Паччагьлугъар-1 17
17
Давуд ва Голиаф
1Филистимар дявдиз удучӀвнийи, ва дурари чпин кьушмар Ягьудайин Сохойиъ уч гъапӀнийи. Дурари Сохойин ва Азекайин арайиъ, Эфес-Даммимдиъ бина гъивнийи. 2Хъа Саул ва израилар Эла кӀуру дерейиъ уч гъахьнийи. Филистимарихъди дяви апӀуз гьязур духьну, дурари душваъ бина гъивнийи. 3Филистимар саб дагъдиин дийигънайи, хъа израилар – дурариз къаршуди айи тмунуб дагъдиин: дурарин арайиъ дере гьатӀабццнайи.
4Филистимарин арайиан Гъат шагьриан вуйи Голиаф кӀуру ва йирхьуб юкӀна саб чӀиб#17:4 Йирхьуб юкӀна саб чӀиб: тахминан 3 метр. ягълишин али сарна-сарди элегру эскер удучӀву. 5Дугъан кӀулʼин кемшрин хункӀ алийи, ва дугъʼин балугъин пулсиб ва хьуд агъзурихьна шекел#17:5 Хьуд агъзурихьна шекел: тахминан 55 килограмм. гъагъ айи занаг палат алабхьнайи. 6Дугъан ликар кемшрин гъапгъари уьрхюрайи, ва дугъан гъюнихъ кемшрин жикъи жида хъебхнайи. 7Дугъан ярхи жидайин маргъ ир убхру дуркьарин мухьсиб вуйи, хъа дидʼин али рукьан кӀакӀнаан йирхьудварж шекел#17:7 Йирхьудварж шекел: тахминан 7 килограмм. гъагъ гъюйи. Дугъан улихьди гъалхан хрур гъюрайи.
8Израилин кьушмин улихь дийигъну, Голиафди гъапи:
– Учву дявдиз гьаз дийигъначва? Узу – филистим, хъа учву Саулин лукӀар дарин дарш? Узухъди сарна-сарди кчӀихуз фуж-вуш сар гъядягъяй. 9Эгер думу узʼин гъалиб гъахьиш ва узу йивну гъакӀиш, учу ичв лукӀар хьидича. Хъа узу дугъʼин гъалиб гъахьиш ва узу думу йивну гъакӀиш, учву ич лукӀар хьидичва ва учуз гъуллугъ апӀидичва.
10Хъана филистимди гъапи:
– Гьамусяаьтна узу израилин кьушумдик кярхюнза! Узухъди кчӀихуз шлу адми чавай узуз.
11Филистимдин гьаму гафар гъеерхьиган, Саулиз ва израилариз гучӀ гъабхьи, дурарик гъалабулугъ кабхъу.
12Давуд Ягьудайин Вифлеемдиан вуйи эфратлу Ессейин бай вуйи. Ессейихъ миржир бай хъайи. Саули паччагьвал апӀруган, Ессе лапра кьаби духьнайи. 13Дугъан аьхюну шубур бай Саулихъди сатӀиди дявдиз гъушнийи. Дурарикан аьхюнуриз Элиав кӀуйи, кьюрпириз – Авинадав, шубурпириз – Шамма. 14Давуд чвйирикан бицӀинур вуйи. Шубур чве Саулихъди гъушнийи, 15хъа Давуд вахт вахтарик Саулин бинайилан Вифлеемдиз адашдин марччарин лиж уьбхюз гъягъюйи. 16Филистим ягъчӀвур йигъан хъади-хъади гвачӀнинганра, хябяхъганра израиларин улихьна удучӀвуйи ва дийигъуйи.
17Ессейи чан бай Давуддиз гъапи:
– Саб эфа#17:17 Эфа: тахминан 22 литр, яни тахминан 10 килограмм. гъубцу дяхин ва гьаму йицӀуб уьл гъадагъ ва тядиди бинайиина яв чвйирихьна гъайих. 18Хъа гьаму нисун йицӀуб кӀикк дурарин агъзур эскрин аьхюриз тув. Чвйирин сагъвал фици вуш, ва дурарихьан увухьди, узуз дурар ужуйи вуйивал аьгъю хьпан бадали, фукӀа абкъин. 19Яв чвйири Саулихъди ва имбу израиларихъди сатӀиди Эла дерейиъ филистимарихъди дяви апӀура.
