ROME-TE 14
14
Midangte Tungah Thukhen Sih Un
1Upna#14:1 Ahi sihle “ngaisutna” lama zawngkhal mite na pawlbawl unlen, a ngaisutnate uh kinielpi sih un. 2Mi pawlkhat in an khat popo neh thei dingin a um vua, hinanle upna neu mite in ante lohing mete beh a ne uhi. 3A ne mite in a tang mite simmaw sih hinlen, a tang mite in zong a ne mite tungah thu khen sih heh; bangzieh ahei cile Pasien in amate zong sang veve hi. 4Midang khat’ nasemte tungah thu khen ding koi na hi vuoi? A pupa uh mai-ah amate kip thei-in zong pua thei uhi. Tuale Topa in kipsah thei ahi ziehin amate a kip ding uhi.
5Mi pawlkhat in ni khat pen adang khat sangin a thupizaw-in a ngaisun uhi; adangte leuleu in ni zosie a kibangin a ngaisun uhi. Mi zosie in amau’ lungsim cietah kithei ciet ta uheh. 6Ni a tangte in Topa zatahna tawh a tan uh ahi hi. An ne mite in zong Pasien tungah lungdam ko veve ahi ziehin Topa zatahna ma tawh a ne ahi uhi; an tangte in zong Topa zatahna tawh a tang ahi a, Pasien tungah lungdam a ko uhi.#Col 2:16
7Eima dinga a hing mi koima i om sih a, eima dinga a si zong koima i om sih hi. 8I hin leh Topa adinga hing i hi a, i si le zong Topa ading ma-a si i hi uhi. Tua ahi ciengin i hing a, i si zongin Topa-a’ ma i hi uhi. 9Bangzieh ahei cile Khris in a sisa mite le a hinglai mite’ Topa ahi thei nadingin si-in a hingkia hi. 10Nang in bang dinga na sanggam pa tunga thu na khen ahei? Ahi sihle bang dinga na sanggam pa na simmaw ahei? Azieh pen eite zosie zong i unpi-un Pasien’ #14:10 Adang tang laibute ah “Khris’” ci-in kigiel hi.thukhenna topha mai-ah a ding ciet ding i hi uhi.#2Cor 5:10 11Azieh pen Lai Siengtho sungah,
“Kei ka hin ma bangin ka mai-ah mi zosie khupdinin,
leii zosie in Pasien phat#14:11 Ahi sihle “pulah” ding uhi,” ci-in kigiel hi.#Isa 45:23
12Tua ahi ciengin eite khat ciet in Pasien kungah i kungtung ciet i kisut ding uhi.
Midangte Puasah Sin
13Tua ahi ziehin khatlekhat thu kikhen nawn loin, midang khat’#14:13 Gk “sanggam khat’ “ peina lampi-ah a pal thei ding le a khahtan thei dingte i koi ngai lo nadingin i lungsim uh khensat va vui. 14Keima in Topa Jesu sungah a siengtho lo bangma om lo hi, ci thei-in ka kizo hi; ahi vangin a siengtho lo-a a ngaisun mi khatpo adingin tua pen a siengtho lo hi pai hi. 15Na nehna ziehun na sanggam pa’ lungsim na natsah uleh itna sungah a kalsuon na hi nawn sih uhi. Na an nehna ziehun Khris in a silaw mi khat’ siet nading piengsah sih un. 16Tuaci’n mite in na hoinate uh a sie lamin kigensah sih un. 17Bangzieh ahei cile Pasien’ manggam pen neh le dawn thute ahi sih a, Hlagau Siengtho sungah dihna, lungmuonna le kipahna hizaw hi. 18Tua banga Khris ading na a sem mi in Pasien mai-ah a sanhuoi suohin mite’ lungkimpi zong ahi hi. 19Tua ciengin kilem nading le khatlekhat kilapsang tuoh thei nading a piengsah thute delin hanciem vai. 20An nehna ziehin Pasien’ nasepna susie sih un. A tahtahin na zosie siengtho a, hizongle na neh na tah ziehun midangte na puasah ule a khiel na hi uhi; 21na sanggamte a puasah#14:21 Adang tang laibute ah “a lungkiesah ahi sihle a thazawmsah thei” ci-in kibelap hi. thei na khatpopo ahi, an nehna, zu nehnate bawl lo ding hoi hi. 22Na nei upna pen nangma le Pasien kikal thu hisah in. Man a sah uh nate ziehin amau le amau a kimawpai lo mite pen mi hampha ahi uhi. 23Ahi vangin a lungkaa mite in a neh ule zong upna tawh a neh lo ziehun mawsah thukhenna a thuoh ding uhi; bangzieh ahei cile upna#14:23 Ahi sihle “ngaisutna” pana a pei lo poma mawna ahi hi.#14:23 Adang laibute, taang laibu kimkhatte in tam sungah 16:25-27 belap uhi.
Zo Bible © Bible Society of Myanmar, 2018.