Kula ɗa Njeka̰ykulaje 19
19
Pɔl tɔji ne Epɛs
1Dɔ ndɔje gə Apolos ga̰ ne Kɔrɛnt ɗaa Pɔl nday mə ɓeko̰je gə dɔ ər gə aw Epɛs ngaɓa logə n-aw ɗaa n-inga ngan njenendoje ɓəəl, ɗaa 2n-pa n-ar-je na: Ndɔ gə ꞌtaje kagə le inga-je Njil Njerɔsangə ja wa? D-ila-je kəne na: Ndɔ kara ja kara jo tar-ɛ to gə Njil Njerɔsangə ga̰ ang baa. 3N-təl pa na: Batɛm gə ban ɓa inga-je wa? D-ila-je kəne na: Batɛm kar Ja̰ ɓo. 4Be ɓa Pɔl pa na: Ja̰ le ɗa dəwje batɛm kar turu kəji, mba n-pa n-ar dəwje kar ꞌta kagə dəw gə a ɗe go ꞌne gə, Jeju ɓa kar ꞌta kag-ɛ. 5Gə go tar gə nee le ɗaa d-ar ꞌɗa-je batɛm gə ri Mbayɓe Jeju. 6Logə Pɔl ila ji-a dɔ-je gə ɗaa Njil Njerɔsangə ɗe dɔ-je gə ar ꞌpa ndo̰ tarje ngaɓa ꞌpa ne tar gə Pajambərəje. 7Dəwje nee tɔ̰y le d-asə dɔg gə gir-je gə joo be.
8Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda. 9Ngaa nje gə kɛm mə-je kədərə al dɔ lo ɗaa ꞌpa tarje gə kṵra̰y ɔji dɔ ɗəw lə Mbayɓe be ɓa n-ɔr kəm ngan njenendoje ɗədə n-aw gə je kəy nendo gə lə dəw gə ri-a na Tiranus ɗaa gə ndɔ-ndɔ ja n-to̰ gə je tam. 10To to gə be-be ja ɓal joo saar ar dəwje tɔ̰y gə d-isi dɔ nangə gə Aji d-o ne tar lə Mbayɓe, Jiibije ngaɓa dəwje gə ꞌgərə Luba ang nəm. 11Luba uwa ji Pɔl ɗa ne nemisije gə dəw o gɔl kara ang, 12ngaɓa ɗa ar dəwje d-aw gə ta kubuje ose kubuje gə ɔr rɔ Pɔl d-aw d-ɔr ne rɔ njerɔko̰je nama d-aji kəbərə ngaɓa njilje gə kṵra̰y kara ce mə-je nəm tɔ.
13Njetɔbə njilje gə kṵra̰y gə kɛm to Jiibije gə nje nja taar horo dəwje gə, d-un kudu ɓar ri Mbayɓe Jeju dɔ nje gə njilje ɗa ɓe mə-je gə, ꞌpa na: M-un ndu gə ri Jeju gə Pɔl aw ila mbərə lə-a nee. 14Nje gə aw ɗa ne gə nee le to ngan lə dəw kara gə ri-a na Seba, to kara lə buba njekapolo lə Jiibije, dɔ-je siri. 15Be ɓa njil gə kṵra̰y le ila-je kəne na: M-gərə Jeju ngaɓa m-gərə Pɔl gə maj-ɛ ngaa sisəy ꞌtoje naje wa? 16Ɗaa dəw gə njil gə kṵra̰y ɗa ɓe m-e gə le ḭ uru dɔ-je gə, guru singa-je rɛm-rɛm gə yo gə nee ar d-inga do ngaɓa ꞌce kəy kudu-je dum baa d-a̰y. 17Ne gə nee le dəwje tɔ̰y gə d-isi Epɛs ꞌgərə, Jiibije gə dəwje gə ꞌgərə Luba ang gə ar ɓəəl unda-je badə gangə-je ɗaa d-ila riɓar dɔ ri Mbayɓe Jeju gə. 18Dəwje bula gə ꞌta kagə ꞌɗe ꞌce gəl rɔ-je ngaɓa d-ɔr gəl pa ɗa mbɛ̰ lə-je kɔdɛ-kɔdɛ. 19Dəwje bula horo njembɛ̰je gə ꞌɗe gə mbede mbɛ̰je lə-je, ꞌɗo gə pər tulug-tulug no-je gə tɔ̰y. Mbedeje nee le ɓo d-uji lar-ɛ nama asə tɔl-tɔl dɔg lo tɔl bula.
