پیدأیش ۳۵
۳۵
یعقوب وأگرده بیت‌ئیل
1 خودا یعقوبَ بٚفرمأسته: «هسأ ویریز و بوشؤ بیت‌ئیل. اویَه زٚندیگی بوکون، ایتأ مذبح چأکون و او خودایَ کی تی برأر عیسو دٚس گروختن زمأت تِرِه ظأهیرَ بوسته، پرستٚش بوکون.»
2 او وخت یعقوب تومأمٚ خو خأنه اهل و عیألَ دستور بٚدأ کی او بُتأنَ کی خوشأنٚ اَمرأ بأوٚرده بود، فیشأنٚد، غسل بوکونٚد و خوشأنٚ رختأنَ عوضَ کونٚد. 3 اون اَشأنَ بوگفته: «شؤئؤندریم بیت‌ئیل کی اویَه او خودا کی سختی وخت، می دوعأیأنَ ایجأبت بوکوده و هر جأ شؤئیم می اَمرأ بو رِه، ایتأ مذبح چأکونم.»
4 پٚس همٚتأنی، خوشأنٚ بُتأن و گوشوأره‌یأنَ کی خوشأنٚ گوشٚ دورون دأشتیدی یعقوبَ فأدأده و اون اوشأنَ ایتأ بلوطٚ دأرٚ جیر شکیمٚ دورون بیگیلَ کوده. 5 بأزون اوشأن ایوأردِه کوچ بوکودٚد و خودا ترس تومأمٚ شهرأنَ کی یعقوب جٚه اویَه دٚوأرٚستی رو بأمؤ کی اونَ فونتورکد. 6 آخرپٚسی فأرٚسِده لوزَ کی هو بیت‌ئیل بٚبه و کنعانٚ سرزیمین میأن نٚهأ. 7 یعقوب اویَه ایتأ مذبح بٚپأ بوکوده و اونَ بیت‌ئیلٚ خودا مذبح نأم بٚنأ. چونکی او وخت کی جٚه عیسو دٚس گروختأندوبو، بیت‌ئیلٚ دورون بو کی خودا اونٚ رِه ظأهیرَ بوسته.
8 چن روجٚ پٚسی، دبوره ربکا دأیه بٚمرد و اونَ ایتأ جٚه بلوطٚ دأرٚ جیر بیت‌ئیلٚ درّه میأن بیگیلَ کودٚد. جٚه اونٚ پٚسی، او دأرَ، بلوطٚ گریه نأم بٚنأده.
9 اونٚ پٚسی کی یعقوب جٚه فدّأن‌اَرام بأمؤ بیت‌ئیلٚ دورون، خودا ایوأردِه اونٚ رِه ظأهیرَ بوسته و اونَ برکت بٚدأ 10 و اونَ بٚفرمأسته: «جٚه اَنٚ پٚسی دِه تی نأم یعقوب دؤخأده نٚبه، بلکی تی نأم ایسرأییل بِه. 11 من ایسٚم او خودا کی قأدیرٚ موطلق ایسٚه. زأی بأوٚر و زیأدَ بو! قومأنٚ زیأد و پأدیشأیأنٚ فرأوأن جٚه تی نتأج بوجود اَیٚده. 12 او سرزیمینَ کی ایبرأهیم و ایسحأقَ فأدأم، تٚرَه و تی نتأجم فأدم.» 13 بأزون خودا جٚه اونٚ ورجأ بوشؤ آسمأن.
14 جٚه اونٚ پٚسی، یعقوب هو جأجیگأ دورون کی خودا اونَ ظأهیر بوبوسته بو، ایتأ سوتون جٚه سنگ بٚنأ بوکوده و وأخوردنی پیشکش خوداوندٚ رِه اونٚ رو فوکود و اونَ زیتونٚ روغنٚ اَمرأ تدهین بوکود. 15 یعقوب او جأجیگأیَ بیت‌ئیل (ینی «خودا خأنه») نأم بٚنأ، چونکی خودا اویَه اونی اَمرأ گب بٚزِه بو.
راحیل و ایسحأقٚ مٚردن
16 بأزون اون و اونی خأنوأر جٚه بیت‌ئیل بوشؤده افراتٚ ور. ولی هنو افراتَ فأنرٚسه بود کی راحیلٚ زأئأن درد شورو بوبوسته. 17 ایتأ سختٚ زأئأنٚ پٚسی، آخرسٚرِی قأبیله بوگفته: «نوأترسِئن، ایتأ پٚسر دِه بودونیأ بأوٚردی!» 18 ولی راحیل مٚردأندوبو. اون هطؤ کی جأن دٚئندوبو، خو پٚسرَ بِن‌اونی نأم بٚنأ، ولی دونبألتر اونٚ پِئر اونَ بنیأمین نأم بٚنأ.
