پیدأیش ۱۷
۱۷
ایسحأقٚ تولدٚ وعده
1 او وخت کی ابرام نود و نه سأل دأشتی، خوداوند اونَ آشیکأرَ بوسته و بٚفرمأسته: «من اِل شَدّای، او خودا ایسٚم کی قأدیرٚ موطلق ایسٚه. می جَا فرمأن بٚبر و اونچی رأست ایسٚه بجأ بأوٚر. 2 تی اَمرأ عهد دٚوٚدٚم کی تی نتأجَ زیأدَ کونٚم.»
3 بأزون ابرام فوچومسته زیمینٚ ور و خودا اونَ بوگفته: 4 «من تی اَمرأ عهد دٚوٚدٚم کی تی جَا خٚیلی قومأن بٚوجود بأوٚرم. 5 جٚه اَنٚ پٚسی تی نأم ابرام نییٚه، بلکی ایبرأهیم ایسٚه؛ چونکی من تٚرَه خٚیلی جٚه قؤمأنٚ پِئر چأکونم. 6 تی نتأجَ زیأدَ کونٚم و اوشأنٚ جَا قومأن و پأدیشأیأن بٚوجود اَوٚرم. 7 من می عهدَ اَبدٚ رِه تی اَمرأ و تی پٚسی تی زأکأنٚ اَمرأ، پوشت در پوشت قأیم نٚهٚم. من تی خودا ایسٚم و تی زأکأنٚ خودایٚم بٚم. 8 تومأمٚ کنعانٚ سرزیمینَ کی اَسه اونی میأن غریب ایسی، اَبدٚ رِه تٚرَه و تی نتأجَ بٚخشم و اَشأنٚ خودا بٚم.»
9 بأزون خودا ایبرأهیمَ بٚفرمأسته: «تی وظیفه ایسٚه کی می عهدَ بٚدأری، تو و تی زأکأن و او نتأج کی دونبألتر اَیٚده. 10 اَن او عهد ایسٚه کی تو و تی نتأج وأستی بٚدأرید: تومأمٚ شیمی مردأکأن و پٚسرأن وأستی ختنه بٚبد. 11 وأستی شیمی قُلفه گوشتَ وأوینید کی اَ کأرٚ اَمرأ نیشأن بٚدید می عهدَ قوبیل بوکودیدی.
12 «شیمی نتأجأنٚ میأن، وأستی هرتأ پٚسر کی هشت روج دأره ختنه بٚبه. اَ قأنون تومأمٚ زرخرید و خأنه‌زأ مردأکأنٚ شینم ایسٚه. 13 همٚتأ وأستی ختنه بٚبد و اَن می اَبدی عهدٚ جَا شیمی جأنٚ سٚر ایتأ نیشأنه بِه. 14 هرکی نخأسته بی کی ختنه بٚبه، وأستی خو مردومٚ جَا سیوأ بٚبه، چونکی می عهدَ بشکنِه.»
15 خودایٚم اَطؤیم بٚفرمأسته: «ولی تی زنأی سارایٚ دروأره: جٚه اَنٚ پٚسی دِه اونَ دؤنخأن سارای. اونی نأم سارا (ینی "شأزأده") بِه. 16 من اونَ برکت دٚهٚم و اونی جَا ایتأ پٚسر تٚرَه بٚخشم. هطؤیه، اونَ زیأد برکت دٚهٚم و اون خٚیلی جٚه قومأنٚ مأر بِه. جٚه تی زأکأنٚ میأن، پأدیشأیأن ویریزٚده.»
17 بأزون ایبرأهیم سوجده بوکوده، خنده دٚشکنه و خو دیلٚ میأن بوگفته: «ینی ایتأ پٚسر صد سأله مردأکٚ رِه بٚبه و سارا نود سأل دأشتنٚ میأن زأی بأوٚره؟» 18 پٚس خودا رِه عرض بوکوده: «خوداوندا، هو ایسمأعیلَ فأندر.»
19 ولی خودا بٚفرمأسته: «حتم بٚدأر هو سارا ایتأ پٚسر تِرِه زأیِه و تو اونی نأمَ ایسحأق (ینی "خنده") نیهی. من می عهدَ اَبدٚ رِه اونی اَمرأ و اونی نتأجٚ اَمرأ قأیم نٚهٚم. 20 ولی ایسمأعیلٚ رِه تی خأسته‌یَ انجأم بٚدأم و اونَ برکت دٚهٚم و اونی نتأجَ ایجور زیأدَ کونٚم کی ایتأ پیله قوم اونی جَا بیرون بأیٚه. اونی زأکأنٚ میأن دوأزده‌تأ امیر ویریزٚده. 21 ولی می عهدَ ایسحأقٚ اَمرأ قأیم چأکونم کی سارا اونَ ایتأ سأل دِه هه زمأتٚ میأن تِرِه زأیِه.»
22 بأزون خودا ایبرأهیمٚ اَمرأ گب زِئنٚ تومأنَ کوده و جٚه اونی ورجأ بوشؤ. 23 بأزون ایبرأهیم، خو زأی ایسمأعیل و خو خأنه میأن البأقی مردأکأن و پٚسرأنَ، هوطؤ کی خودا بٚفرمأسته بو ختنه بوکوده. 24 او زمأتٚ میأن ایبرأهیم نود و نه سأل دأشتی 25 و اونی پٚسر ایسمأعیل سیزده سأل دأشتی. 26 اوشأن هردوتأن هو روجٚ میأن ختنه بوبوستده. 27 هطؤیم اونی خأنه میأن تومأمٚ مردأکأن و پٚسرأن، چی خأنه‌زأ و چی زرخرید، ختنه بوبوستده.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۱۷
۱۷
ایسحأقٚ تولدٚ وعده
1 او وخت کی ابرام نود و نه سأل دأشتی، خوداوند اونَ آشیکأرَ بوسته و بٚفرمأسته: «من اِل شَدّای، او خودا ایسٚم کی قأدیرٚ موطلق ایسٚه. می جَا فرمأن بٚبر و اونچی رأست ایسٚه بجأ بأوٚر. 2 تی اَمرأ عهد دٚوٚدٚم کی تی نتأجَ زیأدَ کونٚم.»