20Давуд гвачӀнин ухди гъудужву, дугъу марччар жара марччлихъниз табшурмиш гъапӀу, ва, Ессейи чаз амур гъапӀганси, савкьатар гъадагъну, рякъюъ учӀву. Думу бинайиз гъафиган, кьушум женгназ гьязур шулайи, женгназ дихар ерхьурайи. 21Израилар ва филистимар чиб-чпиз къаршуди дийигънайи. 22Давуд, чахь хьайи гъагъ бинайин гъаравларихь гъибтну, кьушмихьна гъажаргъу, ва дугъу чвйириз салам туву.
23Дугъу дурарихъди гафар апӀури имиди, филистимарин жергйириан Гъатдиан вуйи филистим, Голиаф ччвур алир, удучӀву ва чан улхбар текрар гъапӀу. Давуддиз дугъу кӀуруб ебхьурайи. 24Голиаф гъяркъиган, вари израилар гучӀ дубхьну гьергнийи. 25Дурари сари сариз гъапи:
– Улихьна удучӀву гьатму адми рякъюрачвуз? Думу чан улхбариинди Израилик кярхюз улихь удучӀвна. Шли думу йивну гъакӀиш, паччагьди дугъаз зурба девлет пешкеш апӀиди, чан риш хпирди тувди, хъа дугъан хизан Израилиъ харжариккан азад вуйиб апӀиди.
26Давудди багахь дийигънайи адмийирихьан хъана гьерху:
– Гьаму филистим йивну гъакӀириз ва Израилилан аьйиб алдабгъуриз фициб пешкеш хьибди? Фуж ву, дугъриданна, гьаму ккадрабтӀу филистим, гьарган чӀиви Заанурин кьушмик гьамци кярхюз?
27Адмийири дугъаз гьамциб жаваб туву:
– Магьа шли думу йивну гъакӀиш, дугъаз гьамциб пешкеш ккилибгура.
28Элиавдиз, Давуддин аьхюну чвуччвуз, дугъу багахь хьайидарихъди фици гафар апӀураш деебхьну, Давуддикан хъял гъафи, ва дугъу гъапи:
– Уву мина гьаз гъафунва? ИчӀи чюлиъ уву ихь марччар, ихь бицӀи сюри шлихь гъитунва? Уву аьхю гафар апӀрур вуйивал ва, яв фициб нягьякь хасият вуш, узуз аьгъязуз. Уву анжагъ кчӀихбаз лигуз гъафунва.
29Давудди наразивал улупу:
– Узу фу дициб гъапӀну? Гьерхузра хай шулдарин?
30Жара касдихьна илтӀикӀну, дугъу хъана гьадму суал туву, ва адмийири дугъаз хъана гьациб жаваб тувуйи.
31Гьадму арайиъ Давуддин гафар Саулиз ктиту, ва дугъу Давуддиз чахьна дих апӀуз гъиту. 32Давудди Саулиз гъапи:
– Гьаму филистимдихъантина гъит гьич саринра рюгь ис адрабхъри. Яв лукӀ гъягъиди ва дугъахъди кчӀихиди.
33Саули Давуддиз жаваб туву:
– Увхьан гьаму филистимдиз къаршуди удучӀвуз ва дугъахъди кчӀихуз хьибдарвухьан. Уву бицӀи бай вува, хъа думу живанвалихъанмина эскер ву.
34Амма Давудди Саулиз жаваб туву:
– Яв лукӀраз адашдин марччарихъ гъягъюб хайлин алабхъну. Аслан вая швеъ дуфну, сюрийиан марчч гьитӀибкӀру вахтарра шуйи. 35Думуган узу дидихъ хъергуйза, дидʼин алархьуйза ва дидин ушвнигъян хюч гъючӀюбгъюйза. Хъа эгер думу узʼин алабхьиш, узу дидин гардандиан ичӀихуйза ва думу йивну йибкӀуйза. 36Яв лукӀраз асланарра, швеэрра йивну йихуб алабхъну. Гьарган чӀиви Заанурин кьушмик гьамци кярхрайи гьаму ккадрабтӀу филистимра дюм-дюз гьаци йивну йикӀидиза.
37Ва Давудди хъана гъапи:
– Асланарихьан ва швеэрихьан узу гъюрхю РАББИЙИ узу гьаму филистимдихьанра уьрхиди.
Саули Давуддиз гъапи:
– Гъарах, увухъди РАББИРА хъади ишри.
