Yohanna 18
18
Ɓaa ma Yeso
1Pa Yeso feɗsǝ kǝnara wa, yǝ lee hansǝsa ma emfǝɗkaa ɓisa ɓǝ tall sen Kidron wa. A hansǝsa ɓabra kǝra kǝnso, pa ɓǝ kan ɗaan ma emfǝɗkaa ɓisa.
2Pa Yahuda yaa yǝ fangsǝsǝ ya, yǝ maa han sǝsan, me Yeso yǝn pam ma emfǝɗkaa ɓisa kǝnso nfee. 3Pa Yahuda yǝ wo a ɓabra kara ma kur nsosamse wa ma ɓan war hit bǝɗ Kaa Urshalima wa, u kuɓsa kwang nek mbusa sa ma ɓaa Farisiyawa ɓa, ɓǝ timi ɓǝsǝ ɓa. Ɓǝ masǝ arkumta ma ara a sanyo ma mbu kito ɓa.
4Yeso yǝ wee maan ma mbu kasa tom ɓan nsaad, pa yǝ fiɗ yǝɓǝ wo, yǝɓǝ taa me, “Sǝn kǝr yamniu?”
5Ɓǝ kak me, “Yeso eɗ Nazarat ya.”
Yeso yǝɓǝ kak me, “Ndǝ niina.” Yahuda yaa yǝ fangsǝsǝ ya, yǝ kǝɗ kǝnso ke ma ɓosa. 6Fer Yeso yǝ nkeeɓǝsǝ me, “Ndǝ niina” wa, ɓǝ kwiɗ ma ndiira ɓǝ nwii a putu.
7Pa yǝ ɓaarǝ yǝɓǝ taa ɗǝm me, “Sǝn kǝr yamniu?”
Pa ɓǝ kak me, “Yeso eɗ Nazarat ya.”
8Yeso yǝɓǝ kak me, “Yaa nǝ nkeesǝn me, ndǝ niina sase. Me ka sǝn kǝraa niina, sǝ lee ɓet ɓa, ɓǝ faɗɗa.” 9Mbusa tom maaso me a kung mara Yeso yǝ weesǝ nkee ra me, “Hana yaake fin yǝ leetǝ a ɓaa ngǝ nanǝsǝ ɓa ra.”
10Bitrus ka usu yǝma kaafai, pa yǝ hik yaa ɗaɗ ngwee a seyaa u hoora kuɓ kwang nek mbusa ya wa. Ɗǝnda hoora kara ra, ǝn yarsǝ me Malkus.
11Pa Yeso yǝ nkee Bitrus me, “Aa kang songgom waango a hit usu. Pam me nǝ wee kongsa u Paapa yǝ nanǝsǝ me nǝ wee wa rau?”
Yeso a wii Hanana wa
12Pa kur nsosamse wa ma anwii ɓoso ma ɓan war hit bǝɗ Kaa Urshalima wa, ɓǝ ma Yeso ɓaa kaa. 13A ntiiri ɓǝ kosǝsǝ a Hanana ni, me yǝn rǝf Kayafa ya. Kayafa ǝn sase kuɓ kwang nek mbusa ya a meera sǝra. 14Kayafa ka ndǝ sase yǝ nkeesǝ ɓaa Yahudawa ɓa me, faɗɗan ete fin yǝ woɗɗo a ɗuura ɓeta ra.
Bitrus yǝ rǝnǝ me yǝ maa Yeso ra
15Pa Bitrus ma aufǝɗke ke fin, ɓǝn bǝɗ Yeso a ndiira. Aufǝɗke sisi, kuɓ kwang nek mbusa ya, yǝ maasǝn, ǝn siso mbu kwaasǝ usu yǝ kansǝ ke ma Yeso a taanda kuɓ kwang nek mbusa siya wa, 16pa Bitrus usu yǝ tǝng taandi a inntii. Aufǝɗke u kuɓ kwang nek mbusa ya yǝ maasǝsǝ siya, yǝ kang wo yǝ nkee autoone yǝn tomsǝ tinima a inntii ya me, yǝ lee Bitrus yǝ kana.
17Pa autoone yǝn tomsǝ tinima a inntii siya, yǝ nkee Bitrus me, “Ngǝ sem fin a ɗaaso emfǝɗkaa eɗ siya ɓa rau?”
Yǝ kak me, “Awo, nǝ sem ɗaan ɗa.”
