Kula ɗa Njeka̰ykulaje 21
21
Pɔl aw Tir gə Sejar
1Logə d-ɔdə d-ḭya̰ si ɗaa j-al to j-aw njarara Kos, cibi lokar-ɛ ɗaa j-aw ɓe gə Rodə ngaɓa j-ḭ kəne j-aw gə Patara. 2Lo-e gə nee le j-inga to gə aw nday gə Penisi ɗaa j-al j-aw ne. 3Logə j-o ɓe gə Sipərə no-si gə ɗaa j-unja gə ɗəw gə dɔ gəl ngaɓa j-a ləl to dɔ-si gə Siiri, ɓa gə mba ce ne Tir gə d-a kɔr nekodoje nangə kəne. 4Be ɓa j-isi kəne ndɔ siri mba j-inga ngan njenendoje kəne. Ngaɓa Njil ɔsə-je ar ꞌpa d-ar Pɔl mba kar aw Jerujalɛm ang. 5Ngaa logə ndɔje nee nday ɗaa j-un ɗəw ngaɓa ꞌdan-si tɔ̰y gə jeneje lə-je gə nganje, d-aw gə si saar gir ɓebo gə ɗaga. Cibi j-um takəji-si nangə dɔ kungu gə j-a dəji Luba. 6Be ɓa logə j-a ndəji naa gə yo gə nee ɗaa j-ɔdə j-al to ɗaa ꞌjejee d-ɔdə d-aw ɓe.
7J-a ləl to j-a ce mə ɓe gə Tir ɓa j-ḭ kəne j-aw Tolemɛ, j-o ngan ko̰-si kəne ngaɓa j-isi gə je ndɔ kara.
8Lo kar-ɛ ngaɓa j-ɔdə j-aw Sejare ɗaa j-aw kəy lə Pilibi gə njekila mbərə Tar gə May, gə to kara lə diyakərəje gə siri le ɓa j-a to kəne. 9Ngan-ɛ gə ngan mandə ꞌmbakumje sɔɔ ꞌga̰ ɓe lə-a, d-ar ꞌpa tar gə pajambərəje 10J-isi kəne ndɔ bula ɓəəl ɗaa pajambərə kara ri-a na Agabus ḭ dɔ nangə gə Jude ɗe ɓə lə-si. 11Logə n-ɗe n-inga-si ɗaa n-ɔr gagəra lə Pɔl, n-tɔ ne gɔl-ɛ gə ji-a ngaɓa n-pa na: Oje tar gə Njil Njerɔsangə pa ɓa nee: Dəw gə nje gagəra nee le Jiibije d-a tɔ-ɛ to gə be ja tɔ a Jerujalɛm ngaɓa d-a kila mə ji dəwje gə ꞌgərə Luba ang gə. 12Logə j-o tar nee le to gə be ɗaa sijee gə nje gə d-isi lo-e gə, j-a ɗa Pɔl kɔgərɔ kar-ɛ aw Jerujalɛm ang. 13Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju. 14Mba n-ar dɔ ndu-e gə njang le ɗaa lo kar j-a pa tar gə ɗangə godo ɗaa j-a pa na: May kar Mbayɓe ɗa mə njigi lə-a.
PƆL AR JERUJALƐM, GƏ SEJAR GƏ RƆM
Pɔl ce Jerujalɛm
15Go ndɔje gə nee le ɗaa j-a gɔl rɔ-si, j-ɔdə j-aw Jerujalɛm. 16Ngan njenendoje gə Sejare kara ꞌɗe gə si tɔ ɗaa j-aw kəy lə dəw kara gə ri-a na Naso̰ gə ɓe lə-a Sipərə, n-to ngon njenendo ləw baa ɗaa kəy lə-a ɓa d-a kar j-a to kəne.
