Mak 5
5
Bnih dol chaak rup a Jê-ra-sê
(Ma-thi-ơ 8:28-34; Lu-ka 8:26-39)
1Brah Jê-sus n'hai bơl jơrnơ han rlach mak tôw kơh daak rmưt, knông kwaal Jê-ra-sê. 2Tơt Pang chwaat sot rlach duuk, kơndaal geh di mbu bnih dol wêêng 'bưn jrah rup a ktôk kmôôch tuôt lôh bôôk mat Pang. 3Bnih au rêh klung pal kmôôch kchhaach, paich nhôq chhei chrwak kơt kot 'bưn geh 'bơơn dơp bu nei kươt. 4Ơk wưt dol tkong jơng, kơt ti, dôh bu nei kot pak chrwak doh tkong, 'bưn geh 'bơơn sơp kmlang jah ndim kươt. 5Leq mang dang nar bu nei khang han trlêêng trlaih leq kmôôch kchhaach au tơt yôq bnơm, troh rôw, ja nei pơih tmau pơm k'ung chhak nơơm. 6Tơt sau Brah Jê-sus a ngngai, bu nei raan tơt, kun saak di mat Pang 7u khuôl: “Smbah Jê-sus, Koon Brah Ưn Prêh Huôih, hei geh ta dơơh ơơn n'hai Ay? Tơmoh chhak Brah Ưn hei dan Ay khơơm lơh rngiêl hei.” 8Đươm Brah Jê-sus mhei lah: “Ơi wêêng 'bưn jrah, phrui sot rlach bnih au.” 9Hươi Pang kươi ôp: “'Bei chhak ơơn?” Wêêng 'bưn jrah ơh: “Chhak hei laa ‘Lênh Phung’#5:9 Lênh Phung: Di mbaan lênh Rô-ma tơmlai 5.000-6.000 bnih. đươm bơl hei ơk đat.” 10Wêêng 'bưn jrah kươi dan jjuh Pang khơơm prơh bơl bu sot rlach kwaal nei. 11Bei au geh di phung sôr ơk đat plah chha lơ bơr sing bnơm. 12Bơl wêêng 'bưn jrah dan jjuh: “Dan Ay ươn bơl hei rup teq u phung sôr tôw.” Nei Brah Jê-sus aan ch'bap. 13Bơl wêêng 'bưn jrah sot rlach bnih nei u mưt rup teq phung sôr. Di phung tơmlai baar ban koon, a kơh sing jưr jroh daak rmưt u chhưt a buk knông nei.
14Bơl bnih gwaal sôr tuôt kup u lư baak nei jôm poh, tôk poh; phung raih han raan jah mơq ntil ơơn ja lôh tơt. 15Tơt lôh ktôk Brah Jê-sus, bu sau bnih ja dol chaak “Lênh Phung” rup plah gôq nei, dook khôw ao u chưt gơrninh ngan đươm nei bu n'hông đat. 16Bơl bnih ja ndraanh sau baak kaar krơơ aan bu ttang baak ơơn ja lôh tơt aan bnih dol wêêng 'bưn jrah rup u phung sôr. 17Bu dan jjuh Pang du rlach kwaal nơơm bu.
18Tơt Pang jưr duuk, bnih ơơm dol chaak rup dơơh dan han tênh Pang. 19Dôh Brah Jê-sus 'bưn ơn u maanh: “Phrui siq u nhi, lôh u bơl bnih tadơơh n'hai krơơ kươi aan bu pal ntil ttih mưn Brah ja lơh aan 'bei, n'hai Pang ja gmaak 'bei bei êch.” 20Bnih nei han jôm kwaal Đê-ka-bô-lơ#5:20 Đê-ka-bô-lơ: Rơih laa “Mơt Poh.” krơơ kươi pal ntil ttih mưn Brah Jê-sus ja lơh aan nơơm bu; 'bơơn na kot êêng aang.