18Fer usu ǝn fer songra wa, hoota ma ɓan wara, ɓǝ puk ara me ɓǝ waa, pa ɓǝ kǝɗkǝɗ kǝnso, Bitrus kǝn yǝ kǝɗ ma ɓosa yǝn waa ara.
Kuɓ kwang nek mbusa ya, yǝ tom Yeso taa mbusa wa
19Pa kuɓ kwang nek mbusa ya, yǝ taa Yeso mbusa a ɗuura emfǝɗkaa ɓisa ra, ɗǝm ma fǝɗkǝra ira.
20Pa Yeso yaa kak me, “Nǝ nkee mara ɓeta a put taandi wan a talten, ɗǝm nfee nǝn tom fǝɗkǝra a hitsa kwau ɓaa Yahudawa ɓa ma hit bǝɗ Kaa Urshalima wa, a han nsaad Yahudawa ɓǝn kwausǝ ɓa. Nǝ pǝta nkee mbuka a nhuukǝra ra. 21Pa tomtomni ngǝn taa nǝsǝu? Pamman me ngǝ taa ɓaa ɓǝ kurasǝ mbu nǝ nkeesǝ ɓa, me ɓǝ maa mbu nǝ nkeesǝ ɓan.”
22Pa yǝ nkeesǝ mbusǝsa maaso wa, yaake fin a ɗaaso ɓan wara yǝsǝ kǝɗ ngwang wa, yǝ ɗaktǝ Yeso, yǝ nkee me, “Kǝngǝ kak kuɓ kwang nek mbusa ya mara maasou?”
23Yeso yǝ kak me, “Me nǝ nkee mbuka u sem keke ra wan, ǝnǝ weɗɗa, pa me mbu nǝ nkeesǝ ɓa yǝ keke, yaa tomtomni ngǝ ɗaktǝnǝ sǝu?” 24Pa Hanana yǝ tung Yeso kaasǝ a Kayafa kuɓ kwang nek mbusa ya wa.
Bitrus yǝ ɓaarǝ yǝ renǝ me yǝ maa Yeso ra
25Bitrus yǝsǝ kǝɗ me yǝn waa ara wa, pa ɓaataka ɓaa taa me, “Ngase, ngǝ sem fin a ɗaaso emfǝɗkaa ɓisa rau?”
Pa yǝ renǝ, yǝ kak me, “Awo, nǝ sem ɗaan da.”
26Pa fin a ɗaaso hoota kuɓ kwang nek mbusa ya yǝsǝ a haato ma yaa Bitrus yǝ ɗaɗsǝsǝ ngwee siya, yǝ taa Bitrus me, “Nǝ wǝrsǝ ke ma sase a ɓabra kaaka rau?” 27Bitrus yǝ ɓaarǝ yǝ renǝ ɗǝm, pa nok kǝnso, kokra yǝ paa pomra.
Yeso a wii Bilatus wa
28Pa a ɗenda naakǝn, ɓaa Yahudawa ɓa, ɓǝ fiɗ ma Yeso a taanda a Kayafa ni, ɓaa sa ko a taanda ngomna Roma wa ni. Ɓǝ yau ɓǝ kana a taanda ngomna sǝra ra, me tom ɓǝ tom ma rumta, u kǝɓǝn nkaa ɓǝ saa kǝu mbukamsa tadko ɓa wa. 29Pa Bilatus yǝ fiɗ yǝɓǝ wo taandi, yǝ nkee me, “Sǝ wo ma kaura mbi a ɗuura eɗ ɗa rau?”
30Pa ɓaa kak me, “Me ka eɗ ɗa tǝblǝ mbuka ra, kama taa sa wo a ngani ra.”
31Pa Bilatus yǝɓǝ nkee me, “Sosǝ ma sase ma nkweerase kosaa kankiita nga mbu masaka waaso nkeesǝ ɓa.”
Pa ɓaa Yahudawa ɓa, ɓǝ kak me, “Ai, ɓaa natǝ kwangto nǝng kiita toɗ ete wa ra.” 32Mbusa tom maaso, me a kung mara Yeso yǝ nkeesǝ a ɗuura ɗǝɗa kiyaa woɗɗa ra.
33Pa Bilatus yǝ kang a taanda, yǝ yar Yeso, yaa taa me, “Ən ngase kuɓ ɓaa Yahudawa ɓau?”
34Yeso yaa nkee me, “U nwa ǝn senda ngau? Ko ɓaataka nkee ngǝ maaso a ɗuura nau?”