17Ce gə j-a ce Jerujalɛm le, ngan ko̰ naaje d-uwa si gə rɔ-je gə rɔləl. 18Lo kar-ɛ ɗaa Pɔl aw gə si ɓe lə Jagə ngaɓa ngatɔgəje tɔ̰y kara ꞌɗe kəne tɔ. 19Pɔl oje nam ngaɓa un tar ɔr ne go ne gə Luba ɗa horo dəwje gə ꞌgərə Luba ang gə, gə ɗəw kula lə-a. 20ꞌTuga mbi-je d-o-je ɗaa d-ula ne rɔnduba dɔ Luba gə. Cibi ꞌpa na: Ngon ko̰-si, o, Jiibije tɔl dɔg lo bula ꞌta kagə Mbayɓe ngaɓa ꞌjejee tɔ̰y ꞌto dəwje gə mə-je uwa dɔ torondu. 21Be ɓa d-o tar-ɛ to gə ꞌi ꞌtɔji Jiibije gə d-isi horo dəwje gə ꞌgərə Luba ang mba kar d-uba torondu Moyiji d-ḭya̰, kar d-unja bərə nganje ang nəm ngaɓa kar nja go nejiɓeje gə ang. 22J-a ɗa ban wa? Le ɗi-ɗi kara d-a ko to gə ꞌɗe nam. 23Be ɓa may kar ꞌi ꞌɗa ne gə j-a pa kar ꞌi nee: Dəwje sɔɔ horo-si gə nee d-un ndu-je, 24ɗaa odo-je, ɓo ꞌsangə rɔ-i ngaɓa ar-je lar ꞌgisa ne dɔ-je. Be nama, tɔ̰y ja d-a ko to gə tarje gə ꞌpa ɔji dɔ-i le tar gə tɔgərɔ kara kara godo kəne, nəm ɓa ꞌi kara ꞌto njekila kuji dɔ torondu gə tɔ. 25Ɔji dɔ dəwje gə ꞌgərə Luba ang gə ꞌta kagə le, j-a ɗa mbede j-ar-je j-un ne ndu mba kar d-a rɔ-je dɔ daje gə ꞌpolo ne magəje, gə dɔ kusa məsə gə, gə dɔ daje gə ꞌmundu-je ꞌtɔl-je gə ngaɓa dɔ kaya gə. 26Be ɓa ndɔ gə go-e gə ɗaa Pɔl odo dəwje nee le, sangə rɔ-ɛ gə je ngaɓa andə mə kəy gə Luba. N-ula-je ndɔ gə sangə rɔ lə-je a kunda ne ngang-ɛ ngaɓa n-tɔji ne nenuji gə na-na kara ar.
Kuwa gə d-uwa Pɔl
27Logə ndɔ gə siri le a kaw ɗunga ɗaa, Jiibije gə Aji d-o-e mə kəy polo Luba gə ɗaa d-ula tar mə bula dəwje gə tɔ̰y ngaɓa d-ila d-uwa-a, 28d-uru ne ꞌkuwi na: Ijirayɛlje ꞌce-je, oje dəw gə njetɔji ne gə lo-lo kar dəwje tɔ̰y, tila ne kəm dəw mə ɓeje nəm, tila ne kəm torondu nəm ngaɓa kəm lo gə nee nəm ngaɓa n-ɗe gə dəwje gə ꞌgərə Luba ang mə kəy polo Luba gə mba kar lo gə to losang-ɛ nee le mina ne. 29Mba kede le d-o Toropim gə ɓe lə-a Epɛs je gə Pɔl mə ɓe gə ɗaa d-o to gə Pɔl aw sə-a kəy lə Luba.
30Bangə ɓar gə mə ɓebo baa wu-wu ar dəw mə ɓeje d-ḭ gə lo-lo ꞌɗe ꞌmbo̰ naa. Be ɓa d-uwa Pɔl mə kəy gə lə Luba gə ꞌndɔr-ɛ ꞌce sə-a ɗaga ngaɓa d-uwa ta kəyje d-udu badə. 31Logə d-aw ꞌsangə ɗəw mba tɔl-ɛ ɗaa tar-ɛ aw oso mbi mbay lə njeɗɔje gə tɔl-tɔl dɔg gə to gə dəwje gə Jerujalɛm tɔ̰y ja ꞌgərə dɔ jije ang. 32Gə tɔg-ɛ ja n-odo njeɗɔje gə njekun dɔ njeɗɔje gə tɔl-tɔl n-um-je dɔ-ɛ gə ngaɓa d-a̰y ngɔdə gə dɔ-je gə. Logə d-o-je mbay lə njeɗɔje gə tɔl-tɔl dɔg le ɗaa, d-əw rɔ-je kunda Pɔl. 33Be ɓa njekun dɔ njeɗɔje nee le ula ji-a uwa Pɔl ɗaa un ndu kar ꞌtɔ-ɛ gə kula larje joo ngaɓa təl dəji-e se n-to na wa, cibi se ɗi ɓa n-ɗa wa? 34Ngaa horo bula dəwje gə le d-uru ꞌkuwi gə yo gə nee ar n-asə gərə gəl ne kara gə ꞌɗa ne ne le ang, ɗaa n-un ndu-e mba kar d-aw sə-a mə ndogo bɔrɔ gə. 35Logə Pɔl nja ce dɔ ɗigije gə ɗaa njeɗɔje d-un-e gə kun mba bula dəwje ꞌɗa d-ar mongə ya̰, 36mba dəw mə ɓeje bula d-uru ꞌkuwi d-uwa ne go-e na: ꞌTɔl-ɛ gə tɔl ja!
