Marko 3
3
Mkono uholole
1Viyengile chusa muna ingʼanda ya nhambiko, mkala na munhu mwene mkono uholole. 2Wamsepa kamba komuhonya siku da ukuhumula, kwiza wamdununze. 3Kamulongela yuja mwene mkono uholole, “Inuka wize hano hagati!” 4Imalabaho kawauza, “Hano vilingana siku da ukuhumula kutenda ganogile hebu kutenda gehile; kuhonya loho ya munhu, hebu kuikoma?”
Na hewo wavudala. 5Kagwa lusango, kawalola waja wali baho, kuno yokiyalala kwa ugaga wa miyoyo yawo; kamulongela yuja imunhu, “Golosa mkono wako!” Viyaugolose uja umkono, ugaluka ubwela mgima. 6Mafariseo wahalawa haja, mhunde baho watenda mzengwe hamonga na wanhu wa Herode, giladi wamkome.
Watamu bwando wambabane Yesu
7Yesu kachola hamonga na wanahina wake, wavika hamngwazo ya ibahali; na dale da wanhu bwando nghani walawile Galilea, wamkoleleza. 8Kabili wamgendela wanhu bwando walawile Uyuda, Yerusalemu, Idumea, mwambu wa Yordani na nyenza za Tiro na Sidoni, kilumbo wagahulika gose gayatendile. 9Kawalongela wanahina zake wamgalile ngalawa, kilumbo cha madale ga wanhu, sukuweze kumbabana. 10Kwa mzoko kawahonya bwando; na wose wene kugazigwa wamfugamila mavindi giladi wamkwase bule. 11Viyemela wanhu wene mizuka michapalisi wahamona, wamfugamila mavindi woguta nyangi wolonga, “Gweye gwegwe Mwanage Mulungu.” 12Kawagomesa nghani, sukuwambwililise.
Matwaga gawo wekigwe watumigwa
13Imalabaho Yesu kakwela kudigongo, kawakema woyolonda mwenyecho; wagenda kumwake. 14Kaweka mulongo umwe na wabili, wawe hamonga na heyo yawatume kuupeta Usenga Unogile, 15kawengha mhiko za kuwinga mizuka. 16Waja wayekile mulongo umwe na wabili iwo wano, Simoni iyamwinghile twaga ja Petro; 17Yakobo na ndugu yake Yohana, wanage Zebedeo, kawengha twaga ja Boanerge, kihindukizo chake Wana wa Kidinhilo. 18Vivija Andrea, Filipo, Bartolomeo, Mateo, Toma, Yakobo mwanage Alfeo, Tadeo, Simoni Mkanaani; 19na Yuda Iskariote kwiza yonda yamuhonze.
Ndugu za Yesu; Beelzebuli zinhu gaga
20Viyengile mngʼanda, dale da wanhu diilundiza chusa; wenyego walemelwa hata kuja mgate. 21Ndugu zake vuwagahulike, walawa weza kumsola, kwa mzoko walonga, “Kengililwa na luwege.”
22Bali hewo Wana Nnzuma walawile Yerusalemu walonga, “Kana Beelzebuli Mkulu wa imizuka, kabili kwa mhiko zake zizo yowingila mizuka.” 23Kawakema, kawalavila mizungu, “Mzuka kodahaze kuwinga mzuka miyage? 24Undewa uhaigomba wenyego kwa wenyego, honda ukale undewa hiwo. 25Na ngʼanda ihaigomba wenyego kwa wenyego, hondaime ngʼanda hiyo. 26Na hewo mzuka uhasonga kwigomba wenyego, haudaha kwima, komu ohumigwa.
27Haduhu munhu yodaha kwingila mngʼanda ya zinhu gaga, yakavisole vinhu vyake, kamba tanhu handuse kudidaza dija dizinhu, kileka yasole vinhu vyake vili muja mngʼanda. – 28Ihoko nomulongelani, Vilema wana wa wanhu wosegezelwa gose na igambe ga kumbeza Mulungu gonda walonga. 29Komu yonda yambeze Loho Yangʼalile honda yasegezelwe milongo yose, bali tozo jake kopanga najo digunge.” 30Kakala kawalongela ago, kilumbo vuwalongile, Kana mzuka mchapalisi.
Mamo na ndugu za Yesu womzahila
31Imala baho mamo wake na ndugu zake weza, wema kunze, watuma munhu kumwake yamkeme. 32Na dale da wanhu dikala dimbiduke; wamulongela, “Lola mamo wako na ndugu zako wabaho hanze wokuzahila.” 33Kedika kawalongela, “Mamo wangu yuyo yalihi, na wandugu zangu wawalihi? 34Kawalola wakalile wambiduke kuno na kuno, kalonga, Lola wano wawo mama zangu na ndugu zangu! 35Munhu yoyose yondayatende goyolonda Mulungu, yuyo ndugu yangu, lumbu jangu na mamo wangu!”
New Testament in Zaramo © United Bible Societies, 1975.
