Yohanna 19
19
Ɓaa nǝng kiita me a toɗ Yeso
1Pa Bilatus yǝ ti ɓaa hoɓ Yeso ma lǝɓra. 2Pa nsosamse ɓǝ mbǝrkǝ kukǝra u tǝute wa, ɓaa tung a ɗuura, ɓaa tung laulawara welwel u kuɓsa wa. 3Pa ɓǝ wo a sanii, ɓǝn ɓaarǝ ɓaarǝ, ɓǝn hoɓsǝ, ɓǝn nkee me, “Kuɓ ɓaa Yahudawa ɓa huurtu waango yǝ tǝr falang.” Ɗǝm ɓaa hoɓ a ota. 4Pa Bilatus yǝ ɓaarǝ yǝ fiɗ taandi, yǝ nkee ɓaa Yahudawa ɓa me, “Sǝ sengge, kǝnǝsǝ hik Yeso taandi, me sǝ maa me nǝ taasǝ ma mbuka ra.” 5Pa Yeso yǝ fiɗ taandi ma kukǝra kuɓsutu u tǝute wa ra a ɗuura ira, ma laulawara welwel, Bilatus yǝɓǝ nkee me, “Yaa eɗ sisi yǝ nwa.”
6Pa nok kǝnso, kuɓsa nek mbusa sa ma ɓan war hit bǝɗ Kaa Urshalima wa, ɓǝ wǝrsǝ Yeso wa, ɓǝ yauli ɓǝn nkee me, “Aa kwaakǝ! Aa kwaakǝ!”
Pa Bilatus yǝ kak me, “Sǝ too kosaa kwaakǝ saase ma nkweerase, me niina nǝ taasǝ ma mbuka ra.”
7Ɓaa Yahudawa ɓa, ɓǝ kak me, “Tǝma masaka, ɗǝm fǝɗkǝra masaka sǝra weɗɗa me, tommon keke me aa toɗɗo, me yǝ too ɗuura ira nga yǝn Au Kaa ya.”
8Pa Bilatus yǝ kurasǝ mara sǝra maaso wa, yǝ sookǝ kura kokto wa. 9Pa yǝ ɓaarǝ yaa kang ɗaan a taanda kuɓsutu ra, yǝ taa Yeso me, “Ngǝ fiɗ nau?” Pa Yeso kaksǝ mbuka ra. 10Bilatus yaa nkee me, “Ngǝ nǝ kak rau? Ngǝ maa me nǝ ma kwangto nǝngǝ lee hana nǝngǝ kwaakǝ rau?”
11Yeso yaa kak me, “Ngǝ sem ma kwangto a ɗuura naa ra, me ɓaa na ngǝ a liura ra. Me maaso, yaa yǝ fang nasǝ a ngani ya, yǝ faɗ ngǝ tenatenaton.”
12Tǝng siso, Bilatus yǝ kweetǝ me yǝ lee Yeso yǝ faɗ mbusa, pa ɓaa Yahudawa ɓa, ɓǝ tomma yaulira, ɓǝn nkee me, “Me ngǝ lee eɗ sisi yaa faɗɗan, ngǝ sik Kaisar ya ra. Ai, hana yamni yaa yǝ kangsǝ ɗuura ira yǝn kuɓu ya, yǝn tom ɗuura kwakwa ra Kaisar.”
13Pa Bilatus yǝ kurasǝ mbusǝsa maaso wa, yǝ fiɗ ma Yeso taandi, pa sase Bilatus yǝ kaɗ a han kankiita ɓa, a Ɗǝɗa ɗungate ra. Ma ee ɓaa Yahudawa ɓa, ǝn yarme Gabbata. 14A kaa sǝsa ǝn kaa werkǝ mbukamsa tadko ɓa, a fer siso, si kaa ɗa.
Pa Bilatus yǝ nkee ɓaa Yahudawa ɓa me, “Kuɓ waaso nwa!”
15Pa ɓǝ nik kwaro, ɓǝn yauli me, “Saa toɗɗo! Saa toɗɗo! Saa kwaakǝ!”
Pa Bilatus yǝɓǝ taa me, “Sǝn taa me nǝsǝ kwaakǝ kuɓ waasou?”
Pa kuɓsa nek mbusa sa, ɓǝ kak me, “Waato tǝ sem ma kuɓu ra, me sem Kaisar ra.”
16Pa Bilatus yǝ too Yeso yǝɓǝ na me aa kwaakǝ.
