پیدأیش ۲۱
۲۱
ایسحأقٚ بودونیأ اَمؤن
1 خوداوند او وعده‌یَ کی سارایَ فأدأ بو، وفأ بوکوده. 2 او زمأت کی خوداوند موشخص بوکوده بو، سارا شکم اوسأده و ایبرأهیمٚ رِه پیری سنٚ سألٚ میأن ایتأ پٚسر بٚزأ. 3 ایبرأهیم خو پٚسرَ کی سارا اونٚ رِه بودونیأ بأوٚرده بو، ایسحأق (ینی «خنده») نأم بٚنأ 4 و ایبرأهیم خودا فرمأنٚ موطأبٚق ایسحأقَ هشت روج جٚه اونی بودونیأ اَمؤنٚ پٚسی ختنه بوکوده. 5 ایسحأقٚ بودونیأ اَمؤنٚ وخت، ایبرأهیم صد سأل دأشتی.
6 سارا بوگفته: «خودا مِرِه خنده و خوشألی بأوٚرده. هرتأ آدم کی می پٚسرٚ بودونیأ اَمؤنٚ خٚوٚرَ بٚشتأوه می اَمرأ خنده دٚشکنه. 7 کی بأوٚر کودی کی ایتأ روج من ایبرأهیمٚ زأکَ شیر بٚدم؟ ولی هسأ ایبرأهیمٚ رِه اونٚ پیری سنٚ سألٚ میأن ایتأ پٚسر بٚزأم!»
8 ایسحأق پیلّه بوسته، شیرٚ جَا فأگیفته بوبوسته و ایبرأهیم اَنٚ وأسی ایتأ پیله میهمأنی بٚدأ.
هأجر و ایسمأعیل خأنه جَا بیرون تأوٚدأ بٚده
9 ایتأ روج سارا بٚفأمسته کی مصری هأجرٚ پٚسر ایسمأعیل، ایسحأقَ اَذِت‌آزأر کونِه. 10 پٚس ایبرأهیمَ بوگفته: «اَ کنیز و اونی پٚسرَ جٚه خأنه بیرون تأوٚد، چونکی ایسمأعیل، می پٚسر ایسحأقٚ اَمرأ تی وأرث نیبه.» 11 اَ موضو ایبرأهیمَ خٚیلی نأرأحتَ کوده، چونکی ایسمأعیلٚم اونی پٚسر بو.
12 ولی خودا ایبرأهیمَ بٚفرمأسته: «دروأره‌یٚ تی پٚسر و کنیز نأرأحت نوأبوستن. اونچی سارا بوگفته انجأم بٚدٚن، چونکی ایسحأقٚ اَمرأ ایسٚه کی ایتأ نتأجٚ صأب بی کی اونٚ وعده‌یَ تٚرَه بٚدأم. 13 ایتأ قومٚم جٚه او کنیزٚ پٚسر چأکونم، چونکی اونم تی پٚسر ایسٚه.»
14 پٚس ایبرأهیم صُب زوترِی ویریشته و نأن و ایتأ مشک پور جٚه آب اوسأده و هأجرٚ دوش بٚنأ و اونَ پٚسرٚ اَمرأ اوسه کوده. هأجر بوشؤ بئرشِبَعٚ بیأبأنٚ میأن و اویَه سبیلٚ سرگردأنَ بوسته. 15 او وخت کی مشکٚ آب تومأنَ بوسته، هأجر خو پٚسرَ بٚنأ گومأرٚ جیر 16 و خودش اونٚ جَا صد متر اوشتر بینیشته و خو اَمرأ بوگفته: «نخأیٚم می زأکٚ مٚردنَ بیدینٚم.» و زأرزأر گریه بوکوده.
