Kula ɗa Njeka̰ykulaje 20
20
Pɔl aw ɓeko̰ gə Masedowan gə Gərɛsə
1Kɔ 16.1-7; Rɔm 15.25-27
1Logə kunda bangə nee le unda nangə ɗaa Pɔl ula ɓar ngan njenendoje ar ꞌɗe, ɗaa ula jingaw mə-je gə ngaɓa ḭya̰-je ɔdə mba kaw gə dɔ nangə gə Masedowan.
2Logə n-aw nday mə dɔ nangə gə nee le ɗaa n-ula jingaw mə-je gə gə tarje ya̰ ngaɓa n-aw n-ce ɓeko̰ gə Gərɛsə gə. 3N-ɗa nay munda mə ɓeko̰ gə nee le ɗaa n-isi pɛrɛrɛ mba kal to mba kaw gə Siiri ngaa gə go njuma gə Jiibije d-ula dɔ-ɛ gə ɗaa, n-un ɗəw n-təl n-aw Masedowan. 4Dəwje gə ꞌdan-ɛ ɓa ri-je na: Sopatɛr ngon lə Pirus gə ɓe lə-a Bere, Arisətarəkə je gə Segondus gə ɓe lə-je Tesaloniki, Gayus gə ɓe lə-a Dɛrəbə, Timoce ngaɓa Tisikə je gə Toropim gə gəl-je ḭ dɔ nangə gə Aji. 5ꞌJejee nee le d-un ɗəw kede ɗaa d-aw ngina si Torowas. 6Sijee le, go ndɔje gə d-usa ne mbə gə lal gɔy kodo, ɗaa j-al to Pilipi ngaa j-a ɗa ndɔ mi ɓa j-inga-je Torowas ɗaa j-isi kəne ndɔ siri.
Pɔl aw ɓe gə Torowas
7Ndɔ dɔmasi le j-a mbo̰ naa mba cɛdə mbə, ɗaa Pɔl uwa gə je dɔ naa saar unda ngang-ɛ dan lo gə mba lo kar-ɛ nama a kɔdə kaw. 8Mə kəy gə to dɔ mar-ɛ gə taar gə j-uwa dɔ naa kəne le lambeje bula gə maj-ɛ ja. 9Be ɓa ngon basa̰ kara, ri-a na Ətikus isi kəm bolo kəy gə ɗaa, n-cibi n-rongə mba Pɔl pa gə je tar kur-e əw ya̰, ɗaa ngon basa̰ le ce bolo kəy gə taar gə njekum gə munda le oso. Logə ꞌɗe d-un-e ɗaa, n-uy. 10Ngaa Pɔl ɗisi nangə, oso dɔ-ɛ gə burugə, un-e uwa kar-ɛ gə ngaɓa pa na: ꞌJɔgəje rɔ-si ang, n-to kəm baa. 11Logə n-təl n-aw mə kəy gə taar le ɗaa n-cɛdə mbə n-usa, cibi n-təl n-pa tar kur-e əw saar n-ce ne ta dɔɔɓe gə ɓa n-ɔdə n-aw. 12ꞌTəl gə ngon basa̰ le kəm baa ja d-aw sə-a ngaɓa təl to ne gə ula jingaw gə boy ja mə-je gə tɔ̰y.
Pɔl aw mə ɓe gə Mile
13Sijee j-aw j-al to kede, ɗaa j-aw dɔ-si gə ɓe gə Asos mba kaw kun Pɔl kəne mba ꞌne ja njigi mba kaw gə gɔl-ɛ baa. 14Logə n-inga-si mə ɓe gə Asos le ɗaa j-un-e ngaɓa j-aw naa gə mə ɓe gə Mitilɛn. 15Lo-e gə nee ɗaa lo kar-ɛ ɓa j-un ɗəw gə dɔ-si gə babo kadə gə ɗaa j-a ce no ɓe gə Kiyos, ndɔ gə njekum gə joo ɗaa j-a nday dɔ-si gə Samos, go-e gə ɗaa j-a ce Mile. 16Pɔl un ndu-e mba nday mə ɓe Epɛs taar mba kar kur-e əw dɔ nangə gə Aji ang, n-ndəbə mba kar ɗəw to nama ce Jerujalɛm gə ndɔ Pa̰təkɔdə gə.
17Dɔ ndɔ-ɛ gə əng le Pɔl isi Mile ja ula ɓar ngatɔgəje gə Mbo̰ naa lə njetakagəje gə Epɛs. 18Logə ꞌɗe d-inga-a ɗaa n-pa n-ar-je na: Un kud-e dɔngɔr ndɔ gə m-ila ne gɔl-m dɔ nangə gə Aji gə le, ꞌgərəje pa nja-m gə dɔ karje tɔ̰y horo-si gə. 19M-ɗa kula lə Mbayɓe gə kula dɔ ngulum, gə man no ngaɓa dan nenaje gə ce dɔ-m gə, gə go njuma kula lə Jiibije. 20ꞌGərəje to gə neje tɔ̰y gə a la gə si le m-iya dɔ-ɛ kara ang, m-pa tar-ɛ m-ar-si gə m-tɔji-si kəm dəwje gə nəm ngaɓa mə kəyje gə nəm tɔ, 21m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.