Koon ur Jai-ru u bnih dơur dol ruung mhaam
(Ma-thi-ơ 9:18-26; Lu-ka 8:40-56)
21Brah Jê-sus kươi [jưr duuk]#5:21 [jưr duuk]: Knông m'baak plơơp 'bian ti 'bưn geh pal sêr au. chơloong rlach kơh mak tôw. Di phung bnih ơk đat pơrgum rlum plah Pang nha a mak kơh daak rmưt. 22Bei au, geh di mbu knông bơl yau kan bôôk nhi pơrgum chôôl chhak laa Jai-ru lôh. Tơt sau Brah Jê-sus, bu kơl tưt kôq tang a teh jơng Pang, 23dan jjuh laah: “Koon ur dêq hei ri êch dơơh chhưt. Dan Yau han lôh u dơih ti lơ drêên, jah bu kươt tơmbah u rêh.” 24Brah Jê-sus han n'hai Jai-ru. Di phung bnih ơk đat han tênh u jhoon điat Pang. 25Knông nak nei geh di mbu dơur dol ruung mhaam ja jmơt baar snam hơơi. 26N'au 'bau bu ja kro rngiêl knông ti ơk yau kơrya, wach leq prak kaih griêng grau, dôh pơrtanh 'bưn dơn baah nar dươn jjơk dươn. 27Bu ja ttang mor teq u Brah Jê-sus mơ pileng mưt klung phung ơk, lôh a mak kươi Pang n'hai buut teq u ao Pang. 28Đươm bu gênh êêng: “Dơơn chkhôm buut kươt ao Pang, nei hei a kươi kươt baaq.” 29Kơndaal, mhaam 'bưn ruung hôm. Bu gưt kơndaal laah nơơm ja kươt baaq. 30Brah Jê-sus grnưt drơh geh di dang kmheng m'ei sot a Pang mơ Pang wih teq u maq phung ơk u ôp: “'Bơơn ja buut teq u ao Hei?” 31Bơl jơrnơ ơh: “Yau sau phung ơk jhiat Yau, a hay Yau nha ôp: ‘'Bơơn buut tơt Hei?’” 32Pang mơq rlum jah mơq 'bơơn ja lơh ntil nei. 33Mei dơur gưt ntil ơơn ja lôh tơt aan nơơm mơ n'hông n'hing, lôh kơl tưt kôq tang a teh jơng Pang u tơmbơh leq sêch baak ngan n'hai Pang. 34Brah Jê-sus lah: “Ơi koon ur hei, chưt jơrnơ 'bei ri ja đoh 'bei; phrui han sroong boong u kươt baaq pơrtanh.”
35Jơl knông Pang nha mor, geh bnih a nhi yau kan bôôk nhi pơrgum lôh tơmbơh ay: “Koon ur 'bei chhưt hơơi. A hay tơmbool Yau hôm?” 36'Bưn chmlam#5:36 'Bưn chmlam: Knông m'baak plơơp 'bian ti laa Tơt ttang. tơt pal baak nei, Brah Jê-sus maanh yau kan bôôk nhi pơrgum: “Khơơm n'hông, dơơn jơ chơơi.” 37Pang 'bưn aan 'bơơn tênh nơơm bu dơơn geh Phi-e-rơ, Ja-kơ u Jang, oh Ja-kơ. 38Tơt nhi Jai-ru, sau jôm bnih plah lơh wưu wao, bơl nhim bnih ngliêng khưt khưng, 39Pang chwaat mưt nhi u mor n'hai bu: “A hay bơl 'bei lơh krưsik u nhim ngliêng bei nei? 'Bưn geh koon drêên chhưt laang, dôh bu nha bêch song.” 40Bơl bu gươm đam Pang. Pang prơh jôm bnih sot gaaih, ja nei liêu mei bươp koon drêên n'hai pei jơrnơ han tơt ktôk koon drêên plah bêch. 41Pang dơp ti koon drêên u lah: “Ta-li-tha-kum;” rơih laa: “Au koon ur, Hei maanh koon phrui kah kơơt.” 42Kơndaal koon ur kah kơơt u chwaat han, đươm bu kươt jmơt baar snam hơơi. Jôm bnih kot êêng aang. 43Pang rôn baak maanh aan bu 'bưn kươt aan 'bơơn gưt kaar au, u maanh bu aan koon drêên sa.
© 2024 Bible Society Vietnam. All rights reserved.