19 پٚس راحیل بٚمٚرده و اونَ افراتٚ رأ نیزدیکی دورون کی بیت‌لحمٚم نأم دأشتی، بیگیلَ کودٚد. 20 یعقوب اونٚ قبرٚ رو ایتأ سوتون جٚه سنگ بٚنأ بوکوده کی تأ ایمرو بأقی بٚمأنسته.
21 او وخت بو کی یعقوب جٚه اویَه بوشؤ و عیدرٚ بورجٚ اوطرف چأدر بٚزِه. 22 هه جأجیگأ دورون بو کی رئوبین بلهه خو پِئرٚ کنیزٚ اَمرأ بوخوفت و یعقوب جٚه اَ مأجیرأ وأخٚوٚرَ بوسته. 23 یعقوب دوأزده‌تأ پٚسر دأشتی کی اوشأنٚ ایسمأن اَشأن ایسٚه:
لیه پٚسرأن: رئوبین (یعقوبٚ پیله پٚسر)، شمعون، لاوی، یوهودأ، یساکار و زبولون.
24 راحیلٚ پٚسرأن: یوسف و بنیأمین.
25 راحیلٚ کنیز ینی بلهه پٚسرأن: دان و نفتالی.
26 جاد و اشیر کی جٚه زلفه، لیه کنیز بود. یعقوبٚ همٚتأ پٚسرأن فَدّان‌اَرامٚ دورون بودونیأ بأمؤده.
27 آخرسٚرِی یعقوب بأمؤ خو پِئر ایسحأقٚ ورجأ اربع دیهأت دورون مِلک ممری میأن. او دیهأتَ حبرونٚم گده. حبرون هو جأجیگأ ایسٚه کی ایبرأهیم و ایسحأق اونٚ دورون غریبٚ جیگأ میأن زٚندیگی بوکودٚد. 28 ایسحأق ۱۸۰ سأل زٚندیگی بوکوده. 29 او وخت کی خو آخری نفَسَ کشِندوبو، خٚیلی پیر بو کی بٚمٚرده و خو پیله بأبأیأنَ دوچوکسته و اونٚ پٚسرأن عیسو و یعقوب اونَ بیگیلَ کودٚد.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۵
۳۵
یعقوب وأگرده بیت‌ئیل
1 خودا یعقوبَ بٚفرمأسته: «هسأ ویریز و بوشؤ بیت‌ئیل. اویَه زٚندیگی بوکون، ایتأ مذبح چأکون و او خودایَ کی تی برأر عیسو دٚس گروختن زمأت تِرِه ظأهیرَ بوسته، پرستٚش بوکون.»
2 او وخت یعقوب تومأمٚ خو خأنه اهل و عیألَ دستور بٚدأ کی او بُتأنَ کی خوشأنٚ اَمرأ بأوٚرده بود، فیشأنٚد، غسل بوکونٚد و خوشأنٚ رختأنَ عوضَ کونٚد. 3 اون اَشأنَ بوگفته: «شؤئؤندریم بیت‌ئیل کی اویَه او خودا کی سختی وخت، می دوعأیأنَ ایجأبت بوکوده و هر جأ شؤئیم می اَمرأ بو رِه، ایتأ مذبح چأکونم.»
4 پٚس همٚتأنی، خوشأنٚ بُتأن و گوشوأره‌یأنَ کی خوشأنٚ گوشٚ دورون دأشتیدی یعقوبَ فأدأده و اون اوشأنَ ایتأ بلوطٚ دأرٚ جیر شکیمٚ دورون بیگیلَ کوده. 5 بأزون اوشأن ایوأردِه کوچ بوکودٚد و خودا ترس تومأمٚ شهرأنَ کی یعقوب جٚه اویَه دٚوأرٚستی رو بأمؤ کی اونَ فونتورکد. 6 آخرپٚسی فأرٚسِده لوزَ کی هو بیت‌ئیل بٚبه و کنعانٚ سرزیمین میأن نٚهأ. 7 یعقوب اویَه ایتأ مذبح بٚپأ بوکوده و اونَ بیت‌ئیلٚ خودا مذبح نأم بٚنأ. چونکی او وخت کی جٚه عیسو دٚس گروختأندوبو، بیت‌ئیلٚ دورون بو کی خودا اونٚ رِه ظأهیرَ بوسته.
8 چن روجٚ پٚسی، دبوره ربکا دأیه بٚمرد و اونَ ایتأ جٚه بلوطٚ دأرٚ جیر بیت‌ئیلٚ درّه میأن بیگیلَ کودٚد. جٚه اونٚ پٚسی، او دأرَ، بلوطٚ گریه نأم بٚنأده.
