پیدأیش ۱۶
۱۶
هأجر و ایسمأعیل
1 ولی ابرامٚ زن سارای، اونی رِه هیتأ زأی نزأ بو. سارای ایتأ کنیز دأشتی هأجر نأم کی مصرٚ شین بو. 2 پٚس سارای ابرامَ بوگفته: «خوداوند مٚرَه زأی دأر بوستنٚ جَا بدأشته دأره. پٚس تو می کنیزٚ اَمرأ همخأب بوبو، کی شأید مِرِه ایتأ زأی بودونیأ بأوٚره.» ابرام سارایٚ گبَ قوبیل بوکوده. 3 پٚس سارای، ابرامٚ زن، خو مصری کنیز هأجرَ بیگفته، فأدأ ابرامَ کی اونی زن بٚبه. اَ مأجیرأ ده سألٚ پٚسی جٚه ابرامٚ سأمأن گیفتن کنعانٚ میأن ایتفأق دکفته. 4 ابرام هأجرٚ اَمرأ همخأب بوبوسته و اون شکم اوسأده. هأجر او وخت کی بٚفأمسته شکم دأره، خؤرِه گولأز بوکوده و اونی پٚسی، خو خأنم سارایَ کوچیکَ کودی.
5 بأزون سارای ابرامَ بوگفته: «تی کأر ایسٚه کی اَ کنیز مٚرَه کوچیکَ کونه. من اونَ تٚرَه فأدأم، ولی جٚه او زمأت کی بٚفأمسته شکم دأره، مٚرَه کوچیکَ کونِه. خوداوند خودش می حقَ تی جَا فأگیرٚه.»
6 ابرام جوأب بٚدأ: «اون تی کنیزه، هر جور کی دأنی اونی اَمرأ رفتأر بوکون.» پٚس سارای بینأ بوکود هأجرٚ اَمرأ نأجورٚ کردٚکأر کودن و اون جٚه خأنه بوگروخته.
7 خوداوندٚ فٚرٚشته «شورٚ» رأ سٚر، بیأبأن دورون ایتأ چشمه آبَ فأنرٚسه، هأجرَ بیأفته. 8 فٚرٚشته بوگفته: «اَی هأجر، سارایٚ کنیز، جٚه کویٚه بأمؤیی و کویَه شی؟» بوگفته: «من می خأنم سارایٚ خأنه جَا گروختأندرم.»
9 خوداوندٚ فٚرٚشته اونَ بوگفته: «وأگرد تی خأنمٚ ورجأ و اونی جَا فرمأن بٚبر.» 10 و هطؤیم بوگفته: «من تی نتأجَ زیأدَ کونٚم.» 11 فٚرٚشته درأزه بٚدأ: «اَسه تو شکم دأری و ایتأ پٚسر زأیی. اونی نأمَ بٚنه ایسمأعیل (ینی "خودا ایشتأوه")، چونکی خوداوند تی آه و نأله‌یَ بٚشتأوٚسته. 12 تی پٚسر ایتأ وأشی مردأی به و خو برأرأنٚ اَمرأ سأزش نوکونِه. اون همه کسٚ ضد و همه کس اونی ضد بٚده.»
13 هأجر خو اَمرأ بوگفته: «ینی رأس‌رأسِی خودایَ بیدِم و زٚنده بمأنستم؟» پٚس خوداوندَ کی اونی اَمرأ گب بٚزِه بو «اَنتَ ایل رُئی» (ینی «تو او خودا ایسی کی دینی») نأم بٚنأ. 14 هنٚ وأسی او چأه کی قادش و باردٚ میأن نٚهأ «بئرلَحَی رُئی» (ینی «او زٚنده خودا چأه کی مٚرَه دینه») نأم بٚنأ بوبوسته.
15 پٚس هأجر ابرامٚ رِه ایتأ پٚسر بٚزأ و ابرام اونی نأمَ بٚنأ ایسمأعیل. 16 اَ زمأتٚ میأن ابرام هشتأد و شیش سأل دأشتی.
