah Jê-sus lôh, paich poh bri, poh mih paich ktôk kwaal poh, bu nday kot liêu bơl bnih pơrtanh dơih tu pal pơsaar, dan jjuh Pang dơơn aan bu kươt buut teq u bơr ao Pang ri; bơl 'bơơn ja buut tơt kot kươt baaq.
© 2024 Bible Society Vietnam. All rights reserved.
Mak 6
6
Brah Jê-sus tu Na-sa-ret
(Ma-thi-ơ 13:53-58; Lu-ka 4:16-30)
1Brah Jê-sus lơơi ktôk nei, plơq siq ktôk lgơơch nơơm; bơl jơrnơ han tênh pôl. 2Tơt nar sa-'bat, Pang ptơơm kne knông nhi pơrgum. Ơk bnih iat Pang chhuôr nei êêng aang u mor: “Đươm a êch bu au geh kươt pal ntil nei? Baak gưt jhai bu nei kươt ươn laa pi ơơn? Lơh bei êch ti bu nei lơh kươt ơk kaar dang kmheng bei nei? 3'Bưn geh bu au laa bnih rak mon chhư, koon klau Ma-ri, bi Ja-kơ, Jô-sê, Ju-đe, u Si-môn nei laang? Bơl oh ur bu 'bưn geh plah gôq a au n'hai bơl bơn laang?” U bu trơnih đươm Pang. 4Dôh Brah Jê-sus lah: “Bơl grnưt noor 'bưn dol bu nday jam joot, dôh dol bơl phuch phung rung mbaang jam joot n'hai bơl knông ktôk deh, u nhi nak nơơm bơn na.”#Ja 4:44. 5A nei Pang 'bưn kươt lơh di kaar dang kmheng ơơn dơơn laa kươt dơih ti lơ di mbu baar du tanh ji u tơmbah aan bu. 6Pang êêng aang đươm chưt 'bưn jơ bu ri.
Ja nei Pang han chhuôr kne pal poh dêq dơơh nei.
Jmơt baar jơt jơng kươt maanh han
(Ma-thi-ơ 10:5-15; Lu-ka 9:1-6)
7Pang khuôl jmơt baar jơt jơng, ptơơm maanh han phaa ndrôp, u ươn bu ch'bap kmheng lơ wêêng 'bưn jrah. 8Pang tơmbơh aan bu tơt han troong, dơơn kan mlơm tong jra, khơơm liêu u ntil ơơn leq, 'bưn nom, 'bưn thong loom, 'bưn thong prak;#6:8 S'bt: prak jah knông chhei wơnh rglaang buq.#Lu 10:4-11. 9dơơn dook sroom, 'bưn dook ao baar.#6:9 ao: Di til ao ryoq geh chhei wơnh rglaang buq. 10Pang pn'ak bu: “Tơt bơl 'bei mưt di nhi êch, phrui khang gôq a nei aan tơt khal sot du. 11Mơq geh ktôk êch bu nday 'bưn wơơt u 'bưn iat bơl 'bei nei phrui han rlach nei, tơrpôih pưn druih a jơng bơl 'bei bei di ndraanh ta wal kươi bu.”#Kênh 13:51. 12Bei nei, bơl jơt jơng sot han, chhuôr laah jôm bnih phrui teq lơi dôih. 13Bơl bu ja prơh ơk chaak, lơơm pring u tơmbah ơk bnih pơrtanh.#Jak 5:14.
Hê-rôt lưm Jang Bap-tit
(Ma-thi-ơ 14:1-12; Lu-ka 9:7-9)
14Snđach Hê-rôt#6:14 Snđach Hê-rôt: Au lah snđach Hê-rôt An-ti-pa, kan bôôk Kwaal Ga-li-lê (mơq Ma-thi-ơ 2:1). ttang lah teq u Brah Jê-sus, đươm saak baak Pang ja kươt ơk bnih gưt tơt. M'baak bnih lah:#6:14 M'baak bnih lah: Knông m'baak plơơp 'bian ti laa Bu nei mor. “Jang Bap-tit a ktôk chhưt rêh kươi nei mơ lơh tênh kươt pal chmlih chmleek au.”#Mat 16:14; Mak 8:28; Lu 9:19. 15M'baak nday leet mor: “Nei laa Ê-li.” M'baak nday nha nei lah: “Nei laa grnưt noor, bei di mbu knông bơl grnưt noor klap khal hư.” 16Dôh tơt ttang bei nei, Hê-rôt lah: “Au laa nơơm Jang, bnih hei ja sreh bôôk, au rêh kươi.”
