Marko 5
5
Mwene mzuka wa Legio kwa Wagerasi
1Wavika ngʼambu ya ibahali isi ya Wagerasi. 2Viyalawile mngalawa, bahaja ketinghana na munhu mwene mzuka mchapalisi yalawile kuna gamapanga. 3Kilumbo kakalaga kuna gamapanga, na kuduhu yadahile kumgela nzabi. 4Kakala yadazigwe miyanza bwando na mhikwi na mikwangwa, bali mikwangwa kakala yoikanha, na ija imihikwi kakala yoiminyanga na kuibenabena; avo kose kukala kuduhu munhu wa kumuhuma. 5Na ikilo na imisi tetete kakalaga kuna gamapanga na kuvigongo, yotowa mizangi na kwitowatowa mwenyecho na mabwe.
6Viyamuwene Yesu yahali hatali, kamkimbilila mbwisa, keza kamgwila hamagulu. 7Katowa lwangi kalonga, “Tuna choni niye na gweye Yesu Mwanage Mulungu Yali Uchana? Nokuduwila kwa Mulungu, sukuungaze!” 8Kilumbo kakala yomulongela, Gweye mzuka mchapalisi, umulawe munhu yuno! 9Viyamuuzile, “Twaga jako nani?” Kamulongela, “Twaga jangu niye Legio (kihindukizo chake, maelfu) kilumbo twamuno bwando.” 10Kampembela nghani, sikuyawawinge wailawe iisi ija. 11Kuvigongo kukala na dale kulu ja nguluwe, wakala wodila. 12Wamuhembela wolonga, “Tugale kwa waja iwanguluwe, tuwengile!” 13Viyawenghile lwamu ija imizuka michapalisi, wamulawa wawengila waja iwanguluwe; baho didale dihumuluka mbwisa, wavika kamba elfu mbili, wengila ngehema, wadidimila mbahali.
14Komu waja iwachunga wakimbila, wagabwililisa mkiwambo na mmigunda; wanhu weza, walole disanghanwe.
15Vuwavikile kwa Yesu na kumulola yuja imunhu yakalile yavagalwe na mzuka mchapalisi wa Legio, viyokala na kuvala nguwo kabili kanazo nzewele zake, wagudema. 16Na waja wagawene wagasimulila ga yuja mwene mzuka vigagendelele, na gaja ga iwanguluwe. 17Wasonga kumuhembela, yalawe mzimbaka zawo.
18Yesu viyengile mngalawa, yuja imunhu yakalile yavagalwe na umzuka, kampembela welongoze wose. 19Komu hamvumile, kamulongela, Uchole ukaye kumwenu na kwa ndugu zako, ukawasimulile gose, Mndewa gayakutendele kwa kukonela bazi! 20Baho kachola na zake, kasonga kubwililisa muja mviwambo vya Mulongo Umwe vyose, Yesu viyamsanghanile; wanhu wose wakanganya.
Biti Yairo; mtwanzi mtamu wa mulopa
21Yesu viyamalile kuloka mngalawa kabili kuvika umwambu, dale da wanhu bwando diilundiza iho mumngwazo wa bahali. 22Keza munhu imonga mkulu wa ngʼanda ya nhambiko, twaga jake Yairo. 23Viyamuwene, kamgwila inmagulu gake, kampembela nghani yolonga, “Biti wangu kihinza kabehi na kudanganika. Nokupula wize, umwikile makono yahone kabili yawe mgima!” 24Kenuka kachola nayo; na wanhu bwando nghani wamuwinza, kuno wombabana.
