GAL 2
2
Ɓaata ɓahona ɓǝ yau ma Bulus
1Ndiira meeta pu nhaa kurun wa, nǝ ɓaarǝ nǝ kang Urshalima ɗǝm. A fer siso nǝ ko ke ma Barnaba ma ɗǝm Titus. 2Kaa ndǝ sase yǝ nwanyǝnǝsǝ a rotǝma wa me nǝ ko. Nǝ kansǝ kǝnso wa, nǝ pam ma ɓaata ɓan wiiya kwauwo ɓan bǝɗ Kaa ɓa, nǝɓǝ nkee ɗǝɗa nǝn nkeesǝ mara kwalari ra a ɓaa ɓǝn Yahudawa ra ɓa. Nǝ nkee ɓǝ mara sǝra ɓosa seɗɗe, me a kokto tom tinima nǝn tomsǝ ma, ma u nǝ tomsǝ wa sǝ lee a tom mbu sal ɓa ra. 3Pa hana Titus yǝsǝ ke ma niina ya, ɓaa tisǝ ɗaɗ me yǝ fir ra, hanaka sase, yǝsǝ Bahelene ya wa. 4Mara firo ra nii men ɓaata ɓaa ɓǝ pasǝ paara me ɓǝn ɓan bǝɗɗa ɓa, ɓǝ kan a nhukura. Ɓǝ kan me ɓǝ tǝblǝ kaɗ ɓaa ɓaa hikɓǝsǝ a hooto ɓa u ndǝsǝ ma siso wa ma lau Almaseho Yeso wa. Ɓǝn taa me ɓǝ ndǝ kang hoota. 5Pa tǝ yau tǝɓǝ lee ɗǝɗa hana ngeek ra, me tǝn taa me ɓongtǝra mara kwalari ra aa faɗ wiiyo men saase.
6Pa ɓeta ɓaa ɓaa tooɓǝsǝ me ɓǝ wiina ɓa, ɓǝ sookǝ mbukake a ɗuura mbu nǝ fǝɗkǝsǝ ɓa ra, a wǝro waano hana ɓǝ ɓauni, nsaad fin a nani, me Kaa yǝ sem ma yau ɗuura wa ra. 7Pa ɓǝ wǝrsǝ me Kaa yau nǝn me nǝ nkee mara kwalari ra ɓaa ɓǝ fir ra ɓa, nga yǝ yausǝ Bitrus yǝ nkee mara kwalari ra a ɓaa Yahudawa ɓani, ɓaa ɓǝ firsǝ ɓa. 8Kaa yaa yǝ tomsǝ tinima a kuɗa Bitrus ra ya, yǝ kaɗ ɓahone a ɓaa Yahudawa ɓa ni ya, ǝn sase ɗǝm yǝ tomsǝ tinima a kuɗa na ya, me nǝ kaɗ ɓahone a ɓaa ɓǝn Yahudawa ra ɓa ni. 9Pa ɓǝ wǝrsǝ me Kaa yǝ nanǝ kwasira iran maaso wa, Yakubu ma Bitrus ma Yohanna ɓaa ɓaa na ɓǝsǝ tinima ɓan wii kwauwo ɓan bǝɗ Kaa ɓa wa, ɓǝ tǝ kon nema raɓ raɓ, nase ma Barnaba. Tǝ kura ɓaatǝn me taase tǝkǝ ko a ɓaa ɓǝn Yahudawa ra ɓa ni, ɓosa kǝn ɓǝ ko a ɓaa Yahudawa ɓa ni. 10Pa ɓǝtǝ ti me tǝ ɗim ma hanhanta. Mbusǝsa ka ǝn siso nǝn kweetǝsǝ ɓong me kǝnǝ tom ɓa wa.
