Marko 6
6
Yesu kavika ukaye Nazareti
1Kakulawa kuja, Kavika kumwawo Nazareti kwiyakulile, na wanahina wake wamkoleleza. 2Viivikile siku ja ukuhumula, kandusa kulangukiza mngʼanda yawo ya nhambiko; bwando wamuhulika, wakanganya walonga, “Yuno kagapata kwahi gano; ubala uno wa nghungwe kagwelelwa na yalihi; na zino mhiko zisanghanwa na mikono yake zolawa kwahi? 3Yuno si msongola mibiki, mwanage Maria, si ndugu yawo waja kina Yakobo, Yosefu, Yuda na Simoni? Na walumbu zake hawali kukuno kumwetu?” Weihilwa kumwake. 4Yesu kawalongela, “Mulaguzi habezigwa haulilingwa, komu hamwake hayakulile, na kwa ndugu zake na mngʼanda yake.” 5Avo kalemelwa kutenda kiloto cha mhiko hata kimwe, komu walunyondenyonde wayagwe kawekila mikono, kawahonya. 6Kanyululuka mmoyo kilumbo vija vuwalekile kumtamanila.
Lwamu lwa watumigwa
7Imalabaho kavizungulukila viwambo vya mmambwegambwega, kawalangukiza; kawakema waja umulongo umwe na wabili, kasonga kuwatuma wabili wabili, kawengha mhiko za kuwinga mizuka michapalisi. 8Kawalagiza wagoge fimbo iyeka, sukuwasole chakuja cha mnzila hebu mkoba, hebu mhiya mumkwizi. 9Choleni mvalile vilatu, komu sukumvale nguwo mbili! 10Kawalongela, Vonda mwingile mngʼanda, kaleni himo, kikomo vonda mlawe kabili. 11Na kamba hawambokeleni hebu kuwategeleza, halaweni iho, na kukungʼunha timbwisi dinanahile mmagulu genu, dize dinisindile kumwao! 12Baho walawa, wagenda na kubwililisa Usenga, wanhu waipupule; waiwinga mizuka bwando. 13Wabakaza mavuta bwando waja wadodile, wawahonya.
Yohana Msingula wanhu viyakemigwe
14Mndewa Herode kagahulika, kwa mzoko twaga jake didinhila, wanhu vuwolonga, “Yohana Msingula wanhu kazuka muna ikifo, avo mhiko hizo zizo yosanghanila yuno.” 15Wayagwe walonga, “Yuyo Eliya.” Kabili wayagwe walonga, “Yuyo Mlaguzi miyawo wa umwaka.” 16Komu Herode viyagahulike kalonga, “Yuyo Yohana, inghanhile iditwi, kwali kazuka.” 17Kilumbo Herode mwenyecho kawatuma wanhu wamgoge Yohana na kumgela mkifungo, kwa kilumbo cha Herodiya, sano ja ndugu yake Filipo yuja yambokile. 18Kwa mzoko Yohana kamulongela Herode, “Havilingane gweye kusola sano ja ndugu yako!” 19Avo Herodiya kakala yogelegeza nzila ya kumkoma, komu hadahile. 20Kilumbo Herode kamdumba Yohana kwa vija viyamtangile kamba munhu wa ihoko yangʼalile, kamwika goya; na heyo viyamuhulike baho kwa baho, kahila nago nghani mmoyo, kabili kanogelwa na kumtegeleza.
21Sikunghulu ya kuleligwa Herode viivikile, iyo siku ya ulegeho; kawagomela chakuja watawala wa iviwambo vyake, wakulugenzi wa asikali na iwakuluwakulu wa Galilea. 22Na biti Herodiya kengila, kavina ngoma, kamnogeza Herode na waja wakalile hamonga na heyo haichakuja; baho Mtawala kamulongela yuja mmhale, Nipule kinhu kiulonda, nokwingha; 23imalabaho kaiduwila, Chochose chonda umhule nokwingha, na igambe nusu ya undewa wangu. 24Yuja mmhale kachola kamuuza mamo wake, “Hampule choni?” Na heyo kamulongela, “Ditwi ja Yohana Msingula wanhu.” 25Mhunde baho kengila chambwisa kwa Mtawala, kampula yolonga, “Nolonda uninghe muna ulungo sambisambi ditwi ja Yohana Msingula wanhu!” 26Mtawala kanyunguwala nghani, komu kwa vija viyaiduwile na kilumbo cha waja wakalile hali ichakuja halondile kumwima. 27Baho Herode kamtuma asikali kamulagiza yagale dija iditwi jake Yohana. Yuja kachola, kadikanha ditwi ja Yohana muja mkifungo, 28imala kadigala muna ulungo, kamwingha immhale; na heyo immhale kamwingha mamo wake. 29Wanahina wake vuwagahulike, weza wausola umtufi, wauzika mkabuli.
