Mak 12
12
Pn'geh ruk teq u bơl bnih buôn mir nho
(Ma-thi-ơ 21:33-46; Lu-ka 20:9-19)
1Brah Jê-sus ptơơm nhôq pn'geh ruk mor n'hai bu: “Bnih tôw tam mir nho, grung rlum, pông ttu kliat nho, sun di naam prêh jah kray, ja nei aan bu nday buôn, u han rlach di kwaal nday. 2Tơt khal play, nnơơm mir maanh di mbu dêch lôh amơp bơl bnih buôn mir nho jah kach di bôh griêng pkao a mir nho. 3Dôh bơl bu nhôp dêch, pơm sơmboong ja nei prơh siq ti rơơi. 4Bnih nnơơm kươi maanh di mbu dêch nday han, bơl bu pơm teq u bôôk u jam joot bu nei. 5Bnih nnơơm maanh ndih di mbu dêch nday han nei bu lưm broih. Ơk dêch nday kot dol lơh bei nei, bnih nei dol pơm, bah nei dol lưm. 6Nnơơm mir dơơn nha di mbu bnih, nei laa koon klau mlơm êch srlanh nơơm ri. Ptut, bu maanh koon nơơm bu han, gênh êêng laah: ‘Bơl bu a kươi đing koon klau hei!’ 7Dôh bơl buôn mir nho nei pơrgênh ta n'hai: ‘Au laa koon klau a dơơn. Ơơi, phrui lưm bu haanh nei griêng mlơ bu ri a kươi pơơn teq u bơl bơn.’ 8Bơl bu nhôp koon klau nei, lưm teq u jang a gaaih mir nho. 9Bei nei, nnơơm mir nho a kươi lơh ơơn? Bu a kươi lôh lưm luôch bơl buôn mir nho nei, ja nei ndơơp mir nho aan bơl bnih nday. 10Bơl 'bei ndah ơm chôôl baak Sm'bưt Brah au laang:
‘Rklôw tmau dol rak mon sun thot teq,
Ja nei but tmau tơơm nhi;
11Au laa kaar Brah lơh,
U nei laa baak êêng ang ngan di mat bơl bơn’?”
12Bơl bnih kan bôôk baak jơ Jo-thai#12:12 S'bt: Bu. êch wơng troong nhôp Pang, đươm gưt Pang nhôq pn'geh ruk nei jah mor ot bu. Dôh bu kươi n'hông phung raih mơ teq Pang baah han du.
Brah Ưn u Sê-sa
(Ma-thi-ơ 22:15-22; Lu-ka 20:20-26)
13Kơi nei, bu maanh pal du tênh thap Pha-ri-si u thap Hê-rôt lôh a mơp Brah Jê-sus jah wak dak Pang knông baak mor. 14Bơl bu lôh mor n'hai Pang: “Ơi Yau, bơl hei gưt Yau laa bnih klanh kluônh, 'bưn chhonh 'bơơn; đươm Yau 'bưn mơq mak gaaih koon bnih, dôh kne troong gông Brah Ưn troong angan anguôn. Bei nei, kaar ndơơp wal suai aan Sê-sa geh dip ch'bap 'bưn? Bơl hei geh lah ndơơp paich 'bưn?” 15Gưt kươt rmưi pưl baar taap bu ri, Pang lah: “A hay bơl 'bei tuul Hei? Phrui liêu aan Hei mơq di slưng đơ-ni-ê.” 16Bu liêu aan Pang di slưng prak. Pang ôp: “Gui u chhak au 'bơơn ri?” Bơl bu ơh: “Sê-sa ri.” 17Brah Jê-sus lah: “Phrui plơq aan Sê-sa ntil ơơn Sê-sa ri, u phrui plơq aan Brah Ưn ntil ơơn Brah Ưn ri.” Bơl bu bơm yoh êêng aang teq u Pang.
