پیدأیش ۳۴
۳۴
دینه روسوأیی
1 ایتأ روج دینه، یعقوب و لیه دؤختر، همسأده دؤخترأن کی اوشأنٚ نیزدیکی زٚندیگی کودیدی دِئنٚ رِه بوشؤ بیرون. 2 او وخت کی شکیم حمورٚ پٚسر، حوّی پأدیشأ، دینه‌یَ بیدِه اونَ بیگیفته، اونَ تجأوز بوکود. 3 شکیم خٚیلی دینه‌یَ خأطرخأ بوبوسته و حقٚ سعی بٚزِه کی قشنگٚ گبأنٚ اَمرأ اونٚ دیلَ بٚدٚس بأوٚره.
4 شکیم اَ موضویَ خو پِئرٚ اَمرأ درمیأن بٚنأ و اونٚ جَا خأهیش بوکوده کی او کؤرَ اونٚ رِه بٚزنی بیگیره.
5 پور زمأت نوبوسته کی اَ خٚوٚر یعقوبٚ گوشَ فأرٚسه، ولی چونکی اونی پٚسرأن گلّه‌یأنٚ چرأ وأسی بوشؤ بود بیأبأن، تأ اوشأنٚ وأگردستن هیتأ کأر نوکوده. 6 حمور، شکیمٚ پِئر، بوشؤ یعقوبٚ ورجأ کی اونٚ اَمرأ گب بٚزنه. 7 اون او وخت فأرٚسه اویَه کی یعقوبٚ پٚسرأنم جٚه بیأبأن وأگردسته بود. اَشأن جٚه ایشتأوٚستٚنٚ اونچی کی اَشأنٚ خأخورٚ سٚر بأمؤ بو خٚیلی برزخَ بوستٚد، چونکی اَ نأجورٚ کأر اوشأنٚ آبرو حیثیتَ پأمأل بوکوده.
8 حمور یعقوبَ بوگفته: «می پٚسر شکیم شیمی دؤخترَ دیل دٚوٚسته. خأهیش کونٚم شیمی دؤخترَ می پٚسرَ فأدید. 9 هطؤیم، تأنیمی کس‌کسٚ اَمرأ وصلت بوکونیم، شیمی دؤخترأنَ اَمی پٚسرأنَ فأدید و اَمی دؤخترأنَ شیمی پٚسرأنٚ رِه فأگیرید. 10 شومأن تأنیدی اَمی میأن زٚندیگی بوکونید؛ اَ سرزیمین شِمِره بأز ایسٚه! اَیَه زٚندیگی بوکونید و اَمی اَمرأ تیجأرت بوکونید. تأنیدی اَ سرزیمینٚ دورون ملکأنٚ صأب بیبید.»
11 او وخت شکیم دینه پِئر و برأرأنَ بوگفته: «خأهیش کونٚم اَ لوطفَ مِرِه بوکونید و وئألید دینه می زن بٚبه. هرچی مٚرَه بیگید انجأم دٚهٚم. 12 هرچی مهر و پیشکش بٚخأیید شٚمٚره فأدم. فقد اَ دؤخترَ مٚرَه فأدید.»
13 دینه برأرأن اَنٚ وأسی کی شکیم اَشأنٚ خأخورَ روسوأ بوکوده بو، حیله اَمرأ شکیم و اونٚ پِئرَ بوگفتٚده: 14 «اَمأن نتأنیم اَمی خأخورَ ایتأ ختنه نوبوسته‌یَ فأدیم. اَن اَمی روسوأیی‌یَ بأعیث بِه. 15 ولی ایتأ شرطٚ اَمرأ حأضیر بیمی ایسیم اَ کأرَ بوکونیم و او شرط اَن ایسٚه کی شیمی همٚتأ مردأکأن و پٚسرأن ختنه بٚبد. 16 او وخت اَمی دؤخترأنَ شٚمٚره فأدیم و شیمی دؤخترأنَ اَمِرِه فأگیریمی و شیمی میأن زٚندیگی کونیمی، ایتأ قوم بیمی. 17 اگه اَ شرطَ قوبیل نوکونید و ختنه نیبید، اَمی دؤخترَ اوسأنیم و جٚه اَیَه شیمی.»