Bulus yǝ nkwaakǝ Bitrus
11A fer Bitrus yǝ wosǝ Antakiya wa, nǝ nkwaakǝsǝ oota ma oota me mbu kwalakwala yǝ tomsǝ ɓa yaa talte. 12A ntiiri, yǝn se mbuseya ke ma ɓaa ɓǝn Yahudawa ra ɓa. Pa a ndiira Yakubu yǝ timisǝ ɓaata me ɓǝ ko Antakiya wa, pa Bitrus yǝ kang ndiira yǝ nweerǝ nkweeresi. Yǝ tom maaso me yǝn kura kokto ɓaa ɓǝn taasǝ me aa fir ɓaa ɓǝn Yahudawa ra ɓa wa. 13Maaso ɗǝm, pepere ɓaata ɓaa Yahudawa ɓa, ɓaa ma ɗǝlmara raɓ ɓa, ɓǝ bǝɗ nat Bitrus ɓa, ɓǝ ntii tom mbusa u ɓǝ maasǝ me sem keke ra wa, hana Barnaba yǝ taa ɗuura ira a tinima ɓosa sǝma.
14Pa nǝ wǝrsǝ mbu tom ɓosa wa, sem a ɗǝɗa ɓongtǝra u mara kwalari ra wa, pa nǝ nkee Bitrus a wii ɓeta wa nsaad me, “Ngase, ngǝn Bayahude, pa ngǝn tom kaɗɗo waango nga ɓaa ɓǝn Yahudawa ra ɓa ɓǝn tomsǝ wa, sem nga ɓaa Yahudawa ɓǝn tomsǝ wa ra. Waso, pa tomtomni ngǝ tisǝ ɗaɗ me, ɓaa ɓǝn Yahudawa ra ɓa, ɓǝ bǝɗ mbu tangtang ɓaa Yahudawa ɓa ɓǝn tomsǝ ɓau?”
15Tumoto, a haa, tǝ ɓaa Yahudawa ɓa, sem ɓaa ɓǝn Yahudawa ra ɓa, hana ɓan tentenato ɓa, 16tǝ maan me, atike sem kǝn kiyaa taa nkweeto a wiiyo a Kaa ni ma lau tomma bǝɗɗo Masaka Musa wa ra, pa ndub me yǝ na ɓongtǝra a Yeso Almaseho nin. Tumoto, taase kǝn tǝ na ɓongtǝran a Almaseho Yeso nin. Tǝ tom maaso me tǝ tom mbu yǝsǝ keke a wiiyo a Kaa ni ɓa, ma lau naɓongtǝra ma lau Almaseho wa, sem ma lau bǝɗ Masaka Musa wa ra. Tumoto, yaake sem kǝn kiyaa taa nkweeto a wiiyo a Kaa ni ma lau bǝɗ Masaka Musa wa ra.
17Me tǝn kǝr taa nkweeto a wiiyo a Kaa ni, ma lau ti kanggo a Almaseho ni wa, pa ndaase ma nkweerande, ɓaa ndǝ taa ndǝn ɓaa ma tenatenato ɓa, to, siso weɗɗa me Almaseho yǝn tom hidima tenatenato mau? Awo, sem maaso ra. 18Pa meka ɗǝm kǝnǝ nii nǝ mar mbu kanǝ ookǝsǝ tangtang ɓa wa, siso weɗɗa me nǝ an kau masaka ya. 19Ai, ma lau masaka Musa wa, nǝ kang nǝ tom woɗɗan a masaka siso, me nǝ ɗanyǝ a Kaa ni. 20Ɓaa kwaakǝnǝ ke ma Almaseho. Waso sem me niina nǝn ɗanyǝsǝ wa ra, pa ǝn Almaseho yǝn ɗanyǝsǝ ɗaan a nani wa. Nkamǝra ɗanyo nǝn tomsǝ a maabiri wa, nǝn ɗanyǝ ma lau naɓongtǝra a Au Kaa ya ni wa, yaa yǝ yaunǝsǝ ya, u kansǝ yǝ na ɗuura ira men niina ya. 21Nase nǝ mbisi kwasira Kaa ra wa ra. Me ma lau bǝɗ masaka Musa wa, ete kiyǝ nkaa yǝ taa tom mbu yǝsǝ keke a wiiyo a Kaa ni ɓa wa, siso weɗɗa me, woɗɗa Almaseho ra tommon sal.