Ôp trach teq u baak rêh kươi
(Ma-thi-ơ 22:23-33; Lu-ka 20:27-40)
18M'baak bnih tênh thap Sa-đu-sê,#12:18 Mơq baak rơih gôq Mat 3:7. laa bơl bnih mor laah 'bưn geh baak rêh kươi, lôh ôp Pang:#Kênh 25:5. 19“Ơi Yau, Môi-se ja ươn bơl hei ch'bap au: ‘Mơq di mbu bnih geh bi chhưt hơơi, teq sai ur kươi dôh 'bưn geh koon, nei bnih nei phrui pơih ur pndrau nei jah geh koon tơrbuôt mbaang aan bi nơơm.’ 20Geh poh du oh bi tôw, bnih bi 'boong kliêr sai ur, ja nei chhưt, 'bưn geh koon. 21Oh ttal baar pơih ur pndrau nei, ja nei kot chhưt 'bưn geh koon; oh ttal pei kot bei nei đêêl. 22Leq poh du kot 'bưn geh di mlơm koon pau ơơm. Ptut kươi, bnih dơur kot chhưt. 23Tơt rêh kươi, bnih dơur nei a kươi laa sai ur 'bơơn ri? Đươm leq poh du kot ja pơih mei nei lơh sai.” 24Brah Jê-sus ơh: “Geh phrui đươm 'bưn gưt jhai Sm'bưt Brah u dang kmheng Brah Ưn ri baah bơl 'bei ja tih a sup pan? 25Đươm tơt a ktôk chhưt rêh kươi, bu nday 'bưn pơih koon pơih sai, dôh a kươi bei lênh brah lơ trôôk ei. 26Nha kaar bnih chhưt kươt rêh kươi, bơl 'bei ndah chôôl knông sm'bưt Môi-se chhuôr teq u baak pih look laang? Đươm a hay Brah Ưn ja lah n'hai bu, ‘Hei laa Brah Ưn Ap-ra-ham ri, Brah Ưn I-sak ri, Brah Ưn Ja-kôp ri’? 27Pang 'bưn geh laa Brah Ưn bơl chhưt ri, dôh lah bơl bnih rêh ri. A ngan bơl 'bei tih chrlam jdru đat.”
Baak ch'bap peh thlay đat
(Ma-thi-ơ 22:34-40; Lu-ka 10:25-28)
28Di mbu knông bơl yau gưt jhai lôh dơơh, ttang Brah Jê-sus u bơl Sa-đu-sê ta rmhanh tơrnang nơơm, sau Brah Jê-sus ơh jhai, mơ ôp Pang: “Knông pal baak ch'bap, ntil êch peh thlay đat?”#Lu 10:25-28. 29Brah Jê-sus ơh: “Baak ch'bap peh thlay đat lah, ‘Ơi I-sra-ên, phrui iat ttang, Brah, Brah Ưn bơl bơn laa Brah mbu ei. 30'Bei phrui leq chưt, leq wêêng yaang, leq chưt gơrninh, leq kmlang baah chuh srlanh Brah laa Brah Ưn 'bei.’#12:30 Pal plơơp 'bian ti hôm: Nei lah baak ch'bap daak bôôk. 31Ntil ttal baar laa: ‘'Bei phrui srlanh bnih a gêêng bei nơơm bơn na.’ 'Bưn geh baak ch'bap ơơn ttih huôih baar ntil au.” 32Yau gưt jhai lah: “Ơi Yau, ngan dip bei Yau lah, Brah Ưn dơơn di mbu, di gaaih Pang 'bưn geh Yaang ơơn nday hôm. 33Ngan bei nei, chuh srlanh Brah leq chưt, leq gơrninh, leq kmlang, u srlanh bnih a gêêng bei nơơm bơn na, nha peh thlay huôih kaar piyơ pai thwaai u bơl thwaai nday.” 34Sau bnih nei ơh gưt jhai, Brah Jê-sus lah: “'Bei 'bưn ngngai nggoor Brah Ưn laang.” Kơi nei 'bưn 'bơơn baanh ôp Pang hôm.
Yaang Krist u snđach Đa-wit
(Ma-thi-ơ 22:41-46; Lu-ka 20:41-44)
35Plah chhuôr kne knông nhi r'bưn, Brah Jê-sus tak ôp: “Lơh bei êch bơl yau gưt jhai leet awap mor Yaang Krist laa koon Đa-wit? 36Nơơm Đa-wit kươt Brah Wêêng trôih, ja mor laah:
‘Brah lah n'hai Brah hei:
Phrui gôq mak ma Hei,
Aan tơt khal Hei teq bơl kmang Koon a teh jơng Koon.’