25Kukala na mtwanzi mwene utamu wa kulawa mulopa miyaka umulongo umwe na mibili. 26Na heyo kakala yagazigwe nghani na waganga bwando; avo kasa mali zake zose, komu hawamuhonyile, utamu wake ubanza kumgaza. 27Viyahulike magweka ga Yesu, kengila mwidale da wanhu, kamwizila kuchugu, kaukwasa musa wa nguwo yake. 28Kwa mzoko kalonga, “Nihazikwasa nguwo zake ziiyeka, niye nohona.” 29Mhunde baho mulopa wake unyala, keiyona mulukuli kamba gazo jake dimulawa. 30Mhunde Yesu katambula mulukuli lwake kamba mhiko imulawa; kadihindukila dale da wanhu kalonga, “Yalihi yanghwasile nguwo zangu?” 31Wanahina wake wamulongela, “Kojona dale da wanhu dokubanabana, na gweye kouzaze, Yalihi yanghwasile?” 32Komu heyo kalola hiko na hiko, yamone yuja yamkwasile. 33Ija imtwanzi kengililwa bwembwe, kagudema kilumbo kadimanya dimpatile; avo keza kamgwila mavindi na kumpetela gose, ga ihoko. 34Na heyo kamulongela, “Mwanangu, nhamanilo yako ikuhonya. Genda na tindiwalo uwe mgima, gazo jako sukudikubwelele kabili!” 35Viyakalile yolonga ago, weza wanhu wa mkulu wa ingʼanda ya nhambiko, wamulongela, “Biti wako kadanganika; kabili komgazila choni rhkulufunzi?” 36Yesu viyagahulike higo, kamulongela yuja mkulu wa ngʼanda ya nhambiko, “Sikuudumbe, nhamanila tu!” 37Imala baho halavile ulegeho kwa munhu iyagwe welongoze wose, komu Petro, Yakobo na Yohana nduguye Yakobo. 38Vuwengile mngʼanda mwa mkulu wa ngʼanda ya nhambiko, kavika zumozumo da wanhu wolila na kwiyalala nghani. 39Kengila kawalongela, “Habali mtowa nyangi na kulila; imndele hafile, komu kawasa utulo.” 40Baho wamseka nghani; na heyo viyamalile kuwawinga wose, kamsola itata wa ija imndele na mamo wake na waja wezile hamonga na heyo, kengila mgati muja mwiyali imndele. 41Kamgoga mkono kamulongela, “Talita kumi,” kihindukizo chake, “Kindele, nokulongela, gandamu-ka!” 42Mhunde baho yuja mndele kazuka, kasonga kutembela, kilumbo miyaka yake ikala kumi na mibili; wakanganya mkanganyo mkulu. 43Kawagomesa nghani, sukuwabwililise mbuli ino kwa munhu wowose; ilawabaho kalonga wamwinghe yuja imndele mandiya.
New Testament in Zaramo © United Bible Societies, 1975.
Marko 5
5
Mwene mzuka wa Legio kwa Wagerasi
1Wavika ngʼambu ya ibahali isi ya Wagerasi. 2Viyalawile mngalawa, bahaja ketinghana na munhu mwene mzuka mchapalisi yalawile kuna gamapanga. 3Kilumbo kakalaga kuna gamapanga, na kuduhu yadahile kumgela nzabi. 4Kakala yadazigwe miyanza bwando na mhikwi na mikwangwa, bali mikwangwa kakala yoikanha, na ija imihikwi kakala yoiminyanga na kuibenabena; avo kose kukala kuduhu munhu wa kumuhuma. 5Na ikilo na imisi tetete kakalaga kuna gamapanga na kuvigongo, yotowa mizangi na kwitowatowa mwenyecho na mabwe.
6Viyamuwene Yesu yahali hatali, kamkimbilila mbwisa, keza kamgwila hamagulu. 7Katowa lwangi kalonga, “Tuna choni niye na gweye Yesu Mwanage Mulungu Yali Uchana? Nokuduwila kwa Mulungu, sukuungaze!” 8Kilumbo kakala yomulongela, Gweye mzuka mchapalisi, umulawe munhu yuno! 9Viyamuuzile, “Twaga jako nani?” Kamulongela, “Twaga jangu niye Legio (kihindukizo chake, maelfu) kilumbo twamuno bwando.” 10Kampembela nghani, sikuyawawinge wailawe iisi ija. 11Kuvigongo kukala na dale kulu ja nguluwe, wakala wodila. 12Wamuhembela wolonga, “Tugale kwa waja iwanguluwe, tuwengile!” 13Viyawenghile lwamu ija imizuka michapalisi, wamulawa wawengila waja iwanguluwe; baho didale dihumuluka mbwisa, wavika kamba elfu mbili, wengila ngehema, wadidimila mbahali.
14Komu waja iwachunga wakimbila, wagabwililisa mkiwambo na mmigunda; wanhu weza, walole disanghanwe.