Ɓaa kwaakǝ Yeso
17Pa nsosamse ɓǝ faɗ ma Yeso. Yeso ma nkweeresi, yǝ toosǝ kwaakǝra ira wa, yaa ko a han ɓan yarsǝ me, Nkoo ɗuura wa, ma ee ɓaa Yahudawa ɓa ɗǝm, ǝn yar me, Golgota. 18A hansǝsa ɓaa kwaakǝsǝ Yeso wa, ma ɓaataka raɓ, fin a nem seya isi, fin ɗǝm a nem kwasa isi, pa Yeso yaa ɗaaso.
19Bilatus yǝ nyor na ee ke yǝ kwaakǝ a ɗuura kwaakǝra kara ra. Mbu ɓaa nyorsǝ ɓa ǝn nkee me, “YESO EƊ NAZARAT YA, KUƁ ƁAA YAHUDAWA ƁA.” 20Ɓaa Yahudawa ɓa dem, ɓǝ kau nyorma sǝman, me han ɓaa kwaakǝsǝ Yeso ɓa, yǝ kwang ma uru. Nyorma kama, nyor ma ee ɓaa Yahudawa ɓa ma ee Roma ya ma ee Helenansi ya. 21Pa kuɓsa nek mbusa sa ma ɓaa Farisiyawa ɓa, ɓǝ nkee Bilatus me, “Ngǝ nyor me, ‘Kuɓ ɓaa Yahudawa ɓa’ ra, pa aa nyor me, Eɗ ɗa, yǝn nkee me, yǝn kuɓ ɓaa Yahudawa ɓa.”
22Bilatus yǝ kak me, “Mbu nǝ weesǝ nyoro ɓa, nǝ nyoron.”
23Ndiira nsosamse ɓǝ kwaakǝsǝ Yeso wa, ɓǝ too luktaa isa, ɓǝ ɓaa handa kurun, hana nsosa nawa yǝ too handa fin, aa pee laulawara u yǝsǝ ɗaan wa. Laulawara siso ɓaa rara ra, ɓaa ntaa ma neme, ntii ntaa a ɓoti aa ham a kunda.
24Pa ɓǝ nkee ɓaatǝ me, “Ndǝ nsaatǝ ra, aa lee ndǝ tom tauwo a si, ndǝ wǝr yaa kiyaa taa ya.”
Mbusa tom maaso me aa kung mbu ɓaa nyorsǝ a likarkar Kaa wa ɓa me,
“Ɓǝ ɓaa luktaa sǝna a ɗaaso ɓoso,
ɗǝm ɓǝ tom tauwo a laulawara na.”
25Pa ɓaa ɓǝ nǝɗsǝ kwang ma han ɓaa kwaakǝsǝ Yeso ɓa wa, ǝn maasi maa ate isi, ma Maryamu toone Kilobas ya, ma ɗǝm Maryamu Magadaliya. 26Pa Yeso yǝ wǝrsǝ maasi, ma aufǝɗke yǝn yausǝsǝ kwang ya, ɓǝ kǝɗ kǝɗ kwang kǝnso wa, yǝ nkee maasi me, “Maane, au wange wa.” 27Pa yǝ nkee aufǝɗke siya me, “U nwa yǝ tom maange”. Tǝng siso aufǝɗke siya, yaa ko ma maa Yeso ya ɗuur usu.
Woɗɗa Yeso ra
28Ndiira maaso wa, Yeso maasǝ me mbusa nsaad feɗɗen wa, me aa kung mbu ɓaa nyorsǝ a likarkar Kaa wa ɓa, yǝ nkee me, “Mbraa ǝn sinǝ.” 29Pa kǝnda kǝra kǝn kǝnso kungsǝ ma mbraa emngwate inabi sǝusǝu ma.#19:29 Mbraa sǝusǝu u emngwate inabi ma, me yǝ tǝrǝn, yǝn tom sǝusǝu yǝ kang ɓalo, ɗǝm me ete ween, ǝn taasǝ. Pa me ɓaa hem emngwate sǝsǝ kaa ɓisa yǝ nwee handa ra, kǝ nkaa a wee mbuka sem ra. A alˈada ɓaa Yahudawa ɓa, ɓǝn wee mbraa sǝusǝu u emngwate inabi ma sǝma me ɓǝ loo mbraa sima, ǝn siso mbu kwaasǝ ɓǝ nasǝ Yeso a fer yǝ nkeesǝ me “Mbraa ǝn sinǝ” wa. Pa ɓǝ nrii soso ma mbraa sǝma, ɓǝ tung a kwalang falang wa, ɓaa tung a ee isi. 30Pa Yeso yǝ npuusǝ mbraa sǝusǝu sǝma wa, yǝ nkee me, “Feɗɗen!” Yǝ siu ɗuura ira a putu, pa yǝ lee huurtu usu, yǝ woɗɗo.