©2023 Seed Company in collaboration with Language Developers and Bible Translators Association
GAL 2
2
Ɓaata ɓahona ɓǝ yau ma Bulus
1Ndiira meeta pu nhaa kurun wa, nǝ ɓaarǝ nǝ kang Urshalima ɗǝm. A fer siso nǝ ko ke ma Barnaba ma ɗǝm Titus. 2Kaa ndǝ sase yǝ nwanyǝnǝsǝ a rotǝma wa me nǝ ko. Nǝ kansǝ kǝnso wa, nǝ pam ma ɓaata ɓan wiiya kwauwo ɓan bǝɗ Kaa ɓa, nǝɓǝ nkee ɗǝɗa nǝn nkeesǝ mara kwalari ra a ɓaa ɓǝn Yahudawa ra ɓa. Nǝ nkee ɓǝ mara sǝra ɓosa seɗɗe, me a kokto tom tinima nǝn tomsǝ ma, ma u nǝ tomsǝ wa sǝ lee a tom mbu sal ɓa ra. 3Pa hana Titus yǝsǝ ke ma niina ya, ɓaa tisǝ ɗaɗ me yǝ fir ra, hanaka sase, yǝsǝ Bahelene ya wa. 4Mara firo ra nii men ɓaata ɓaa ɓǝ pasǝ paara me ɓǝn ɓan bǝɗɗa ɓa, ɓǝ kan a nhukura. Ɓǝ kan me ɓǝ tǝblǝ kaɗ ɓaa ɓaa hikɓǝsǝ a hooto ɓa u ndǝsǝ ma siso wa ma lau Almaseho Yeso wa. Ɓǝn taa me ɓǝ ndǝ kang hoota. 5Pa tǝ yau tǝɓǝ lee ɗǝɗa hana ngeek ra, me tǝn taa me ɓongtǝra mara kwalari ra aa faɗ wiiyo men saase.
6Pa ɓeta ɓaa ɓaa tooɓǝsǝ me ɓǝ wiina ɓa, ɓǝ sookǝ mbukake a ɗuura mbu nǝ fǝɗkǝsǝ ɓa ra, a wǝro waano hana ɓǝ ɓauni, nsaad fin a nani, me Kaa yǝ sem ma yau ɗuura wa ra. 7Pa ɓǝ wǝrsǝ me Kaa yau nǝn me nǝ nkee mara kwalari ra ɓaa ɓǝ fir ra ɓa, nga yǝ yausǝ Bitrus yǝ nkee mara kwalari ra a ɓaa Yahudawa ɓani, ɓaa ɓǝ firsǝ ɓa. 8Kaa yaa yǝ tomsǝ tinima a kuɗa Bitrus ra ya, yǝ kaɗ ɓahone a ɓaa Yahudawa ɓa ni ya, ǝn sase ɗǝm yǝ tomsǝ tinima a kuɗa na ya, me nǝ kaɗ ɓahone a ɓaa ɓǝn Yahudawa ra ɓa ni. 9Pa ɓǝ wǝrsǝ me Kaa yǝ nanǝ kwasira iran maaso wa, Yakubu ma Bitrus ma Yohanna ɓaa ɓaa na ɓǝsǝ tinima ɓan wii kwauwo ɓan bǝɗ Kaa ɓa wa, ɓǝ tǝ kon nema raɓ raɓ, nase ma Barnaba. Tǝ kura ɓaatǝn me taase tǝkǝ ko a ɓaa ɓǝn Yahudawa ra ɓa ni, ɓosa kǝn ɓǝ ko a ɓaa Yahudawa ɓa ni. 10Pa ɓǝtǝ ti me tǝ ɗim ma hanhanta. Mbusǝsa ka ǝn siso nǝn kweetǝsǝ ɓong me kǝnǝ tom ɓa wa.
