پیدأیش ۱۸
۱۸
سه‌تأ فٚرٚشته‌یَ دِئن
1 او زمأت کی ایبرأهیم ممری بلوط دأرأنٚ میأن زٚندیگی کودی، خوداوند ایوأردِه اونَ آشیکأرَ بوسته. اَ مأجیرأ اَطؤ ایسٚه: ایبرأهیم روجٚ گرمأ میأن خو چأدرٚ درٚ ورجأ نیشته بو. 2 ایوأرکی وأخبدأرَ بوسته کی سه تأ مردأی اَمؤندرد اونی ور. پٚس خو جأ سٚر ویریشته و بوشؤ اوشأنٚ پیشوأز. ایبرأهیم سوجده بوکوده، 3 بوگفته: «اَی آقأ جأن، شٚمٚره مینّت کونٚم ایپچه بِئیسید، 4 اَ دأرٚ سأیه دیمه میأن نفَس بیگیرید. من شم و شیمی پأیأنٚ شؤستنٚ رِه آب اَوٚرم. 5 شیمی قوّت گیفتنٚ رِه ایتأ لوقمه نأنٚم اَوٚرم کی بوخورید و بتأنید شیمی سٚفرَ ایدأمه بٚدید. شومأن می میهمأن ایسیدی.» اوشأن بوگفتٚده: «اونچی کی بوگفتی‌یَ بوکون.»
6 بأزون دفأتن ایبرأهیم وأگردسته چأدرٚ میأن و سارایَ بوگفته: «دٚس بوجونبأن! او بِیترین آردٚ جَا کی دأری چنتأ نأن چأکون.» 7 بأزون خودش بودؤوٚسته گله ور، ایتأ خورومٚ مأندأکَ بیگیفته و فأدأ خو نوکرَ کی زوتر اونَ آمأدَه کونٚه. 8 پور زمأت نوبوسته کی ایبرأهیم خو میهمأنأنٚ رِه ایپچه کره و شیر و کبأب بأوٚرده و اوشأنٚ ورجأ بٚنأ و هوطؤ کی اوشأن خوردأندوبود، اَشأنٚ ورجأ ایتأ دأرٚ جیر بٚپأ بِئیسأ.
9 میهمأنأن ایبرأهیمٚ جَا وأوٚرسِئده: «تی زنأی سارا کؤیَه ایسأ؟» جوأب بٚدأ: «اون چأدرٚ میأن ایسأ.»
10 بأزون ایتأ جٚه اَشأن بوگفته: «ایتأ سأل بوبوسته پٚسی اَطؤچی زمأتٚ میأن اَیٚم تی ورجأ و سارا ایتأ پٚسر زأیِه!» سارا چأدرٚ درٚ پوشت ایسأ بو و اوشأنٚ گبأنَ ایشتأوٚستأندوبو. 11 او زمأتٚ میأن ایبرأهیم و سارا هر دوتأن خٚیلی پیر بود و دِه سارا زأیدأر بوستنٚ رِه دِئرَ بوسته بو.
12 پٚس سارا خو دیلٚ میأن خنده دٚشکنه و بوگفته: «ینی ایتأ می سن و سألٚ میأن زنأی ایتأ اَجور پیرٚ مردأکٚ اَمرأ تأنه زأیدأر بٚبه؟»
13 خوداوند ایبرأهیمَ بوگفته: «چٚره سارا خنده دٚشکنه و بوگفته: "ینی ایتأ می سن و سألٚ میأن زنأی تأنه زأیدأر بٚبه؟" 14 مگه هیتأ کأر نٚهأ کی خوداوندٚ رِه موشکیل بٚبه؟ هوطؤ کی تٚرَه بوگفتم ایتأ سأل بوبوسته پٚسی، اَطؤچی زمأتٚ میأن اَیٚم تی ورجأ و سارا ایتأ پٚسر زأیِه.»
15 ولی اونی وأسی کی سارا بٚترسه بو، دورُغَ کوده، بوگفته: «من خنده دٚنٚشکنِم!» بوگفته: «چٚره خنده دٚشکنِیی!»
ایبرأهیمٚ میأنجیگیری سدومٚ وأسی
16 بأزون او سه‌تأ مردأی ویریشتده کی بٚشٚد سدومٚ شهرٚ میأن و ایبرأهیمٚم اَشأنٚ رأهی کودنٚ رِه ویریشته. 17 ولی خوداوند بوگفته: «ینی می نقشه‌یَ ایبرأهیمٚ جَا جیگأ بٚدم؟ 18 هسأ کی اونی جَا ایتأ پورزور و پیله قوم بیرون اَیِه و تومأمٚ دونیأ قومأن اونی جَا برکت گیرده. 19 من اونَ اینتخأب بوکودم کی خو زأکأن و خو خأنه آدمأنَ بأموجه کی می جَا فرمأن بٚبرد، اونچی کی رأست و دوروست ایسٚه بجأ بأوٚرٚد. اگه اَطؤ بوکوند منم اونچی کی اونَ وعده بٚدأمَ، انجأم دٚهٚم.»