18 حمور و شکیم اوشأنٚ شرطَ قوبیل بوکودٚد. 19 شکیم کی خو نتأجٚ میأن خٚیلی عیزت ایحترأم دأشتی، اَ کأرٚ انجأم دٚئنٚ رِه دٚس‌دٚس نوکوده، چونکی یعقوبٚ دؤخترٚ خأطرخأ بو. 20 پٚس اون و اونٚ پِئر بوشؤده شهرٚ دروأزه ورجأ و اویَه آدم نفرأنَ بوگفتٚده: 21 «اَ مردوم، اَمی ریفِقأن ایسٚد. وئألید اَمی میأن زٚندیگی بوکونٚد، خوشأنٚ کسب و کأرَ موشغول بٚبد. اَن همه صأرأیی میأن اوندر کی اوشأنٚ رِه وٚست بٚبه جأ نٚهأ و اَمأن تأنیمی کس‌کسٚ اَمرأ وصلت بوکونیم. 22 ولی اوشأن فقد اَ شرطٚ اَمرأ حأضیرٚد اَیَه بِئیسٚد و اَمی اَمرأ ایتأ قوم بٚبد کی اَمی همٚتأ مردأکأن و پٚسرأن اَشأنٚ مأنستَن ختنه بٚبد. 23 اگه اَ کأرَ بوکونیم اوشأنٚ مأل و مینأل و گلّه‌یأن و هرچی دأرٚده اَمی شین بِه. بأیید اَ شرطَ قوبیل بوکونیم کی اوشأن اَیَه اَمی اَمرأ زٚندیگی بوکونٚد.»
24 شهرٚ آدمأن شکیم و اونٚ پِئرٚ پیشنهأدَ قوبیل بوکودٚد و ختنه بوبوستٚد. 25 ولی سه روجٚ پٚسی، هوطؤ کی اوشأن هنو درد دأشتٚد، شمعون و لاوی، دینه برأرأن، خوشأنٚ شمشیرأنٚ اوسأدٚد، بودونٚ اَنکی اوشأن هیذره بتأنٚد اَشأنٚ جولو بِئیسٚد شهرَ دورون بوشؤده و تومأمٚ مردأکأنَ شمشیرٚ تِغٚ اَمرأ بوکوشتٚد. 26 اوشأن حمور و شکیمَ بوکوشتٚد و دینه‌یَ جٚه شکیمٚ خأنه اوسأدٚد، خوشأنٚ اَمرأ بٚبردٚد. 27 بأزون یعقوبٚ پٚسرأن بوشؤده و تومأمٚ شهرَ چأپؤ بوکودٚد، چونکی اوشأنٚ خأخور اویَه روسوأ بوبوسته بو. 28 اَشأنٚ گلّه‌یأن، رمه‌یأن، اولأغأن و هرچی‌یَ کی اوشأنٚ دٚس فأرٚسه، چی شهرٚ دورون و چی بیأبأنٚ دورون، 29 زنأکأن و زأکأن و تومأمٚ مأل و مینأل کی خأنه‌یأنٚ میأن نٚهأ بو اَمرأ چأپؤ بوکودٚد و خوشأنٚ اَمرأ بٚبردٚد.
30 یعقوب لاوی و شمعونَ بوگفته: «شومأن مٚرَه دردسٚرٚ میأن تأوٚدأیید؛ اَسه کنعأنیأن، فرّزیأن و تومأمٚ اَ مملکتٚ آدمأن می دوشمن بٚده. اَمی عیده اوشأنٚ جولو خٚیلی کم ایسٚه؛ اگه اوشأن اَمی سٚر فٚوٚد، اَمٚرَه جٚه بین بٚرٚده.»