15Vuwavikile kwa Yesu na kumulola yuja imunhu yakalile yavagalwe na mzuka mchapalisi wa Legio, viyokala na kuvala nguwo kabili kanazo nzewele zake, wagudema. 16Na waja wagawene wagasimulila ga yuja mwene mzuka vigagendelele, na gaja ga iwanguluwe. 17Wasonga kumuhembela, yalawe mzimbaka zawo.
18Yesu viyengile mngalawa, yuja imunhu yakalile yavagalwe na umzuka, kampembela welongoze wose. 19Komu hamvumile, kamulongela, Uchole ukaye kumwenu na kwa ndugu zako, ukawasimulile gose, Mndewa gayakutendele kwa kukonela bazi! 20Baho kachola na zake, kasonga kubwililisa muja mviwambo vya Mulongo Umwe vyose, Yesu viyamsanghanile; wanhu wose wakanganya.
Biti Yairo; mtwanzi mtamu wa mulopa
21Yesu viyamalile kuloka mngalawa kabili kuvika umwambu, dale da wanhu bwando diilundiza iho mumngwazo wa bahali. 22Keza munhu imonga mkulu wa ngʼanda ya nhambiko, twaga jake Yairo. 23Viyamuwene, kamgwila inmagulu gake, kampembela nghani yolonga, “Biti wangu kihinza kabehi na kudanganika. Nokupula wize, umwikile makono yahone kabili yawe mgima!” 24Kenuka kachola nayo; na wanhu bwando nghani wamuwinza, kuno wombabana.
25Kukala na mtwanzi mwene utamu wa kulawa mulopa miyaka umulongo umwe na mibili. 26Na heyo kakala yagazigwe nghani na waganga bwando; avo kasa mali zake zose, komu hawamuhonyile, utamu wake ubanza kumgaza. 27Viyahulike magweka ga Yesu, kengila mwidale da wanhu, kamwizila kuchugu, kaukwasa musa wa nguwo yake. 28Kwa mzoko kalonga, “Nihazikwasa nguwo zake ziiyeka, niye nohona.” 29Mhunde baho mulopa wake unyala, keiyona mulukuli kamba gazo jake dimulawa. 30Mhunde Yesu katambula mulukuli lwake kamba mhiko imulawa; kadihindukila dale da wanhu kalonga, “Yalihi yanghwasile nguwo zangu?” 31Wanahina wake wamulongela, “Kojona dale da wanhu dokubanabana, na gweye kouzaze, Yalihi yanghwasile?” 32Komu heyo kalola hiko na hiko, yamone yuja yamkwasile. 33Ija imtwanzi kengililwa bwembwe, kagudema kilumbo kadimanya dimpatile; avo keza kamgwila mavindi na kumpetela gose, ga ihoko. 34Na heyo kamulongela, “Mwanangu, nhamanilo yako ikuhonya. Genda na tindiwalo uwe mgima, gazo jako sukudikubwelele kabili!” 35Viyakalile yolonga ago, weza wanhu wa mkulu wa ingʼanda ya nhambiko, wamulongela, “Biti wako kadanganika; kabili komgazila choni rhkulufunzi?” 36Yesu viyagahulike higo, kamulongela yuja mkulu wa ngʼanda ya nhambiko, “Sikuudumbe, nhamanila tu!” 37Imala baho halavile ulegeho kwa munhu iyagwe welongoze wose, komu Petro, Yakobo na Yohana nduguye Yakobo. 38Vuwengile mngʼanda mwa mkulu wa ngʼanda ya nhambiko, kavika zumozumo da wanhu wolila na kwiyalala nghani. 39Kengila kawalongela, “Habali mtowa nyangi na kulila; imndele hafile, komu kawasa utulo.” 40Baho wamseka nghani; na heyo viyamalile kuwawinga wose, kamsola itata wa ija imndele na mamo wake na waja wezile hamonga na heyo, kengila mgati muja mwiyali imndele. 41Kamgoga mkono kamulongela, “Talita kumi,” kihindukizo chake, “Kindele, nokulongela, gandamu-ka!” 42Mhunde baho yuja mndele kazuka, kasonga kutembela, kilumbo miyaka yake ikala kumi na mibili; wakanganya mkanganyo mkulu. 43Kawagomesa nghani, sukuwabwililise mbuli ino kwa munhu wowose; ilawabaho kalonga wamwinghe yuja imndele mandiya.
New Testament in Zaramo © United Bible Societies, 1975.