37Nơơm Đa-wit khuôl Pang laa Brah, bei nei lơh bei êch Pang laa koon snđach nei kươt?” Phung raih ơk iat chmlam Pang di troong a hơt a rơơn.
Nhjrang teq u bơl yau gưt jhai
(Ma-thi-ơ 23:1-36; Lu-ka 20:45-47)
38Plah knông kne, Pang mor: “Phrui mơq nhjrang bơl yau gưt jhai, laa bơl bnih êch dook ao nhjoong han bra kươt jah bu nday chah nơơm ktôk đôôn pơsaar, 39êch gôq grei peh thlay đat knông nhi pơrgum u ktôk peh lư knông pal meeng sa. 40Bu luônh nhi bơl mei pndrau ri baah ei bơ r'bon dan nhjoong. Bu a kươi dol pơrkat jjơk huôih.”
Baak piyơ mei pndrau ri
(Lu-ka 21:1-4)
41Brah Jê-sus gôq rdang n'hai pi thông piyơ prak, u mơq rwach phung raih tơt bu teq prak mưt pi thông. Ơk bnih khunh teq u nei ơk đat prak. 42Kot geh di mbu mei pndrau l'ơơi lôh teq u pi thông baar slưng prak dêq, prak tơmlai di bôh puôn slưng. 43Pang khuôl bơl jơrnơ lôh u lah: “Ngan, Hei lah bơl 'bei, mei pndrau l'ơơi au ja teq prak u pi thông r'bưn ơk huôih leq sêch bơl bnih nday. 44Đươm jôm bnih kot pơih griêng ngroh baah piyơ; nha mei pndrau au l'ơơi pngot đat, dôh ja piyơ leq ntil ơơn nơơm ri geh, laa leq sêch ntil ơơn mei nei geh jah siêm rêh nơơm.”
© 2024 Bible Society Vietnam. All rights reserved.
Mak 12
12
Pn'geh ruk teq u bơl bnih buôn mir nho
(Ma-thi-ơ 21:33-46; Lu-ka 20:9-19)
1Brah Jê-sus ptơơm nhôq pn'geh ruk mor n'hai bu: “Bnih tôw tam mir nho, grung rlum, pông ttu kliat nho, sun di naam prêh jah kray, ja nei aan bu nday buôn, u han rlach di kwaal nday. 2Tơt khal play, nnơơm mir maanh di mbu dêch lôh amơp bơl bnih buôn mir nho jah kach di bôh griêng pkao a mir nho. 3Dôh bơl bu nhôp dêch, pơm sơmboong ja nei prơh siq ti rơơi. 4Bnih nnơơm kươi maanh di mbu dêch nday han, bơl bu pơm teq u bôôk u jam joot bu nei. 5Bnih nnơơm maanh ndih di mbu dêch nday han nei bu lưm broih. Ơk dêch nday kot dol lơh bei nei, bnih nei dol pơm, bah nei dol lưm. 6Nnơơm mir dơơn nha di mbu bnih, nei laa koon klau mlơm êch srlanh nơơm ri. Ptut, bu maanh koon nơơm bu han, gênh êêng laah: ‘Bơl bu a kươi đing koon klau hei!’ 7Dôh bơl buôn mir nho nei pơrgênh ta n'hai: ‘Au laa koon klau a dơơn. Ơơi, phrui lưm bu haanh nei griêng mlơ bu ri a kươi pơơn teq u bơl bơn.’ 8Bơl bu nhôp koon klau nei, lưm teq u jang a gaaih mir nho. 9Bei nei, nnơơm mir nho a kươi lơh ơơn? Bu a kươi lôh lưm luôch bơl buôn mir nho nei, ja nei ndơơp mir nho aan bơl bnih nday. 10Bơl 'bei ndah ơm chôôl baak Sm'bưt Brah au laang:
‘Rklôw tmau dol rak mon sun thot teq,
Ja nei but tmau tơơm nhi;
11Au laa kaar Brah lơh,
U nei laa baak êêng ang ngan di mat bơl bơn’?”
