2 Korantiyawa 13
13
Wiin ngwee wa ma tooma
1U nwa kǝ tom wo waano u taatente wa a saani. Nga ɓaa nyorsǝ a likarkar Kaa wa ra me, “Tommon ɗaɗ aa kura mara ɓongtǝra ra a ee ɓeta ya raɓ, hana taatǝn.” 2A wo waano u raɓte nǝ tomsǝ a saani wa, nǝ wiin ngwee ɓaa ɓǝ tomsǝ tenatenato ɓa, ma pepere ɓeta ya nsaad, me ɓǝ lee tom tenatenato wa. Waso nǝsǝ sem ke ma saase ra wa, nǝn ɓaarǝ nkamǝra wiin ngwee siso ra, mbu kwaasǝ ɓa, me nǝ won, yaake sem kǝn kiyaa noo wa ra. 3Me ɗǝm sǝn kǝr me sǝ maa me ndǝ ɓongtǝra me Almaseho yǝn kan ma lau waano, to, ɓongtǝra sǝra ndǝ siso, Almaseho yǝ wal kokrokto a ɗaaso waaso ra, pa yǝ weɗɗa kwangto usu a ɗaaso waaso. 4Hanaka ɓaa kwaakǝsǝsǝ ma lau wallo kokrokto wa wa, ding siso, yǝ ma huurtu ma lau kwangto Kaa wa. Hanaka ndaase ndǝ sem kokrok a sani ra wa, ding siso, tǝ ma huurtu ke ma sase ma lau kwangto Kaa wa, me tinimsa tǝn tomsǝ a ɗaaso waaso wa.
5Sǝ mǝɗkǝ nkweerase me sǝ maa ko sǝn bǝɗ Yeso Almaseho ma ɓongtǝra. Sǝ tomma mǝɗkǝ nkweerase wa. Hankara sǝ maa me Almaseho yǝ ɗaan a kuti yaase rau? Me sǝ maa ra, to, sǝ nwiin a mǝɗkǝra sǝran. 6Nǝn ti kanggo me sǝkǝ wǝr me taase tǝ yam ra. 7Pa taa kǝnara a Kaa ni me sǝ kong tom mbukake u kwalakwala wa ra. Nǝ nkee sem me tǝn kweetǝ me tǝ paaki nkweerate nga taase tǝ noosǝ pǝtara ɓa ra, pa me saase sǝ tom mbu yǝsǝ keke ɓa wa, hanaka minda ɓeta kǝ wǝr nga tǝ wallan wa. 8Pa kǝtǝ bǝɗ ndiira ɓongtǝra wa nfee, tǝ kong tom mbu yǝn simbasǝ ɓongtǝra ɓa wa ra. 9Tǝn hur kuɗa a fer tǝ sem ma kokrokto ra wa, pa waaso sǝ ma kokrokto. Ɗǝm tǝn tom kǝnara me sǝ tom kungsǝta. 10Ən siso mbu kwaasǝ nǝ nyorsǝsǝ mbuɓa hanaka nǝsǝ sem ke ma saase ra wa, pa me nǝ won, tom pa nǝsǝ too ɓee me nǝn tom tinima ma kwangto u Ankundi yǝ nanǝsǝ wa ya, kwangto siso ǝn u maroo wa, sem u okoo wa ra.
Mara a feɗefeɗe ra wa
11Ɓaata ɓǝna, a feɗefeɗe, nǝn tisǝ pamra. Sǝ kweetǝ sǝ tom ɓaa kungsǝ ɓa, sǝ kura kǝnara naa, sǝ yau ɓaatǝ, ɗǝm sǝ kaɗ yaɓ ma ɓaatǝ. A tommo maaso wa, Kaa yaa ma yauta ma hurhurto ya, kiyǝ kaɗ ke ma saase.
12Sǝ too ɓaatǝ ma nɗaa ɓaatǝ wa, nga em Kaa ɓa ɓǝn tomsǝ wa. 13Nsaad ɓan bǝɗ Kaa ɓa, ɓǝn tungsǝ tooma.
14Kwasira Ankundi yaande Yeso Almaseho ra, ma yauta Kaa ta ma kaɗɗo ke ma Wis Ɗekɗek ɓa wa, ɓǝ kaɗ ke ma saase nsaad. Aa kaɗ maaso.