17 او وخت خودا پٚسرٚ نٚأله‌یأنَ فأندرسته و خودا فٚرٚشته جٚه آسمأنٚ جؤر هأجرَ دؤخأده، بوگفته: «اَی هأجر، چی بوبوسته؟ نوأترسِئن! چونکی خودا تی پٚسرٚ نٚأله‌یأنَ بٚشتأوٚسته. 18 بوشو و اونَ اوسأن و کٚشأ گیر. من ایتأ پیله قوم اونی جَا بٚجأ نٚهم.» 19 بأزون خودا هأجرٚ چومأنَ وأکود و اون ایتأ چأه خو روبرو بیدِه. پٚس توندأ توند بوشؤ چأه ور، مشکَ جٚه آب پورَ کوده و خو پٚسرَ وأخورأنِه. 20 و خودا ایسمأعیلٚ اَمرأ بو و اون بیأبأنٚ میأن پیلّه بوسته، تیراندأزی میأن اوستأ بوبوست. 21 اون فارانٚ بیأبأنٚ میأن زٚندیگی کودی و اونی مأر ایتأ زنأی مصرٚ جَا اونٚ رِه عقد بوکوده.
عهد ایبرأهیم و ابیملکٚ میأن
22 او زمأتٚ میأن پأدیشأ ابیملک، خو لشکرٚ فرمأنده فیکولٚ اَمرأ بأمؤ ایبرأهیمٚ ورجأ، بوگفته: «خودا او کأرٚ میأن کی انجأم دِئندری تی اَمرأ ایسأ! 23 هسأ خودا نأمَ قسم بوخور کی مٚرَه و می زأکأن و می نتأجَ خیأنت نوکونی و هوطؤ کی من خُبی اَمرأ تی اَمرأ کردٚکأر بوکودم تویٚم می اَمرأ و می مملکتٚ اَمرأ کی اونٚ میأن زٚندیگی کودأندری، خُبی اَمرأ کردٚکأر کونی.»
24 ایبرأهیم جوأب بٚدأ: «قسم خورٚم اوطؤ کی بوگفتید کردٚکأر بوکونٚم.»
25 بأزون ایبرأهیم دروأره‌یٚ او چأه آب کی ابیملکٚ خیدمتگوزأرأن زورٚ اَمرأ اونی جَا فأگیفته بود، اونٚ ورجأ شیکأیت بوکوده. 26 پأدیشأ ابیملک بوگفته: «اَن اوّلی وأر ایسٚه کی اَ موضویَ ایشتأوٚم و نأنم کویتأ جٚه می خیدمتگوزأرأن اَ کأرٚ دورون تقصیرکأر ایسٚد. چٚره پیشتر جٚه اَن مٚرَه خٚوٚر نٚدأیی؟»
27 او وخت ایبرأهیم، گوسوٚندأن، بوزأن و گأبأنَ ابیملکَ فأدأ و کس‌کسٚ اَمرأ عهد دٚوٚستٚد. 28 بأزون ایبرأهیم هفتأ بٚرّه جٚه گلّه سیوأ وأکوده. 29 پأدیشأ وأوٚرسِه: «چٚره اَ کأرَ کودأندری؟»
30 ایبرأهیم جوأب بٚدأ: «اَشأن او پیشکشأن ایسٚد کی من تٚرَه فأدم کی همه کس بدأند کی اَ چأه می شین ایسٚه.»