12Bơl bnih kan bôôk baak jơ Jo-thai#12:12 S'bt: Bu. êch wơng troong nhôp Pang, đươm gưt Pang nhôq pn'geh ruk nei jah mor ot bu. Dôh bu kươi n'hông phung raih mơ teq Pang baah han du.
Brah Ưn u Sê-sa
(Ma-thi-ơ 22:15-22; Lu-ka 20:20-26)
13Kơi nei, bu maanh pal du tênh thap Pha-ri-si u thap Hê-rôt lôh a mơp Brah Jê-sus jah wak dak Pang knông baak mor. 14Bơl bu lôh mor n'hai Pang: “Ơi Yau, bơl hei gưt Yau laa bnih klanh kluônh, 'bưn chhonh 'bơơn; đươm Yau 'bưn mơq mak gaaih koon bnih, dôh kne troong gông Brah Ưn troong angan anguôn. Bei nei, kaar ndơơp wal suai aan Sê-sa geh dip ch'bap 'bưn? Bơl hei geh lah ndơơp paich 'bưn?” 15Gưt kươt rmưi pưl baar taap bu ri, Pang lah: “A hay bơl 'bei tuul Hei? Phrui liêu aan Hei mơq di slưng đơ-ni-ê.” 16Bu liêu aan Pang di slưng prak. Pang ôp: “Gui u chhak au 'bơơn ri?” Bơl bu ơh: “Sê-sa ri.” 17Brah Jê-sus lah: “Phrui plơq aan Sê-sa ntil ơơn Sê-sa ri, u phrui plơq aan Brah Ưn ntil ơơn Brah Ưn ri.” Bơl bu bơm yoh êêng aang teq u Pang.
Ôp trach teq u baak rêh kươi
(Ma-thi-ơ 22:23-33; Lu-ka 20:27-40)
18M'baak bnih tênh thap Sa-đu-sê,#12:18 Mơq baak rơih gôq Mat 3:7. laa bơl bnih mor laah 'bưn geh baak rêh kươi, lôh ôp Pang:#Kênh 25:5. 19“Ơi Yau, Môi-se ja ươn bơl hei ch'bap au: ‘Mơq di mbu bnih geh bi chhưt hơơi, teq sai ur kươi dôh 'bưn geh koon, nei bnih nei phrui pơih ur pndrau nei jah geh koon tơrbuôt mbaang aan bi nơơm.’ 20Geh poh du oh bi tôw, bnih bi 'boong kliêr sai ur, ja nei chhưt, 'bưn geh koon. 21Oh ttal baar pơih ur pndrau nei, ja nei kot chhưt 'bưn geh koon; oh ttal pei kot bei nei đêêl. 22Leq poh du kot 'bưn geh di mlơm koon pau ơơm. Ptut kươi, bnih dơur kot chhưt. 23Tơt rêh kươi, bnih dơur nei a kươi laa sai ur 'bơơn ri? Đươm leq poh du kot ja pơih mei nei lơh sai.” 24Brah Jê-sus ơh: “Geh phrui đươm 'bưn gưt jhai Sm'bưt Brah u dang kmheng Brah Ưn ri baah bơl 'bei ja tih a sup pan? 25Đươm tơt a ktôk chhưt rêh kươi, bu nday 'bưn pơih koon pơih sai, dôh a kươi bei lênh brah lơ trôôk ei. 26Nha kaar bnih chhưt kươt rêh kươi, bơl 'bei ndah chôôl knông sm'bưt Môi-se chhuôr teq u baak pih look laang? Đươm a hay Brah Ưn ja lah n'hai bu, ‘Hei laa Brah Ưn Ap-ra-ham ri, Brah Ưn I-sak ri, Brah Ưn Ja-kôp ri’? 27Pang 'bưn geh laa Brah Ưn bơl chhưt ri, dôh lah bơl bnih rêh ri. A ngan bơl 'bei tih chrlam jdru đat.”