31 اوشأن غیظٚ اَمرأ جوأب بٚدأده: «ینی اون وأستی اَمی خأخورٚ اَمرأ ایتأ فأیشه مأنستَن کردٚکأر بوکوده‌بی؟»
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۴
۳۴
دینه روسوأیی
1 ایتأ روج دینه، یعقوب و لیه دؤختر، همسأده دؤخترأن کی اوشأنٚ نیزدیکی زٚندیگی کودیدی دِئنٚ رِه بوشؤ بیرون. 2 او وخت کی شکیم حمورٚ پٚسر، حوّی پأدیشأ، دینه‌یَ بیدِه اونَ بیگیفته، اونَ تجأوز بوکود. 3 شکیم خٚیلی دینه‌یَ خأطرخأ بوبوسته و حقٚ سعی بٚزِه کی قشنگٚ گبأنٚ اَمرأ اونٚ دیلَ بٚدٚس بأوٚره.
4 شکیم اَ موضویَ خو پِئرٚ اَمرأ درمیأن بٚنأ و اونٚ جَا خأهیش بوکوده کی او کؤرَ اونٚ رِه بٚزنی بیگیره.
5 پور زمأت نوبوسته کی اَ خٚوٚر یعقوبٚ گوشَ فأرٚسه، ولی چونکی اونی پٚسرأن گلّه‌یأنٚ چرأ وأسی بوشؤ بود بیأبأن، تأ اوشأنٚ وأگردستن هیتأ کأر نوکوده. 6 حمور، شکیمٚ پِئر، بوشؤ یعقوبٚ ورجأ کی اونٚ اَمرأ گب بٚزنه. 7 اون او وخت فأرٚسه اویَه کی یعقوبٚ پٚسرأنم جٚه بیأبأن وأگردسته بود. اَشأن جٚه ایشتأوٚستٚنٚ اونچی کی اَشأنٚ خأخورٚ سٚر بأمؤ بو خٚیلی برزخَ بوستٚد، چونکی اَ نأجورٚ کأر اوشأنٚ آبرو حیثیتَ پأمأل بوکوده.
8 حمور یعقوبَ بوگفته: «می پٚسر شکیم شیمی دؤخترَ دیل دٚوٚسته. خأهیش کونٚم شیمی دؤخترَ می پٚسرَ فأدید. 9 هطؤیم، تأنیمی کس‌کسٚ اَمرأ وصلت بوکونیم، شیمی دؤخترأنَ اَمی پٚسرأنَ فأدید و اَمی دؤخترأنَ شیمی پٚسرأنٚ رِه فأگیرید. 10 شومأن تأنیدی اَمی میأن زٚندیگی بوکونید؛ اَ سرزیمین شِمِره بأز ایسٚه! اَیَه زٚندیگی بوکونید و اَمی اَمرأ تیجأرت بوکونید. تأنیدی اَ سرزیمینٚ دورون ملکأنٚ صأب بیبید.»
11 او وخت شکیم دینه پِئر و برأرأنَ بوگفته: «خأهیش کونٚم اَ لوطفَ مِرِه بوکونید و وئألید دینه می زن بٚبه. هرچی مٚرَه بیگید انجأم دٚهٚم. 12 هرچی مهر و پیشکش بٚخأیید شٚمٚره فأدم. فقد اَ دؤخترَ مٚرَه فأدید.»
13 دینه برأرأن اَنٚ وأسی کی شکیم اَشأنٚ خأخورَ روسوأ بوکوده بو، حیله اَمرأ شکیم و اونٚ پِئرَ بوگفتٚده: 14 «اَمأن نتأنیم اَمی خأخورَ ایتأ ختنه نوبوسته‌یَ فأدیم. اَن اَمی روسوأیی‌یَ بأعیث بِه. 15 ولی ایتأ شرطٚ اَمرأ حأضیر بیمی ایسیم اَ کأرَ بوکونیم و او شرط اَن ایسٚه کی شیمی همٚتأ مردأکأن و پٚسرأن ختنه بٚبد. 16 او وخت اَمی دؤخترأنَ شٚمٚره فأدیم و شیمی دؤخترأنَ اَمِرِه فأگیریمی و شیمی میأن زٚندیگی کونیمی، ایتأ قوم بیمی. 17 اگه اَ شرطَ قوبیل نوکونید و ختنه نیبید، اَمی دؤخترَ اوسأنیم و جٚه اَیَه شیمی.»