35Bilatus yaa kak me, “Ka nǝ yaa Bayahude yau? Ɓet ɓǝnga ma kuɓsa nek mbusa sa, ɓǝ wo ngǝsǝ ɓosa a nani. Ka ngǝ tom mbiu?”
36Yeso yǝ kak me, “Kuɓsutu waano sem u put taandi wa ra. Me ka kuɓsutu waano ǝn u put taandi wa ɓa, kama ɓaa ɓǝn tomnǝsǝ tinima ɓa, kǝɓǝ saa ɓaa Yahudawa ɓa me ɓǝ nǝ ma ra. Pa waso kuɓsutu waano fiɗ a han ka ɓol.”
37Pa Bilatus yaa nkee me, “Hankǝra ka ngǝn kuɓu?”
Yeso yaa nkee me, “Ngǝ nkeen keke me nǝ kuɓu. U nwa ǝn siso mbu kwaasǝ ɓaa haanǝsǝ wa, ɗǝm ǝn mbu kwaasǝ nǝ kansǝ a put taandi wa ɓa, me nǝ nkee ɓongtǝra. Ɗǝm nsaad yaa yǝn yausǝ ɓongtǝra ya, yǝn kura kwar waano.”
38Bilatus ya taa me, “Ən mbi ɓongtǝrau?” Ndiira yǝ taasǝ maaso wa, yǝ ɓaarǝ yǝ fiɗ taandi a ɓaa Yahudawa ɓa ni, yǝɓǝ nkee me, “Niina nǝ taa eɗ ɗa ma mbu kwalakwala ka ra. 39Pa ǝn alˈada waaso me nǝsǝ lee ete fin a hit pursuna a fer mbukamsa taɗko wa me tommon. Yaa waso sǝn yau me nǝsǝ lee kuɓ ɓaa Yahudawa ɓa wau?”
40Pa ɓǝ nik kwaro ɓǝ yauli me, “Awo, sem sase ra, ngǝ tǝ hik Barabbas!” Barabbas sisi, ndǝ an ngwel ɗǝɗa ya.
©2023 Seed Company in collaboration with Language Developers and Bible Translators Association
Yohanna 18
18
Ɓaa ma Yeso
1Pa Yeso feɗsǝ kǝnara wa, yǝ lee hansǝsa ma emfǝɗkaa ɓisa ɓǝ tall sen Kidron wa. A hansǝsa ɓabra kǝra kǝnso, pa ɓǝ kan ɗaan ma emfǝɗkaa ɓisa.
2Pa Yahuda yaa yǝ fangsǝsǝ ya, yǝ maa han sǝsan, me Yeso yǝn pam ma emfǝɗkaa ɓisa kǝnso nfee. 3Pa Yahuda yǝ wo a ɓabra kara ma kur nsosamse wa ma ɓan war hit bǝɗ Kaa Urshalima wa, u kuɓsa kwang nek mbusa sa ma ɓaa Farisiyawa ɓa, ɓǝ timi ɓǝsǝ ɓa. Ɓǝ masǝ arkumta ma ara a sanyo ma mbu kito ɓa.
4Yeso yǝ wee maan ma mbu kasa tom ɓan nsaad, pa yǝ fiɗ yǝɓǝ wo, yǝɓǝ taa me, “Sǝn kǝr yamniu?”
5Ɓǝ kak me, “Yeso eɗ Nazarat ya.”
Yeso yǝɓǝ kak me, “Ndǝ niina.” Yahuda yaa yǝ fangsǝsǝ ya, yǝ kǝɗ kǝnso ke ma ɓosa. 6Fer Yeso yǝ nkeeɓǝsǝ me, “Ndǝ niina” wa, ɓǝ kwiɗ ma ndiira ɓǝ nwii a putu.
7Pa yǝ ɓaarǝ yǝɓǝ taa ɗǝm me, “Sǝn kǝr yamniu?”
Pa ɓǝ kak me, “Yeso eɗ Nazarat ya.”
8Yeso yǝɓǝ kak me, “Yaa nǝ nkeesǝn me, ndǝ niina sase. Me ka sǝn kǝraa niina, sǝ lee ɓet ɓa, ɓǝ faɗɗa.” 9Mbusa tom maaso me a kung mara Yeso yǝ weesǝ nkee ra me, “Hana yaake fin yǝ leetǝ a ɓaa ngǝ nanǝsǝ ɓa ra.”