38Ва дугъу Давуддиин чан дявдин палтар алахьу, дугъан кӀулʼин чан кемшрин хункӀ улубкӀу ва занаг палат алабхьу. 39Дявдин палтарин зиълан Давудди дугъан тур гьидибтӀу. Гъягъюз чалишмиш духьну (думу дявдин палтар алахьури вердиш дайи аьхир), Давудди Саулиз гъапи:
– Му палтар алди узхьан гъягъюз шулдарзухьан, вердишди дарза.
Гьадрар вари чаллан илдитну, 40дугъу чан маргъ гъадабгъу, гъярʼан хьуб сакӀли гъван гъюдюхю, дурар чан марччлихънин иржаъ иву, чӀвегьент гъадабгъу, ва Давуд филистимдиз машна-машди гъушу.
41Филистим, чан гъалхан гъабхрурра хъади, явашди Давуддиз багахь хьуз хъюгъю. 42Давуд дяркъну, Голиафди Давуддихьан чаз фукӀа апӀуз хьибдар кӀуру фикир гъапӀу: думу уччву ва уьру гарцӀлар кайи живан бай вуйи. 43Филистимди Давуддиз гъапи:
– Узу ху вуйин? Уву узʼина маргъ хьади гьаз гъюрава?
Ва филистимди Давуд чан бутарин ччвурарихъан агьнакк ккау. 44Дугъу Давуддиз гъапи:
– Гъач йиз багахьна, ва узу яв жан заварин ничхрариз ва чӀурдин вягьшйириз туварза.
45Давудди филистимдиз жаваб туву:
– Уву узʼина тур ва жида хьади гъюрава, хъа узу увʼина уву нянайикк ккау Заварин Кьувватарин Аьхюрин, Израилин кьушмарин РАББИЙИН, ччвурнахъан гъюраза. 46Ав, гъи РАББИЙИ уву йиз хилариз тувди. Узу уву йивну йикӀидиза ва яв кӀул алдабтӀидиза, хъа филистим эскрарин майтар заварин ничхрариз ва жилин вягьши гьяйванатариз кячӀяргъюз тувдиза. Вари дюнʼяйиз Израилиъ Заанур айивал рябкъиди. 47Гьамушвахь дийигънайидариз варидиз рябкъиди: РАББИЙИ турихъди ва жидайихъди уьрхюрдар, амма кчӀихбан аьхир РАББИЙИЛАН асиллу ву. Дугъу учву ич хилариз тувди.
48Филистим чахьна багахь шули имиди, Давуд кчӀихру йишвахьна, дугъаз машна-машди чкиди гъажаргъу. 49Иржаъ хил убччвну, дугъу дидʼан гъван адабгъу, думу, чӀвегьентигъ гъивну, гатӀабхьу, гъван филистимдин унтӀан гьацӀкьялак кубкӀу. Гъванди келле гъюбгъю, ва филистим маш исизди жилиинди ккадарку. 50Гьаци, тур хьадарди, чӀегьентиинди ва гъвандиинди Давудди филистим ккагъу, дугъу думу ккадарку ва йивну гъакӀи.
51Хъасин думу филистимдихьна гъажаргъу, дугъан багахь дийигъу ва, дугъан тур халариан уьчӀюбгъну, думу бегьемди йивну гъакӀи ва дугъан кӀул алдабтӀу.
Чпин пягьливан йивну гъакӀиб гъябкъиган, филистимар гьергуз хъюгъю. 52Думу вахтна израилар ва ягьудар, чӀигъар апӀури, тап Гъатдихъна ва Экрондин урнарихъна филистимарихъ хъергу. Шаараимдиз вуйи рякъ тап Гъатдихъна ва Экрондихъна филистимарин майтари абцӀнайи. 53Кьяляхъ хъадаркиган, израилари филистимарин бина тӀараш гъапӀу. 54Давудди филистимдин кӀул чахьди гъадабгъу ва думу Ерусалимдиз гъубху, хъа дугъан яракь чан чадрайикк гъибту.
Давуд Саулиз улупуру
55Давуд филистимдихъди кчӀихбаз фици гъягъюраш рякъюри, Саули Авнерихьан, чан кьушмин аьхюрихьан, гьерху:
– Авнер, гьатму живан шлин бай ву?
Авнери жаваб туву:
– Яв уьмриинди ху апӀурза, паччагь, узуз аьгъдарзуз.
56Паччагьди гъапи:
– Гьатму живан шлин бай вуш, аьгъю апӀин ари.