Pɔl pa tar ar dəw mə ɓeje gə Jerujalɛm
Kɗn 9.1-19; 26.9-20; Gal 1.11-16; 1Tm 1.12-17
37Logə d-a kaw kandə sə-a gə mə ndogo bɔrɔ gə ɗaa Pɔl pa ar njekun dɔ njeɗɔje gə tɔl-tɔl dɔg le na: Ɗəw to kar m-pa tar kara m-ar-i wa? N-təl n-ila kəne na: ꞌGərə ndo̰ tar gərɛk wa? 38Se ꞌi ɓa to dəw gə Ejipətə gə ɓisine ɓi ɔsə dəwje um-je dɔ ngangə gə ngaɓa ɔr no nje gə tɔl-tɔl dɔg sɔɔ ndag lo gə gə kula lə-je gə kula tɔl dəwje ja baa le ang wa? 39Be ɓa Pɔl pa na, ꞌma le ɗaa, m-to Jiibi gə Tarəsə dɔ nangə gə Silisi, ngon kuji ɓebo gə ri-a ɓar. M-ɗa-i kɔgərɔ ja ḭya̰ ɗəw ar-m m-pa tar m-ar dəw mə ɓeje. 40Njekun njeɗɔje gə tɔl-tɔl dɔg le ḭya̰ ɗəw ar-ɛ ɗaa Pɔl ar taar dɔ ɗigije gə ngaɓa bil ji-a ar dəw mə ɓeje. Lo to yɛnɛnɛ ngaɓa Pɔl un tar pa gə ndo̰ tar ebərə na:
© 2020, ATALTRAB. All rights reserved
Kula ɗa Njeka̰ykulaje 21
21
Pɔl aw Tir gə Sejar
1Logə d-ɔdə d-ḭya̰ si ɗaa j-al to j-aw njarara Kos, cibi lokar-ɛ ɗaa j-aw ɓe gə Rodə ngaɓa j-ḭ kəne j-aw gə Patara. 2Lo-e gə nee le j-inga to gə aw nday gə Penisi ɗaa j-al j-aw ne. 3Logə j-o ɓe gə Sipərə no-si gə ɗaa j-unja gə ɗəw gə dɔ gəl ngaɓa j-a ləl to dɔ-si gə Siiri, ɓa gə mba ce ne Tir gə d-a kɔr nekodoje nangə kəne. 4Be ɓa j-isi kəne ndɔ siri mba j-inga ngan njenendoje kəne. Ngaɓa Njil ɔsə-je ar ꞌpa d-ar Pɔl mba kar aw Jerujalɛm ang. 5Ngaa logə ndɔje nee nday ɗaa j-un ɗəw ngaɓa ꞌdan-si tɔ̰y gə jeneje lə-je gə nganje, d-aw gə si saar gir ɓebo gə ɗaga. Cibi j-um takəji-si nangə dɔ kungu gə j-a dəji Luba. 6Be ɓa logə j-a ndəji naa gə yo gə nee ɗaa j-ɔdə j-al to ɗaa ꞌjejee d-ɔdə d-aw ɓe.
7J-a ləl to j-a ce mə ɓe gə Tir ɓa j-ḭ kəne j-aw Tolemɛ, j-o ngan ko̰-si kəne ngaɓa j-isi gə je ndɔ kara.