31Pa ɓaa Yahudawa ɓa, ɓǝ kǝna Bilatus me yǝ yau a kau natsa ɓaa ɓaa kwaakǝɓǝsǝ sǝɓa, ɗǝm aa ham ma maabiri ɓose. Mbu kwaasǝ ɓǝ tomsǝ kǝnara sǝra wa, me ɓaa Yahudawa ɓa, ɓǝ yauwa me aa lee maabiri ɓeta ya a kwaakǝra a kaa nwiinya ra, ɗǝm kaasǝsa, ǝn kaa werkǝ mbusa u mbukamsa ɓaa Yahudawa ɓa wa, ɗǝm me handa nween, kǝ tom kaa kwang u nwiinya ɓaa Yahudawa ɓa. 32Pa nsosamse ɓǝ wo ɓǝ kau natsa yaa ntiiri ɓaa kwaakǝsǝsǝ ke ma Yeso wa, ɗǝm ɓǝ kau natsa yaa raɓte ya kǝn, 33pa ɓǝ kau natsa Yeso sa ra, me ɓǝ wosǝ a sani wa, ɓǝ wǝr yǝ wee woɗɗon. 34Pa fin a ɗaaso nsosamse siya, yǝ sep Yeso ma kǝɗa a kal mɓǝre, nok kǝnso monma ma mbraa aa fiɗɗi. 35Yaa yǝ wǝrsǝ ma nuuwa isa ya, yǝ nkee mara sǝsa sase, ɗǝm mara yǝ nkee sǝsa, ndǝ ɓongtǝra. Sase ma nkweera ira yǝ maan me mbu yǝn nkeesǝ ɓa, ndǝ ɓongtǝra, ɗǝm yǝ nkee me saase kǝn, sǝ na ɓongtǝra. 36Mbusǝsa tom maaso me aa kung mbu ɓaa nyorsǝ a likarkar wa me, “Hana fin a ɗaaso tǝute isa wa, aa kau ra,” 37ɗǝm nga ɓaa nyorsǝ a likarkar ko ɓol wa me, “Ɓǝkǝ sengge yaa ɓǝ sepsǝsǝ ya.”
Hokko Yeso wa
38Ndiira maaso wa, Yusufu eɗ Arimatiya ya, yǝn aufǝɗke Yeso ya, pa a nhuukǝra me yǝn kura kokto ɓaa Yahudawa ɓa, yǝ kǝna Bilatus me yǝ na maabiri Yeso ya, Bilatus ɗǝm yǝ yau me yǝ too. Pa yǝ too maabiri Yeso ya. 39Yusufu ɓǝ ko ke ma Nikodimu, yaa kayǝ pǝtasǝ ko a Yeso ni a pǝrta wa. Nikodimu ko ke ma yar nseera yaɓ wa, u lǝklǝkto usu kǝ nkaa aa kan pusa pu.#19:39 Lǝklǝkto usu kǝ tom nga lǝklǝkto pirti koma wa fin. 40Pa ɓet raɓ sǝsa ɓǝ too maabiri Yeso wa, ɓǝ mbǝrkǝ ma luktu hok woɗɗa wa, ɓaa puk yar nseera yaɓ suwa. Ɓǝ tom maaso nga ɓan tomsǝ a alˈada hok woɗɗa ɓaa Yahudawa ɓa wa. 41A han ɓaa kwaakǝsǝ Yeso ɓa, ɓabra kǝra kǝn kǝnso, a ɓabra kara ɗaan, tiina nfii nfii ko kǝn, u ɓaa pǝta hok yaake a si wa ra. 42A hansǝsa ɓǝ hoksǝ Yeso wa, me kaasǝsa ǝn kaa werkǝ mbusa u mbukamsa ɓaa Yahudawa ɓa wa, ɗǝm tina kawa yǝ ngwang.
