Yohanna 17
17
Yeso yǝ tom kǝnara me nkweera ira
1Ndiira Yeso yǝ nkeesǝ mbusǝsa maaso wa, pa yǝ nik ɗuura ira yǝ sengge liura, yǝ tom kǝnara yǝ nkee me,
“Paapa, fer usu kanan. Aa too Auwange me Auwange yǝngǝ too kǝn. 2Ən siso ngǝ nasǝ kwangto Auwange a ɗuura ɓeta ra nsaad wa, me yǝ na huurtu pakarese wa ɓaa ngǝ nasǝsǝ ɓa nsaad. 3Huurtu pakarese wa ǝn siso, ɓeta ɓǝ ngǝ maa me, ǝn ngase fin Kaa ma ɓongtǝra ya, ɗǝm ɓǝ maa Yeso Almaseho yaa ngǝ timisǝsǝ ya. 4Nǝ wo ngǝ ma too a put taandi wa ma lau feɗɗo tinimsa ngǝ nanǝsǝ me nǝ tom ɓa nsaad. 5Yaa waso, Paapa, ǝnǝ too a wii waango ma too ka nǝsǝ ma siso ke ma ngase wa, si ɓaa mar put taandi wa ra.
Yeso yǝ tom kǝnara a ɗuura emfǝɗka ɓisa ra
6“Nǝ ti ɓaa ngǝ tauɓǝsǝ a ɗaaso ɓet put taandi wa ngǝnǝ na ɓa, me ɓǝ ngǝ maa. Ka ɓǝn waango, pa ngǝ nanǝ ɓosan, ɓosa kǝn ɓǝ na mbarta ma mara ngan. 7Waso ɓǝ maan me, nsaad mbu ngǝ nanǝsǝ ɓa, fiɗ a ngani. 8Me maaso, mara ngǝ nkee nǝsǝ ra, nǝ nkee ɓǝn, ɗǝm ɓǝ konon. Ɓǝ maan me ɓongtǝra nǝ fiɗ a ngani, ɗǝm ɓǝ na ɓongtǝran me ngǝ timinǝ ngiinga. 9Nǝ tom kǝnara me ɓosa. Nǝ tomma kǝnara a ɗuura ɓet put taandi wa ɓa ra, pa me ɓaa ngǝ nanǝsǝ ɓa, me ɓǝn waango. 10Nsaad mbu nǝsǝ ma siso ɓa, ǝn waango, ɗǝm nsaad mbu ngǝsǝ ma siso ɓa, ǝn waano. Ɓaa weɗɗa too waano ma lau ɓoso. 11Nǝ kaɗ kwasa a put taandi wa ɗǝm ra, pa ɓoso ɓǝ ding a put taandi wa, ɗǝm waano nǝn wowo a ngani. Paapa, Yaa ɗekɗek ya, ǝɓǝ sengge ma kwangto ɗǝnda nga wa, ǝn siso ɗǝnda ngǝ nanǝsǝ ra, me ɓǝ tom fin nga nase ma ngase ndǝsǝ fin wa. 12Fer nǝsǝ ke ma ɓosa wa, nǝ sengge ɓǝ ma kwangto ɗǝnda nga wa, ǝn siso ɗǝnda ngǝ nanǝsǝ ra. Nǝ sengge ɓǝn, ɗǝm yaake leetǝ ra, ndub yaa fin ɓaa weesǝ tiwo a ntiiri me kiyǝ tum ya. Mbusǝsa tom maaso me a kung mbu ɓaa nyorsǝ a likarkar mara Kaa ra wa.
13“Nǝn wowo a ngani waso, pa nǝn kǝna mbusǝsa si nǝ ding a put taandi wa, me ɓan bǝɗ ɓǝna ɓǝ taa hur kuɗa wa dem nga waano. 14Nǝ nkee ɓǝ mara ngaan. Ɓet a put taandi wa ɓa, ɓǝ mbisi ɓǝn, me ɓǝ sem ɓet put taandi wa ɓa ra, nga nase kǝn nǝsǝ sem yaa put taandi wa ya ra. 15Kǝnara na sem me ngǝ ɓǝ hik a put taandi wa ra, pa me ngǝ ɓǝ naa a yaa kwalakwala ya ni. 16Ɓosa ɓǝ ɓaa a put taandi wa ɓa ra, nga nase kǝn nǝsǝ sem yaa a put taandi wa ya ra. 17Əɓǝ soɓ ma lau ɓongtǝra wa. Mara nga ndǝ ɓongtǝra. 18Nga ngǝ timinǝsǝ a ɓet put taandi wa ɓa ya, nase kǝn, nǝ timi ɓǝ a ɓet put taandi wa ɓa. 19Nǝ na ɗuura naa a ngani me ndǝ ɓosa, me ɓosa kǝn, ɓǝ na ɗuura ɓora a ngani ma ɓongtǝrato.
