Mak 11
11
Brah Jê-sus mưt poh Jê-ru-sa-lem
(Ma-thi-ơ 21:1-11; Lu-ka 19:28-40; Jang 12:12-19)
1Tơt lôh dơơh poh Jê-ru-sa-lem, gêêng poh dêq Bêt-pha-jê u Bê-tha-ni, rloot bnơm Ô-liu, Brah Jê-sus maanh baar du jơrnơ han, 2u maanh: “Phrui han mưt u poh dêq rdang, mhei mưt u nei bơl 'bei a kươi sau kơndaal di mlơm seh kroih koon ndah 'bơơn jih, plah kơt ơơm a nei. Phrui doh bu sot u têêk siq. 3Mơq geh 'bơơn ôp bơl 'bei: ‘A hay bơl 'bei lơh bei nei?’ nei phrui ơh: ‘Brah#11:3 Brah: Paich laa Nơơm bu ri chkhôm pai au u Pang a kươi plơq kơơi kơndaal.’” 4Baar du han u sau a mak troong geh di mlơm pi seh kroih koon plah kơt a bôôk lpôông nhi. Bu doh chhei aan seh kroih. 5Pal du knông nak bơl bnih ta yoong nei ôp: “Bơl 'bei doh chhei seh kroih koon nei jah lơh ơơn?” 6Baar du ơh bei Brah Jê-sus ja pn'ak; u bu aan têêk seh kroih han. 7Bơl bu têêk seh kroih koon siq aan Brah Jê-sus, lôw ao nơơm lơ kươi, ja nei Pang hao jih. 8Ơk bnih lôw ao nơơm lơ troong, geh bnih lôw bling jhư mhei gôt a srei. 9Bnih han a mat, bơl tênh a kươi kot wơơl laah:
“Hô-sa-na!
Tư wơơl Yaang tơmoh chhak Brah baah lôh!
10Smlaang aan nggoor dơơh lôh snđach Đa-wit ri, yau yi bơl bơn!
Hô-sa-na lơ ktôk prêh huôih!”
Tơơm lwi dol pơđaai sa.
(Ma-thi-ơ 21:18,19)
11Brah Jê-sus mưt poh Jê-ru-sa-lem u han mưt u nhi r'bưn. Pang gleng mat mơq jôm kaar rlum nei, ja nei pôl n'hai jmơt baar du jơt jơng han tơt poh dêq Bê-tha-ni đươm plah nei trôôk jơ ngôw hơơi. 12Nar a ôi, tơt lơơi Bê-tha-ni nei Pang nh'hit. 13A ngngai, Pang sau di tơơm lwi ơk lla mơ han mơq rơi mphơp wơng kươt pi ơơn lơ tơơm nei laa 'bưn. Dôh tơt han dơơh, Pang 'bưn sau pi ơơn nday di gaaih lla, đươm bei au ndah tơt jơl play lwi. 14Pang lah n'hai tơơm lwi: “'Bưn di mbu 'bơơn nha sa play may ri hôm!” Bơl jơrnơ Pang kot ttang baak nei.
Brah Jê-sus kwaih jrah nhi r'bưn
(Ma-thi-ơ 21:12-17; Lu-ka 19:45-48)
15Brah Jê-sus u bơl jơrnơ han poh Jê-ru-sa-lem. Pang mưt u nhi r'bưn, prơh leq bơl tach brôw, bnih pook knông nhi r'bưn, pơrlơơt bliêng bơl gơl prak, thoom grei bơl bnih tach pi traap. 16Pang 'bưn aan ch'bap paich 'bơơn liêu griêng ơơn han rloot nhi r'bưn. 17Ja nei Pang kne u lah n'hai bu “'Bưn phrui ja geh baak 'bian laah:
‘Nhi Hei a kươi kươt chôôl laa nhi r'bon dan aan jôm raih bal’ laang?
Dôh bơl 'bei ja lơh ktôk nei but rung ttung lmuôich.”