©2023 Seed Company in collaboration with Language Developers and Bible Translators Association
Yohanna 19
19
Ɓaa nǝng kiita me a toɗ Yeso
1Pa Bilatus yǝ ti ɓaa hoɓ Yeso ma lǝɓra. 2Pa nsosamse ɓǝ mbǝrkǝ kukǝra u tǝute wa, ɓaa tung a ɗuura, ɓaa tung laulawara welwel u kuɓsa wa. 3Pa ɓǝ wo a sanii, ɓǝn ɓaarǝ ɓaarǝ, ɓǝn hoɓsǝ, ɓǝn nkee me, “Kuɓ ɓaa Yahudawa ɓa huurtu waango yǝ tǝr falang.” Ɗǝm ɓaa hoɓ a ota. 4Pa Bilatus yǝ ɓaarǝ yǝ fiɗ taandi, yǝ nkee ɓaa Yahudawa ɓa me, “Sǝ sengge, kǝnǝsǝ hik Yeso taandi, me sǝ maa me nǝ taasǝ ma mbuka ra.” 5Pa Yeso yǝ fiɗ taandi ma kukǝra kuɓsutu u tǝute wa ra a ɗuura ira, ma laulawara welwel, Bilatus yǝɓǝ nkee me, “Yaa eɗ sisi yǝ nwa.”
6Pa nok kǝnso, kuɓsa nek mbusa sa ma ɓan war hit bǝɗ Kaa Urshalima wa, ɓǝ wǝrsǝ Yeso wa, ɓǝ yauli ɓǝn nkee me, “Aa kwaakǝ! Aa kwaakǝ!”
Pa Bilatus yǝ kak me, “Sǝ too kosaa kwaakǝ saase ma nkweerase, me niina nǝ taasǝ ma mbuka ra.”
7Ɓaa Yahudawa ɓa, ɓǝ kak me, “Tǝma masaka, ɗǝm fǝɗkǝra masaka sǝra weɗɗa me, tommon keke me aa toɗɗo, me yǝ too ɗuura ira nga yǝn Au Kaa ya.”
8Pa Bilatus yǝ kurasǝ mara sǝra maaso wa, yǝ sookǝ kura kokto wa. 9Pa yǝ ɓaarǝ yaa kang ɗaan a taanda kuɓsutu ra, yǝ taa Yeso me, “Ngǝ fiɗ nau?” Pa Yeso kaksǝ mbuka ra. 10Bilatus yaa nkee me, “Ngǝ nǝ kak rau? Ngǝ maa me nǝ ma kwangto nǝngǝ lee hana nǝngǝ kwaakǝ rau?”
11Yeso yaa kak me, “Ngǝ sem ma kwangto a ɗuura naa ra, me ɓaa na ngǝ a liura ra. Me maaso, yaa yǝ fang nasǝ a ngani ya, yǝ faɗ ngǝ tenatenaton.”
12Tǝng siso, Bilatus yǝ kweetǝ me yǝ lee Yeso yǝ faɗ mbusa, pa ɓaa Yahudawa ɓa, ɓǝ tomma yaulira, ɓǝn nkee me, “Me ngǝ lee eɗ sisi yaa faɗɗan, ngǝ sik Kaisar ya ra. Ai, hana yamni yaa yǝ kangsǝ ɗuura ira yǝn kuɓu ya, yǝn tom ɗuura kwakwa ra Kaisar.”
13Pa Bilatus yǝ kurasǝ mbusǝsa maaso wa, yǝ fiɗ ma Yeso taandi, pa sase Bilatus yǝ kaɗ a han kankiita ɓa, a Ɗǝɗa ɗungate ra. Ma ee ɓaa Yahudawa ɓa, ǝn yarme Gabbata. 14A kaa sǝsa ǝn kaa werkǝ mbukamsa tadko ɓa, a fer siso, si kaa ɗa.
Pa Bilatus yǝ nkee ɓaa Yahudawa ɓa me, “Kuɓ waaso nwa!”
15Pa ɓǝ nik kwaro, ɓǝn yauli me, “Saa toɗɗo! Saa toɗɗo! Saa kwaakǝ!”
Pa Bilatus yǝɓǝ taa me, “Sǝn taa me nǝsǝ kwaakǝ kuɓ waasou?”
Pa kuɓsa nek mbusa sa, ɓǝ kak me, “Waato tǝ sem ma kuɓu ra, me sem Kaisar ra.”
16Pa Bilatus yǝ too Yeso yǝɓǝ na me aa kwaakǝ.
