Marko 7
7
Gomba da mikono dikwe; Lagizo da Mulungu vidibezwa
1Wammemela Mafariseo na wayagwe wa wana nzuma, walawile Yerusalemu. 2Wawona wanahina wake vuwoja mandiya na mikono vivija, hawanawile. 3Kilumbo Mafariseo na Wayuda wose hawajaga kamba hawanawile mikono na kuihangusa; alo lulo luto lulawile uhenga. 4Na vija hagulilo hawavijaga kamba tanhu hawavisunhile; na magweka gayagwe bwando gawabokele wagagoga, kamba kusunha kata, nongo, viteleko na visazi.
5Avo Mafariseo na Wana Nzuma wamuuza, “Habali wanahina wako hawagoga luto lwa iwahenga, komu woja chakuja na mikono vivija?” 6Kawalongela, “Yesaya kafambula vinogile mbuli zenu mweye wabala, kamba viyandikigwe,
‘Lukolo luno lonhogola hamilomo yeka,
komu miyoyo yawo inghalila kutali.
7Avo wonidumba bule,
kilumbo wolangukiza malagizo galawile kwa wanhu.
8Modileka lagizo da Mulungu, mgoge igambile luto lwa wanhu.’ ”
9Kawalongela, “Vinogile kumwenu kudisegeza lagizo ja Mulungu, mteganye luto lwawo wahenga wenu! 10Kilumbo Mose kalonga, Muhulike tataako na mamo wako; kabili yonda yamdumilize tata hebu mamo, vilumba yadanganike kwa kukomwa. 11Bali mweye molonga, Munhu yahamulongela tataake hebu mamo, Korbani igamba mali ziulonda nikutaze nazo, nimwingha nhosa Mulungu, vinoga. 12Avo momgomesa munhu hiyo sikuyamgwelele tataake hebu mamo wake kinhu chochose. 13Avo mtuhula ulonzi wa Mulungu kwa kilumbo cha luto lumgolelwe kulawa iwahenga; kabili mosanghana bwando gagambile na higo.”
Miko ilihi yomgelaga munhu ubweto
14Kadikema kabili dija didale ja iwanhu, kawalongela, “Nhegelezeni mose, mvitange! 15Kuduhu kinhu kili kunze ya munhu kidahe kumgela ubweto kihengila mgati mmwake, komu gaja gomulawa munhu gago gomgela ubweto. 16Kamba kabaha mwene magwiti gakuhulika, nayahulike!”
17Imala viyahalawile hana iwanhu na kwingila mngʼanda, wanahina wake wamuuza hala dija. 18Kawalongela, “Kumbe na mweye hamnakalagala na dilelo? hamtangile kamba kinhu kili hanze kihengila muinda ya munhu, hakidaha kumgela ubweto? 19Kilumbo hakingila mmoyo, komu muinda yeka, cholawila kucholo?” Viyalongile ago, katuhula miko yose ya vyakuja. 20Kalonga, “Dilawaga mwa munhu ajo dijo dimgelaga munhu ubweto. 21Kilumbo mgati muna imiyoyo ya wanhu zilawaga ngelegeza zihile; ugoni, ubavi, kukoma, ulozi, 22ugila, udesi, ufutuzi, nghimwa, migongo, maligo, matopa, wehu. 23Ubananzi hiwo wose wolawa mgati, kabili uwo umgelaga munhu ubweto.”
Pinga wa Kikanani
24Viyasegele haja, kachola nyenza za Tiro, kengila mngʼanda, kwa mzoko kalema kutangika na iwanhu, bali havidahike kwifisa. 25Mhunde baho mtwanzi imonga kahulika kamba kabaho, na heyo kana mwana mwene mzuka wihile; keza kamgwila hamagulu gake. 26Na yuja mtwanzi kakala Mgriki, kabila jake Msirofoniki; kampembela yawinge uja umzuka umulawe biti wake. 27Kamwidika, “Leka tanhu iwana wegute, kilumbo havilumbile kusola uzi wa iwana na kuwasila vibwa.” 28Na heyo kedika kamulongela, “Wona Mndewa, na vija ivibwa navyo vijaga vili hasi ya meza, visigazwe na ivyana.” 29Bahaja kamulongela, “Kilumbo cha mbuli ino genda, umzuka umulawa biti wako!” 30Kasegela kachola kungʼanda yake, kamvika ija immhale yawasile mulusazi, na uja umzuka umala kumulawa.
Bubuwi msowa gamagutwi kahona
31Viyalawile mnzimbaka za Tiro, kabita Sidoni kavika kuli bahali ya Galilea, nyenza za Dekapoli (viwambo Mulongo Umwe). 32Wamgalila munhu kihuli, msowa magutwi, wampembela yamwikile mkono. 33Kamsegeza muna didale ja wanhu, wakale waiyeka; kavika vidole mmagutwi gake, imala katema mate, kamzabika mululimi. 34Imalabaho kalola uchana kuulanga, kadudumka mmoyo, kamulongela, “Efata!” kihindukizo chake, “Dohoka!”
35Baho magwiti gake gavubuka, na mige ya lulimi lwake idohoka; kimilo kikija kasonga kulonga goya. 36Kawagomesa sukuwamulongele munhu; viyemela viyawagomese nghani, waja wabanza kuzipwililisa mbuli zose. 37Na wanhu wakangawala nghani, walonga, “Kasanghana vyose vinogile! Waja wasowa magutwi kowatenda wahulike, na mabubuwi wolonga.”
New Testament in Zaramo © United Bible Societies, 1975.
