Marko 4
4
Hanhu hane hahandigwe
1Kasonga kabili kulangukiza mumngwazo wa ibahali; dale da wanhu bwando wammemela, kengila mngalawa kakala, na wanhu wose wakala muufuko behi na igamazi. 2Kuwalangukiza kuno yolava mizungu bwando, kawalongela muna gamalangukizo gake, 3“Tegelezeni, lola muhanda mbeyu kalawa kugenda kumiza mbeyu. 4Viyakalile yomiza, ziyagwe zigwila mnzila, ndege weza wazija. 5Ziyagwe zigwila mmabwe, hali bule ludongo bwando; kota zimana kota mbwisa, kilumbo luja uludongo ludodo. 6Komu zuwa vidilawile nghani, zinyala kwa mzoko zabule mizizi. 7Ziyagwe zigwila hana imizomola; aija imizomola viyotile izifinga, hazilelile. 8Ziyagwe zigwila haludongo lunogile, zikungʼunha zikula zilela nghani na kulava nzele kamba milongo midatu, milongo sita zivika muzo.” 9Kalonga, “Mwene magwiti gakuhulika, nayahulike!”
10Viyakalile yaliyeka, wanahina zake hamonga na waja umulongo umwe na wabili wamuuza mzoko wa hala dijo. 11Kawalongela, “Mweye mgwelelwa kutambula nyongʼonyo ya Undewa wa Mulungu, bali waja wali kunze wolongelwa gano gose kwa mizungu. 12Giladi wabunhule bali hawalola; wategeleze nghani, bali hawatanga mzoko; sukuweze kumhindukila, niwasegezele matozo gawo.”
13Kawalongela, “Kamba hamditangile hala dino, mogatangaze mahala gose? 14Mwene kumiza komiza Usenga Unogile. 15Komu zija zili mnzila iwo wawo wadihulike, Longa vidikutulwe kumwawo, imalabaho Satani kokwiza, kodisegeza Longa dikutulwe mmwawo. 16Avo vivo zija zimizigwe hana gamabwe, iwo wawo wadihulike Longa, wadibokela mbwisa na ndenghelelo. 17Komu wabule ngogelo mmiyoyo, wodigoga kipigiti kidodo; kamba uhalawilila mgaduko hebu msawato kilumbo cha dilonga, mhunde wokikwala. 18Azija ziyagwe zigwile mmizomola iwo wadihulike Longa, 19komu mzahizahi wa ulumwengu uno, na uzenzeleganye wa igamali na dongho ziyagwe ziwengila, zofinga dija dilonga, hadilela mujo. 20Azija zigwile hana uludongo unogile iwo wawo wadihulike Longa na kudibokela, wolela mujo kamba milongo milongo midatu, milongo sita kuvika miyanza muzo.”
Mzungu wa Taa na ningo
21Kawalongela, “Haduhu taa igaligwa kuno ikigwe mkigelo hebu muluvungu lwa ulusazi; nyagiza ikagwa hachana hamulango! 22Kilumbo kuduhu difisigwe kwiza aho hamwande dileke koneka, hebu haduhu mzengwe uleke kulawilila chalinze. 23Munhu yahawa na magwiti gakuhulika, nayahulike!”
24Kawalongela, “Teganyeni vija vumuhulika! iningo imulingila wayagwe, iyo yonda mulingilwe namweye, kabili mokongezelwa. 25Kilumbo mwene mali kogwelelwa, komu yali bule kinhu kobokigwa na kija chayali nacho.”