20To gə be ɓa gə go singamongə lə Mbayɓe ɗaa, Tar lə Luba ta ne lo gə singa-a gə kede-kede.
21Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ. 22Be ɓa n-ula njebakulaje lə-a joo, Timoce je gə Erasətə Masedowan gə ɗaa ꞌne n-təl n-isi dɔ nangə gə Aji njɛ̰ ja cibi.
Demetəriyus gə njekɔrə ɔsə gəl wungu bula
23Dɔ ndɔ-ɛje gə nee le ndu kasə naa ang gə boy ja to horo dəwje gə ɔji dɔ ɗəw lə Mbayɓe. 24Njekɔrə kara gə ri-a na Demetəriyus odo ngaw lar ɓa ɗa ne no ngɔ lə magə gə ꞌɓar-ɛ Arətemis ngaɓa inga ne nekinga ya̰ ar njegusuje. 25Be ɓa n-mbo̰ njekɔrə mar-ɛje n-pa n-ar-je na: Sisəy le ꞌgərə gə maj-ɛ to gə gəl kisi may lə-si to kɔrə gə nee le. 26Ngaɓa oje gə kəm-si nəm gə mbi-si nəm, Epɛs nee baa ang ngaa gə dɔ nangə gə Aji ja tɔ̰y, ꞌne gə Pɔl nee le, n-pa na: Magəje gə dəwje ꞌɗa gə ji-je le ꞌto magəje ang, n-bɛ̰ ne ta bula dəwje ngaɓa n-turu ne kəji lə-je nəm. 27Ne gə d-aw ɗa nee le a tuji riɓar gə ɔji dɔ kula lə-si baa ang ngaa a təl no ngɔ polo magə gə boy gə jene ri-a na Arətemis le gə ne gə baa ngaɓa polo gə dəwje gə ɓeko̰ gə Aji gə dɔ nangə tɔ̰y d-aw pol-e le a kunda nangə.
28Gə go tar gə nee le ɗaa mə-je o̰-je ar d-uru ꞌkuwi na: Arətemis, magə gə jene lə dəwje gə Epɛs to magə gə boy.
29Be ɓa bangə ɓar gə mə ɓebo wu-wu. D-unda ndu-je naa gə tɔ̰y d-aw gə tɔg-ɛ baa nadə kagə miḭ gə. Dəwje gə Masedowan gə ri-je na Gayus je gə Arisətarəkə, gə njebalokawje lə Pɔl kara ꞌtuwa-je d-ar d-aw gə je naa gə tɔ. 30Pɔl sangə ɗəw mba ce gə ɗaga no dəw mə ɓeje ngaa ngan njenendoje d-ɔg-ɛ, 31ngaɓa njeko̰ ɓeje gə kɛm gə to njekuraje lə-a kara d-ula dəwje d-ar ꞌpa d-ar-ɛ na kar n-ce n-aw nadə kagə miḭ gə ang. 32Dəwje d-uru ꞌkuwi gə yo gə nee baa mba ꞌgərə dɔ ji-je ang ngaɓa dəwje bula ja gərə gəl ne gə ꞌmbo̰ ne naa le ang. 33Be ɓa Alɛgəjandərə gə Jiibije ɔs-ɛ gə kede-kede le d-ar-ɛ ce ar no dəwje gə ngaɓa un ji-a bil, cibi sangə ɗəw mba ma̰y tar dɔ rɔ-ɛ gə kəm dəw mə ɓeje gə. 34Ngaa logə dəwje tɔ̰y ꞌgər-e gə Jiibi ɗaa d-uru ꞌkuwi gə ndu-je gororo asə ngira kar joo na: Arətemis, magə gə jene lə dəwje gə Epɛs to magə gə boy.