Mak 5
5
Bnih dol chaak rup a Jê-ra-sê
(Ma-thi-ơ 8:28-34; Lu-ka 8:26-39)
1Brah Jê-sus n'hai bơl jơrnơ han rlach mak tôw kơh daak rmưt, knông kwaal Jê-ra-sê. 2Tơt Pang chwaat sot rlach duuk, kơndaal geh di mbu bnih dol wêêng 'bưn jrah rup a ktôk kmôôch tuôt lôh bôôk mat Pang. 3Bnih au rêh klung pal kmôôch kchhaach, paich nhôq chhei chrwak kơt kot 'bưn geh 'bơơn dơp bu nei kươt. 4Ơk wưt dol tkong jơng, kơt ti, dôh bu nei kot pak chrwak doh tkong, 'bưn geh 'bơơn sơp kmlang jah ndim kươt. 5Leq mang dang nar bu nei khang han trlêêng trlaih leq kmôôch kchhaach au tơt yôq bnơm, troh rôw, ja nei pơih tmau pơm k'ung chhak nơơm. 6Tơt sau Brah Jê-sus a ngngai, bu nei raan tơt, kun saak di mat Pang 7u khuôl: “Smbah Jê-sus, Koon Brah Ưn Prêh Huôih, hei geh ta dơơh ơơn n'hai Ay? Tơmoh chhak Brah Ưn hei dan Ay khơơm lơh rngiêl hei.” 8Đươm Brah Jê-sus mhei lah: “Ơi wêêng 'bưn jrah, phrui sot rlach bnih au.” 9Hươi Pang kươi ôp: “'Bei chhak ơơn?” Wêêng 'bưn jrah ơh: “Chhak hei laa ‘Lênh Phung’#5:9 Lênh Phung: Di mbaan lênh Rô-ma tơmlai 5.000-6.000 bnih. đươm bơl hei ơk đat.” 10Wêêng 'bưn jrah kươi dan jjuh Pang khơơm prơh bơl bu sot rlach kwaal nei. 11Bei au geh di phung sôr ơk đat plah chha lơ bơr sing bnơm. 12Bơl wêêng 'bưn jrah dan jjuh: “Dan Ay ươn bơl hei rup teq u phung sôr tôw.” Nei Brah Jê-sus aan ch'bap. 13Bơl wêêng 'bưn jrah sot rlach bnih nei u mưt rup teq phung sôr. Di phung tơmlai baar ban koon, a kơh sing jưr jroh daak rmưt u chhưt a buk knông nei.
14Bơl bnih gwaal sôr tuôt kup u lư baak nei jôm poh, tôk poh; phung raih han raan jah mơq ntil ơơn ja lôh tơt. 15Tơt lôh ktôk Brah Jê-sus, bu sau bnih ja dol chaak “Lênh Phung” rup plah gôq nei, dook khôw ao u chưt gơrninh ngan đươm nei bu n'hông đat. 16Bơl bnih ja ndraanh sau baak kaar krơơ aan bu ttang baak ơơn ja lôh tơt aan bnih dol wêêng 'bưn jrah rup u phung sôr. 17Bu dan jjuh Pang du rlach kwaal nơơm bu.
18Tơt Pang jưr duuk, bnih ơơm dol chaak rup dơơh dan han tênh Pang. 19Dôh Brah Jê-sus 'bưn ơn u maanh: “Phrui siq u nhi, lôh u bơl bnih tadơơh n'hai krơơ kươi aan bu pal ntil ttih mưn Brah ja lơh aan 'bei, n'hai Pang ja gmaak 'bei bei êch.” 20Bnih nei han jôm kwaal Đê-ka-bô-lơ#5:20 Đê-ka-bô-lơ: Rơih laa “Mơt Poh.” krơơ kươi pal ntil ttih mưn Brah Jê-sus ja lơh aan nơơm bu; 'bơơn na kot êêng aang.