Yeso yǝ tom kǝnara a ɗuura ɓan bǝɗ ɓisa ɓa nsaad
20“Nǝn kǝnaa a ɗuura ɓora seɗɗe ra. Pa nǝn kǝna a ɗuura nsaad ɓaa ka nasǝ ɓongtǝra ma niina ma lau mara ɓora ɓa. 21Ai, Paapa, nǝn kǝna me nsaad ɓǝ tom fin, nga ngǝsǝ ɗaan a nani wa, ɗǝm nase kǝn ɗaan a ngani wa ya. Nǝn kǝna ngǝ me, ɓosa kǝn ɓǝ kaɗ ke ma ndase, me ɓet a put taandi wa ɓa, ɓǝ na ɓongtǝra me ngǝ timinǝ ngase. 22Nǝ naɓǝ too u ngase ngǝ nanǝsǝ wa, me ɓǝ tom fin nga ndǝsǝ fin wa. 23Nase nǝ ɗaan a ɓoni, ngase kǝn ɗaan a nani. Nǝn kǝna me ɓǝ kaɗ fin ɓong ɓong, me ɓet a put taandi wa ɓa, ɓǝ maa me ngǝ timinǝ ngase, ɗǝm ɓǝ maa me ngǝ yauɓǝn, nga ngǝ yaunǝsǝ wa.
24“Paapa, nǝn yau me ɓaa ngǝ nanǝsǝ ɓa, ɓǝ kaɗ ke ma niina a han nǝsǝ ɓa, me ɓǝ wǝr too waano, u ngǝ nanǝsǝ me ngǝn yaunǝ wa, si ɓaa mar put taandi wa ra.
25“Paapa, Yaa yǝsǝ keke ya, ɓet a put taandi wa ɓa, ɓǝ maa ngǝ ra, pa waano, nǝ maangǝn, ɗǝm ɓaa ɓǝsǝn waano ɓa, ɓǝ maan me ngǝ timinǝ ngase. 26Nǝ tiɓǝ ɓǝ ngǝ maa, ɗǝm kǝnǝ faɗ wiiyo nǝ ti me ɓaa ngǝ maa, me ɓǝ yau ɓaatǝ nga ngǝ yaunǝsǝ wa, ɗǝm niina ma nkweerane, nǝ kaɗ ɗaan a ɓoni.”
©2023 Seed Company in collaboration with Language Developers and Bible Translators Association
Yohanna 17
17
Yeso yǝ tom kǝnara me nkweera ira
1Ndiira Yeso yǝ nkeesǝ mbusǝsa maaso wa, pa yǝ nik ɗuura ira yǝ sengge liura, yǝ tom kǝnara yǝ nkee me,
“Paapa, fer usu kanan. Aa too Auwange me Auwange yǝngǝ too kǝn. 2Ən siso ngǝ nasǝ kwangto Auwange a ɗuura ɓeta ra nsaad wa, me yǝ na huurtu pakarese wa ɓaa ngǝ nasǝsǝ ɓa nsaad. 3Huurtu pakarese wa ǝn siso, ɓeta ɓǝ ngǝ maa me, ǝn ngase fin Kaa ma ɓongtǝra ya, ɗǝm ɓǝ maa Yeso Almaseho yaa ngǝ timisǝsǝ ya. 4Nǝ wo ngǝ ma too a put taandi wa ma lau feɗɗo tinimsa ngǝ nanǝsǝ me nǝ tom ɓa nsaad. 5Yaa waso, Paapa, ǝnǝ too a wii waango ma too ka nǝsǝ ma siso ke ma ngase wa, si ɓaa mar put taandi wa ra.
Yeso yǝ tom kǝnara a ɗuura emfǝɗka ɓisa ra
6“Nǝ ti ɓaa ngǝ tauɓǝsǝ a ɗaaso ɓet put taandi wa ngǝnǝ na ɓa, me ɓǝ ngǝ maa. Ka ɓǝn waango, pa ngǝ nanǝ ɓosan, ɓosa kǝn ɓǝ na mbarta ma mara ngan. 7Waso ɓǝ maan me, nsaad mbu ngǝ nanǝsǝ ɓa, fiɗ a ngani. 8Me maaso, mara ngǝ nkee nǝsǝ ra, nǝ nkee ɓǝn, ɗǝm ɓǝ konon. Ɓǝ maan me ɓongtǝra nǝ fiɗ a ngani, ɗǝm ɓǝ na ɓongtǝran me ngǝ timinǝ ngiinga. 9Nǝ tom kǝnara me ɓosa. Nǝ tomma kǝnara a ɗuura ɓet put taandi wa ɓa ra, pa me ɓaa ngǝ nanǝsǝ ɓa, me ɓǝn waango. 10Nsaad mbu nǝsǝ ma siso ɓa, ǝn waango, ɗǝm nsaad mbu ngǝsǝ ma siso ɓa, ǝn waano. Ɓaa weɗɗa too waano ma lau ɓoso. 11Nǝ kaɗ kwasa a put taandi wa ɗǝm ra, pa ɓoso ɓǝ ding a put taandi wa, ɗǝm waano nǝn wowo a ngani. Paapa, Yaa ɗekɗek ya, ǝɓǝ sengge ma kwangto ɗǝnda nga wa, ǝn siso ɗǝnda ngǝ nanǝsǝ ra, me ɓǝ tom fin nga nase ma ngase ndǝsǝ fin wa. 12Fer nǝsǝ ke ma ɓosa wa, nǝ sengge ɓǝ ma kwangto ɗǝnda nga wa, ǝn siso ɗǝnda ngǝ nanǝsǝ ra. Nǝ sengge ɓǝn, ɗǝm yaake leetǝ ra, ndub yaa fin ɓaa weesǝ tiwo a ntiiri me kiyǝ tum ya. Mbusǝsa tom maaso me a kung mbu ɓaa nyorsǝ a likarkar mara Kaa ra wa.