35Ngaa njeɗa mbede gə mə ɓebo ar dəwje d-əw rɔ-je ngaɓa pa na: Dəwje gə Epɛs, dəw gə ɗa ɓa gərə to gə ɓebo gə Epɛs ngəm kəy polo magə lə jene gə boy, Arətemis ang wa? Ngaɓa gərə ndaji-ɛ gə ḭ dara oso nangə ang ja cibi wa? 36Mba dəw asə ma̰y ang ɗaa əw-je rɔ-si ngaɓa ꞌɗaje ne kara gə ndəbə ang. 37Mba dəwje gə ꞌɗe-je gə je nee le ꞌɗa ne gə kṵra̰y ang nəm ɓa ꞌtaji magə lə-sijee gə jene le ang nəm. 38To gə ɓo Demetəriyus je gə njekɔrəje gə d-um go-e gə le d-aw gə dəw gə tar nama ndɔ ɗa tar ga̰ ngaɓa njeɗa tarje kara ꞌga̰ nəm ɗaa may kar d-aw ꞌsəgə. 39Ngaa ɓo ne gə ɗangə ɓa aw ꞌsangəje nama may kar d-a mbo̰ naa gə dɔ gɔl-ɛ ja ɓa mba gɔl. 40D-a kḭ ko-si gə njekal tarje ta njeko̰ ɓeje gə mba ne gə nday ɓogəne mba mbo̰ naa gə nee le ɓo ꞌdəji si nama j-a kasə kɔr gəl-e ang. Go tar gə nee ɗaa n-tɔbə dəwje n-ar d-aw ɓe.
© 2020, ATALTRAB. All rights reserved
Kula ɗa Njeka̰ykulaje 19
19
Pɔl tɔji ne Epɛs
1Dɔ ndɔje gə Apolos ga̰ ne Kɔrɛnt ɗaa Pɔl nday mə ɓeko̰je gə dɔ ər gə aw Epɛs ngaɓa logə n-aw ɗaa n-inga ngan njenendoje ɓəəl, ɗaa 2n-pa n-ar-je na: Ndɔ gə ꞌtaje kagə le inga-je Njil Njerɔsangə ja wa? D-ila-je kəne na: Ndɔ kara ja kara jo tar-ɛ to gə Njil Njerɔsangə ga̰ ang baa. 3N-təl pa na: Batɛm gə ban ɓa inga-je wa? D-ila-je kəne na: Batɛm kar Ja̰ ɓo. 4Be ɓa Pɔl pa na: Ja̰ le ɗa dəwje batɛm kar turu kəji, mba n-pa n-ar dəwje kar ꞌta kagə dəw gə a ɗe go ꞌne gə, Jeju ɓa kar ꞌta kag-ɛ. 5Gə go tar gə nee le ɗaa d-ar ꞌɗa-je batɛm gə ri Mbayɓe Jeju. 6Logə Pɔl ila ji-a dɔ-je gə ɗaa Njil Njerɔsangə ɗe dɔ-je gə ar ꞌpa ndo̰ tarje ngaɓa ꞌpa ne tar gə Pajambərəje. 7Dəwje nee tɔ̰y le d-asə dɔg gə gir-je gə joo be.
8Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda. 9Ngaa nje gə kɛm mə-je kədərə al dɔ lo ɗaa ꞌpa tarje gə kṵra̰y ɔji dɔ ɗəw lə Mbayɓe be ɓa n-ɔr kəm ngan njenendoje ɗədə n-aw gə je kəy nendo gə lə dəw gə ri-a na Tiranus ɗaa gə ndɔ-ndɔ ja n-to̰ gə je tam. 10To to gə be-be ja ɓal joo saar ar dəwje tɔ̰y gə d-isi dɔ nangə gə Aji d-o ne tar lə Mbayɓe, Jiibije ngaɓa dəwje gə ꞌgərə Luba ang nəm. 11Luba uwa ji Pɔl ɗa ne nemisije gə dəw o gɔl kara ang, 12ngaɓa ɗa ar dəwje d-aw gə ta kubuje ose kubuje gə ɔr rɔ Pɔl d-aw d-ɔr ne rɔ njerɔko̰je nama d-aji kəbərə ngaɓa njilje gə kṵra̰y kara ce mə-je nəm tɔ.
13Njetɔbə njilje gə kṵra̰y gə kɛm to Jiibije gə nje nja taar horo dəwje gə, d-un kudu ɓar ri Mbayɓe Jeju dɔ nje gə njilje ɗa ɓe mə-je gə, ꞌpa na: M-un ndu gə ri Jeju gə Pɔl aw ila mbərə lə-a nee. 14Nje gə aw ɗa ne gə nee le to ngan lə dəw kara gə ri-a na Seba, to kara lə buba njekapolo lə Jiibije, dɔ-je siri. 15Be ɓa njil gə kṵra̰y le ila-je kəne na: M-gərə Jeju ngaɓa m-gərə Pɔl gə maj-ɛ ngaa sisəy ꞌtoje naje wa? 16Ɗaa dəw gə njil gə kṵra̰y ɗa ɓe m-e gə le ḭ uru dɔ-je gə, guru singa-je rɛm-rɛm gə yo gə nee ar d-inga do ngaɓa ꞌce kəy kudu-je dum baa d-a̰y. 17Ne gə nee le dəwje tɔ̰y gə d-isi Epɛs ꞌgərə, Jiibije gə dəwje gə ꞌgərə Luba ang gə ar ɓəəl unda-je badə gangə-je ɗaa d-ila riɓar dɔ ri Mbayɓe Jeju gə. 18Dəwje bula gə ꞌta kagə ꞌɗe ꞌce gəl rɔ-je ngaɓa d-ɔr gəl pa ɗa mbɛ̰ lə-je kɔdɛ-kɔdɛ. 19Dəwje bula horo njembɛ̰je gə ꞌɗe gə mbede mbɛ̰je lə-je, ꞌɗo gə pər tulug-tulug no-je gə tɔ̰y. Mbedeje nee le ɓo d-uji lar-ɛ nama asə tɔl-tɔl dɔg lo tɔl bula.
20To gə be ɓa gə go singamongə lə Mbayɓe ɗaa, Tar lə Luba ta ne lo gə singa-a gə kede-kede.
21Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ. 22Be ɓa n-ula njebakulaje lə-a joo, Timoce je gə Erasətə Masedowan gə ɗaa ꞌne n-təl n-isi dɔ nangə gə Aji njɛ̰ ja cibi.
Demetəriyus gə njekɔrə ɔsə gəl wungu bula
23Dɔ ndɔ-ɛje gə nee le ndu kasə naa ang gə boy ja to horo dəwje gə ɔji dɔ ɗəw lə Mbayɓe. 24Njekɔrə kara gə ri-a na Demetəriyus odo ngaw lar ɓa ɗa ne no ngɔ lə magə gə ꞌɓar-ɛ Arətemis ngaɓa inga ne nekinga ya̰ ar njegusuje. 25Be ɓa n-mbo̰ njekɔrə mar-ɛje n-pa n-ar-je na: Sisəy le ꞌgərə gə maj-ɛ to gə gəl kisi may lə-si to kɔrə gə nee le. 26Ngaɓa oje gə kəm-si nəm gə mbi-si nəm, Epɛs nee baa ang ngaa gə dɔ nangə gə Aji ja tɔ̰y, ꞌne gə Pɔl nee le, n-pa na: Magəje gə dəwje ꞌɗa gə ji-je le ꞌto magəje ang, n-bɛ̰ ne ta bula dəwje ngaɓa n-turu ne kəji lə-je nəm. 27Ne gə d-aw ɗa nee le a tuji riɓar gə ɔji dɔ kula lə-si baa ang ngaa a təl no ngɔ polo magə gə boy gə jene ri-a na Arətemis le gə ne gə baa ngaɓa polo gə dəwje gə ɓeko̰ gə Aji gə dɔ nangə tɔ̰y d-aw pol-e le a kunda nangə.