20 پٚس خوداوند ایبرأهیمَ بٚفرمأسته: «فریأد بٚزِده کی سدوم و عموره مردوم ظولم کودأندرد و اَشأنٚ گونأیأن زیأدَ بوسته. 21 پٚس شم بیجیر او فریأدٚ فأرٚس فوروس کودنٚ وأسی کی بٚشتأوٚستم.»
22 بأزون او دو نفر بوشؤده سدومٚ شهرٚ ور، ولی خوداوند ایبرأهیمٚ ورجأ بِئیسأ. 23 ایبرأهیم اونَ نیزدیکَ بوسته، بوگفته: «خوداوندا، ینی عأدیلٚ آدمأنَ نأجورٚ آدمأنٚ اَمرأ هلأکَ کونی؟ 24 بلکی او شهرٚ میأن پنجأتأ عأدیلٚ آدم بِئیسه. ینی اوشأنٚ وأسی، اویَه جٚه بین بردنٚ جَا دٚنوأری؟ 25 حتم دأنٚم کی تو عأدیلٚ آدمأنَ نأجورٚ آدمأنٚ اَمرأ هلأکَ نوکونی. چوطؤ بِه کی عأدیلٚ آدمأن و نأجورٚ آدمأنٚ اَمرأ ایجور رفتأر بوکونی؟ ینی تومأمٚ دونیأ دأور جٚه عدل و اینصأفٚ سٚر قیضأوت نوکونِه؟»
26 خوداوند ایبرأهیمٚ جوأبٚ رِه بٚفرمأسته: «اگه پنجأتأ عأدیلٚ آدم سدومٚ شهرٚ میأن بیأفٚم، اوشأنٚ وأسی اویَه جٚه بین بردنٚ جَا گوذشت کونٚم.»
27 ایبرأهیم ایوأردِه عرض بوکوده: «مٚرَه کی هیچی نییٚم و خأکٚ شین ایسمَ وئأل جیسأرت بوکونٚم، بٚگم کی 28 اگه سدومٚ شهرٚ میأن فقد چهل و پنج تأ عأدیلٚ آدم بِئیسه، ینی او پنج‌تأ کمترٚ وأسی، شهرَ جٚه بین بری؟» خوداوند بٚفرمأسته: «اگه چهل و پنج‌تأ خورومٚ آدم اویَه بِئیسٚد، اونَ جٚه بین نٚبرم.»
29 ایبرأهیم ایوأردِه خو گبأنَ ایدأمه بٚدأ و بوگفته: «شأید چهل نفر بٚبد!» خوداوند بٚفرمأسته: «اگه چهل نفرم بٚبد اویَه جٚه بین نٚبرم.»
30 ایبرأهیم عرض بوکوده: «تٚرَه مینّت کونٚم کی برزخَ نیبی و وئألی گب بٚزٚنم. شأید اویَه سی نفر بیأفتی!» خوداوند بٚفرمأسته: «اگه سی نفر بیأفته بٚبه، من اویَه جٚه بین نٚبرم.»
31 ایبرأهیم عرض بوکوده: «می جیسأرتَ بٚبخش و وئأل وأوٚرسٚم اگه بیست‌تأ عأدیلٚ آدم اویَه بیأفته بٚبد، ینی بأزم اویَه جٚه بین بری؟» خوداوند بٚفرمأسته: «اگه بیست‌تأ آدمٚم بِئیسٚد شهرَ جٚه بین نٚبرم.»
32 ایبرأهیم آخرسٚرِی عرض بوکوده: «خوداوندا، تٚرَه برزخَ نوکونٚم! اَن می آخری سوأل ایسٚه. شأید ده‌تأ عأدیلٚ آدم او شهرٚ میأن بیأفته بٚبه!» خوداوند بٚفرمأسته: «اگه ده‌تأ عأدیلٚ آدمٚم بٚبد، شهرَ جٚه بین نٚبرم.»