17Nak laa Hê-rôt ja maanh bnih nhôp Jang, kơt lơơi u groon knông khaam dươn kaar snđach ja kliêr Hê-rô-đia, sai ur Phi-lip oh snđach, lơh sai ur.#Lu 3:19-20. 18Đươm Jang kaang laah: “Snđach pơih sai oh nơơm ri jah lơh sai ur nei laa ntil tih ch'bap” 19Nei mơ Hê-rô-đia a kiêr Jang u êch lưm. Dôh bu 'bưn geh lưm kươt, 20đươm Hê-rôt n'hông Jang, gưt bu laa mbu bnih sêch song u jrah klanh, mơ nha roq bu. Snđach êch iat Jang mor, paich jôm wưt iat luôih chưt snđach kot sau rhơq rpơq. 21Tơt jơl ryơơng nar lgơơch, Hê-rôt lơh griêng sa kwaal bơl dêch tadơơh, bơl kơrnan lênh, u bơl bnih peh lư knông kwaal Ga-li-lê. 22Koon ur Hê-rô-đia mưt njroh rơm, lơh broh chưt Hê-rôt u bnach joq sa, mơ snđach lah n'hai dơur: “Phrui dan paich ntil ơơn koon êch, hei a kươi aan.” 23Snđach kươi daai: “Paich ntil ơơn 'bei dan, hei a kươi kot aan, paich laa di bôh nggoor hei ri.” 24Dơur han sot ôp mei: “Koon khom dan ntil ơơn?” Mei bu lah: “Bôôk Jang Bap-tit ri.” 25Kơndaal, dơur dil daal plơq mưt u ơh n'hai snđach: “Koon êch bôôk Jang Bap-tit dơih lơ thaail kơndaal bei au.” 26Snđach uôl chưt đat; dôh đươm ja daai u di mat bnach joq sa, snđach 'bưn êch teq baak ja daai. 27Snđach maanh drơh mbu lênh han u tơmbơh liêu bôôk Jang lôh. 28Bnih nei han teq u khaam paang bôôk Jang, ja nei teq bôôk lơ thaail u ndơơp aan dơur. Dơur ndơơp aan mei nơơm. 29Bơl jơrnơ Jang ri ttang baak nei, lôh pơih kơmôich bu, u rôôp knông rôông kmôôch.