3 بأزون ابرام فوچومسته زیمینٚ ور و خودا اونَ بوگفته: 4 «من تی اَمرأ عهد دٚوٚدٚم کی تی جَا خٚیلی قومأن بٚوجود بأوٚرم. 5 جٚه اَنٚ پٚسی تی نأم ابرام نییٚه، بلکی ایبرأهیم ایسٚه؛ چونکی من تٚرَه خٚیلی جٚه قؤمأنٚ پِئر چأکونم. 6 تی نتأجَ زیأدَ کونٚم و اوشأنٚ جَا قومأن و پأدیشأیأن بٚوجود اَوٚرم. 7 من می عهدَ اَبدٚ رِه تی اَمرأ و تی پٚسی تی زأکأنٚ اَمرأ، پوشت در پوشت قأیم نٚهٚم. من تی خودا ایسٚم و تی زأکأنٚ خودایٚم بٚم. 8 تومأمٚ کنعانٚ سرزیمینَ کی اَسه اونی میأن غریب ایسی، اَبدٚ رِه تٚرَه و تی نتأجَ بٚخشم و اَشأنٚ خودا بٚم.»
9 بأزون خودا ایبرأهیمَ بٚفرمأسته: «تی وظیفه ایسٚه کی می عهدَ بٚدأری، تو و تی زأکأن و او نتأج کی دونبألتر اَیٚده. 10 اَن او عهد ایسٚه کی تو و تی نتأج وأستی بٚدأرید: تومأمٚ شیمی مردأکأن و پٚسرأن وأستی ختنه بٚبد. 11 وأستی شیمی قُلفه گوشتَ وأوینید کی اَ کأرٚ اَمرأ نیشأن بٚدید می عهدَ قوبیل بوکودیدی.
12 «شیمی نتأجأنٚ میأن، وأستی هرتأ پٚسر کی هشت روج دأره ختنه بٚبه. اَ قأنون تومأمٚ زرخرید و خأنه‌زأ مردأکأنٚ شینم ایسٚه. 13 همٚتأ وأستی ختنه بٚبد و اَن می اَبدی عهدٚ جَا شیمی جأنٚ سٚر ایتأ نیشأنه بِه. 14 هرکی نخأسته بی کی ختنه بٚبه، وأستی خو مردومٚ جَا سیوأ بٚبه، چونکی می عهدَ بشکنِه.»
15 خودایٚم اَطؤیم بٚفرمأسته: «ولی تی زنأی سارایٚ دروأره: جٚه اَنٚ پٚسی دِه اونَ دؤنخأن سارای. اونی نأم سارا (ینی "شأزأده") بِه. 16 من اونَ برکت دٚهٚم و اونی جَا ایتأ پٚسر تٚرَه بٚخشم. هطؤیه، اونَ زیأد برکت دٚهٚم و اون خٚیلی جٚه قومأنٚ مأر بِه. جٚه تی زأکأنٚ میأن، پأدیشأیأن ویریزٚده.»
17 بأزون ایبرأهیم سوجده بوکوده، خنده دٚشکنه و خو دیلٚ میأن بوگفته: «ینی ایتأ پٚسر صد سأله مردأکٚ رِه بٚبه و سارا نود سأل دأشتنٚ میأن زأی بأوٚره؟» 18 پٚس خودا رِه عرض بوکوده: «خوداوندا، هو ایسمأعیلَ فأندر.»
19 ولی خودا بٚفرمأسته: «حتم بٚدأر هو سارا ایتأ پٚسر تِرِه زأیِه و تو اونی نأمَ ایسحأق (ینی "خنده") نیهی. من می عهدَ اَبدٚ رِه اونی اَمرأ و اونی نتأجٚ اَمرأ قأیم نٚهٚم. 20 ولی ایسمأعیلٚ رِه تی خأسته‌یَ انجأم بٚدأم و اونَ برکت دٚهٚم و اونی نتأجَ ایجور زیأدَ کونٚم کی ایتأ پیله قوم اونی جَا بیرون بأیٚه. اونی زأکأنٚ میأن دوأزده‌تأ امیر ویریزٚده. 21 ولی می عهدَ ایسحأقٚ اَمرأ قأیم چأکونم کی سارا اونَ ایتأ سأل دِه هه زمأتٚ میأن تِرِه زأیِه.»
22 بأزون خودا ایبرأهیمٚ اَمرأ گب زِئنٚ تومأنَ کوده و جٚه اونی ورجأ بوشؤ. 23 بأزون ایبرأهیم، خو زأی ایسمأعیل و خو خأنه میأن البأقی مردأکأن و پٚسرأنَ، هوطؤ کی خودا بٚفرمأسته بو ختنه بوکوده. 24 او زمأتٚ میأن ایبرأهیم نود و نه سأل دأشتی 25 و اونی پٚسر ایسمأعیل سیزده سأل دأشتی. 26 اوشأن هردوتأن هو روجٚ میأن ختنه بوبوستده. 27 هطؤیم اونی خأنه میأن تومأمٚ مردأکأن و پٚسرأن، چی خأنه‌زأ و چی زرخرید، ختنه بوبوستده.
The Gilaki Contemporary Bible is a Product of Transform Iran © 2024. All rights reserved. www.kelisayejame.org