18Tơt ttang kươt pal baak au, bơl yau thwaai ndap ttơơm u bơl yau gưt jhai wơng troong lưm Pang. Bu n'hông Pang, đươm leq phung raih kot thơơ baak kne Pang ri. 19Tơt jơ ngôw, Brah Jê-sus u bơl jơrnơ sot rlach poh.
Baak riên a tơơm lwi
(Ma-thi-ơ 21:20-22)
20Aang a ôi, tơt han rloot nei, bu sau tơơm lwi lôh ranh tơt tut driêh; 21Phi-e-rơ a gênh kươi baak nar bnau mơ lah n'hai Pang: “Ơi Yau, mơq tôw! Tơơm lwi Yau ja têh chhưt ranh hơơi.” 22Brah Jê-sus lah: “Phrui geh chưt jơrnơ a ktôk Brah Ưn.#11:22 Phrui geh chưt jơrnơ a ktôk Brah Ưn: Knông m'baak plơơp 'bian ti laa Mơq bơl 'bei geh chưt jơrnơ a ktôk Brah Ưn; paich laa Bơl 'bei geh chưt jơrnơ a ktôk Brah Ưn 'bưn rê? 23A ngan, Hei lah bơl 'bei, 'bơơn maanh rklôw bnơm au: ‘Phrui ta lơơk, u jroh u rmưt rlai,’ mơq knông chưt bnih nei 'bưn geh ndêq nggich nggưl, dôh jơ ntil nơơm mor a kươi lôh tơt, nei ntil nei a kươi kươt but ngan.#Mat 17:20; I Kô 13:2. 24Bei nei Hei lah bơl koon, Paich ntil ơơn bơl koon dan plah r'bon dan, phrui jơ laah nơơm ja pơih kươt hôm, nei bơl 'bei a kươi kươt ntil nei. 25Tơt bơl 'bei ta yoong r'bon dan, mơq geh baak ta skiêr n'hai 'bơơn nei phrui ta krôih, jah Bươp bơl 'bei a lơ trôôk kot ta krôih pal lơh tih bơl 'bei ri.#Mat 6:14-15. 26[Dôh mơq bơl 'bei 'bưn ta krôih, nei Bươp bơl 'bei a lơ trôôk a kươi kot 'bưn ta krôih pal lơh tih bơl 'bei ri.”]#11:26 Knông m'baak plơơp 'bian ti 'bưn geh ndroong 26.
Ôp trach teq u ch'bap kmheng Brah Jê-sus ri
(Ma-thi-ơ 21:23-27; Lu-ka 20:1-8)
27Brah Jê-sus u bơl jơrnơ plơq kươi poh Jê-ru-sa-lem. Tơt Pang plah han knông nhi r'bưn, bơl yau thwaai ndap ttơơm, bơl yau gưt jhai u bơl raanh ttơơm lôh u Pang, 28u ôp: “Đươm ch'bap kmheng êch baah Yau lơh pal kaar au, paich 'bơơn ja aan Yau ch'bap kmheng jah lơh pal kaar nei?” 29Brah Jê-sus ơh: “Hei kot ôp bơl 'bei di ndroong; phrui ơh aan Hei nei Hei a kươi mor aan bơl 'bei gưt Hei lơh pal kaar au đươm ch'bap kmheng êch. 30Bap-tem Jang ri lôh a trôôk paich lôh a koon bnih? Phrui ơh baak aan Hei ơơi.” 31Bơl bu pơrgênh tơrnang nơơm: “Mơq bơl bơn lah, ‘A trôôk’ nei bu nei a kươi lah, ‘Bei nei, a hay bơl 'bei 'bưn jơ Jang?’ 32Mơq bơl bơn mor, ‘A koon bnih’?” Bu n'hông phung raih, đươm jôm bnih kot gênh laah Jang ngan laa di mbu bnih grnưt noor ngan. 33Bei nei, bu ơh Brah Jê-sus: “Bơl hei 'bưn gưt.” Brah Jê-sus lah bu: “Hei a kươi kot 'bưn mor aan bơl 'bei gưt đươm ch'bap kmheng êch Hei lơh pal kaar au.”
© 2024 Bible Society Vietnam. All rights reserved.