31 جٚه اونٚ پٚسی اَ چأه، بئرشبع (ینی «قسمٚ چأه») نأم بٚنأ بوبوسته، چونکی اوشأن اویَه کس‌کسٚ اَمرأ عهد دٚوٚسته بود. 32 هو وخت ابیملک و فیکول اونٚ لشکرٚ فرمأنده، فلسطین ینی خوشأنٚ سرزیمینَ وأگردستٚده. 33 ایبرأهیم او چأه ورجأ ایتأ گزٚ دأر بٚکأشته و خوداوند، اَبدی خودایَ عیبأدت بوکود. 34 ایبرأهیم خٚیلی زمأتٚ رِه فلسطینٚ سرزیمینٚ میأن غریبٚ جیگأ دورون زٚندیگی بوکوده.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۲۱
۲۱
ایسحأقٚ بودونیأ اَمؤن
1 خوداوند او وعده‌یَ کی سارایَ فأدأ بو، وفأ بوکوده. 2 او زمأت کی خوداوند موشخص بوکوده بو، سارا شکم اوسأده و ایبرأهیمٚ رِه پیری سنٚ سألٚ میأن ایتأ پٚسر بٚزأ. 3 ایبرأهیم خو پٚسرَ کی سارا اونٚ رِه بودونیأ بأوٚرده بو، ایسحأق (ینی «خنده») نأم بٚنأ 4 و ایبرأهیم خودا فرمأنٚ موطأبٚق ایسحأقَ هشت روج جٚه اونی بودونیأ اَمؤنٚ پٚسی ختنه بوکوده. 5 ایسحأقٚ بودونیأ اَمؤنٚ وخت، ایبرأهیم صد سأل دأشتی.
6 سارا بوگفته: «خودا مِرِه خنده و خوشألی بأوٚرده. هرتأ آدم کی می پٚسرٚ بودونیأ اَمؤنٚ خٚوٚرَ بٚشتأوه می اَمرأ خنده دٚشکنه. 7 کی بأوٚر کودی کی ایتأ روج من ایبرأهیمٚ زأکَ شیر بٚدم؟ ولی هسأ ایبرأهیمٚ رِه اونٚ پیری سنٚ سألٚ میأن ایتأ پٚسر بٚزأم!»
8 ایسحأق پیلّه بوسته، شیرٚ جَا فأگیفته بوبوسته و ایبرأهیم اَنٚ وأسی ایتأ پیله میهمأنی بٚدأ.
هأجر و ایسمأعیل خأنه جَا بیرون تأوٚدأ بٚده
9 ایتأ روج سارا بٚفأمسته کی مصری هأجرٚ پٚسر ایسمأعیل، ایسحأقَ اَذِت‌آزأر کونِه. 10 پٚس ایبرأهیمَ بوگفته: «اَ کنیز و اونی پٚسرَ جٚه خأنه بیرون تأوٚد، چونکی ایسمأعیل، می پٚسر ایسحأقٚ اَمرأ تی وأرث نیبه.» 11 اَ موضو ایبرأهیمَ خٚیلی نأرأحتَ کوده، چونکی ایسمأعیلٚم اونی پٚسر بو.
12 ولی خودا ایبرأهیمَ بٚفرمأسته: «دروأره‌یٚ تی پٚسر و کنیز نأرأحت نوأبوستن. اونچی سارا بوگفته انجأم بٚدٚن، چونکی ایسحأقٚ اَمرأ ایسٚه کی ایتأ نتأجٚ صأب بی کی اونٚ وعده‌یَ تٚرَه بٚدأم. 13 ایتأ قومٚم جٚه او کنیزٚ پٚسر چأکونم، چونکی اونم تی پٚسر ایسٚه.»
14 پٚس ایبرأهیم صُب زوترِی ویریشته و نأن و ایتأ مشک پور جٚه آب اوسأده و هأجرٚ دوش بٚنأ و اونَ پٚسرٚ اَمرأ اوسه کوده. هأجر بوشؤ بئرشِبَعٚ بیأبأنٚ میأن و اویَه سبیلٚ سرگردأنَ بوسته. 15 او وخت کی مشکٚ آب تومأنَ بوسته، هأجر خو پٚسرَ بٚنأ گومأرٚ جیر 16 و خودش اونٚ جَا صد متر اوشتر بینیشته و خو اَمرأ بوگفته: «نخأیٚم می زأکٚ مٚردنَ بیدینٚم.» و زأرزأر گریه بوکوده.