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۱۶
۱۶
هأجر و ایسمأعیل
1 ولی ابرامٚ زن سارای، اونی رِه هیتأ زأی نزأ بو. سارای ایتأ کنیز دأشتی هأجر نأم کی مصرٚ شین بو. 2 پٚس سارای ابرامَ بوگفته: «خوداوند مٚرَه زأی دأر بوستنٚ جَا بدأشته دأره. پٚس تو می کنیزٚ اَمرأ همخأب بوبو، کی شأید مِرِه ایتأ زأی بودونیأ بأوٚره.» ابرام سارایٚ گبَ قوبیل بوکوده. 3 پٚس سارای، ابرامٚ زن، خو مصری کنیز هأجرَ بیگفته، فأدأ ابرامَ کی اونی زن بٚبه. اَ مأجیرأ ده سألٚ پٚسی جٚه ابرامٚ سأمأن گیفتن کنعانٚ میأن ایتفأق دکفته. 4 ابرام هأجرٚ اَمرأ همخأب بوبوسته و اون شکم اوسأده. هأجر او وخت کی بٚفأمسته شکم دأره، خؤرِه گولأز بوکوده و اونی پٚسی، خو خأنم سارایَ کوچیکَ کودی.
5 بأزون سارای ابرامَ بوگفته: «تی کأر ایسٚه کی اَ کنیز مٚرَه کوچیکَ کونه. من اونَ تٚرَه فأدأم، ولی جٚه او زمأت کی بٚفأمسته شکم دأره، مٚرَه کوچیکَ کونِه. خوداوند خودش می حقَ تی جَا فأگیرٚه.»
6 ابرام جوأب بٚدأ: «اون تی کنیزه، هر جور کی دأنی اونی اَمرأ رفتأر بوکون.» پٚس سارای بینأ بوکود هأجرٚ اَمرأ نأجورٚ کردٚکأر کودن و اون جٚه خأنه بوگروخته.
7 خوداوندٚ فٚرٚشته «شورٚ» رأ سٚر، بیأبأن دورون ایتأ چشمه آبَ فأنرٚسه، هأجرَ بیأفته. 8 فٚرٚشته بوگفته: «اَی هأجر، سارایٚ کنیز، جٚه کویٚه بأمؤیی و کویَه شی؟» بوگفته: «من می خأنم سارایٚ خأنه جَا گروختأندرم.»
9 خوداوندٚ فٚرٚشته اونَ بوگفته: «وأگرد تی خأنمٚ ورجأ و اونی جَا فرمأن بٚبر.» 10 و هطؤیم بوگفته: «من تی نتأجَ زیأدَ کونٚم.» 11 فٚرٚشته درأزه بٚدأ: «اَسه تو شکم دأری و ایتأ پٚسر زأیی. اونی نأمَ بٚنه ایسمأعیل (ینی "خودا ایشتأوه")، چونکی خوداوند تی آه و نأله‌یَ بٚشتأوٚسته. 12 تی پٚسر ایتأ وأشی مردأی به و خو برأرأنٚ اَمرأ سأزش نوکونِه. اون همه کسٚ ضد و همه کس اونی ضد بٚده.»
13 هأجر خو اَمرأ بوگفته: «ینی رأس‌رأسِی خودایَ بیدِم و زٚنده بمأنستم؟» پٚس خوداوندَ کی اونی اَمرأ گب بٚزِه بو «اَنتَ ایل رُئی» (ینی «تو او خودا ایسی کی دینی») نأم بٚنأ. 14 هنٚ وأسی او چأه کی قادش و باردٚ میأن نٚهأ «بئرلَحَی رُئی» (ینی «او زٚنده خودا چأه کی مٚرَه دینه») نأم بٚنأ بوبوسته.
15 پٚس هأجر ابرامٚ رِه ایتأ پٚسر بٚزأ و ابرام اونی نأمَ بٚنأ ایسمأعیل. 16 اَ زمأتٚ میأن ابرام هشتأد و شیش سأل دأشتی.
The Gilaki Contemporary Bible is a Product of Transform Iran © 2024. All rights reserved. www.kelisayejame.org