Brah Jê-sus tơ krik nom a daak bôôk
(Ma-thi-ơ 14:13-21; Lu-ka 9:10-17; Jang 6:1-14)
30Bơl jơt jơng pơrgum rlum Brah Jê-sus, chhuôr tơmbơh n'hai Pang jôm kaar bu ja lơh u kne. 31Pang maanh bơl jơt jơng: “Bơl 'bei phrui han êng tơt ktôk sngat, rlu rlơk di rbôông.” Đươm bơl rloot mat rloot kươi ơk đat, mơ Pang u bơl jơt jơng 'bưn geh pơơn ja sôông. 32Bei nei, Pang n'hai bơl jơrnơ jưr duuk han tơt ktôk sngat. 33Ơk bnih sau nei gưt sot Brah Jê-sus u bơl jơrnơ mơ a jôm ktôk poh, bu tuôt jơng tênh u ja tơt ktôk nei noor. 34Mhei sot rlach duuk, Brah Jê-sus sau phung raih ơk nei gmaak bu, đươm bu bei bưr 'bưn geh bnih gwaal. Pang ptơơm kne bu ơk ntil.#Mat 9:36. 35Tơt trôôk teq u mau, bơl jơrnơ lôh ơh n'hai Pang: “Ktôk au rhông rhaang dôh trôôk ja mau hôm; 36dan Yau aan phung raih siq jah bu han mưt pal kwaal poh, poh bri ktôk dơơh jah pook griêng sa.” 37Dôh Pang maanh: “Nơơm bơl 'bei phrui aan bu sa.” Jơrnơ ơh laah: “Bơl hei phrui han pook tơt baar riêng đơ-ni-ê#6:37 Mơq baak rơih gôq Mat 18:28. nom aan bu sa neh?” 38Pang maanh: “Phrui han mơq bơl 'bei geh pal êch nom?” Di kươi mơq luôih, bơl jơrnơ ơh: “Geh pram ơơk nom u baar pi ka.” 39Pang maanh bơl jơrnơ gah phung raih gôq phaa phung lơ tơơm deh. 40Bu gôq u teh rêêng phung, phung di riêng, phung pram jơt. 41Brah Jê-sus pơih pram ơơk nom u baar pi ka, nggơơr mat u trôôk, or gun, ja nei pak nom u ndơơp aan bơl jơrnơ jah tacheq aan phung raih. Pang kot cheq baar pi ka aan jôm bnih. 42'Bơơn na kot sa bơm hơơm. 43Bu pơrgum kươi kươt jmơt baar sah bêêng pal bôh nom u pi ka ngroh. 44Nak bnih sa nom laa pram ban du.
Brah Jê-sus han lơ daak rmưt
(Ma-thi-ơ 14:22-23; Jang 6:15-21)
45Kơndaal kươi nei, Brah Jê-sus nôôl bơl jơrnơ jưr u duuk han noor rlach kơh mak tôw, r'bong teq u poh Bêt-sai-đa, plah nei Pang aan phung raih siq. 46Di kươi lơơi bu, Pang han hao bnơm jah r'bon dan. 47Tơt jơ ngôw, duuk a nggơl klung daak rmưt, nha Pang nei gôq mbu êêng lơ teh kơh. 48Pang sau bơl jơrnơ bla duuk bool hưl đươm chaal pơk mat jah kươi mơ tơt êch dơơh aang,#6:48 tơt êch dơơh aang: Tơmlai pei bêl tơt prau bêl aang. Mơq baak rơih gôq Mat 14:25. Pang han lơ daak rmưt baah lôh u bơl jơrnơ. Pang êch han rlach noor bơl bu. 49Dôh tơt sau Pang han lơ daak rmưt, bơl jơrnơ kơn ơơn laa chaak mơ troh, 50đươm leq sêch kot sau Pang u ring n'hông. Dôh Brah Jê-sus lah n'hai bu drơh: “Phrui un chưt, Hei au, khơơm n'hông!” 51Ja nei Pang chwaat hao lơ duuk u bơl jơrnơ, u chaal rngơt. Bu bơm yoh êêng aang, 52đươm 'bưn gưt rpach chmlih chmleek tơ krik nom, đươm chưt bu nha kraam.
Brah Jê-sus tơmbah tanh tu Gê-nê-sa-rêt
(Ma-thi-ơ 14:34-36)
53Tơt ja han rlach kơh mak tôw, Brah Jê-sus u bơl jơrnơ lôh kwaal Gê-nê-sa-rêt, kơt duuk tu nei. 54Mhei sot rlach duuk, phung raih gưt sot Pang drơh. 55Bu tuôt jôm kwaal, mơ ttang Pang a êch nei krôông krêêng bnih pơrtanh bêch lơ ndơl tơt nei. 56Paich ktôk êch Brah Jê-sus lôh, paich poh bri, poh mih paich ktôk kwaal poh, bu nday kot liêu bơl bnih pơrtanh dơih tu pal pơsaar, dan jjuh Pang dơơn aan bu kươt buut teq u bơr ao Pang ri; bơl 'bơơn ja buut tơt kot kươt baaq.
© 2024 Bible Society Vietnam. All rights reserved.