ROME-TE 14 的热门经文

分享

Bangzieh ahei cile Pasien’ manggam pen neh le dawn thute ahi sih a, Hlagau Siengtho sungah dihna, lungmuonna le kipahna hizaw hi. Tua banga Khris ading na a sem mi in Pasien mai-ah a sanhuoi suohin mite’ lungkimpi zong ahi hi.

I hin leh TOPA adinga hing i hi a, i si le zong TOPA ading ma-a si i hi uhi. Tua ahi ciengin i hing a, i si zongin TOPA-a’ ma i hi uhi.

Tua ciengin kilem nading le khatlekhat kilapsang tuoh thei nading a piengsah thute delin hanciem vai.

Tua ahi ziehin khatlekhat thu kikhen nawn loin, midang khat’ peina lampi-ah a pal thei ding le a khahtan thei dingte i koi ngai lo nadingin i lungsim uh khensat va vui.

Azieh pen Lai Siengtho sungah, “Kei ka hin ma bangin ka mai-ah mi zosie khupdinin, leii zosie in Pasien phat ding uhi,” ci-in kigiel hi. Tua ahi ciengin eite khat ciet in Pasien kungah i kungtung ciet i kisut ding uhi.

Upna lama zawngkhal mite na pawlbawl unlen, a ngaisutnate uh kinielpi sih un.

Midang khat’ nasemte tungah thu khen ding koi na hi vuoi? A pupa uh mai-ah amate kip thei-in zong pua thei uhi. Tuale TOPA in kipsah thei ahi ziehin amate a kip ding uhi.