Mbeyu zokota zenyego
26Kalonga, “Undewa wa Mulungu ugalamka kamba munhu yomiza mbeyu mumgunda. 27Imala kowasa na kulamuka ikilo na imisi, azija zimbeyu zokota na kunyusuka. 28Mwenyecho havitanga, aluja uludongo lolela lwenyego; zosonga kukungʼunha, imalabaho kungwi, imalabaho muhunga womema muna dikungwi. 29Komu zinzele zihahela, mwenyecho mhunde kogala wene sengo, kilumbo mahuno gavika.” Kibeyu cha haradali 30Kalonga, “Undewa wa Mulungu tuugambe na kilihi; hebu tuupete na mzungu ulihi? 31Wigamba na kibeyu cha haradali, kihandigwe mumgunda, icho kidodo kubanza mbeyu zose zili muno muisi. 32Kihamala kuhandwa, chokula choselela kubanza miboga yose kwa kuzuka mitambi mikulu, hata ndege wa uchana wokwiza kuhumula mmbeho yake.”
33Kawalongela Longa dija kwa mizungu bwando igambile uno, kamba vuwatangile nzewele zawo; kabili hawalongele mbuli ili bule mizungu. 34Komu wanahina wake kawatobolela gose, vuwakalile waliyeka.
Nyukwanyukwa ya mbahali
35Viivikile ichungulo siku iija kawalongela, “Tuloke tuchole umwambu wa ikabili.” 36Wadileka didale ja wanhu, wamsola vivo viyakalile mngalawa, na ngalawa ziyagwe zikala hamonga. 37Kukala na nyukwanyukwa kulu da beho; mimazi ikenhakenha ingalawa, kuno ngalawa isonga kumema mazi. 38Na heyo kakala mngalawa kuchugu, kawasa utulo mmsegamo; mhunde wamulamusa womulongela, “Mkulufunzi, hona usungu vutulonda kudidimila?” 39Kenuka kadikomhokela dibeho, na kuilongela bahali, “Vudala wituze!” Mhunde baho dibeho dinyamala, kukala pozii. 40Imala kawalongela, “Habali mdumba hivo? Habali hamnhamanila?” 41Wengililwa na bwembwe kulu, waiuzagiza wenyego kwa wenyego, “Yuno munhu wa vilihi, beho na bahali vizomdu-mba?”
New Testament in Zaramo © United Bible Societies, 1975.
Marko 4
4
Hanhu hane hahandigwe
1Kasonga kabili kulangukiza mumngwazo wa ibahali; dale da wanhu bwando wammemela, kengila mngalawa kakala, na wanhu wose wakala muufuko behi na igamazi. 2Kuwalangukiza kuno yolava mizungu bwando, kawalongela muna gamalangukizo gake, 3“Tegelezeni, lola muhanda mbeyu kalawa kugenda kumiza mbeyu. 4Viyakalile yomiza, ziyagwe zigwila mnzila, ndege weza wazija. 5Ziyagwe zigwila mmabwe, hali bule ludongo bwando; kota zimana kota mbwisa, kilumbo luja uludongo ludodo. 6Komu zuwa vidilawile nghani, zinyala kwa mzoko zabule mizizi. 7Ziyagwe zigwila hana imizomola; aija imizomola viyotile izifinga, hazilelile. 8Ziyagwe zigwila haludongo lunogile, zikungʼunha zikula zilela nghani na kulava nzele kamba milongo midatu, milongo sita zivika muzo.” 9Kalonga, “Mwene magwiti gakuhulika, nayahulike!”
10Viyakalile yaliyeka, wanahina zake hamonga na waja umulongo umwe na wabili wamuuza mzoko wa hala dijo. 11Kawalongela, “Mweye mgwelelwa kutambula nyongʼonyo ya Undewa wa Mulungu, bali waja wali kunze wolongelwa gano gose kwa mizungu. 12Giladi wabunhule bali hawalola; wategeleze nghani, bali hawatanga mzoko; sukuweze kumhindukila, niwasegezele matozo gawo.”