Wanahina wahumule, wataze nghondolo wali bule mchunga; Kuwegusa wanhu elfu nhano
30Waja watumigwe na Yesu wabwela weilundiza kumwake, wampetela magweka gose gawasanghane na gawalangukize. 31Kawalongela, “Izoni mwiyeka, tuchole hanhu ha kifiso, muhumule hadodo. Kilumbo wanhu bwando wakala wokwiza kuno wochola, avo walemelwa na ukuja.” 32Wahalawa, wengila mngalawa waiyeka, wavika kuluwala.
33Wanhu vuwawawene, wolawa, na bwando wavitanga, wawakoleleza kukuja kwa migulu, kulawa mviwambo vyose, walongola kuvika. 34Viyalawile mngalawa, kawona wanhu bwando nghani, kawonela bazi, kilumbo wagalamuka kamba nghondolo wali bule mchunga, kasonga kuwalanguliza bwando.
35Viivikile ichungulo, wanahina wake weza wamulongela, “Hano hatuli twa haluwala, na ichungulo ingila. 36Wapoze wanhu wagende na zawo mmigunda na mviwambo ako mmambwegambwega, wakagule mandiya.” 37Heyo kedika yowalongela, “Wengheni mweye mandiya!” Wamulongela, “Che, tugende tukagule migate ya dinari mizo mibili, tuwenghe waje?” 38Kawauza, “Muna migate mingahi? Gendeni mkalole.” Vuwaimanyile walonga, “Mitano, na visomba vibili.”
39Kawalagiza wose wakale hasi vidonzi vidonzi muna imilolo. 40Wakala vidonzi kwa vidonzi, hayagwe muzo na hayagwe milongo mitano. 41Kaisola ija imigate mitano na vija visomba vibili, kalola uchana kuulanga, kavilombokezela na kuwamegelamegela ija migate; kawengha wanahina wawagolela, na vija ivisomba vibili vivija kawagwelela wose. 42Awaja wose waja, weiguta. 43Imala wadondoleza upakapaka wa migate usigale, wamemeza vigelo mulongo umwe na vibili, hamonga na upakapaka wa iwasomba. 44Na waja wadile imigate wavika kichinyha elfu tano, wambigalo yeka.
Yesu kachola uchana mmazi
45Mhunde baho kawananahiza wanahina wake wengile mngalawa, walongole wachole mwambu wa Betsaida, na heyo tanhu yadipoze dale da wanhu. 46Viyamalile kuwapoza, kahalawa kagenda kudigongo kumpula Tata wake. 47Zuwa vidiswele, ngalawa ivika hagatigati ya bahali, na heyo mwenyecho kema yaiyeka muufuko. 48Kawona vuwogaduka, hawadaha kugendelela, kilumbo beho diwakimila kuulongozi; vikivikile kimilo chaikane cha ikilo, kawezila yochola uchana kwa uchana mbahali, kalonda kuwabita. 49Na hewo vuwamuwene viyochola uchana mmazi, wagiza zezeta, watowa nyangi. 50Kilumbo wose wamona, wagudema. Mhunde baho kalonga nawo yowalongela, “Gangamaleni, nene hiyo, siku-mdumbe!” 51Na viyengile mngalawa, beho dinyamala; wabanza kusinhuka na kukangawala nghani. 52Kilumbo wabule lutondo lwa ija imigate, na miyoyo yawo ikala midala.
Kugela kizimbiza Genezareti
53Vuwamalile kuloka wavika isi ya Genezareti, aho wagela kizimbiza. 54Na hewo vuwalawile mngalawa, mhunde baho wanhu wamtanga. 55Wachola mbwisa wabiduka iisi yose, wasonga kuwasola watamu mzisazi, wawagale kose kwawamuhulike kamba kakuko. 56Na muja moyokwingila mzikaye, mvibuga hebu mmigunda, wawagala watamu hagulilo, kuno wompembela, wamkwase umusa wa nghanju yake iyeka; na waja wose waikwasile wahona.
New Testament in Zaramo © United Bible Societies, 1975.