57Ва Давуд филистимдиин гъалиб гъахьиган, Авнери думу Саулихьна хъади гъафи. Давудди хлиъ филистимдин кӀул дибиснайи. 58Саули дугъхьан гьерху:
– Уву шлин бай вува, живан?
Ва Давудди жаваб туву:
– Вифлеемдиан вуйи яв лукӀ Ессейин бай.
© Институт перевода Библии, 2010, 2013, 2016, 2018, 2023
Паччагьлугъар-1 17
17
Давуд ва Голиаф
1Филистимар дявдиз удучӀвнийи, ва дурари чпин кьушмар Ягьудайин Сохойиъ уч гъапӀнийи. Дурари Сохойин ва Азекайин арайиъ, Эфес-Даммимдиъ бина гъивнийи. 2Хъа Саул ва израилар Эла кӀуру дерейиъ уч гъахьнийи. Филистимарихъди дяви апӀуз гьязур духьну, дурари душваъ бина гъивнийи. 3Филистимар саб дагъдиин дийигънайи, хъа израилар – дурариз къаршуди айи тмунуб дагъдиин: дурарин арайиъ дере гьатӀабццнайи.
4Филистимарин арайиан Гъат шагьриан вуйи Голиаф кӀуру ва йирхьуб юкӀна саб чӀиб#17:4 Йирхьуб юкӀна саб чӀиб: тахминан 3 метр. ягълишин али сарна-сарди элегру эскер удучӀву. 5Дугъан кӀулʼин кемшрин хункӀ алийи, ва дугъʼин балугъин пулсиб ва хьуд агъзурихьна шекел#17:5 Хьуд агъзурихьна шекел: тахминан 55 килограмм. гъагъ айи занаг палат алабхьнайи. 6Дугъан ликар кемшрин гъапгъари уьрхюрайи, ва дугъан гъюнихъ кемшрин жикъи жида хъебхнайи. 7Дугъан ярхи жидайин маргъ ир убхру дуркьарин мухьсиб вуйи, хъа дидʼин али рукьан кӀакӀнаан йирхьудварж шекел#17:7 Йирхьудварж шекел: тахминан 7 килограмм. гъагъ гъюйи. Дугъан улихьди гъалхан хрур гъюрайи.
8Израилин кьушмин улихь дийигъну, Голиафди гъапи:
– Учву дявдиз гьаз дийигъначва? Узу – филистим, хъа учву Саулин лукӀар дарин дарш? Узухъди сарна-сарди кчӀихуз фуж-вуш сар гъядягъяй. 9Эгер думу узʼин гъалиб гъахьиш ва узу йивну гъакӀиш, учу ичв лукӀар хьидича. Хъа узу дугъʼин гъалиб гъахьиш ва узу думу йивну гъакӀиш, учву ич лукӀар хьидичва ва учуз гъуллугъ апӀидичва.
10Хъана филистимди гъапи:
– Гьамусяаьтна узу израилин кьушумдик кярхюнза! Узухъди кчӀихуз шлу адми чавай узуз.
11Филистимдин гьаму гафар гъеерхьиган, Саулиз ва израилариз гучӀ гъабхьи, дурарик гъалабулугъ кабхъу.
12Давуд Ягьудайин Вифлеемдиан вуйи эфратлу Ессейин бай вуйи. Ессейихъ миржир бай хъайи. Саули паччагьвал апӀруган, Ессе лапра кьаби духьнайи. 13Дугъан аьхюну шубур бай Саулихъди сатӀиди дявдиз гъушнийи. Дурарикан аьхюнуриз Элиав кӀуйи, кьюрпириз – Авинадав, шубурпириз – Шамма. 14Давуд чвйирикан бицӀинур вуйи. Шубур чве Саулихъди гъушнийи, 15хъа Давуд вахт вахтарик Саулин бинайилан Вифлеемдиз адашдин марччарин лиж уьбхюз гъягъюйи. 16Филистим ягъчӀвур йигъан хъади-хъади гвачӀнинганра, хябяхъганра израиларин улихьна удучӀвуйи ва дийигъуйи.
17Ессейи чан бай Давуддиз гъапи:
– Саб эфа#17:17 Эфа: тахминан 22 литр, яни тахминан 10 килограмм. гъубцу дяхин ва гьаму йицӀуб уьл гъадагъ ва тядиди бинайиина яв чвйирихьна гъайих. 18Хъа гьаму нисун йицӀуб кӀикк дурарин агъзур эскрин аьхюриз тув. Чвйирин сагъвал фици вуш, ва дурарихьан увухьди, узуз дурар ужуйи вуйивал аьгъю хьпан бадали, фукӀа абкъин. 19Яв чвйири Саулихъди ва имбу израиларихъди сатӀиди Эла дерейиъ филистимарихъди дяви апӀура.
