پیدأیش ۲۰
۲۰
ایبرأهیم و اَبیمِلِک
1 بأزون ایبرأهیم کوچ بوکوده جونوبٚ میأن نِگِبٚ سرزیمینٚ ور و ای زمأت قادش و شورٚ میأنی سأمأن بیگیفته و اونی پٚسی بوشؤ جرارٚ میأن. او وخت کی ایبرأهیم جرارٚ میأن ایسأ بو، 2 بوگفته کی سارا خو خأخور ایسٚه. پٚس جرارٚ پأدیشأ، اَبیمِلِک، چن نفرَ اوسه کوده کی سارایَ بٚبرد اونی قصرٚ میأن.
3 ولی هو شب خودا خأبٚ میأن ابیملکَ آشیکأرَ بوسته، بوگفته: «تو میری، چونکی ایتأ زنأکَ بیگیفتی کی مرد دأره.»
4 هنو اَبیمِلِک اونی اَمرأ همخأب نوبوسته بو، پٚس عرض بوکوده: «خوداوندا، می گردن نییٚه. ینی تو مٚرَه و می قوم کی گونأ نأرٚده‌یَ کوشی؟ 5 ایبرأهیم خودش مٚرَه بوگفته کی اون می خأخوره و سارایم اونی گبَ دورُغَ نوکوده و بوگفته کی اون اونی برأر ایسٚه. من هیتأ نأجورٚ کأر نخأستیم بوکونٚم.»
6 خودا بوگفته: «هطؤیه، دأنٚم؛ هنٚ وأسی تٚرَه گونأ جَا بدأشتم و ولأنشتم اونَ دٚس بزنی. 7 اَسه اَ زنأکَ وأگردأن اونی مردٚ ورجأ. اون ایتأ نبی ایسٚه، تِرِه دوعأ کونه و تو زٚنده مأنی. ولی اگه اونی زنأکَ وأنگردأنی، تو و تی خأنه آدمأن میریدی.»
8 فردأیی، اَبیمِلِک صُبٚ دٚمٚ رِه خأبٚ جَا ویریشته، دفأتن تومأمٚ خو غولأمأنَ دؤخأده و او خأب کی بیدِه بویَ اوشأنٚ رِه نقل بوکوده و همٚتأن خٚیلی بٚترسِئده.
9 بأزون پأدیشأ، ایبرأهیمَ خو ورجأ دؤخأده، بوگفته: «اَن چی کأر بو کی بوکودی اَمی اَمرأ؟ مگه من چی بوکوده بوم تی اَمرأ کی مٚرَه و می مملکتَ اَطؤچی پیله گونأ میأن گریفتأرَ کودی؟ اَ کأر کی تو بوکودی‌یَ هیکس نوکودی. 10 چی بیدِ‌یی کی اَ بدی‌یَ می اَمرأ بوکودی؟»
11 ایبرأهیم جوأب بٚدأ: «گومأن بوکودم اَ شهرٚ آدمأن خودا جَا ترس نأرٚده و اَنٚ وأسی کی می زنَ صأب بٚبد، مٚرَه کوشٚده. 12 ایضأفَه کونٚم کی، اون می نأتنی خأخورم ایسٚه هر دوتأن ایتأ پِئرٚ جَا ایسیم و اون می زن بوبوسته. 13 او وخت کی خوداوند مٚرَه می بٚزأ محلٚ میأن اوسه کوده دورٚ سرزیمینأنٚ میأن، سارا جَا بٚخأستٚم مِرِه اَ خُبی‌یَ بوکونه و هرتأ جیگأ کی بیشیم بٚگه کی می خأخور ایسٚه.»
14 پٚس اَبیمِلِک ایبرأهیمَ گوسوٚندأن و گأبأن و غولأمأن و کنیزأن بٚبخشه و اونی زنأی سارایَ اونَ وأگردأنِه 15 و اونَ بوگفته: «تومأمٚ می سرزیمینَ بٚگرد و هرتأ جیگأ کی تٚرَه خوش بأمؤ اوسأن تی زٚندیگی کودنٚ رِه.» 16 بأزون خو دیمَ وأگردأنه سارا ور، بوگفته: «هیزأرتأ میثقأل نوقره فأدم تی برأرَ کی اوشأنی کی تی اَمرأ ایسأده رِه ثأبیت بٚبه تو گونأ نأری و مردوم بدأند کی تی اَمرأ اینصأفٚ اَمرأ رفتأر بوبوسته.»