Marko 6
6
Yesu kavika ukaye Nazareti
1Kakulawa kuja, Kavika kumwawo Nazareti kwiyakulile, na wanahina wake wamkoleleza. 2Viivikile siku ja ukuhumula, kandusa kulangukiza mngʼanda yawo ya nhambiko; bwando wamuhulika, wakanganya walonga, “Yuno kagapata kwahi gano; ubala uno wa nghungwe kagwelelwa na yalihi; na zino mhiko zisanghanwa na mikono yake zolawa kwahi? 3Yuno si msongola mibiki, mwanage Maria, si ndugu yawo waja kina Yakobo, Yosefu, Yuda na Simoni? Na walumbu zake hawali kukuno kumwetu?” Weihilwa kumwake. 4Yesu kawalongela, “Mulaguzi habezigwa haulilingwa, komu hamwake hayakulile, na kwa ndugu zake na mngʼanda yake.” 5Avo kalemelwa kutenda kiloto cha mhiko hata kimwe, komu walunyondenyonde wayagwe kawekila mikono, kawahonya. 6Kanyululuka mmoyo kilumbo vija vuwalekile kumtamanila.
Lwamu lwa watumigwa
7Imalabaho kavizungulukila viwambo vya mmambwegambwega, kawalangukiza; kawakema waja umulongo umwe na wabili, kasonga kuwatuma wabili wabili, kawengha mhiko za kuwinga mizuka michapalisi. 8Kawalagiza wagoge fimbo iyeka, sukuwasole chakuja cha mnzila hebu mkoba, hebu mhiya mumkwizi. 9Choleni mvalile vilatu, komu sukumvale nguwo mbili! 10Kawalongela, Vonda mwingile mngʼanda, kaleni himo, kikomo vonda mlawe kabili. 11Na kamba hawambokeleni hebu kuwategeleza, halaweni iho, na kukungʼunha timbwisi dinanahile mmagulu genu, dize dinisindile kumwao! 12Baho walawa, wagenda na kubwililisa Usenga, wanhu waipupule; waiwinga mizuka bwando. 13Wabakaza mavuta bwando waja wadodile, wawahonya.
Yohana Msingula wanhu viyakemigwe
14Mndewa Herode kagahulika, kwa mzoko twaga jake didinhila, wanhu vuwolonga, “Yohana Msingula wanhu kazuka muna ikifo, avo mhiko hizo zizo yosanghanila yuno.” 15Wayagwe walonga, “Yuyo Eliya.” Kabili wayagwe walonga, “Yuyo Mlaguzi miyawo wa umwaka.” 16Komu Herode viyagahulike kalonga, “Yuyo Yohana, inghanhile iditwi, kwali kazuka.” 17Kilumbo Herode mwenyecho kawatuma wanhu wamgoge Yohana na kumgela mkifungo, kwa kilumbo cha Herodiya, sano ja ndugu yake Filipo yuja yambokile. 18Kwa mzoko Yohana kamulongela Herode, “Havilingane gweye kusola sano ja ndugu yako!” 19Avo Herodiya kakala yogelegeza nzila ya kumkoma, komu hadahile. 20Kilumbo Herode kamdumba Yohana kwa vija viyamtangile kamba munhu wa ihoko yangʼalile, kamwika goya; na heyo viyamuhulike baho kwa baho, kahila nago nghani mmoyo, kabili kanogelwa na kumtegeleza.
21Sikunghulu ya kuleligwa Herode viivikile, iyo siku ya ulegeho; kawagomela chakuja watawala wa iviwambo vyake, wakulugenzi wa asikali na iwakuluwakulu wa Galilea. 22Na biti Herodiya kengila, kavina ngoma, kamnogeza Herode na waja wakalile hamonga na heyo haichakuja; baho Mtawala kamulongela yuja mmhale, Nipule kinhu kiulonda, nokwingha; 23imalabaho kaiduwila, Chochose chonda umhule nokwingha, na igambe nusu ya undewa wangu. 24Yuja mmhale kachola kamuuza mamo wake, “Hampule choni?” Na heyo kamulongela, “Ditwi ja Yohana Msingula wanhu.” 25Mhunde baho kengila chambwisa kwa Mtawala, kampula yolonga, “Nolonda uninghe muna ulungo sambisambi ditwi ja Yohana Msingula wanhu!” 26Mtawala kanyunguwala nghani, komu kwa vija viyaiduwile na kilumbo cha waja wakalile hali ichakuja halondile kumwima. 27Baho Herode kamtuma asikali kamulagiza yagale dija iditwi jake Yohana. Yuja kachola, kadikanha ditwi ja Yohana muja mkifungo, 28imala kadigala muna ulungo, kamwingha immhale; na heyo immhale kamwingha mamo wake. 29Wanahina wake vuwagahulike, weza wausola umtufi, wauzika mkabuli.