Marko 7
7
Gomba da mikono dikwe; Lagizo da Mulungu vidibezwa
1Wammemela Mafariseo na wayagwe wa wana nzuma, walawile Yerusalemu. 2Wawona wanahina wake vuwoja mandiya na mikono vivija, hawanawile. 3Kilumbo Mafariseo na Wayuda wose hawajaga kamba hawanawile mikono na kuihangusa; alo lulo luto lulawile uhenga. 4Na vija hagulilo hawavijaga kamba tanhu hawavisunhile; na magweka gayagwe bwando gawabokele wagagoga, kamba kusunha kata, nongo, viteleko na visazi.
5Avo Mafariseo na Wana Nzuma wamuuza, “Habali wanahina wako hawagoga luto lwa iwahenga, komu woja chakuja na mikono vivija?” 6Kawalongela, “Yesaya kafambula vinogile mbuli zenu mweye wabala, kamba viyandikigwe,
‘Lukolo luno lonhogola hamilomo yeka,
komu miyoyo yawo inghalila kutali.
7Avo wonidumba bule,
kilumbo wolangukiza malagizo galawile kwa wanhu.
8Modileka lagizo da Mulungu, mgoge igambile luto lwa wanhu.’ ”
9Kawalongela, “Vinogile kumwenu kudisegeza lagizo ja Mulungu, mteganye luto lwawo wahenga wenu! 10Kilumbo Mose kalonga, Muhulike tataako na mamo wako; kabili yonda yamdumilize tata hebu mamo, vilumba yadanganike kwa kukomwa. 11Bali mweye molonga, Munhu yahamulongela tataake hebu mamo, Korbani igamba mali ziulonda nikutaze nazo, nimwingha nhosa Mulungu, vinoga. 12Avo momgomesa munhu hiyo sikuyamgwelele tataake hebu mamo wake kinhu chochose. 13Avo mtuhula ulonzi wa Mulungu kwa kilumbo cha luto lumgolelwe kulawa iwahenga; kabili mosanghana bwando gagambile na higo.”
Miko ilihi yomgelaga munhu ubweto
14Kadikema kabili dija didale ja iwanhu, kawalongela, “Nhegelezeni mose, mvitange! 15Kuduhu kinhu kili kunze ya munhu kidahe kumgela ubweto kihengila mgati mmwake, komu gaja gomulawa munhu gago gomgela ubweto. 16Kamba kabaha mwene magwiti gakuhulika, nayahulike!”
17Imala viyahalawile hana iwanhu na kwingila mngʼanda, wanahina wake wamuuza hala dija. 18Kawalongela, “Kumbe na mweye hamnakalagala na dilelo? hamtangile kamba kinhu kili hanze kihengila muinda ya munhu, hakidaha kumgela ubweto? 19Kilumbo hakingila mmoyo, komu muinda yeka, cholawila kucholo?” Viyalongile ago, katuhula miko yose ya vyakuja. 20Kalonga, “Dilawaga mwa munhu ajo dijo dimgelaga munhu ubweto. 21Kilumbo mgati muna imiyoyo ya wanhu zilawaga ngelegeza zihile; ugoni, ubavi, kukoma, ulozi, 22ugila, udesi, ufutuzi, nghimwa, migongo, maligo, matopa, wehu. 23Ubananzi hiwo wose wolawa mgati, kabili uwo umgelaga munhu ubweto.”
Pinga wa Kikanani
24Viyasegele haja, kachola nyenza za Tiro, kengila mngʼanda, kwa mzoko kalema kutangika na iwanhu, bali havidahike kwifisa. 25Mhunde baho mtwanzi imonga kahulika kamba kabaho, na heyo kana mwana mwene mzuka wihile; keza kamgwila hamagulu gake. 26Na yuja mtwanzi kakala Mgriki, kabila jake Msirofoniki; kampembela yawinge uja umzuka umulawe biti wake. 27Kamwidika, “Leka tanhu iwana wegute, kilumbo havilumbile kusola uzi wa iwana na kuwasila vibwa.” 28Na heyo kedika kamulongela, “Wona Mndewa, na vija ivibwa navyo vijaga vili hasi ya meza, visigazwe na ivyana.” 29Bahaja kamulongela, “Kilumbo cha mbuli ino genda, umzuka umulawa biti wako!” 30Kasegela kachola kungʼanda yake, kamvika ija immhale yawasile mulusazi, na uja umzuka umala kumulawa.
Bubuwi msowa gamagutwi kahona
31Viyalawile mnzimbaka za Tiro, kabita Sidoni kavika kuli bahali ya Galilea, nyenza za Dekapoli (viwambo Mulongo Umwe). 32Wamgalila munhu kihuli, msowa magutwi, wampembela yamwikile mkono. 33Kamsegeza muna didale ja wanhu, wakale waiyeka; kavika vidole mmagutwi gake, imala katema mate, kamzabika mululimi. 34Imalabaho kalola uchana kuulanga, kadudumka mmoyo, kamulongela, “Efata!” kihindukizo chake, “Dohoka!”
35Baho magwiti gake gavubuka, na mige ya lulimi lwake idohoka; kimilo kikija kasonga kulonga goya. 36Kawagomesa sukuwamulongele munhu; viyemela viyawagomese nghani, waja wabanza kuzipwililisa mbuli zose. 37Na wanhu wakangawala nghani, walonga, “Kasanghana vyose vinogile! Waja wasowa magutwi kowatenda wahulike, na mabubuwi wolonga.”
New Testament in Zaramo © United Bible Societies, 1975.