33 خوداوند ایبرأهیمٚ اَمرأ گب زِئنٚ پٚسی، جٚه اویَه بوشؤ و ایبرأهیم وأگردسته خو چأدرٚ میأن.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۱۸
۱۸
سه‌تأ فٚرٚشته‌یَ دِئن
1 او زمأت کی ایبرأهیم ممری بلوط دأرأنٚ میأن زٚندیگی کودی، خوداوند ایوأردِه اونَ آشیکأرَ بوسته. اَ مأجیرأ اَطؤ ایسٚه: ایبرأهیم روجٚ گرمأ میأن خو چأدرٚ درٚ ورجأ نیشته بو. 2 ایوأرکی وأخبدأرَ بوسته کی سه تأ مردأی اَمؤندرد اونی ور. پٚس خو جأ سٚر ویریشته و بوشؤ اوشأنٚ پیشوأز. ایبرأهیم سوجده بوکوده، 3 بوگفته: «اَی آقأ جأن، شٚمٚره مینّت کونٚم ایپچه بِئیسید، 4 اَ دأرٚ سأیه دیمه میأن نفَس بیگیرید. من شم و شیمی پأیأنٚ شؤستنٚ رِه آب اَوٚرم. 5 شیمی قوّت گیفتنٚ رِه ایتأ لوقمه نأنٚم اَوٚرم کی بوخورید و بتأنید شیمی سٚفرَ ایدأمه بٚدید. شومأن می میهمأن ایسیدی.» اوشأن بوگفتٚده: «اونچی کی بوگفتی‌یَ بوکون.»
6 بأزون دفأتن ایبرأهیم وأگردسته چأدرٚ میأن و سارایَ بوگفته: «دٚس بوجونبأن! او بِیترین آردٚ جَا کی دأری چنتأ نأن چأکون.» 7 بأزون خودش بودؤوٚسته گله ور، ایتأ خورومٚ مأندأکَ بیگیفته و فأدأ خو نوکرَ کی زوتر اونَ آمأدَه کونٚه. 8 پور زمأت نوبوسته کی ایبرأهیم خو میهمأنأنٚ رِه ایپچه کره و شیر و کبأب بأوٚرده و اوشأنٚ ورجأ بٚنأ و هوطؤ کی اوشأن خوردأندوبود، اَشأنٚ ورجأ ایتأ دأرٚ جیر بٚپأ بِئیسأ.
9 میهمأنأن ایبرأهیمٚ جَا وأوٚرسِئده: «تی زنأی سارا کؤیَه ایسأ؟» جوأب بٚدأ: «اون چأدرٚ میأن ایسأ.»
10 بأزون ایتأ جٚه اَشأن بوگفته: «ایتأ سأل بوبوسته پٚسی اَطؤچی زمأتٚ میأن اَیٚم تی ورجأ و سارا ایتأ پٚسر زأیِه!» سارا چأدرٚ درٚ پوشت ایسأ بو و اوشأنٚ گبأنَ ایشتأوٚستأندوبو. 11 او زمأتٚ میأن ایبرأهیم و سارا هر دوتأن خٚیلی پیر بود و دِه سارا زأیدأر بوستنٚ رِه دِئرَ بوسته بو.
12 پٚس سارا خو دیلٚ میأن خنده دٚشکنه و بوگفته: «ینی ایتأ می سن و سألٚ میأن زنأی ایتأ اَجور پیرٚ مردأکٚ اَمرأ تأنه زأیدأر بٚبه؟»
13 خوداوند ایبرأهیمَ بوگفته: «چٚره سارا خنده دٚشکنه و بوگفته: "ینی ایتأ می سن و سألٚ میأن زنأی تأنه زأیدأر بٚبه؟" 14 مگه هیتأ کأر نٚهأ کی خوداوندٚ رِه موشکیل بٚبه؟ هوطؤ کی تٚرَه بوگفتم ایتأ سأل بوبوسته پٚسی، اَطؤچی زمأتٚ میأن اَیٚم تی ورجأ و سارا ایتأ پٚسر زأیِه.»
15 ولی اونی وأسی کی سارا بٚترسه بو، دورُغَ کوده، بوگفته: «من خنده دٚنٚشکنِم!» بوگفته: «چٚره خنده دٚشکنِیی!»
ایبرأهیمٚ میأنجیگیری سدومٚ وأسی
16 بأزون او سه‌تأ مردأی ویریشتده کی بٚشٚد سدومٚ شهرٚ میأن و ایبرأهیمٚم اَشأنٚ رأهی کودنٚ رِه ویریشته. 17 ولی خوداوند بوگفته: «ینی می نقشه‌یَ ایبرأهیمٚ جَا جیگأ بٚدم؟ 18 هسأ کی اونی جَا ایتأ پورزور و پیله قوم بیرون اَیِه و تومأمٚ دونیأ قومأن اونی جَا برکت گیرده. 19 من اونَ اینتخأب بوکودم کی خو زأکأن و خو خأنه آدمأنَ بأموجه کی می جَا فرمأن بٚبرد، اونچی کی رأست و دوروست ایسٚه بجأ بأوٚرٚد. اگه اَطؤ بوکوند منم اونچی کی اونَ وعده بٚدأمَ، انجأم دٚهٚم.»