Wanahina wahumule, wataze nghondolo wali bule mchunga; Kuwegusa wanhu elfu nhano
30Waja watumigwe na Yesu wabwela weilundiza kumwake, wampetela magweka gose gawasanghane na gawalangukize. 31Kawalongela, “Izoni mwiyeka, tuchole hanhu ha kifiso, muhumule hadodo. Kilumbo wanhu bwando wakala wokwiza kuno wochola, avo walemelwa na ukuja.” 32Wahalawa, wengila mngalawa waiyeka, wavika kuluwala.
33Wanhu vuwawawene, wolawa, na bwando wavitanga, wawakoleleza kukuja kwa migulu, kulawa mviwambo vyose, walongola kuvika. 34Viyalawile mngalawa, kawona wanhu bwando nghani, kawonela bazi, kilumbo wagalamuka kamba nghondolo wali bule mchunga, kasonga kuwalanguliza bwando.
35Viivikile ichungulo, wanahina wake weza wamulongela, “Hano hatuli twa haluwala, na ichungulo ingila. 36Wapoze wanhu wagende na zawo mmigunda na mviwambo ako mmambwegambwega, wakagule mandiya.” 37Heyo kedika yowalongela, “Wengheni mweye mandiya!” Wamulongela, “Che, tugende tukagule migate ya dinari mizo mibili, tuwenghe waje?” 38Kawauza, “Muna migate mingahi? Gendeni mkalole.” Vuwaimanyile walonga, “Mitano, na visomba vibili.”
39Kawalagiza wose wakale hasi vidonzi vidonzi muna imilolo. 40Wakala vidonzi kwa vidonzi, hayagwe muzo na hayagwe milongo mitano. 41Kaisola ija imigate mitano na vija visomba vibili, kalola uchana kuulanga, kavilombokezela na kuwamegelamegela ija migate; kawengha wanahina wawagolela, na vija ivisomba vibili vivija kawagwelela wose. 42Awaja wose waja, weiguta. 43Imala wadondoleza upakapaka wa migate usigale, wamemeza vigelo mulongo umwe na vibili, hamonga na upakapaka wa iwasomba. 44Na waja wadile imigate wavika kichinyha elfu tano, wambigalo yeka.
Yesu kachola uchana mmazi
45Mhunde baho kawananahiza wanahina wake wengile mngalawa, walongole wachole mwambu wa Betsaida, na heyo tanhu yadipoze dale da wanhu. 46Viyamalile kuwapoza, kahalawa kagenda kudigongo kumpula Tata wake. 47Zuwa vidiswele, ngalawa ivika hagatigati ya bahali, na heyo mwenyecho kema yaiyeka muufuko. 48Kawona vuwogaduka, hawadaha kugendelela, kilumbo beho diwakimila kuulongozi; vikivikile kimilo chaikane cha ikilo, kawezila yochola uchana kwa uchana mbahali, kalonda kuwabita. 49Na hewo vuwamuwene viyochola uchana mmazi, wagiza zezeta, watowa nyangi. 50Kilumbo wose wamona, wagudema. Mhunde baho kalonga nawo yowalongela, “Gangamaleni, nene hiyo, siku-mdumbe!” 51Na viyengile mngalawa, beho dinyamala; wabanza kusinhuka na kukangawala nghani. 52Kilumbo wabule lutondo lwa ija imigate, na miyoyo yawo ikala midala.
Kugela kizimbiza Genezareti
53Vuwamalile kuloka wavika isi ya Genezareti, aho wagela kizimbiza. 54Na hewo vuwalawile mngalawa, mhunde baho wanhu wamtanga. 55Wachola mbwisa wabiduka iisi yose, wasonga kuwasola watamu mzisazi, wawagale kose kwawamuhulike kamba kakuko. 56Na muja moyokwingila mzikaye, mvibuga hebu mmigunda, wawagala watamu hagulilo, kuno wompembela, wamkwase umusa wa nghanju yake iyeka; na waja wose waikwasile wahona.
New Testament in Zaramo © United Bible Societies, 1975.