Mak 11
11
Brah Jê-sus mưt poh Jê-ru-sa-lem
(Ma-thi-ơ 21:1-11; Lu-ka 19:28-40; Jang 12:12-19)
1Tơt lôh dơơh poh Jê-ru-sa-lem, gêêng poh dêq Bêt-pha-jê u Bê-tha-ni, rloot bnơm Ô-liu, Brah Jê-sus maanh baar du jơrnơ han, 2u maanh: “Phrui han mưt u poh dêq rdang, mhei mưt u nei bơl 'bei a kươi sau kơndaal di mlơm seh kroih koon ndah 'bơơn jih, plah kơt ơơm a nei. Phrui doh bu sot u têêk siq. 3Mơq geh 'bơơn ôp bơl 'bei: ‘A hay bơl 'bei lơh bei nei?’ nei phrui ơh: ‘Brah#11:3 Brah: Paich laa Nơơm bu ri chkhôm pai au u Pang a kươi plơq kơơi kơndaal.’” 4Baar du han u sau a mak troong geh di mlơm pi seh kroih koon plah kơt a bôôk lpôông nhi. Bu doh chhei aan seh kroih. 5Pal du knông nak bơl bnih ta yoong nei ôp: “Bơl 'bei doh chhei seh kroih koon nei jah lơh ơơn?” 6Baar du ơh bei Brah Jê-sus ja pn'ak; u bu aan têêk seh kroih han. 7Bơl bu têêk seh kroih koon siq aan Brah Jê-sus, lôw ao nơơm lơ kươi, ja nei Pang hao jih. 8Ơk bnih lôw ao nơơm lơ troong, geh bnih lôw bling jhư mhei gôt a srei. 9Bnih han a mat, bơl tênh a kươi kot wơơl laah:
“Hô-sa-na!
Tư wơơl Yaang tơmoh chhak Brah baah lôh!
10Smlaang aan nggoor dơơh lôh snđach Đa-wit ri, yau yi bơl bơn!
Hô-sa-na lơ ktôk prêh huôih!”
Tơơm lwi dol pơđaai sa.
(Ma-thi-ơ 21:18,19)
11Brah Jê-sus mưt poh Jê-ru-sa-lem u han mưt u nhi r'bưn. Pang gleng mat mơq jôm kaar rlum nei, ja nei pôl n'hai jmơt baar du jơt jơng han tơt poh dêq Bê-tha-ni đươm plah nei trôôk jơ ngôw hơơi. 12Nar a ôi, tơt lơơi Bê-tha-ni nei Pang nh'hit. 13A ngngai, Pang sau di tơơm lwi ơk lla mơ han mơq rơi mphơp wơng kươt pi ơơn lơ tơơm nei laa 'bưn. Dôh tơt han dơơh, Pang 'bưn sau pi ơơn nday di gaaih lla, đươm bei au ndah tơt jơl play lwi. 14Pang lah n'hai tơơm lwi: “'Bưn di mbu 'bơơn nha sa play may ri hôm!” Bơl jơrnơ Pang kot ttang baak nei.
Brah Jê-sus kwaih jrah nhi r'bưn
(Ma-thi-ơ 21:12-17; Lu-ka 19:45-48)
15Brah Jê-sus u bơl jơrnơ han poh Jê-ru-sa-lem. Pang mưt u nhi r'bưn, prơh leq bơl tach brôw, bnih pook knông nhi r'bưn, pơrlơơt bliêng bơl gơl prak, thoom grei bơl bnih tach pi traap. 16Pang 'bưn aan ch'bap paich 'bơơn liêu griêng ơơn han rloot nhi r'bưn. 17Ja nei Pang kne u lah n'hai bu “'Bưn phrui ja geh baak 'bian laah:
‘Nhi Hei a kươi kươt chôôl laa nhi r'bon dan aan jôm raih bal’ laang?
Dôh bơl 'bei ja lơh ktôk nei but rung ttung lmuôich.”