17 بأزون ایبرأهیم خودا ورجأ دوعأ بوکوده و خودا، پأدیشأ و اونٚ زنأی و اونی کنیزأنَ شفأ بٚبخشه کی اوشأنٚ رِه زأی بٚبه؛ 18 چونکی خوداوند اَنٚ وأسی کی اَبیمِلِک، سارا ایبرأهیمٚ زنأکَ بیگفته بو، تومأمٚ اونی زنأکأنَ مٚزأ بوکوده بو.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۲۰
۲۰
ایبرأهیم و اَبیمِلِک
1 بأزون ایبرأهیم کوچ بوکوده جونوبٚ میأن نِگِبٚ سرزیمینٚ ور و ای زمأت قادش و شورٚ میأنی سأمأن بیگیفته و اونی پٚسی بوشؤ جرارٚ میأن. او وخت کی ایبرأهیم جرارٚ میأن ایسأ بو، 2 بوگفته کی سارا خو خأخور ایسٚه. پٚس جرارٚ پأدیشأ، اَبیمِلِک، چن نفرَ اوسه کوده کی سارایَ بٚبرد اونی قصرٚ میأن.
3 ولی هو شب خودا خأبٚ میأن ابیملکَ آشیکأرَ بوسته، بوگفته: «تو میری، چونکی ایتأ زنأکَ بیگیفتی کی مرد دأره.»
4 هنو اَبیمِلِک اونی اَمرأ همخأب نوبوسته بو، پٚس عرض بوکوده: «خوداوندا، می گردن نییٚه. ینی تو مٚرَه و می قوم کی گونأ نأرٚده‌یَ کوشی؟ 5 ایبرأهیم خودش مٚرَه بوگفته کی اون می خأخوره و سارایم اونی گبَ دورُغَ نوکوده و بوگفته کی اون اونی برأر ایسٚه. من هیتأ نأجورٚ کأر نخأستیم بوکونٚم.»
6 خودا بوگفته: «هطؤیه، دأنٚم؛ هنٚ وأسی تٚرَه گونأ جَا بدأشتم و ولأنشتم اونَ دٚس بزنی. 7 اَسه اَ زنأکَ وأگردأن اونی مردٚ ورجأ. اون ایتأ نبی ایسٚه، تِرِه دوعأ کونه و تو زٚنده مأنی. ولی اگه اونی زنأکَ وأنگردأنی، تو و تی خأنه آدمأن میریدی.»
8 فردأیی، اَبیمِلِک صُبٚ دٚمٚ رِه خأبٚ جَا ویریشته، دفأتن تومأمٚ خو غولأمأنَ دؤخأده و او خأب کی بیدِه بویَ اوشأنٚ رِه نقل بوکوده و همٚتأن خٚیلی بٚترسِئده.
9 بأزون پأدیشأ، ایبرأهیمَ خو ورجأ دؤخأده، بوگفته: «اَن چی کأر بو کی بوکودی اَمی اَمرأ؟ مگه من چی بوکوده بوم تی اَمرأ کی مٚرَه و می مملکتَ اَطؤچی پیله گونأ میأن گریفتأرَ کودی؟ اَ کأر کی تو بوکودی‌یَ هیکس نوکودی. 10 چی بیدِ‌یی کی اَ بدی‌یَ می اَمرأ بوکودی؟»
11 ایبرأهیم جوأب بٚدأ: «گومأن بوکودم اَ شهرٚ آدمأن خودا جَا ترس نأرٚده و اَنٚ وأسی کی می زنَ صأب بٚبد، مٚرَه کوشٚده. 12 ایضأفَه کونٚم کی، اون می نأتنی خأخورم ایسٚه هر دوتأن ایتأ پِئرٚ جَا ایسیم و اون می زن بوبوسته. 13 او وخت کی خوداوند مٚرَه می بٚزأ محلٚ میأن اوسه کوده دورٚ سرزیمینأنٚ میأن، سارا جَا بٚخأستٚم مِرِه اَ خُبی‌یَ بوکونه و هرتأ جیگأ کی بیشیم بٚگه کی می خأخور ایسٚه.»
14 پٚس اَبیمِلِک ایبرأهیمَ گوسوٚندأن و گأبأن و غولأمأن و کنیزأن بٚبخشه و اونی زنأی سارایَ اونَ وأگردأنِه 15 و اونَ بوگفته: «تومأمٚ می سرزیمینَ بٚگرد و هرتأ جیگأ کی تٚرَه خوش بأمؤ اوسأن تی زٚندیگی کودنٚ رِه.» 16 بأزون خو دیمَ وأگردأنه سارا ور، بوگفته: «هیزأرتأ میثقأل نوقره فأدم تی برأرَ کی اوشأنی کی تی اَمرأ ایسأده رِه ثأبیت بٚبه تو گونأ نأری و مردوم بدأند کی تی اَمرأ اینصأفٚ اَمرأ رفتأر بوبوسته.»
17 بأزون ایبرأهیم خودا ورجأ دوعأ بوکوده و خودا، پأدیشأ و اونٚ زنأی و اونی کنیزأنَ شفأ بٚبخشه کی اوشأنٚ رِه زأی بٚبه؛ 18 چونکی خوداوند اَنٚ وأسی کی اَبیمِلِک، سارا ایبرأهیمٚ زنأکَ بیگفته بو، تومأمٚ اونی زنأکأنَ مٚزأ بوکوده بو.
The Gilaki Contemporary Bible is a Product of Transform Iran © 2024. All rights reserved. www.kelisayejame.org