22Ngaɓa ɓisine ɗaa, oje Njil ila kula gɔsə-m gə ar-m m-aw gə mə ɓe gə Jerujalɛm lal kar m-gərə ne gə a ce dɔ-m gə, 23ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m. 24Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.
25Ngaɓa ɓisine oje: M-gərə to gə a təl koje kəm ang gə dɔbo̰, sisəy tɔ̰y gə m-pa tar ɓeko̰ lə Luba horo-si gə. 26Gəl-e gə nee ɓa m-pa kəm-si gə ɓogəne: Məsə-si uwa dɔ-m ang, 27mba m-iya ne kara ang, m-tɔji-si mə njigi lə Luba tɔ̰y. 28Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e. 29ꞌMa m-gərə to gə logə m-a kaw nama, njagəmanjɛrje gə to ɓəəl d-a kandə horo-si gə mba busu nekuulje, 30ngaɓa horo-sisəy gə ja kara dəwje gə kɛm d-a kuba nangə kḭ pa tarje gə ngabula mba kɔr ne ngan njenendoje kum neje go-je gə. 31Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.
32Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ. 33M-ɗa ɓo lar ose maa ose kubu lə dəw ang. 34Sisəy ja kara ꞌgərəje to gə ji-m gə nee ja ɗa ne ɔji dɔ-m ngaɓa ɔji dɔ dəwje gə ꞌdan-m. 35Ɗəw neje gə tɔ̰y le, m-tɔji-si to gə kəm kar dəw ɗa kula be ɓa a la ne gə njeɗəmje ngaɓa kole ne mə dɔ tarje gə lə Mbayɓe Jeju gə pa gə t-ɛ ja na: Kar ne dəw to nokarə ya̰ unda ta ne ji dəw gə.
36Logə n-pa to gə be ɗaa, n-um ta kəj-e nangə n-dəji gə je Luba tɔ̰y. 37ꞌJejee tɔ̰y ja d-uru dɔ no gə ꞌno ya̰ ngaɓa d-ul naa gɔsə Pɔl gə ꞌto mbi-a. 38Tarje tɔ̰y gə Pɔl pa le ɗa ar mə-je ila kasə dasəra mba n-pa na d-a təl ko kəm ne gugu ang ngaɓa ꞌdan-ɛ d-aw sə-a ta to gə.
© 2020, ATALTRAB. All rights reserved
Kula ɗa Njeka̰ykulaje 20
20
Pɔl aw ɓeko̰ gə Masedowan gə Gərɛsə
1Kɔ 16.1-7; Rɔm 15.25-27
1Logə kunda bangə nee le unda nangə ɗaa Pɔl ula ɓar ngan njenendoje ar ꞌɗe, ɗaa ula jingaw mə-je gə ngaɓa ḭya̰-je ɔdə mba kaw gə dɔ nangə gə Masedowan.
2Logə n-aw nday mə dɔ nangə gə nee le ɗaa n-ula jingaw mə-je gə gə tarje ya̰ ngaɓa n-aw n-ce ɓeko̰ gə Gərɛsə gə. 3N-ɗa nay munda mə ɓeko̰ gə nee le ɗaa n-isi pɛrɛrɛ mba kal to mba kaw gə Siiri ngaa gə go njuma gə Jiibije d-ula dɔ-ɛ gə ɗaa, n-un ɗəw n-təl n-aw Masedowan. 4Dəwje gə ꞌdan-ɛ ɓa ri-je na: Sopatɛr ngon lə Pirus gə ɓe lə-a Bere, Arisətarəkə je gə Segondus gə ɓe lə-je Tesaloniki, Gayus gə ɓe lə-a Dɛrəbə, Timoce ngaɓa Tisikə je gə Toropim gə gəl-je ḭ dɔ nangə gə Aji. 5ꞌJejee nee le d-un ɗəw kede ɗaa d-aw ngina si Torowas. 6Sijee le, go ndɔje gə d-usa ne mbə gə lal gɔy kodo, ɗaa j-al to Pilipi ngaa j-a ɗa ndɔ mi ɓa j-inga-je Torowas ɗaa j-isi kəne ndɔ siri.
Pɔl aw ɓe gə Torowas
7Ndɔ dɔmasi le j-a mbo̰ naa mba cɛdə mbə, ɗaa Pɔl uwa gə je dɔ naa saar unda ngang-ɛ dan lo gə mba lo kar-ɛ nama a kɔdə kaw. 8Mə kəy gə to dɔ mar-ɛ gə taar gə j-uwa dɔ naa kəne le lambeje bula gə maj-ɛ ja. 9Be ɓa ngon basa̰ kara, ri-a na Ətikus isi kəm bolo kəy gə ɗaa, n-cibi n-rongə mba Pɔl pa gə je tar kur-e əw ya̰, ɗaa ngon basa̰ le ce bolo kəy gə taar gə njekum gə munda le oso. Logə ꞌɗe d-un-e ɗaa, n-uy. 10Ngaa Pɔl ɗisi nangə, oso dɔ-ɛ gə burugə, un-e uwa kar-ɛ gə ngaɓa pa na: ꞌJɔgəje rɔ-si ang, n-to kəm baa. 11Logə n-təl n-aw mə kəy gə taar le ɗaa n-cɛdə mbə n-usa, cibi n-təl n-pa tar kur-e əw saar n-ce ne ta dɔɔɓe gə ɓa n-ɔdə n-aw. 12ꞌTəl gə ngon basa̰ le kəm baa ja d-aw sə-a ngaɓa təl to ne gə ula jingaw gə boy ja mə-je gə tɔ̰y.