17 او وخت خودا پٚسرٚ نٚأله‌یأنَ فأندرسته و خودا فٚرٚشته جٚه آسمأنٚ جؤر هأجرَ دؤخأده، بوگفته: «اَی هأجر، چی بوبوسته؟ نوأترسِئن! چونکی خودا تی پٚسرٚ نٚأله‌یأنَ بٚشتأوٚسته. 18 بوشو و اونَ اوسأن و کٚشأ گیر. من ایتأ پیله قوم اونی جَا بٚجأ نٚهم.» 19 بأزون خودا هأجرٚ چومأنَ وأکود و اون ایتأ چأه خو روبرو بیدِه. پٚس توندأ توند بوشؤ چأه ور، مشکَ جٚه آب پورَ کوده و خو پٚسرَ وأخورأنِه. 20 و خودا ایسمأعیلٚ اَمرأ بو و اون بیأبأنٚ میأن پیلّه بوسته، تیراندأزی میأن اوستأ بوبوست. 21 اون فارانٚ بیأبأنٚ میأن زٚندیگی کودی و اونی مأر ایتأ زنأی مصرٚ جَا اونٚ رِه عقد بوکوده.
عهد ایبرأهیم و ابیملکٚ میأن
22 او زمأتٚ میأن پأدیشأ ابیملک، خو لشکرٚ فرمأنده فیکولٚ اَمرأ بأمؤ ایبرأهیمٚ ورجأ، بوگفته: «خودا او کأرٚ میأن کی انجأم دِئندری تی اَمرأ ایسأ! 23 هسأ خودا نأمَ قسم بوخور کی مٚرَه و می زأکأن و می نتأجَ خیأنت نوکونی و هوطؤ کی من خُبی اَمرأ تی اَمرأ کردٚکأر بوکودم تویٚم می اَمرأ و می مملکتٚ اَمرأ کی اونٚ میأن زٚندیگی کودأندری، خُبی اَمرأ کردٚکأر کونی.»
24 ایبرأهیم جوأب بٚدأ: «قسم خورٚم اوطؤ کی بوگفتید کردٚکأر بوکونٚم.»
25 بأزون ایبرأهیم دروأره‌یٚ او چأه آب کی ابیملکٚ خیدمتگوزأرأن زورٚ اَمرأ اونی جَا فأگیفته بود، اونٚ ورجأ شیکأیت بوکوده. 26 پأدیشأ ابیملک بوگفته: «اَن اوّلی وأر ایسٚه کی اَ موضویَ ایشتأوٚم و نأنم کویتأ جٚه می خیدمتگوزأرأن اَ کأرٚ دورون تقصیرکأر ایسٚد. چٚره پیشتر جٚه اَن مٚرَه خٚوٚر نٚدأیی؟»
27 او وخت ایبرأهیم، گوسوٚندأن، بوزأن و گأبأنَ ابیملکَ فأدأ و کس‌کسٚ اَمرأ عهد دٚوٚستٚد. 28 بأزون ایبرأهیم هفتأ بٚرّه جٚه گلّه سیوأ وأکوده. 29 پأدیشأ وأوٚرسِه: «چٚره اَ کأرَ کودأندری؟»
30 ایبرأهیم جوأب بٚدأ: «اَشأن او پیشکشأن ایسٚد کی من تٚرَه فأدم کی همه کس بدأند کی اَ چأه می شین ایسٚه.»
31 جٚه اونٚ پٚسی اَ چأه، بئرشبع (ینی «قسمٚ چأه») نأم بٚنأ بوبوسته، چونکی اوشأن اویَه کس‌کسٚ اَمرأ عهد دٚوٚسته بود. 32 هو وخت ابیملک و فیکول اونٚ لشکرٚ فرمأنده، فلسطین ینی خوشأنٚ سرزیمینَ وأگردستٚده. 33 ایبرأهیم او چأه ورجأ ایتأ گزٚ دأر بٚکأشته و خوداوند، اَبدی خودایَ عیبأدت بوکود. 34 ایبرأهیم خٚیلی زمأتٚ رِه فلسطینٚ سرزیمینٚ میأن غریبٚ جیگأ دورون زٚندیگی بوکوده.
The Gilaki Contemporary Bible is a Product of Transform Iran © 2024. All rights reserved. www.kelisayejame.org