GAL 1
1
Tooma
1Bulus ǝn ɓahone, sem me ɓeta ɓǝ tungnǝsǝ wa ra, hana ma lau ete wa ɓaa tisǝsǝ wa ra, pa ma lau Yeso Almaseho wa, ɗǝm ma Kaa Paapa, yaa yǝ niksǝsǝ a woɗɗa ya, ɓǝ tisǝsǝ wa, 2niina ma ɓaata nsaad tǝsǝ ke a hanɓa ɓa, tǝ nyorsǝ likarkar wa ɓa, aa ko a kwauwo ɓan bǝɗ Kaa ɓolɓol ɓǝsa a put Galatiya ɓa wa.
3Kwasira ma kaɗɗo hurhurto u fiɗsǝ a Kaa Paande ni ya, ma u Ankundi Yeso Almaseho ya wa, aa kaɗ ke ma saase. 4Sase Yeso Almaseho, yaa yǝ nasǝ nkweera ira a ɗuura tenatenato yaande ya, me yǝ ndǝ kon nkweera a kaare kwalakwala ndǝsǝ ɗaan waso ya. Mbusǝsa tom maaso me ndǝ siso mbu Kaa Paande yǝn yausǝ ɓa ya. 5Aa lee tooma aa kaɗ ke ma sase feɗefeɗe sem ra. Aa kaɗ maaso.
Mara kwalari kǝra sem ɓol ɗǝm ra
6Mbu sǝn tomsǝ sǝsa, tom mbu weɗara ɓa, tom singgǝ ra maaso sǝn taa me sǝ lee bǝɗ yaa yǝ yarsǝsǝ ma lau kwasira Almaseho ya ra, sǝ kǝrtǝ a mara kǝra ɓol ma mara kwalari waato, 7Ai, mara kwalari kǝra sem ɓol ra. Nǝ nkee maaso me, ɓaataka ɓǝn nik senta sa, ɗǝm ɓǝn kweetǝ me ɓǝ kang mara kwalari ra u Almaseho sǝra para. 8Pa nǝn nkeesǝ me, me yaake a ɗaaso waato kiyǝsǝn wo ma mara kwalari kǝra ɓol ma u tǝ nkeesǝsǝ wa, hana eɗ sisi yǝn antimira Kaa a liura ya, hana taase ma nkweerate, to, aa lee eɗ sisi yǝ tom an ma meeto ya! 9Nga tǝ weesǝsǝ nkee tang wa, nǝn ɓaarǝ nǝsǝ nkee waso ɗǝm me, hana yamni yaa yǝ nkeesǝsǝ mara kwalari kǝra ɓol ma u sǝ nkaasǝ kono wa ya, to, aa lee eɗ sisi yǝ tom an ma meeto ya!
10Hana kǝ nkee me, ma lau nkee mara maaso wa, ma nǝn kweetǝ me nǝ tǝǝ ɓetau? Awo. Mbu nǝn taasǝ ɓa ndǝ siso, Kaa yǝ yau ma mbu nǝn tomsǝ ɓan. Ko sǝn wǝr nga nǝn kǝr me nǝ hur kuɗa ɓetau? Awo. Me ka nǝn taa me nǝ hur kuɗa ɓeta, kama nǝ kaɗ hoora Almaseho ya ra.
Kaa yǝ yar Bulus
11Ɓaata ɓǝna, nǝn ta me nǝsǝ nkee me, mara kwalari nǝn nkeesǝsǝ ra, sem a ete ni fiɗsǝ wa ra. 12Nǝ kon a ete ni ra, ɗǝm yaake yǝ fǝɗkǝnǝ ra. Pa ǝn Yeso Almaseho ma nkweera ira yǝ nwanyǝnǝsǝ wa.