©2023 Seed Company in collaboration with Language Developers and Bible Translators Association
2 Korantiyawa 13
13
Wiin ngwee wa ma tooma
1U nwa kǝ tom wo waano u taatente wa a saani. Nga ɓaa nyorsǝ a likarkar Kaa wa ra me, “Tommon ɗaɗ aa kura mara ɓongtǝra ra a ee ɓeta ya raɓ, hana taatǝn.” 2A wo waano u raɓte nǝ tomsǝ a saani wa, nǝ wiin ngwee ɓaa ɓǝ tomsǝ tenatenato ɓa, ma pepere ɓeta ya nsaad, me ɓǝ lee tom tenatenato wa. Waso nǝsǝ sem ke ma saase ra wa, nǝn ɓaarǝ nkamǝra wiin ngwee siso ra, mbu kwaasǝ ɓa, me nǝ won, yaake sem kǝn kiyaa noo wa ra. 3Me ɗǝm sǝn kǝr me sǝ maa me ndǝ ɓongtǝra me Almaseho yǝn kan ma lau waano, to, ɓongtǝra sǝra ndǝ siso, Almaseho yǝ wal kokrokto a ɗaaso waaso ra, pa yǝ weɗɗa kwangto usu a ɗaaso waaso. 4Hanaka ɓaa kwaakǝsǝsǝ ma lau wallo kokrokto wa wa, ding siso, yǝ ma huurtu ma lau kwangto Kaa wa. Hanaka ndaase ndǝ sem kokrok a sani ra wa, ding siso, tǝ ma huurtu ke ma sase ma lau kwangto Kaa wa, me tinimsa tǝn tomsǝ a ɗaaso waaso wa.
5Sǝ mǝɗkǝ nkweerase me sǝ maa ko sǝn bǝɗ Yeso Almaseho ma ɓongtǝra. Sǝ tomma mǝɗkǝ nkweerase wa. Hankara sǝ maa me Almaseho yǝ ɗaan a kuti yaase rau? Me sǝ maa ra, to, sǝ nwiin a mǝɗkǝra sǝran. 6Nǝn ti kanggo me sǝkǝ wǝr me taase tǝ yam ra. 7Pa taa kǝnara a Kaa ni me sǝ kong tom mbukake u kwalakwala wa ra. Nǝ nkee sem me tǝn kweetǝ me tǝ paaki nkweerate nga taase tǝ noosǝ pǝtara ɓa ra, pa me saase sǝ tom mbu yǝsǝ keke ɓa wa, hanaka minda ɓeta kǝ wǝr nga tǝ wallan wa. 8Pa kǝtǝ bǝɗ ndiira ɓongtǝra wa nfee, tǝ kong tom mbu yǝn simbasǝ ɓongtǝra ɓa wa ra. 9Tǝn hur kuɗa a fer tǝ sem ma kokrokto ra wa, pa waaso sǝ ma kokrokto. Ɗǝm tǝn tom kǝnara me sǝ tom kungsǝta. 10Ən siso mbu kwaasǝ nǝ nyorsǝsǝ mbuɓa hanaka nǝsǝ sem ke ma saase ra wa, pa me nǝ won, tom pa nǝsǝ too ɓee me nǝn tom tinima ma kwangto u Ankundi yǝ nanǝsǝ wa ya, kwangto siso ǝn u maroo wa, sem u okoo wa ra.
Mara a feɗefeɗe ra wa
11Ɓaata ɓǝna, a feɗefeɗe, nǝn tisǝ pamra. Sǝ kweetǝ sǝ tom ɓaa kungsǝ ɓa, sǝ kura kǝnara naa, sǝ yau ɓaatǝ, ɗǝm sǝ kaɗ yaɓ ma ɓaatǝ. A tommo maaso wa, Kaa yaa ma yauta ma hurhurto ya, kiyǝ kaɗ ke ma saase.
12Sǝ too ɓaatǝ ma nɗaa ɓaatǝ wa, nga em Kaa ɓa ɓǝn tomsǝ wa. 13Nsaad ɓan bǝɗ Kaa ɓa, ɓǝn tungsǝ tooma.
14Kwasira Ankundi yaande Yeso Almaseho ra, ma yauta Kaa ta ma kaɗɗo ke ma Wis Ɗekɗek ɓa wa, ɓǝ kaɗ ke ma saase nsaad. Aa kaɗ maaso.
©2023 Seed Company in collaboration with Language Developers and Bible Translators Association