9 اونٚ پٚسی کی یعقوب جٚه فدّأن‌اَرام بأمؤ بیت‌ئیلٚ دورون، خودا ایوأردِه اونٚ رِه ظأهیرَ بوسته و اونَ برکت بٚدأ 10 و اونَ بٚفرمأسته: «جٚه اَنٚ پٚسی دِه تی نأم یعقوب دؤخأده نٚبه، بلکی تی نأم ایسرأییل بِه. 11 من ایسٚم او خودا کی قأدیرٚ موطلق ایسٚه. زأی بأوٚر و زیأدَ بو! قومأنٚ زیأد و پأدیشأیأنٚ فرأوأن جٚه تی نتأج بوجود اَیٚده. 12 او سرزیمینَ کی ایبرأهیم و ایسحأقَ فأدأم، تٚرَه و تی نتأجم فأدم.» 13 بأزون خودا جٚه اونٚ ورجأ بوشؤ آسمأن.
14 جٚه اونٚ پٚسی، یعقوب هو جأجیگأ دورون کی خودا اونَ ظأهیر بوبوسته بو، ایتأ سوتون جٚه سنگ بٚنأ بوکوده و وأخوردنی پیشکش خوداوندٚ رِه اونٚ رو فوکود و اونَ زیتونٚ روغنٚ اَمرأ تدهین بوکود. 15 یعقوب او جأجیگأیَ بیت‌ئیل (ینی «خودا خأنه») نأم بٚنأ، چونکی خودا اویَه اونی اَمرأ گب بٚزِه بو.
راحیل و ایسحأقٚ مٚردن
16 بأزون اون و اونی خأنوأر جٚه بیت‌ئیل بوشؤده افراتٚ ور. ولی هنو افراتَ فأنرٚسه بود کی راحیلٚ زأئأن درد شورو بوبوسته. 17 ایتأ سختٚ زأئأنٚ پٚسی، آخرسٚرِی قأبیله بوگفته: «نوأترسِئن، ایتأ پٚسر دِه بودونیأ بأوٚردی!» 18 ولی راحیل مٚردأندوبو. اون هطؤ کی جأن دٚئندوبو، خو پٚسرَ بِن‌اونی نأم بٚنأ، ولی دونبألتر اونٚ پِئر اونَ بنیأمین نأم بٚنأ.
19 پٚس راحیل بٚمٚرده و اونَ افراتٚ رأ نیزدیکی دورون کی بیت‌لحمٚم نأم دأشتی، بیگیلَ کودٚد. 20 یعقوب اونٚ قبرٚ رو ایتأ سوتون جٚه سنگ بٚنأ بوکوده کی تأ ایمرو بأقی بٚمأنسته.
21 او وخت بو کی یعقوب جٚه اویَه بوشؤ و عیدرٚ بورجٚ اوطرف چأدر بٚزِه. 22 هه جأجیگأ دورون بو کی رئوبین بلهه خو پِئرٚ کنیزٚ اَمرأ بوخوفت و یعقوب جٚه اَ مأجیرأ وأخٚوٚرَ بوسته. 23 یعقوب دوأزده‌تأ پٚسر دأشتی کی اوشأنٚ ایسمأن اَشأن ایسٚه:
لیه پٚسرأن: رئوبین (یعقوبٚ پیله پٚسر)، شمعون، لاوی، یوهودأ، یساکار و زبولون.
24 راحیلٚ پٚسرأن: یوسف و بنیأمین.
25 راحیلٚ کنیز ینی بلهه پٚسرأن: دان و نفتالی.
26 جاد و اشیر کی جٚه زلفه، لیه کنیز بود. یعقوبٚ همٚتأ پٚسرأن فَدّان‌اَرامٚ دورون بودونیأ بأمؤده.
27 آخرسٚرِی یعقوب بأمؤ خو پِئر ایسحأقٚ ورجأ اربع دیهأت دورون مِلک ممری میأن. او دیهأتَ حبرونٚم گده. حبرون هو جأجیگأ ایسٚه کی ایبرأهیم و ایسحأق اونٚ دورون غریبٚ جیگأ میأن زٚندیگی بوکودٚد. 28 ایسحأق ۱۸۰ سأل زٚندیگی بوکوده. 29 او وخت کی خو آخری نفَسَ کشِندوبو، خٚیلی پیر بو کی بٚمٚرده و خو پیله بأبأیأنَ دوچوکسته و اونٚ پٚسرأن عیسو و یعقوب اونَ بیگیلَ کودٚد.
The Gilaki Contemporary Bible is a Product of Transform Iran © 2024. All rights reserved. www.kelisayejame.org