Baak ch'bap peh thlay đat
(Ma-thi-ơ 22:34-40; Lu-ka 10:25-28)
28Di mbu knông bơl yau gưt jhai lôh dơơh, ttang Brah Jê-sus u bơl Sa-đu-sê ta rmhanh tơrnang nơơm, sau Brah Jê-sus ơh jhai, mơ ôp Pang: “Knông pal baak ch'bap, ntil êch peh thlay đat?”#Lu 10:25-28. 29Brah Jê-sus ơh: “Baak ch'bap peh thlay đat lah, ‘Ơi I-sra-ên, phrui iat ttang, Brah, Brah Ưn bơl bơn laa Brah mbu ei. 30'Bei phrui leq chưt, leq wêêng yaang, leq chưt gơrninh, leq kmlang baah chuh srlanh Brah laa Brah Ưn 'bei.’#12:30 Pal plơơp 'bian ti hôm: Nei lah baak ch'bap daak bôôk. 31Ntil ttal baar laa: ‘'Bei phrui srlanh bnih a gêêng bei nơơm bơn na.’ 'Bưn geh baak ch'bap ơơn ttih huôih baar ntil au.” 32Yau gưt jhai lah: “Ơi Yau, ngan dip bei Yau lah, Brah Ưn dơơn di mbu, di gaaih Pang 'bưn geh Yaang ơơn nday hôm. 33Ngan bei nei, chuh srlanh Brah leq chưt, leq gơrninh, leq kmlang, u srlanh bnih a gêêng bei nơơm bơn na, nha peh thlay huôih kaar piyơ pai thwaai u bơl thwaai nday.” 34Sau bnih nei ơh gưt jhai, Brah Jê-sus lah: “'Bei 'bưn ngngai nggoor Brah Ưn laang.” Kơi nei 'bưn 'bơơn baanh ôp Pang hôm.
Yaang Krist u snđach Đa-wit
(Ma-thi-ơ 22:41-46; Lu-ka 20:41-44)
35Plah chhuôr kne knông nhi r'bưn, Brah Jê-sus tak ôp: “Lơh bei êch bơl yau gưt jhai leet awap mor Yaang Krist laa koon Đa-wit? 36Nơơm Đa-wit kươt Brah Wêêng trôih, ja mor laah:
‘Brah lah n'hai Brah hei:
Phrui gôq mak ma Hei,
Aan tơt khal Hei teq bơl kmang Koon a teh jơng Koon.’
37Nơơm Đa-wit khuôl Pang laa Brah, bei nei lơh bei êch Pang laa koon snđach nei kươt?” Phung raih ơk iat chmlam Pang di troong a hơt a rơơn.
Nhjrang teq u bơl yau gưt jhai
(Ma-thi-ơ 23:1-36; Lu-ka 20:45-47)
38Plah knông kne, Pang mor: “Phrui mơq nhjrang bơl yau gưt jhai, laa bơl bnih êch dook ao nhjoong han bra kươt jah bu nday chah nơơm ktôk đôôn pơsaar, 39êch gôq grei peh thlay đat knông nhi pơrgum u ktôk peh lư knông pal meeng sa. 40Bu luônh nhi bơl mei pndrau ri baah ei bơ r'bon dan nhjoong. Bu a kươi dol pơrkat jjơk huôih.”
Baak piyơ mei pndrau ri
(Lu-ka 21:1-4)
41Brah Jê-sus gôq rdang n'hai pi thông piyơ prak, u mơq rwach phung raih tơt bu teq prak mưt pi thông. Ơk bnih khunh teq u nei ơk đat prak. 42Kot geh di mbu mei pndrau l'ơơi lôh teq u pi thông baar slưng prak dêq, prak tơmlai di bôh puôn slưng. 43Pang khuôl bơl jơrnơ lôh u lah: “Ngan, Hei lah bơl 'bei, mei pndrau l'ơơi au ja teq prak u pi thông r'bưn ơk huôih leq sêch bơl bnih nday. 44Đươm jôm bnih kot pơih griêng ngroh baah piyơ; nha mei pndrau au l'ơơi pngot đat, dôh ja piyơ leq ntil ơơn nơơm ri geh, laa leq sêch ntil ơơn mei nei geh jah siêm rêh nơơm.”
© 2024 Bible Society Vietnam. All rights reserved.