8Lo kar-ɛ ngaɓa j-ɔdə j-aw Sejare ɗaa j-aw kəy lə Pilibi gə njekila mbərə Tar gə May, gə to kara lə diyakərəje gə siri le ɓa j-a to kəne. 9Ngan-ɛ gə ngan mandə ꞌmbakumje sɔɔ ꞌga̰ ɓe lə-a, d-ar ꞌpa tar gə pajambərəje 10J-isi kəne ndɔ bula ɓəəl ɗaa pajambərə kara ri-a na Agabus ḭ dɔ nangə gə Jude ɗe ɓə lə-si. 11Logə n-ɗe n-inga-si ɗaa n-ɔr gagəra lə Pɔl, n-tɔ ne gɔl-ɛ gə ji-a ngaɓa n-pa na: Oje tar gə Njil Njerɔsangə pa ɓa nee: Dəw gə nje gagəra nee le Jiibije d-a tɔ-ɛ to gə be ja tɔ a Jerujalɛm ngaɓa d-a kila mə ji dəwje gə ꞌgərə Luba ang gə. 12Logə j-o tar nee le to gə be ɗaa sijee gə nje gə d-isi lo-e gə, j-a ɗa Pɔl kɔgərɔ kar-ɛ aw Jerujalɛm ang. 13Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju. 14Mba n-ar dɔ ndu-e gə njang le ɗaa lo kar j-a pa tar gə ɗangə godo ɗaa j-a pa na: May kar Mbayɓe ɗa mə njigi lə-a.
PƆL AR JERUJALƐM, GƏ SEJAR GƏ RƆM
Pɔl ce Jerujalɛm
15Go ndɔje gə nee le ɗaa j-a gɔl rɔ-si, j-ɔdə j-aw Jerujalɛm. 16Ngan njenendoje gə Sejare kara ꞌɗe gə si tɔ ɗaa j-aw kəy lə dəw kara gə ri-a na Naso̰ gə ɓe lə-a Sipərə, n-to ngon njenendo ləw baa ɗaa kəy lə-a ɓa d-a kar j-a to kəne.
17Ce gə j-a ce Jerujalɛm le, ngan ko̰ naaje d-uwa si gə rɔ-je gə rɔləl. 18Lo kar-ɛ ɗaa Pɔl aw gə si ɓe lə Jagə ngaɓa ngatɔgəje tɔ̰y kara ꞌɗe kəne tɔ. 19Pɔl oje nam ngaɓa un tar ɔr ne go ne gə Luba ɗa horo dəwje gə ꞌgərə Luba ang gə, gə ɗəw kula lə-a. 20ꞌTuga mbi-je d-o-je ɗaa d-ula ne rɔnduba dɔ Luba gə. Cibi ꞌpa na: Ngon ko̰-si, o, Jiibije tɔl dɔg lo bula ꞌta kagə Mbayɓe ngaɓa ꞌjejee tɔ̰y ꞌto dəwje gə mə-je uwa dɔ torondu. 21Be ɓa d-o tar-ɛ to gə ꞌi ꞌtɔji Jiibije gə d-isi horo dəwje gə ꞌgərə Luba ang mba kar d-uba torondu Moyiji d-ḭya̰, kar d-unja bərə nganje ang nəm ngaɓa kar nja go nejiɓeje gə ang. 22J-a ɗa ban wa? Le ɗi-ɗi kara d-a ko to gə ꞌɗe nam. 23Be ɓa may kar ꞌi ꞌɗa ne gə j-a pa kar ꞌi nee: Dəwje sɔɔ horo-si gə nee d-un ndu-je, 24ɗaa odo-je, ɓo ꞌsangə rɔ-i ngaɓa ar-je lar ꞌgisa ne dɔ-je. Be nama, tɔ̰y ja d-a ko to gə tarje gə ꞌpa ɔji dɔ-i le tar gə tɔgərɔ kara kara godo kəne, nəm ɓa ꞌi kara ꞌto njekila kuji dɔ torondu gə tɔ. 25Ɔji dɔ dəwje gə ꞌgərə Luba ang gə ꞌta kagə le, j-a ɗa mbede j-ar-je j-un ne ndu mba kar d-a rɔ-je dɔ daje gə ꞌpolo ne magəje, gə dɔ kusa məsə gə, gə dɔ daje gə ꞌmundu-je ꞌtɔl-je gə ngaɓa dɔ kaya gə. 26Be ɓa ndɔ gə go-e gə ɗaa Pɔl odo dəwje nee le, sangə rɔ-ɛ gə je ngaɓa andə mə kəy gə Luba. N-ula-je ndɔ gə sangə rɔ lə-je a kunda ne ngang-ɛ ngaɓa n-tɔji ne nenuji gə na-na kara ar.