Ɓaa kwaakǝ Yeso
17Pa nsosamse ɓǝ faɗ ma Yeso. Yeso ma nkweeresi, yǝ toosǝ kwaakǝra ira wa, yaa ko a han ɓan yarsǝ me, Nkoo ɗuura wa, ma ee ɓaa Yahudawa ɓa ɗǝm, ǝn yar me, Golgota. 18A hansǝsa ɓaa kwaakǝsǝ Yeso wa, ma ɓaataka raɓ, fin a nem seya isi, fin ɗǝm a nem kwasa isi, pa Yeso yaa ɗaaso.
19Bilatus yǝ nyor na ee ke yǝ kwaakǝ a ɗuura kwaakǝra kara ra. Mbu ɓaa nyorsǝ ɓa ǝn nkee me, “YESO EƊ NAZARAT YA, KUƁ ƁAA YAHUDAWA ƁA.” 20Ɓaa Yahudawa ɓa dem, ɓǝ kau nyorma sǝman, me han ɓaa kwaakǝsǝ Yeso ɓa, yǝ kwang ma uru. Nyorma kama, nyor ma ee ɓaa Yahudawa ɓa ma ee Roma ya ma ee Helenansi ya. 21Pa kuɓsa nek mbusa sa ma ɓaa Farisiyawa ɓa, ɓǝ nkee Bilatus me, “Ngǝ nyor me, ‘Kuɓ ɓaa Yahudawa ɓa’ ra, pa aa nyor me, Eɗ ɗa, yǝn nkee me, yǝn kuɓ ɓaa Yahudawa ɓa.”
22Bilatus yǝ kak me, “Mbu nǝ weesǝ nyoro ɓa, nǝ nyoron.”
23Ndiira nsosamse ɓǝ kwaakǝsǝ Yeso wa, ɓǝ too luktaa isa, ɓǝ ɓaa handa kurun, hana nsosa nawa yǝ too handa fin, aa pee laulawara u yǝsǝ ɗaan wa. Laulawara siso ɓaa rara ra, ɓaa ntaa ma neme, ntii ntaa a ɓoti aa ham a kunda.
24Pa ɓǝ nkee ɓaatǝ me, “Ndǝ nsaatǝ ra, aa lee ndǝ tom tauwo a si, ndǝ wǝr yaa kiyaa taa ya.”
Mbusa tom maaso me aa kung mbu ɓaa nyorsǝ a likarkar Kaa wa ɓa me,
“Ɓǝ ɓaa luktaa sǝna a ɗaaso ɓoso,
ɗǝm ɓǝ tom tauwo a laulawara na.”
25Pa ɓaa ɓǝ nǝɗsǝ kwang ma han ɓaa kwaakǝsǝ Yeso ɓa wa, ǝn maasi maa ate isi, ma Maryamu toone Kilobas ya, ma ɗǝm Maryamu Magadaliya. 26Pa Yeso yǝ wǝrsǝ maasi, ma aufǝɗke yǝn yausǝsǝ kwang ya, ɓǝ kǝɗ kǝɗ kwang kǝnso wa, yǝ nkee maasi me, “Maane, au wange wa.” 27Pa yǝ nkee aufǝɗke siya me, “U nwa yǝ tom maange”. Tǝng siso aufǝɗke siya, yaa ko ma maa Yeso ya ɗuur usu.
Woɗɗa Yeso ra
28Ndiira maaso wa, Yeso maasǝ me mbusa nsaad feɗɗen wa, me aa kung mbu ɓaa nyorsǝ a likarkar Kaa wa ɓa, yǝ nkee me, “Mbraa ǝn sinǝ.” 29Pa kǝnda kǝra kǝn kǝnso kungsǝ ma mbraa emngwate inabi sǝusǝu ma.#19:29 Mbraa sǝusǝu u emngwate inabi ma, me yǝ tǝrǝn, yǝn tom sǝusǝu yǝ kang ɓalo, ɗǝm me ete ween, ǝn taasǝ. Pa me ɓaa hem emngwate sǝsǝ kaa ɓisa yǝ nwee handa ra, kǝ nkaa a wee mbuka sem ra. A alˈada ɓaa Yahudawa ɓa, ɓǝn wee mbraa sǝusǝu u emngwate inabi ma sǝma me ɓǝ loo mbraa sima, ǝn siso mbu kwaasǝ ɓǝ nasǝ Yeso a fer yǝ nkeesǝ me “Mbraa ǝn sinǝ” wa. Pa ɓǝ nrii soso ma mbraa sǝma, ɓǝ tung a kwalang falang wa, ɓaa tung a ee isi. 30Pa Yeso yǝ npuusǝ mbraa sǝusǝu sǝma wa, yǝ nkee me, “Feɗɗen!” Yǝ siu ɗuura ira a putu, pa yǝ lee huurtu usu, yǝ woɗɗo.