13Kawalongela, “Kamba hamditangile hala dino, mogatangaze mahala gose? 14Mwene kumiza komiza Usenga Unogile. 15Komu zija zili mnzila iwo wawo wadihulike, Longa vidikutulwe kumwawo, imalabaho Satani kokwiza, kodisegeza Longa dikutulwe mmwawo. 16Avo vivo zija zimizigwe hana gamabwe, iwo wawo wadihulike Longa, wadibokela mbwisa na ndenghelelo. 17Komu wabule ngogelo mmiyoyo, wodigoga kipigiti kidodo; kamba uhalawilila mgaduko hebu msawato kilumbo cha dilonga, mhunde wokikwala. 18Azija ziyagwe zigwile mmizomola iwo wadihulike Longa, 19komu mzahizahi wa ulumwengu uno, na uzenzeleganye wa igamali na dongho ziyagwe ziwengila, zofinga dija dilonga, hadilela mujo. 20Azija zigwile hana uludongo unogile iwo wawo wadihulike Longa na kudibokela, wolela mujo kamba milongo milongo midatu, milongo sita kuvika miyanza muzo.”
Mzungu wa Taa na ningo
21Kawalongela, “Haduhu taa igaligwa kuno ikigwe mkigelo hebu muluvungu lwa ulusazi; nyagiza ikagwa hachana hamulango! 22Kilumbo kuduhu difisigwe kwiza aho hamwande dileke koneka, hebu haduhu mzengwe uleke kulawilila chalinze. 23Munhu yahawa na magwiti gakuhulika, nayahulike!”
24Kawalongela, “Teganyeni vija vumuhulika! iningo imulingila wayagwe, iyo yonda mulingilwe namweye, kabili mokongezelwa. 25Kilumbo mwene mali kogwelelwa, komu yali bule kinhu kobokigwa na kija chayali nacho.”
Mbeyu zokota zenyego
26Kalonga, “Undewa wa Mulungu ugalamka kamba munhu yomiza mbeyu mumgunda. 27Imala kowasa na kulamuka ikilo na imisi, azija zimbeyu zokota na kunyusuka. 28Mwenyecho havitanga, aluja uludongo lolela lwenyego; zosonga kukungʼunha, imalabaho kungwi, imalabaho muhunga womema muna dikungwi. 29Komu zinzele zihahela, mwenyecho mhunde kogala wene sengo, kilumbo mahuno gavika.” Kibeyu cha haradali 30Kalonga, “Undewa wa Mulungu tuugambe na kilihi; hebu tuupete na mzungu ulihi? 31Wigamba na kibeyu cha haradali, kihandigwe mumgunda, icho kidodo kubanza mbeyu zose zili muno muisi. 32Kihamala kuhandwa, chokula choselela kubanza miboga yose kwa kuzuka mitambi mikulu, hata ndege wa uchana wokwiza kuhumula mmbeho yake.”
33Kawalongela Longa dija kwa mizungu bwando igambile uno, kamba vuwatangile nzewele zawo; kabili hawalongele mbuli ili bule mizungu. 34Komu wanahina wake kawatobolela gose, vuwakalile waliyeka.
Nyukwanyukwa ya mbahali
35Viivikile ichungulo siku iija kawalongela, “Tuloke tuchole umwambu wa ikabili.” 36Wadileka didale ja wanhu, wamsola vivo viyakalile mngalawa, na ngalawa ziyagwe zikala hamonga. 37Kukala na nyukwanyukwa kulu da beho; mimazi ikenhakenha ingalawa, kuno ngalawa isonga kumema mazi. 38Na heyo kakala mngalawa kuchugu, kawasa utulo mmsegamo; mhunde wamulamusa womulongela, “Mkulufunzi, hona usungu vutulonda kudidimila?” 39Kenuka kadikomhokela dibeho, na kuilongela bahali, “Vudala wituze!” Mhunde baho dibeho dinyamala, kukala pozii. 40Imala kawalongela, “Habali mdumba hivo? Habali hamnhamanila?” 41Wengililwa na bwembwe kulu, waiuzagiza wenyego kwa wenyego, “Yuno munhu wa vilihi, beho na bahali vizomdu-mba?”
New Testament in Zaramo © United Bible Societies, 1975.