Kuwa gə d-uwa Pɔl
27Logə ndɔ gə siri le a kaw ɗunga ɗaa, Jiibije gə Aji d-o-e mə kəy polo Luba gə ɗaa d-ula tar mə bula dəwje gə tɔ̰y ngaɓa d-ila d-uwa-a, 28d-uru ne ꞌkuwi na: Ijirayɛlje ꞌce-je, oje dəw gə njetɔji ne gə lo-lo kar dəwje tɔ̰y, tila ne kəm dəw mə ɓeje nəm, tila ne kəm torondu nəm ngaɓa kəm lo gə nee nəm ngaɓa n-ɗe gə dəwje gə ꞌgərə Luba ang mə kəy polo Luba gə mba kar lo gə to losang-ɛ nee le mina ne. 29Mba kede le d-o Toropim gə ɓe lə-a Epɛs je gə Pɔl mə ɓe gə ɗaa d-o to gə Pɔl aw sə-a kəy lə Luba.
30Bangə ɓar gə mə ɓebo baa wu-wu ar dəw mə ɓeje d-ḭ gə lo-lo ꞌɗe ꞌmbo̰ naa. Be ɓa d-uwa Pɔl mə kəy gə lə Luba gə ꞌndɔr-ɛ ꞌce sə-a ɗaga ngaɓa d-uwa ta kəyje d-udu badə. 31Logə d-aw ꞌsangə ɗəw mba tɔl-ɛ ɗaa tar-ɛ aw oso mbi mbay lə njeɗɔje gə tɔl-tɔl dɔg gə to gə dəwje gə Jerujalɛm tɔ̰y ja ꞌgərə dɔ jije ang. 32Gə tɔg-ɛ ja n-odo njeɗɔje gə njekun dɔ njeɗɔje gə tɔl-tɔl n-um-je dɔ-ɛ gə ngaɓa d-a̰y ngɔdə gə dɔ-je gə. Logə d-o-je mbay lə njeɗɔje gə tɔl-tɔl dɔg le ɗaa, d-əw rɔ-je kunda Pɔl. 33Be ɓa njekun dɔ njeɗɔje nee le ula ji-a uwa Pɔl ɗaa un ndu kar ꞌtɔ-ɛ gə kula larje joo ngaɓa təl dəji-e se n-to na wa, cibi se ɗi ɓa n-ɗa wa? 34Ngaa horo bula dəwje gə le d-uru ꞌkuwi gə yo gə nee ar n-asə gərə gəl ne kara gə ꞌɗa ne ne le ang, ɗaa n-un ndu-e mba kar d-aw sə-a mə ndogo bɔrɔ gə. 35Logə Pɔl nja ce dɔ ɗigije gə ɗaa njeɗɔje d-un-e gə kun mba bula dəwje ꞌɗa d-ar mongə ya̰, 36mba dəw mə ɓeje bula d-uru ꞌkuwi d-uwa ne go-e na: ꞌTɔl-ɛ gə tɔl ja!
Pɔl pa tar ar dəw mə ɓeje gə Jerujalɛm
Kɗn 9.1-19; 26.9-20; Gal 1.11-16; 1Tm 1.12-17
37Logə d-a kaw kandə sə-a gə mə ndogo bɔrɔ gə ɗaa Pɔl pa ar njekun dɔ njeɗɔje gə tɔl-tɔl dɔg le na: Ɗəw to kar m-pa tar kara m-ar-i wa? N-təl n-ila kəne na: ꞌGərə ndo̰ tar gərɛk wa? 38Se ꞌi ɓa to dəw gə Ejipətə gə ɓisine ɓi ɔsə dəwje um-je dɔ ngangə gə ngaɓa ɔr no nje gə tɔl-tɔl dɔg sɔɔ ndag lo gə gə kula lə-je gə kula tɔl dəwje ja baa le ang wa? 39Be ɓa Pɔl pa na, ꞌma le ɗaa, m-to Jiibi gə Tarəsə dɔ nangə gə Silisi, ngon kuji ɓebo gə ri-a ɓar. M-ɗa-i kɔgərɔ ja ḭya̰ ɗəw ar-m m-pa tar m-ar dəw mə ɓeje. 40Njekun njeɗɔje gə tɔl-tɔl dɔg le ḭya̰ ɗəw ar-ɛ ɗaa Pɔl ar taar dɔ ɗigije gə ngaɓa bil ji-a ar dəw mə ɓeje. Lo to yɛnɛnɛ ngaɓa Pɔl un tar pa gə ndo̰ tar ebərə na:
© 2020, ATALTRAB. All rights reserved