18Tơt ttang kươt pal baak au, bơl yau thwaai ndap ttơơm u bơl yau gưt jhai wơng troong lưm Pang. Bu n'hông Pang, đươm leq phung raih kot thơơ baak kne Pang ri. 19Tơt jơ ngôw, Brah Jê-sus u bơl jơrnơ sot rlach poh.
Baak riên a tơơm lwi
(Ma-thi-ơ 21:20-22)
20Aang a ôi, tơt han rloot nei, bu sau tơơm lwi lôh ranh tơt tut driêh; 21Phi-e-rơ a gênh kươi baak nar bnau mơ lah n'hai Pang: “Ơi Yau, mơq tôw! Tơơm lwi Yau ja têh chhưt ranh hơơi.” 22Brah Jê-sus lah: “Phrui geh chưt jơrnơ a ktôk Brah Ưn.#11:22 Phrui geh chưt jơrnơ a ktôk Brah Ưn: Knông m'baak plơơp 'bian ti laa Mơq bơl 'bei geh chưt jơrnơ a ktôk Brah Ưn; paich laa Bơl 'bei geh chưt jơrnơ a ktôk Brah Ưn 'bưn rê? 23A ngan, Hei lah bơl 'bei, 'bơơn maanh rklôw bnơm au: ‘Phrui ta lơơk, u jroh u rmưt rlai,’ mơq knông chưt bnih nei 'bưn geh ndêq nggich nggưl, dôh jơ ntil nơơm mor a kươi lôh tơt, nei ntil nei a kươi kươt but ngan.#Mat 17:20; I Kô 13:2. 24Bei nei Hei lah bơl koon, Paich ntil ơơn bơl koon dan plah r'bon dan, phrui jơ laah nơơm ja pơih kươt hôm, nei bơl 'bei a kươi kươt ntil nei. 25Tơt bơl 'bei ta yoong r'bon dan, mơq geh baak ta skiêr n'hai 'bơơn nei phrui ta krôih, jah Bươp bơl 'bei a lơ trôôk kot ta krôih pal lơh tih bơl 'bei ri.#Mat 6:14-15. 26[Dôh mơq bơl 'bei 'bưn ta krôih, nei Bươp bơl 'bei a lơ trôôk a kươi kot 'bưn ta krôih pal lơh tih bơl 'bei ri.”]#11:26 Knông m'baak plơơp 'bian ti 'bưn geh ndroong 26.
Ôp trach teq u ch'bap kmheng Brah Jê-sus ri
(Ma-thi-ơ 21:23-27; Lu-ka 20:1-8)
27Brah Jê-sus u bơl jơrnơ plơq kươi poh Jê-ru-sa-lem. Tơt Pang plah han knông nhi r'bưn, bơl yau thwaai ndap ttơơm, bơl yau gưt jhai u bơl raanh ttơơm lôh u Pang, 28u ôp: “Đươm ch'bap kmheng êch baah Yau lơh pal kaar au, paich 'bơơn ja aan Yau ch'bap kmheng jah lơh pal kaar nei?” 29Brah Jê-sus ơh: “Hei kot ôp bơl 'bei di ndroong; phrui ơh aan Hei nei Hei a kươi mor aan bơl 'bei gưt Hei lơh pal kaar au đươm ch'bap kmheng êch. 30Bap-tem Jang ri lôh a trôôk paich lôh a koon bnih? Phrui ơh baak aan Hei ơơi.” 31Bơl bu pơrgênh tơrnang nơơm: “Mơq bơl bơn lah, ‘A trôôk’ nei bu nei a kươi lah, ‘Bei nei, a hay bơl 'bei 'bưn jơ Jang?’ 32Mơq bơl bơn mor, ‘A koon bnih’?” Bu n'hông phung raih, đươm jôm bnih kot gênh laah Jang ngan laa di mbu bnih grnưt noor ngan. 33Bei nei, bu ơh Brah Jê-sus: “Bơl hei 'bưn gưt.” Brah Jê-sus lah bu: “Hei a kươi kot 'bưn mor aan bơl 'bei gưt đươm ch'bap kmheng êch Hei lơh pal kaar au.”
© 2024 Bible Society Vietnam. All rights reserved.