18 حمور و شکیم اوشأنٚ شرطَ قوبیل بوکودٚد. 19 شکیم کی خو نتأجٚ میأن خٚیلی عیزت ایحترأم دأشتی، اَ کأرٚ انجأم دٚئنٚ رِه دٚس‌دٚس نوکوده، چونکی یعقوبٚ دؤخترٚ خأطرخأ بو. 20 پٚس اون و اونٚ پِئر بوشؤده شهرٚ دروأزه ورجأ و اویَه آدم نفرأنَ بوگفتٚده: 21 «اَ مردوم، اَمی ریفِقأن ایسٚد. وئألید اَمی میأن زٚندیگی بوکونٚد، خوشأنٚ کسب و کأرَ موشغول بٚبد. اَن همه صأرأیی میأن اوندر کی اوشأنٚ رِه وٚست بٚبه جأ نٚهأ و اَمأن تأنیمی کس‌کسٚ اَمرأ وصلت بوکونیم. 22 ولی اوشأن فقد اَ شرطٚ اَمرأ حأضیرٚد اَیَه بِئیسٚد و اَمی اَمرأ ایتأ قوم بٚبد کی اَمی همٚتأ مردأکأن و پٚسرأن اَشأنٚ مأنستَن ختنه بٚبد. 23 اگه اَ کأرَ بوکونیم اوشأنٚ مأل و مینأل و گلّه‌یأن و هرچی دأرٚده اَمی شین بِه. بأیید اَ شرطَ قوبیل بوکونیم کی اوشأن اَیَه اَمی اَمرأ زٚندیگی بوکونٚد.»
24 شهرٚ آدمأن شکیم و اونٚ پِئرٚ پیشنهأدَ قوبیل بوکودٚد و ختنه بوبوستٚد. 25 ولی سه روجٚ پٚسی، هوطؤ کی اوشأن هنو درد دأشتٚد، شمعون و لاوی، دینه برأرأن، خوشأنٚ شمشیرأنٚ اوسأدٚد، بودونٚ اَنکی اوشأن هیذره بتأنٚد اَشأنٚ جولو بِئیسٚد شهرَ دورون بوشؤده و تومأمٚ مردأکأنَ شمشیرٚ تِغٚ اَمرأ بوکوشتٚد. 26 اوشأن حمور و شکیمَ بوکوشتٚد و دینه‌یَ جٚه شکیمٚ خأنه اوسأدٚد، خوشأنٚ اَمرأ بٚبردٚد. 27 بأزون یعقوبٚ پٚسرأن بوشؤده و تومأمٚ شهرَ چأپؤ بوکودٚد، چونکی اوشأنٚ خأخور اویَه روسوأ بوبوسته بو. 28 اَشأنٚ گلّه‌یأن، رمه‌یأن، اولأغأن و هرچی‌یَ کی اوشأنٚ دٚس فأرٚسه، چی شهرٚ دورون و چی بیأبأنٚ دورون، 29 زنأکأن و زأکأن و تومأمٚ مأل و مینأل کی خأنه‌یأنٚ میأن نٚهأ بو اَمرأ چأپؤ بوکودٚد و خوشأنٚ اَمرأ بٚبردٚد.
30 یعقوب لاوی و شمعونَ بوگفته: «شومأن مٚرَه دردسٚرٚ میأن تأوٚدأیید؛ اَسه کنعأنیأن، فرّزیأن و تومأمٚ اَ مملکتٚ آدمأن می دوشمن بٚده. اَمی عیده اوشأنٚ جولو خٚیلی کم ایسٚه؛ اگه اوشأن اَمی سٚر فٚوٚد، اَمٚرَه جٚه بین بٚرٚده.»
31 اوشأن غیظٚ اَمرأ جوأب بٚدأده: «ینی اون وأستی اَمی خأخورٚ اَمرأ ایتأ فأیشه مأنستَن کردٚکأر بوکوده‌بی؟»
The Gilaki Contemporary Bible is a Product of Transform Iran © 2024. All rights reserved. www.kelisayejame.org