10Bitrus ka usu yǝma kaafai, pa yǝ hik yaa ɗaɗ ngwee a seyaa u hoora kuɓ kwang nek mbusa ya wa. Ɗǝnda hoora kara ra, ǝn yarsǝ me Malkus.
11Pa Yeso yǝ nkee Bitrus me, “Aa kang songgom waango a hit usu. Pam me nǝ wee kongsa u Paapa yǝ nanǝsǝ me nǝ wee wa rau?”
Yeso a wii Hanana wa
12Pa kur nsosamse wa ma anwii ɓoso ma ɓan war hit bǝɗ Kaa Urshalima wa, ɓǝ ma Yeso ɓaa kaa. 13A ntiiri ɓǝ kosǝsǝ a Hanana ni, me yǝn rǝf Kayafa ya. Kayafa ǝn sase kuɓ kwang nek mbusa ya a meera sǝra. 14Kayafa ka ndǝ sase yǝ nkeesǝ ɓaa Yahudawa ɓa me, faɗɗan ete fin yǝ woɗɗo a ɗuura ɓeta ra.
Bitrus yǝ rǝnǝ me yǝ maa Yeso ra
15Pa Bitrus ma aufǝɗke ke fin, ɓǝn bǝɗ Yeso a ndiira. Aufǝɗke sisi, kuɓ kwang nek mbusa ya, yǝ maasǝn, ǝn siso mbu kwaasǝ usu yǝ kansǝ ke ma Yeso a taanda kuɓ kwang nek mbusa siya wa, 16pa Bitrus usu yǝ tǝng taandi a inntii. Aufǝɗke u kuɓ kwang nek mbusa ya yǝ maasǝsǝ siya, yǝ kang wo yǝ nkee autoone yǝn tomsǝ tinima a inntii ya me, yǝ lee Bitrus yǝ kana.
17Pa autoone yǝn tomsǝ tinima a inntii siya, yǝ nkee Bitrus me, “Ngǝ sem fin a ɗaaso emfǝɗkaa eɗ siya ɓa rau?”
Yǝ kak me, “Awo, nǝ sem ɗaan ɗa.”
18Fer usu ǝn fer songra wa, hoota ma ɓan wara, ɓǝ puk ara me ɓǝ waa, pa ɓǝ kǝɗkǝɗ kǝnso, Bitrus kǝn yǝ kǝɗ ma ɓosa yǝn waa ara.
Kuɓ kwang nek mbusa ya, yǝ tom Yeso taa mbusa wa
19Pa kuɓ kwang nek mbusa ya, yǝ taa Yeso mbusa a ɗuura emfǝɗkaa ɓisa ra, ɗǝm ma fǝɗkǝra ira.
20Pa Yeso yaa kak me, “Nǝ nkee mara ɓeta a put taandi wan a talten, ɗǝm nfee nǝn tom fǝɗkǝra a hitsa kwau ɓaa Yahudawa ɓa ma hit bǝɗ Kaa Urshalima wa, a han nsaad Yahudawa ɓǝn kwausǝ ɓa. Nǝ pǝta nkee mbuka a nhuukǝra ra. 21Pa tomtomni ngǝn taa nǝsǝu? Pamman me ngǝ taa ɓaa ɓǝ kurasǝ mbu nǝ nkeesǝ ɓa, me ɓǝ maa mbu nǝ nkeesǝ ɓan.”
22Pa yǝ nkeesǝ mbusǝsa maaso wa, yaake fin a ɗaaso ɓan wara yǝsǝ kǝɗ ngwang wa, yǝ ɗaktǝ Yeso, yǝ nkee me, “Kǝngǝ kak kuɓ kwang nek mbusa ya mara maasou?”
23Yeso yǝ kak me, “Me nǝ nkee mbuka u sem keke ra wan, ǝnǝ weɗɗa, pa me mbu nǝ nkeesǝ ɓa yǝ keke, yaa tomtomni ngǝ ɗaktǝnǝ sǝu?” 24Pa Hanana yǝ tung Yeso kaasǝ a Kayafa kuɓ kwang nek mbusa ya wa.
Bitrus yǝ ɓaarǝ yǝ renǝ me yǝ maa Yeso ra
25Bitrus yǝsǝ kǝɗ me yǝn waa ara wa, pa ɓaataka ɓaa taa me, “Ngase, ngǝ sem fin a ɗaaso emfǝɗkaa ɓisa rau?”