Marko 3
3
Mkono uholole
1Viyengile chusa muna ingʼanda ya nhambiko, mkala na munhu mwene mkono uholole. 2Wamsepa kamba komuhonya siku da ukuhumula, kwiza wamdununze. 3Kamulongela yuja mwene mkono uholole, “Inuka wize hano hagati!” 4Imalabaho kawauza, “Hano vilingana siku da ukuhumula kutenda ganogile hebu kutenda gehile; kuhonya loho ya munhu, hebu kuikoma?”
Na hewo wavudala. 5Kagwa lusango, kawalola waja wali baho, kuno yokiyalala kwa ugaga wa miyoyo yawo; kamulongela yuja imunhu, “Golosa mkono wako!” Viyaugolose uja umkono, ugaluka ubwela mgima. 6Mafariseo wahalawa haja, mhunde baho watenda mzengwe hamonga na wanhu wa Herode, giladi wamkome.
Watamu bwando wambabane Yesu
7Yesu kachola hamonga na wanahina wake, wavika hamngwazo ya ibahali; na dale da wanhu bwando nghani walawile Galilea, wamkoleleza. 8Kabili wamgendela wanhu bwando walawile Uyuda, Yerusalemu, Idumea, mwambu wa Yordani na nyenza za Tiro na Sidoni, kilumbo wagahulika gose gayatendile. 9Kawalongela wanahina zake wamgalile ngalawa, kilumbo cha madale ga wanhu, sukuweze kumbabana. 10Kwa mzoko kawahonya bwando; na wose wene kugazigwa wamfugamila mavindi giladi wamkwase bule. 11Viyemela wanhu wene mizuka michapalisi wahamona, wamfugamila mavindi woguta nyangi wolonga, “Gweye gwegwe Mwanage Mulungu.” 12Kawagomesa nghani, sukuwambwililise.
Matwaga gawo wekigwe watumigwa
13Imalabaho Yesu kakwela kudigongo, kawakema woyolonda mwenyecho; wagenda kumwake. 14Kaweka mulongo umwe na wabili, wawe hamonga na heyo yawatume kuupeta Usenga Unogile, 15kawengha mhiko za kuwinga mizuka. 16Waja wayekile mulongo umwe na wabili iwo wano, Simoni iyamwinghile twaga ja Petro; 17Yakobo na ndugu yake Yohana, wanage Zebedeo, kawengha twaga ja Boanerge, kihindukizo chake Wana wa Kidinhilo. 18Vivija Andrea, Filipo, Bartolomeo, Mateo, Toma, Yakobo mwanage Alfeo, Tadeo, Simoni Mkanaani; 19na Yuda Iskariote kwiza yonda yamuhonze.
Ndugu za Yesu; Beelzebuli zinhu gaga
20Viyengile mngʼanda, dale da wanhu diilundiza chusa; wenyego walemelwa hata kuja mgate. 21Ndugu zake vuwagahulike, walawa weza kumsola, kwa mzoko walonga, “Kengililwa na luwege.”
22Bali hewo Wana Nnzuma walawile Yerusalemu walonga, “Kana Beelzebuli Mkulu wa imizuka, kabili kwa mhiko zake zizo yowingila mizuka.” 23Kawakema, kawalavila mizungu, “Mzuka kodahaze kuwinga mzuka miyage? 24Undewa uhaigomba wenyego kwa wenyego, honda ukale undewa hiwo. 25Na ngʼanda ihaigomba wenyego kwa wenyego, hondaime ngʼanda hiyo. 26Na hewo mzuka uhasonga kwigomba wenyego, haudaha kwima, komu ohumigwa.
27Haduhu munhu yodaha kwingila mngʼanda ya zinhu gaga, yakavisole vinhu vyake, kamba tanhu handuse kudidaza dija dizinhu, kileka yasole vinhu vyake vili muja mngʼanda. – 28Ihoko nomulongelani, Vilema wana wa wanhu wosegezelwa gose na igambe ga kumbeza Mulungu gonda walonga. 29Komu yonda yambeze Loho Yangʼalile honda yasegezelwe milongo yose, bali tozo jake kopanga najo digunge.” 30Kakala kawalongela ago, kilumbo vuwalongile, Kana mzuka mchapalisi.
Mamo na ndugu za Yesu womzahila
31Imala baho mamo wake na ndugu zake weza, wema kunze, watuma munhu kumwake yamkeme. 32Na dale da wanhu dikala dimbiduke; wamulongela, “Lola mamo wako na ndugu zako wabaho hanze wokuzahila.” 33Kedika kawalongela, “Mamo wangu yuyo yalihi, na wandugu zangu wawalihi? 34Kawalola wakalile wambiduke kuno na kuno, kalonga, Lola wano wawo mama zangu na ndugu zangu! 35Munhu yoyose yondayatende goyolonda Mulungu, yuyo ndugu yangu, lumbu jangu na mamo wangu!”
New Testament in Zaramo © United Bible Societies, 1975.