Pɔl aw mə ɓe gə Mile
13Sijee j-aw j-al to kede, ɗaa j-aw dɔ-si gə ɓe gə Asos mba kaw kun Pɔl kəne mba ꞌne ja njigi mba kaw gə gɔl-ɛ baa. 14Logə n-inga-si mə ɓe gə Asos le ɗaa j-un-e ngaɓa j-aw naa gə mə ɓe gə Mitilɛn. 15Lo-e gə nee ɗaa lo kar-ɛ ɓa j-un ɗəw gə dɔ-si gə babo kadə gə ɗaa j-a ce no ɓe gə Kiyos, ndɔ gə njekum gə joo ɗaa j-a nday dɔ-si gə Samos, go-e gə ɗaa j-a ce Mile. 16Pɔl un ndu-e mba nday mə ɓe Epɛs taar mba kar kur-e əw dɔ nangə gə Aji ang, n-ndəbə mba kar ɗəw to nama ce Jerujalɛm gə ndɔ Pa̰təkɔdə gə.
17Dɔ ndɔ-ɛ gə əng le Pɔl isi Mile ja ula ɓar ngatɔgəje gə Mbo̰ naa lə njetakagəje gə Epɛs. 18Logə ꞌɗe d-inga-a ɗaa n-pa n-ar-je na: Un kud-e dɔngɔr ndɔ gə m-ila ne gɔl-m dɔ nangə gə Aji gə le, ꞌgərəje pa nja-m gə dɔ karje tɔ̰y horo-si gə. 19M-ɗa kula lə Mbayɓe gə kula dɔ ngulum, gə man no ngaɓa dan nenaje gə ce dɔ-m gə, gə go njuma kula lə Jiibije. 20ꞌGərəje to gə neje tɔ̰y gə a la gə si le m-iya dɔ-ɛ kara ang, m-pa tar-ɛ m-ar-si gə m-tɔji-si kəm dəwje gə nəm ngaɓa mə kəyje gə nəm tɔ, 21m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.
22Ngaɓa ɓisine ɗaa, oje Njil ila kula gɔsə-m gə ar-m m-aw gə mə ɓe gə Jerujalɛm lal kar m-gərə ne gə a ce dɔ-m gə, 23ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m. 24Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.
25Ngaɓa ɓisine oje: M-gərə to gə a təl koje kəm ang gə dɔbo̰, sisəy tɔ̰y gə m-pa tar ɓeko̰ lə Luba horo-si gə. 26Gəl-e gə nee ɓa m-pa kəm-si gə ɓogəne: Məsə-si uwa dɔ-m ang, 27mba m-iya ne kara ang, m-tɔji-si mə njigi lə Luba tɔ̰y. 28Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e. 29ꞌMa m-gərə to gə logə m-a kaw nama, njagəmanjɛrje gə to ɓəəl d-a kandə horo-si gə mba busu nekuulje, 30ngaɓa horo-sisəy gə ja kara dəwje gə kɛm d-a kuba nangə kḭ pa tarje gə ngabula mba kɔr ne ngan njenendoje kum neje go-je gə. 31Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.
32Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ. 33M-ɗa ɓo lar ose maa ose kubu lə dəw ang. 34Sisəy ja kara ꞌgərəje to gə ji-m gə nee ja ɗa ne ɔji dɔ-m ngaɓa ɔji dɔ dəwje gə ꞌdan-m. 35Ɗəw neje gə tɔ̰y le, m-tɔji-si to gə kəm kar dəw ɗa kula be ɓa a la ne gə njeɗəmje ngaɓa kole ne mə dɔ tarje gə lə Mbayɓe Jeju gə pa gə t-ɛ ja na: Kar ne dəw to nokarə ya̰ unda ta ne ji dəw gə.
36Logə n-pa to gə be ɗaa, n-um ta kəj-e nangə n-dəji gə je Luba tɔ̰y. 37ꞌJejee tɔ̰y ja d-uru dɔ no gə ꞌno ya̰ ngaɓa d-ul naa gɔsə Pɔl gə ꞌto mbi-a. 38Tarje tɔ̰y gə Pɔl pa le ɗa ar mə-je ila kasə dasəra mba n-pa na d-a təl ko kəm ne gugu ang ngaɓa ꞌdan-ɛ d-aw sə-a ta to gə.
© 2020, ATALTRAB. All rights reserved