Pa yǝ renǝ, yǝ kak me, “Awo, nǝ sem ɗaan da.”
26Pa fin a ɗaaso hoota kuɓ kwang nek mbusa ya yǝsǝ a haato ma yaa Bitrus yǝ ɗaɗsǝsǝ ngwee siya, yǝ taa Bitrus me, “Nǝ wǝrsǝ ke ma sase a ɓabra kaaka rau?” 27Bitrus yǝ ɓaarǝ yǝ renǝ ɗǝm, pa nok kǝnso, kokra yǝ paa pomra.
Yeso a wii Bilatus wa
28Pa a ɗenda naakǝn, ɓaa Yahudawa ɓa, ɓǝ fiɗ ma Yeso a taanda a Kayafa ni, ɓaa sa ko a taanda ngomna Roma wa ni. Ɓǝ yau ɓǝ kana a taanda ngomna sǝra ra, me tom ɓǝ tom ma rumta, u kǝɓǝn nkaa ɓǝ saa kǝu mbukamsa tadko ɓa wa. 29Pa Bilatus yǝ fiɗ yǝɓǝ wo taandi, yǝ nkee me, “Sǝ wo ma kaura mbi a ɗuura eɗ ɗa rau?”
30Pa ɓaa kak me, “Me ka eɗ ɗa tǝblǝ mbuka ra, kama taa sa wo a ngani ra.”
31Pa Bilatus yǝɓǝ nkee me, “Sosǝ ma sase ma nkweerase kosaa kankiita nga mbu masaka waaso nkeesǝ ɓa.”
Pa ɓaa Yahudawa ɓa, ɓǝ kak me, “Ai, ɓaa natǝ kwangto nǝng kiita toɗ ete wa ra.” 32Mbusa tom maaso, me a kung mara Yeso yǝ nkeesǝ a ɗuura ɗǝɗa kiyaa woɗɗa ra.
33Pa Bilatus yǝ kang a taanda, yǝ yar Yeso, yaa taa me, “Ən ngase kuɓ ɓaa Yahudawa ɓau?”
34Yeso yaa nkee me, “U nwa ǝn senda ngau? Ko ɓaataka nkee ngǝ maaso a ɗuura nau?”
35Bilatus yaa kak me, “Ka nǝ yaa Bayahude yau? Ɓet ɓǝnga ma kuɓsa nek mbusa sa, ɓǝ wo ngǝsǝ ɓosa a nani. Ka ngǝ tom mbiu?”
36Yeso yǝ kak me, “Kuɓsutu waano sem u put taandi wa ra. Me ka kuɓsutu waano ǝn u put taandi wa ɓa, kama ɓaa ɓǝn tomnǝsǝ tinima ɓa, kǝɓǝ saa ɓaa Yahudawa ɓa me ɓǝ nǝ ma ra. Pa waso kuɓsutu waano fiɗ a han ka ɓol.”
37Pa Bilatus yaa nkee me, “Hankǝra ka ngǝn kuɓu?”
Yeso yaa nkee me, “Ngǝ nkeen keke me nǝ kuɓu. U nwa ǝn siso mbu kwaasǝ ɓaa haanǝsǝ wa, ɗǝm ǝn mbu kwaasǝ nǝ kansǝ a put taandi wa ɓa, me nǝ nkee ɓongtǝra. Ɗǝm nsaad yaa yǝn yausǝ ɓongtǝra ya, yǝn kura kwar waano.”
38Bilatus ya taa me, “Ən mbi ɓongtǝrau?” Ndiira yǝ taasǝ maaso wa, yǝ ɓaarǝ yǝ fiɗ taandi a ɓaa Yahudawa ɓa ni, yǝɓǝ nkee me, “Niina nǝ taa eɗ ɗa ma mbu kwalakwala ka ra. 39Pa ǝn alˈada waaso me nǝsǝ lee ete fin a hit pursuna a fer mbukamsa taɗko wa me tommon. Yaa waso sǝn yau me nǝsǝ lee kuɓ ɓaa Yahudawa ɓa wau?”
40Pa ɓǝ nik kwaro ɓǝ yauli me, “Awo, sem sase ra, ngǝ tǝ hik Barabbas!” Barabbas sisi, ndǝ an ngwel ɗǝɗa ya.
©2023 Seed Company in collaboration with Language Developers and Bible Translators Association