31Pa ɓaa Yahudawa ɓa, ɓǝ kǝna Bilatus me yǝ yau a kau natsa ɓaa ɓaa kwaakǝɓǝsǝ sǝɓa, ɗǝm aa ham ma maabiri ɓose. Mbu kwaasǝ ɓǝ tomsǝ kǝnara sǝra wa, me ɓaa Yahudawa ɓa, ɓǝ yauwa me aa lee maabiri ɓeta ya a kwaakǝra a kaa nwiinya ra, ɗǝm kaasǝsa, ǝn kaa werkǝ mbusa u mbukamsa ɓaa Yahudawa ɓa wa, ɗǝm me handa nween, kǝ tom kaa kwang u nwiinya ɓaa Yahudawa ɓa. 32Pa nsosamse ɓǝ wo ɓǝ kau natsa yaa ntiiri ɓaa kwaakǝsǝsǝ ke ma Yeso wa, ɗǝm ɓǝ kau natsa yaa raɓte ya kǝn, 33pa ɓǝ kau natsa Yeso sa ra, me ɓǝ wosǝ a sani wa, ɓǝ wǝr yǝ wee woɗɗon. 34Pa fin a ɗaaso nsosamse siya, yǝ sep Yeso ma kǝɗa a kal mɓǝre, nok kǝnso monma ma mbraa aa fiɗɗi. 35Yaa yǝ wǝrsǝ ma nuuwa isa ya, yǝ nkee mara sǝsa sase, ɗǝm mara yǝ nkee sǝsa, ndǝ ɓongtǝra. Sase ma nkweera ira yǝ maan me mbu yǝn nkeesǝ ɓa, ndǝ ɓongtǝra, ɗǝm yǝ nkee me saase kǝn, sǝ na ɓongtǝra. 36Mbusǝsa tom maaso me aa kung mbu ɓaa nyorsǝ a likarkar wa me, “Hana fin a ɗaaso tǝute isa wa, aa kau ra,” 37ɗǝm nga ɓaa nyorsǝ a likarkar ko ɓol wa me, “Ɓǝkǝ sengge yaa ɓǝ sepsǝsǝ ya.”
Hokko Yeso wa
38Ndiira maaso wa, Yusufu eɗ Arimatiya ya, yǝn aufǝɗke Yeso ya, pa a nhuukǝra me yǝn kura kokto ɓaa Yahudawa ɓa, yǝ kǝna Bilatus me yǝ na maabiri Yeso ya, Bilatus ɗǝm yǝ yau me yǝ too. Pa yǝ too maabiri Yeso ya. 39Yusufu ɓǝ ko ke ma Nikodimu, yaa kayǝ pǝtasǝ ko a Yeso ni a pǝrta wa. Nikodimu ko ke ma yar nseera yaɓ wa, u lǝklǝkto usu kǝ nkaa aa kan pusa pu.#19:39 Lǝklǝkto usu kǝ tom nga lǝklǝkto pirti koma wa fin. 40Pa ɓet raɓ sǝsa ɓǝ too maabiri Yeso wa, ɓǝ mbǝrkǝ ma luktu hok woɗɗa wa, ɓaa puk yar nseera yaɓ suwa. Ɓǝ tom maaso nga ɓan tomsǝ a alˈada hok woɗɗa ɓaa Yahudawa ɓa wa. 41A han ɓaa kwaakǝsǝ Yeso ɓa, ɓabra kǝra kǝn kǝnso, a ɓabra kara ɗaan, tiina nfii nfii ko kǝn, u ɓaa pǝta hok yaake a si wa ra. 42A hansǝsa ɓǝ hoksǝ Yeso wa, me kaasǝsa ǝn kaa werkǝ mbusa u mbukamsa ɓaa Yahudawa ɓa wa, ɗǝm tina kawa yǝ ngwang.
©2023 Seed Company in collaboration with Language Developers and Bible Translators Association