Bulus yǝ nkwaakǝ Bitrus
11A fer Bitrus yǝ wosǝ Antakiya wa, nǝ nkwaakǝsǝ oota ma oota me mbu kwalakwala yǝ tomsǝ ɓa yaa talte. 12A ntiiri, yǝn se mbuseya ke ma ɓaa ɓǝn Yahudawa ra ɓa. Pa a ndiira Yakubu yǝ timisǝ ɓaata me ɓǝ ko Antakiya wa, pa Bitrus yǝ kang ndiira yǝ nweerǝ nkweeresi. Yǝ tom maaso me yǝn kura kokto ɓaa ɓǝn taasǝ me aa fir ɓaa ɓǝn Yahudawa ra ɓa wa. 13Maaso ɗǝm, pepere ɓaata ɓaa Yahudawa ɓa, ɓaa ma ɗǝlmara raɓ ɓa, ɓǝ bǝɗ nat Bitrus ɓa, ɓǝ ntii tom mbusa u ɓǝ maasǝ me sem keke ra wa, hana Barnaba yǝ taa ɗuura ira a tinima ɓosa sǝma.
14Pa nǝ wǝrsǝ mbu tom ɓosa wa, sem a ɗǝɗa ɓongtǝra u mara kwalari ra wa, pa nǝ nkee Bitrus a wii ɓeta wa nsaad me, “Ngase, ngǝn Bayahude, pa ngǝn tom kaɗɗo waango nga ɓaa ɓǝn Yahudawa ra ɓa ɓǝn tomsǝ wa, sem nga ɓaa Yahudawa ɓǝn tomsǝ wa ra. Waso, pa tomtomni ngǝ tisǝ ɗaɗ me, ɓaa ɓǝn Yahudawa ra ɓa, ɓǝ bǝɗ mbu tangtang ɓaa Yahudawa ɓa ɓǝn tomsǝ ɓau?”
15Tumoto, a haa, tǝ ɓaa Yahudawa ɓa, sem ɓaa ɓǝn Yahudawa ra ɓa, hana ɓan tentenato ɓa, 16tǝ maan me, atike sem kǝn kiyaa taa nkweeto a wiiyo a Kaa ni ma lau tomma bǝɗɗo Masaka Musa wa ra, pa ndub me yǝ na ɓongtǝra a Yeso Almaseho nin. Tumoto, taase kǝn tǝ na ɓongtǝran a Almaseho Yeso nin. Tǝ tom maaso me tǝ tom mbu yǝsǝ keke a wiiyo a Kaa ni ɓa, ma lau naɓongtǝra ma lau Almaseho wa, sem ma lau bǝɗ Masaka Musa wa ra. Tumoto, yaake sem kǝn kiyaa taa nkweeto a wiiyo a Kaa ni ma lau bǝɗ Masaka Musa wa ra.
17Me tǝn kǝr taa nkweeto a wiiyo a Kaa ni, ma lau ti kanggo a Almaseho ni wa, pa ndaase ma nkweerande, ɓaa ndǝ taa ndǝn ɓaa ma tenatenato ɓa, to, siso weɗɗa me Almaseho yǝn tom hidima tenatenato mau? Awo, sem maaso ra. 18Pa meka ɗǝm kǝnǝ nii nǝ mar mbu kanǝ ookǝsǝ tangtang ɓa wa, siso weɗɗa me nǝ an kau masaka ya. 19Ai, ma lau masaka Musa wa, nǝ kang nǝ tom woɗɗan a masaka siso, me nǝ ɗanyǝ a Kaa ni. 20Ɓaa kwaakǝnǝ ke ma Almaseho. Waso sem me niina nǝn ɗanyǝsǝ wa ra, pa ǝn Almaseho yǝn ɗanyǝsǝ ɗaan a nani wa. Nkamǝra ɗanyo nǝn tomsǝ a maabiri wa, nǝn ɗanyǝ ma lau naɓongtǝra a Au Kaa ya ni wa, yaa yǝ yaunǝsǝ ya, u kansǝ yǝ na ɗuura ira men niina ya. 21Nase nǝ mbisi kwasira Kaa ra wa ra. Me ma lau bǝɗ masaka Musa wa, ete kiyǝ nkaa yǝ taa tom mbu yǝsǝ keke a wiiyo a Kaa ni ɓa wa, siso weɗɗa me, woɗɗa Almaseho ra tommon sal.
©2023 Seed Company in collaboration with Language Developers and Bible Translators Association