Koon ur Jai-ru u bnih dơur dol ruung mhaam
(Ma-thi-ơ 9:18-26; Lu-ka 8:40-56)
21Brah Jê-sus kươi [jưr duuk]#5:21 [jưr duuk]: Knông m'baak plơơp 'bian ti 'bưn geh pal sêr au. chơloong rlach kơh mak tôw. Di phung bnih ơk đat pơrgum rlum plah Pang nha a mak kơh daak rmưt. 22Bei au, geh di mbu knông bơl yau kan bôôk nhi pơrgum chôôl chhak laa Jai-ru lôh. Tơt sau Brah Jê-sus, bu kơl tưt kôq tang a teh jơng Pang, 23dan jjuh laah: “Koon ur dêq hei ri êch dơơh chhưt. Dan Yau han lôh u dơih ti lơ drêên, jah bu kươt tơmbah u rêh.” 24Brah Jê-sus han n'hai Jai-ru. Di phung bnih ơk đat han tênh u jhoon điat Pang. 25Knông nak nei geh di mbu dơur dol ruung mhaam ja jmơt baar snam hơơi. 26N'au 'bau bu ja kro rngiêl knông ti ơk yau kơrya, wach leq prak kaih griêng grau, dôh pơrtanh 'bưn dơn baah nar dươn jjơk dươn. 27Bu ja ttang mor teq u Brah Jê-sus mơ pileng mưt klung phung ơk, lôh a mak kươi Pang n'hai buut teq u ao Pang. 28Đươm bu gênh êêng: “Dơơn chkhôm buut kươt ao Pang, nei hei a kươi kươt baaq.” 29Kơndaal, mhaam 'bưn ruung hôm. Bu gưt kơndaal laah nơơm ja kươt baaq. 30Brah Jê-sus grnưt drơh geh di dang kmheng m'ei sot a Pang mơ Pang wih teq u maq phung ơk u ôp: “'Bơơn ja buut teq u ao Hei?” 31Bơl jơrnơ ơh: “Yau sau phung ơk jhiat Yau, a hay Yau nha ôp: ‘'Bơơn buut tơt Hei?’” 32Pang mơq rlum jah mơq 'bơơn ja lơh ntil nei. 33Mei dơur gưt ntil ơơn ja lôh tơt aan nơơm mơ n'hông n'hing, lôh kơl tưt kôq tang a teh jơng Pang u tơmbơh leq sêch baak ngan n'hai Pang. 34Brah Jê-sus lah: “Ơi koon ur hei, chưt jơrnơ 'bei ri ja đoh 'bei; phrui han sroong boong u kươt baaq pơrtanh.”
35Jơl knông Pang nha mor, geh bnih a nhi yau kan bôôk nhi pơrgum lôh tơmbơh ay: “Koon ur 'bei chhưt hơơi. A hay tơmbool Yau hôm?” 36'Bưn chmlam#5:36 'Bưn chmlam: Knông m'baak plơơp 'bian ti laa Tơt ttang. tơt pal baak nei, Brah Jê-sus maanh yau kan bôôk nhi pơrgum: “Khơơm n'hông, dơơn jơ chơơi.” 37Pang 'bưn aan 'bơơn tênh nơơm bu dơơn geh Phi-e-rơ, Ja-kơ u Jang, oh Ja-kơ. 38Tơt nhi Jai-ru, sau jôm bnih plah lơh wưu wao, bơl nhim bnih ngliêng khưt khưng, 39Pang chwaat mưt nhi u mor n'hai bu: “A hay bơl 'bei lơh krưsik u nhim ngliêng bei nei? 'Bưn geh koon drêên chhưt laang, dôh bu nha bêch song.” 40Bơl bu gươm đam Pang. Pang prơh jôm bnih sot gaaih, ja nei liêu mei bươp koon drêên n'hai pei jơrnơ han tơt ktôk koon drêên plah bêch. 41Pang dơp ti koon drêên u lah: “Ta-li-tha-kum;” rơih laa: “Au koon ur, Hei maanh koon phrui kah kơơt.” 42Kơndaal koon ur kah kơơt u chwaat han, đươm bu kươt jmơt baar snam hơơi. Jôm bnih kot êêng aang. 43Pang rôn baak maanh aan bu 'bưn kươt aan 'bơơn gưt kaar au, u maanh bu aan koon drêên sa.
© 2024 Bible Society Vietnam. All rights reserved.