20 پٚس خوداوند ایبرأهیمَ بٚفرمأسته: «فریأد بٚزِده کی سدوم و عموره مردوم ظولم کودأندرد و اَشأنٚ گونأیأن زیأدَ بوسته. 21 پٚس شم بیجیر او فریأدٚ فأرٚس فوروس کودنٚ وأسی کی بٚشتأوٚستم.»
22 بأزون او دو نفر بوشؤده سدومٚ شهرٚ ور، ولی خوداوند ایبرأهیمٚ ورجأ بِئیسأ. 23 ایبرأهیم اونَ نیزدیکَ بوسته، بوگفته: «خوداوندا، ینی عأدیلٚ آدمأنَ نأجورٚ آدمأنٚ اَمرأ هلأکَ کونی؟ 24 بلکی او شهرٚ میأن پنجأتأ عأدیلٚ آدم بِئیسه. ینی اوشأنٚ وأسی، اویَه جٚه بین بردنٚ جَا دٚنوأری؟ 25 حتم دأنٚم کی تو عأدیلٚ آدمأنَ نأجورٚ آدمأنٚ اَمرأ هلأکَ نوکونی. چوطؤ بِه کی عأدیلٚ آدمأن و نأجورٚ آدمأنٚ اَمرأ ایجور رفتأر بوکونی؟ ینی تومأمٚ دونیأ دأور جٚه عدل و اینصأفٚ سٚر قیضأوت نوکونِه؟»
26 خوداوند ایبرأهیمٚ جوأبٚ رِه بٚفرمأسته: «اگه پنجأتأ عأدیلٚ آدم سدومٚ شهرٚ میأن بیأفٚم، اوشأنٚ وأسی اویَه جٚه بین بردنٚ جَا گوذشت کونٚم.»
27 ایبرأهیم ایوأردِه عرض بوکوده: «مٚرَه کی هیچی نییٚم و خأکٚ شین ایسمَ وئأل جیسأرت بوکونٚم، بٚگم کی 28 اگه سدومٚ شهرٚ میأن فقد چهل و پنج تأ عأدیلٚ آدم بِئیسه، ینی او پنج‌تأ کمترٚ وأسی، شهرَ جٚه بین بری؟» خوداوند بٚفرمأسته: «اگه چهل و پنج‌تأ خورومٚ آدم اویَه بِئیسٚد، اونَ جٚه بین نٚبرم.»
29 ایبرأهیم ایوأردِه خو گبأنَ ایدأمه بٚدأ و بوگفته: «شأید چهل نفر بٚبد!» خوداوند بٚفرمأسته: «اگه چهل نفرم بٚبد اویَه جٚه بین نٚبرم.»
30 ایبرأهیم عرض بوکوده: «تٚرَه مینّت کونٚم کی برزخَ نیبی و وئألی گب بٚزٚنم. شأید اویَه سی نفر بیأفتی!» خوداوند بٚفرمأسته: «اگه سی نفر بیأفته بٚبه، من اویَه جٚه بین نٚبرم.»
31 ایبرأهیم عرض بوکوده: «می جیسأرتَ بٚبخش و وئأل وأوٚرسٚم اگه بیست‌تأ عأدیلٚ آدم اویَه بیأفته بٚبد، ینی بأزم اویَه جٚه بین بری؟» خوداوند بٚفرمأسته: «اگه بیست‌تأ آدمٚم بِئیسٚد شهرَ جٚه بین نٚبرم.»
32 ایبرأهیم آخرسٚرِی عرض بوکوده: «خوداوندا، تٚرَه برزخَ نوکونٚم! اَن می آخری سوأل ایسٚه. شأید ده‌تأ عأدیلٚ آدم او شهرٚ میأن بیأفته بٚبه!» خوداوند بٚفرمأسته: «اگه ده‌تأ عأدیلٚ آدمٚم بٚبد، شهرَ جٚه بین نٚبرم.»
33 خوداوند ایبرأهیمٚ اَمرأ گب زِئنٚ پٚسی، جٚه اویَه بوشؤ و ایبرأهیم وأگردسته خو چأدرٚ میأن.
The Gilaki Contemporary Bible is a Product of Transform Iran © 2024. All rights reserved. www.kelisayejame.org