13Sǝ kura kaɗɗo waano nǝ tomsǝ tang nga ɓaa Yahudawa ɓa ɓǝn tomsǝ wa, kongsa dem nǝ nasǝ kwauwo ɓan bǝɗ Kaa ɓa wa, u kansǝ nǝn taa me nǝ ɓǝ tum wa. 14Ɗǝm sǝ maan me ɗaan a bǝɗ mbu Yahudawa ɓǝn tomsǝ ɓa, nǝ faɗ pepera ɓaa tǝ mɓarsǝ ke ɓan. Nǝ faɗɓǝ rǝmara aa tom mbu wiina ɓǝnda nkeesǝ me aa tom ɓa wa. 15Pa Kaa, yaa yǝ taunǝsǝ si ɓaa haanǝ ra ya, ɗǝm yǝ yarnǝ ma lau kwasira ira wa, u kansǝ yǝ kura nepto wa 16yǝ nǝ weɗɗa Au isi Yeso, me nǝ nkee mara kwalari ra ɓaa ɓǝn Yahudawa ra ɓa. Yǝ tomsǝ maaso wa, nǝ kǝr senda ete ya ra, 17hana nǝ ko Urshalima a ɓaa ɓǝ nkaanǝsǝ tom ɓahona ɓa wa ra, pa mbu nǝ tomsǝ ɓa ndǝ siso, nok kǝnso, nǝ ko a put Arabiya wa, pa nǝ kang Dimaska.
18Pa a ndiira meeta taatǝn wa, nǝ ko Urshalima me nǝ wǝr Kefas u yǝsǝn sase, Siman Bitrus wa. Ɗǝm nǝ tom tǝro pu nhaa woonon ke ma sase. 19Ndiira tomsǝ maaso ɗǝm, nǝ wǝr hana fin a ɗaaso pepera ɓaata ɓahona ɓa ra, ndub Yakubu ate Ankundi ya. 20Mbu nǝn nyorsǝsǝ ɓa, ǝn ɓongtǝra a wii Kaa wa, para sem ra. 21Ma ndiira ira, nǝ ko a put Suriya ma Kilikiya wa. 22Pa a fer siso, kwauwo ɓolɓol u ɓan bǝɗ Almaseho ɓǝsǝ a put Yahudiya ɓa wa, ɓǝ maanǝ a oota ra. 23Pa ɓǝn kura mara maɗ me, “Eɗ yǝ nandǝsǝ kongsa tangtang siya, sengge waso yǝn nkee mara kwalari u naɓongtǝra ka yǝn tǝblǝsǝ wa.” 24Pa ɓǝ tomma too ɗǝnda Kaa ra wa, a mbu yǝ tomsǝ ma lau waano ɓa.
©2023 Seed Company in collaboration with Language Developers and Bible Translators Association
GAL 1
1
Tooma
1Bulus ǝn ɓahone, sem me ɓeta ɓǝ tungnǝsǝ wa ra, hana ma lau ete wa ɓaa tisǝsǝ wa ra, pa ma lau Yeso Almaseho wa, ɗǝm ma Kaa Paapa, yaa yǝ niksǝsǝ a woɗɗa ya, ɓǝ tisǝsǝ wa, 2niina ma ɓaata nsaad tǝsǝ ke a hanɓa ɓa, tǝ nyorsǝ likarkar wa ɓa, aa ko a kwauwo ɓan bǝɗ Kaa ɓolɓol ɓǝsa a put Galatiya ɓa wa.
3Kwasira ma kaɗɗo hurhurto u fiɗsǝ a Kaa Paande ni ya, ma u Ankundi Yeso Almaseho ya wa, aa kaɗ ke ma saase. 4Sase Yeso Almaseho, yaa yǝ nasǝ nkweera ira a ɗuura tenatenato yaande ya, me yǝ ndǝ kon nkweera a kaare kwalakwala ndǝsǝ ɗaan waso ya. Mbusǝsa tom maaso me ndǝ siso mbu Kaa Paande yǝn yausǝ ɓa ya. 5Aa lee tooma aa kaɗ ke ma sase feɗefeɗe sem ra. Aa kaɗ maaso.
Mara kwalari kǝra sem ɓol ɗǝm ra
6Mbu sǝn tomsǝ sǝsa, tom mbu weɗara ɓa, tom singgǝ ra maaso sǝn taa me sǝ lee bǝɗ yaa yǝ yarsǝsǝ ma lau kwasira Almaseho ya ra, sǝ kǝrtǝ a mara kǝra ɓol ma mara kwalari waato, 7Ai, mara kwalari kǝra sem ɓol ra. Nǝ nkee maaso me, ɓaataka ɓǝn nik senta sa, ɗǝm ɓǝn kweetǝ me ɓǝ kang mara kwalari ra u Almaseho sǝra para. 8Pa nǝn nkeesǝ me, me yaake a ɗaaso waato kiyǝsǝn wo ma mara kwalari kǝra ɓol ma u tǝ nkeesǝsǝ wa, hana eɗ sisi yǝn antimira Kaa a liura ya, hana taase ma nkweerate, to, aa lee eɗ sisi yǝ tom an ma meeto ya! 9Nga tǝ weesǝsǝ nkee tang wa, nǝn ɓaarǝ nǝsǝ nkee waso ɗǝm me, hana yamni yaa yǝ nkeesǝsǝ mara kwalari kǝra ɓol ma u sǝ nkaasǝ kono wa ya, to, aa lee eɗ sisi yǝ tom an ma meeto ya!
