KORINT HIIŊ TƐKAPƐSHƐNGA TI IYI NƐ ZWENI NU UTAKADA GA KORINT
TƐKAPƐSHƐNGA TI IYI NƐ ZWENI NU UTAKADA GA KORINT
Utakada ga uhiiŋ go Poul 'nyeteni atwa Korint, ụ shɛ iwɛ maa dumanga iwɛ nhiaŋma mu na mu namɛ na ashashɛ atwa Krast, keeni iwɛ rishe-tɛtɛtana na amɛ tụ'ụlwa-tụ-ụhiɛŋshɛ-Agwangwama tu na go Poul shikicinji nu Korint. Korint ubwa shɛ ụshɛpwụ ụ'wụtụ we Egrik, ubwa kaa du shɛ uhiu na ashɛpwụ Orom, nu ukpeleshi cɛnjɛ ta Akaya. E mepi uŋ iwɛ ugombo ubwa tukaana tedure na tihinya tu na aa nda nu bwa, na tubusa ti iyi uvwovwu wa aba, keeni iwɛ masha mu tuswoswoswo mu na mu barɛ apata. Ibɛ shɛ masha mu tuswoswoswo mi iyi tɛndana bụtụ na aa zhɛba.
Iyi nɛ shɛ agwuma ni iyi nɛ tɛtajɛ butumwa ga, i shɛ iwɛ nhiaŋma mu tubogwu, na masha mu ụdamụ mu na mu namɛ na tụ'ụlwa-tụ-ụhiɛŋshɛ-Agwangwama. Iwɛ iheŋtengene iwɛ tuwɛle, ti iwɛ tụmbụla, ti iwɛ iyi nɛ ahaŋsa bụtụ a jala, ti iwɛ iyi nɛ shɛ shɛ nu umama 'wanu na tu'ulwa ta ata, ti iwɛ apwaŋ Mpiala mi Tijilo, keeni iwɛ tihiɛ no tu'wo. Bee mbiseni aŋ gana na ta Anabarɛ Ebiye jɛmɛ iwɛ iheŋtengene gɛ, na tụkwụba tu na ti iri.
Uhiuhiu 13, na wɛ bɛcinjɛ iwɛ tulubo, maa tuba tɛ shɛ upwaŋ wa Agwatana na ngezeni apwaŋ vwɛ hwɛɛ, na apwaŋ na bee peni atwa ubwa. I shɛ maa upashɛ ata du atwa mepi tebiye na amɛ utakada ga.
Tudwotwogonu ti iyi nɛ zweni nu utakada ga na:
Tɛkapɛshɛnga ti iyi. A'walụ 1:1-9
Tubogotogwu tu na tu namɛ na amɛ tu'ulwa ta ata 1:10—4:21
Tuwɛle, keeni iyi nɛ namanjɛ na amwamwa aba 5:1—7:40
Iwɛ atwa Krast, no oto ụrụpɛ 8:1—11:1
Uraiŋ tu'ulwa ta ata keeni tɛzhɛba ta tuba 11:2—14:40
Tihiɛ tu Krast keeni atɛtanɛ-rishe 15:1-58
Apalajɛma na aa njɛ iwɛ atwa Krast a na namɛ nu Judia 16:1-4
Iwɛ nɛ namanɛ bụtụ bụtụ keeni tukwunanga 16:5-24
高亮显示
分享
复制
想要在所有设备上保存你的高亮显示吗？ 注册或登录
Rubassa Bible © Bible Society of Nigeria, 2008