28Gə go tar gə nee le ɗaa mə-je o̰-je ar d-uru ꞌkuwi na: Arətemis, magə gə jene lə dəwje gə Epɛs to magə gə boy.
29Be ɓa bangə ɓar gə mə ɓebo wu-wu. D-unda ndu-je naa gə tɔ̰y d-aw gə tɔg-ɛ baa nadə kagə miḭ gə. Dəwje gə Masedowan gə ri-je na Gayus je gə Arisətarəkə, gə njebalokawje lə Pɔl kara ꞌtuwa-je d-ar d-aw gə je naa gə tɔ. 30Pɔl sangə ɗəw mba ce gə ɗaga no dəw mə ɓeje ngaa ngan njenendoje d-ɔg-ɛ, 31ngaɓa njeko̰ ɓeje gə kɛm gə to njekuraje lə-a kara d-ula dəwje d-ar ꞌpa d-ar-ɛ na kar n-ce n-aw nadə kagə miḭ gə ang. 32Dəwje d-uru ꞌkuwi gə yo gə nee baa mba ꞌgərə dɔ ji-je ang ngaɓa dəwje bula ja gərə gəl ne gə ꞌmbo̰ ne naa le ang. 33Be ɓa Alɛgəjandərə gə Jiibije ɔs-ɛ gə kede-kede le d-ar-ɛ ce ar no dəwje gə ngaɓa un ji-a bil, cibi sangə ɗəw mba ma̰y tar dɔ rɔ-ɛ gə kəm dəw mə ɓeje gə. 34Ngaa logə dəwje tɔ̰y ꞌgər-e gə Jiibi ɗaa d-uru ꞌkuwi gə ndu-je gororo asə ngira kar joo na: Arətemis, magə gə jene lə dəwje gə Epɛs to magə gə boy.
35Ngaa njeɗa mbede gə mə ɓebo ar dəwje d-əw rɔ-je ngaɓa pa na: Dəwje gə Epɛs, dəw gə ɗa ɓa gərə to gə ɓebo gə Epɛs ngəm kəy polo magə lə jene gə boy, Arətemis ang wa? Ngaɓa gərə ndaji-ɛ gə ḭ dara oso nangə ang ja cibi wa? 36Mba dəw asə ma̰y ang ɗaa əw-je rɔ-si ngaɓa ꞌɗaje ne kara gə ndəbə ang. 37Mba dəwje gə ꞌɗe-je gə je nee le ꞌɗa ne gə kṵra̰y ang nəm ɓa ꞌtaji magə lə-sijee gə jene le ang nəm. 38To gə ɓo Demetəriyus je gə njekɔrəje gə d-um go-e gə le d-aw gə dəw gə tar nama ndɔ ɗa tar ga̰ ngaɓa njeɗa tarje kara ꞌga̰ nəm ɗaa may kar d-aw ꞌsəgə. 39Ngaa ɓo ne gə ɗangə ɓa aw ꞌsangəje nama may kar d-a mbo̰ naa gə dɔ gɔl-ɛ ja ɓa mba gɔl. 40D-a kḭ ko-si gə njekal tarje ta njeko̰ ɓeje gə mba ne gə nday ɓogəne mba mbo̰ naa gə nee le ɓo ꞌdəji si nama j-a kasə kɔr gəl-e ang. Go tar gə nee ɗaa n-tɔbə dəwje n-ar d-aw ɓe.
© 2020, ATALTRAB. All rights reserved