13“Nǝn wowo a ngani waso, pa nǝn kǝna mbusǝsa si nǝ ding a put taandi wa, me ɓan bǝɗ ɓǝna ɓǝ taa hur kuɗa wa dem nga waano. 14Nǝ nkee ɓǝ mara ngaan. Ɓet a put taandi wa ɓa, ɓǝ mbisi ɓǝn, me ɓǝ sem ɓet put taandi wa ɓa ra, nga nase kǝn nǝsǝ sem yaa put taandi wa ya ra. 15Kǝnara na sem me ngǝ ɓǝ hik a put taandi wa ra, pa me ngǝ ɓǝ naa a yaa kwalakwala ya ni. 16Ɓosa ɓǝ ɓaa a put taandi wa ɓa ra, nga nase kǝn nǝsǝ sem yaa a put taandi wa ya ra. 17Əɓǝ soɓ ma lau ɓongtǝra wa. Mara nga ndǝ ɓongtǝra. 18Nga ngǝ timinǝsǝ a ɓet put taandi wa ɓa ya, nase kǝn, nǝ timi ɓǝ a ɓet put taandi wa ɓa. 19Nǝ na ɗuura naa a ngani me ndǝ ɓosa, me ɓosa kǝn, ɓǝ na ɗuura ɓora a ngani ma ɓongtǝrato.
Yeso yǝ tom kǝnara a ɗuura ɓan bǝɗ ɓisa ɓa nsaad
20“Nǝn kǝnaa a ɗuura ɓora seɗɗe ra. Pa nǝn kǝna a ɗuura nsaad ɓaa ka nasǝ ɓongtǝra ma niina ma lau mara ɓora ɓa. 21Ai, Paapa, nǝn kǝna me nsaad ɓǝ tom fin, nga ngǝsǝ ɗaan a nani wa, ɗǝm nase kǝn ɗaan a ngani wa ya. Nǝn kǝna ngǝ me, ɓosa kǝn ɓǝ kaɗ ke ma ndase, me ɓet a put taandi wa ɓa, ɓǝ na ɓongtǝra me ngǝ timinǝ ngase. 22Nǝ naɓǝ too u ngase ngǝ nanǝsǝ wa, me ɓǝ tom fin nga ndǝsǝ fin wa. 23Nase nǝ ɗaan a ɓoni, ngase kǝn ɗaan a nani. Nǝn kǝna me ɓǝ kaɗ fin ɓong ɓong, me ɓet a put taandi wa ɓa, ɓǝ maa me ngǝ timinǝ ngase, ɗǝm ɓǝ maa me ngǝ yauɓǝn, nga ngǝ yaunǝsǝ wa.
24“Paapa, nǝn yau me ɓaa ngǝ nanǝsǝ ɓa, ɓǝ kaɗ ke ma niina a han nǝsǝ ɓa, me ɓǝ wǝr too waano, u ngǝ nanǝsǝ me ngǝn yaunǝ wa, si ɓaa mar put taandi wa ra.
25“Paapa, Yaa yǝsǝ keke ya, ɓet a put taandi wa ɓa, ɓǝ maa ngǝ ra, pa waano, nǝ maangǝn, ɗǝm ɓaa ɓǝsǝn waano ɓa, ɓǝ maan me ngǝ timinǝ ngase. 26Nǝ tiɓǝ ɓǝ ngǝ maa, ɗǝm kǝnǝ faɗ wiiyo nǝ ti me ɓaa ngǝ maa, me ɓǝ yau ɓaatǝ nga ngǝ yaunǝsǝ wa, ɗǝm niina ma nkweerane, nǝ kaɗ ɗaan a ɓoni.”
©2023 Seed Company in collaboration with Language Developers and Bible Translators Association