10Hana kǝ nkee me, ma lau nkee mara maaso wa, ma nǝn kweetǝ me nǝ tǝǝ ɓetau? Awo. Mbu nǝn taasǝ ɓa ndǝ siso, Kaa yǝ yau ma mbu nǝn tomsǝ ɓan. Ko sǝn wǝr nga nǝn kǝr me nǝ hur kuɗa ɓetau? Awo. Me ka nǝn taa me nǝ hur kuɗa ɓeta, kama nǝ kaɗ hoora Almaseho ya ra.
Kaa yǝ yar Bulus
11Ɓaata ɓǝna, nǝn ta me nǝsǝ nkee me, mara kwalari nǝn nkeesǝsǝ ra, sem a ete ni fiɗsǝ wa ra. 12Nǝ kon a ete ni ra, ɗǝm yaake yǝ fǝɗkǝnǝ ra. Pa ǝn Yeso Almaseho ma nkweera ira yǝ nwanyǝnǝsǝ wa.
13Sǝ kura kaɗɗo waano nǝ tomsǝ tang nga ɓaa Yahudawa ɓa ɓǝn tomsǝ wa, kongsa dem nǝ nasǝ kwauwo ɓan bǝɗ Kaa ɓa wa, u kansǝ nǝn taa me nǝ ɓǝ tum wa. 14Ɗǝm sǝ maan me ɗaan a bǝɗ mbu Yahudawa ɓǝn tomsǝ ɓa, nǝ faɗ pepera ɓaa tǝ mɓarsǝ ke ɓan. Nǝ faɗɓǝ rǝmara aa tom mbu wiina ɓǝnda nkeesǝ me aa tom ɓa wa. 15Pa Kaa, yaa yǝ taunǝsǝ si ɓaa haanǝ ra ya, ɗǝm yǝ yarnǝ ma lau kwasira ira wa, u kansǝ yǝ kura nepto wa 16yǝ nǝ weɗɗa Au isi Yeso, me nǝ nkee mara kwalari ra ɓaa ɓǝn Yahudawa ra ɓa. Yǝ tomsǝ maaso wa, nǝ kǝr senda ete ya ra, 17hana nǝ ko Urshalima a ɓaa ɓǝ nkaanǝsǝ tom ɓahona ɓa wa ra, pa mbu nǝ tomsǝ ɓa ndǝ siso, nok kǝnso, nǝ ko a put Arabiya wa, pa nǝ kang Dimaska.
18Pa a ndiira meeta taatǝn wa, nǝ ko Urshalima me nǝ wǝr Kefas u yǝsǝn sase, Siman Bitrus wa. Ɗǝm nǝ tom tǝro pu nhaa woonon ke ma sase. 19Ndiira tomsǝ maaso ɗǝm, nǝ wǝr hana fin a ɗaaso pepera ɓaata ɓahona ɓa ra, ndub Yakubu ate Ankundi ya. 20Mbu nǝn nyorsǝsǝ ɓa, ǝn ɓongtǝra a wii Kaa wa, para sem ra. 21Ma ndiira ira, nǝ ko a put Suriya ma Kilikiya wa. 22Pa a fer siso, kwauwo ɓolɓol u ɓan bǝɗ Almaseho ɓǝsǝ a put Yahudiya ɓa wa, ɓǝ maanǝ a oota ra. 23Pa ɓǝn kura mara maɗ me, “Eɗ yǝ nandǝsǝ kongsa tangtang siya, sengge waso yǝn nkee mara kwalari u naɓongtǝra ka yǝn tǝblǝsǝ wa.” 24Pa ɓǝ tomma too ɗǝnda Kaa ra wa, a mbu yǝ tomsǝ ma lau waano ɓa.
©2023 Seed Company in collaboration with Language Developers and Bible Translators Association