20Давуд гвачӀнин ухди гъудужву, дугъу марччар жара марччлихъниз табшурмиш гъапӀу, ва, Ессейи чаз амур гъапӀганси, савкьатар гъадагъну, рякъюъ учӀву. Думу бинайиз гъафиган, кьушум женгназ гьязур шулайи, женгназ дихар ерхьурайи. 21Израилар ва филистимар чиб-чпиз къаршуди дийигънайи. 22Давуд, чахь хьайи гъагъ бинайин гъаравларихь гъибтну, кьушмихьна гъажаргъу, ва дугъу чвйириз салам туву.
23Дугъу дурарихъди гафар апӀури имиди, филистимарин жергйириан Гъатдиан вуйи филистим, Голиаф ччвур алир, удучӀву ва чан улхбар текрар гъапӀу. Давуддиз дугъу кӀуруб ебхьурайи. 24Голиаф гъяркъиган, вари израилар гучӀ дубхьну гьергнийи. 25Дурари сари сариз гъапи:
– Улихьна удучӀву гьатму адми рякъюрачвуз? Думу чан улхбариинди Израилик кярхюз улихь удучӀвна. Шли думу йивну гъакӀиш, паччагьди дугъаз зурба девлет пешкеш апӀиди, чан риш хпирди тувди, хъа дугъан хизан Израилиъ харжариккан азад вуйиб апӀиди.
26Давудди багахь дийигънайи адмийирихьан хъана гьерху:
– Гьаму филистим йивну гъакӀириз ва Израилилан аьйиб алдабгъуриз фициб пешкеш хьибди? Фуж ву, дугъриданна, гьаму ккадрабтӀу филистим, гьарган чӀиви Заанурин кьушмик гьамци кярхюз?
27Адмийири дугъаз гьамциб жаваб туву:
– Магьа шли думу йивну гъакӀиш, дугъаз гьамциб пешкеш ккилибгура.
28Элиавдиз, Давуддин аьхюну чвуччвуз, дугъу багахь хьайидарихъди фици гафар апӀураш деебхьну, Давуддикан хъял гъафи, ва дугъу гъапи:
– Уву мина гьаз гъафунва? ИчӀи чюлиъ уву ихь марччар, ихь бицӀи сюри шлихь гъитунва? Уву аьхю гафар апӀрур вуйивал ва, яв фициб нягьякь хасият вуш, узуз аьгъязуз. Уву анжагъ кчӀихбаз лигуз гъафунва.
29Давудди наразивал улупу:
– Узу фу дициб гъапӀну? Гьерхузра хай шулдарин?
30Жара касдихьна илтӀикӀну, дугъу хъана гьадму суал туву, ва адмийири дугъаз хъана гьациб жаваб тувуйи.
31Гьадму арайиъ Давуддин гафар Саулиз ктиту, ва дугъу Давуддиз чахьна дих апӀуз гъиту. 32Давудди Саулиз гъапи:
– Гьаму филистимдихъантина гъит гьич саринра рюгь ис адрабхъри. Яв лукӀ гъягъиди ва дугъахъди кчӀихиди.
33Саули Давуддиз жаваб туву:
– Увхьан гьаму филистимдиз къаршуди удучӀвуз ва дугъахъди кчӀихуз хьибдарвухьан. Уву бицӀи бай вува, хъа думу живанвалихъанмина эскер ву.
34Амма Давудди Саулиз жаваб туву:
– Яв лукӀраз адашдин марччарихъ гъягъюб хайлин алабхъну. Аслан вая швеъ дуфну, сюрийиан марчч гьитӀибкӀру вахтарра шуйи. 35Думуган узу дидихъ хъергуйза, дидʼин алархьуйза ва дидин ушвнигъян хюч гъючӀюбгъюйза. Хъа эгер думу узʼин алабхьиш, узу дидин гардандиан ичӀихуйза ва думу йивну йибкӀуйза. 36Яв лукӀраз асланарра, швеэрра йивну йихуб алабхъну. Гьарган чӀиви Заанурин кьушмик гьамци кярхрайи гьаму ккадрабтӀу филистимра дюм-дюз гьаци йивну йикӀидиза.
37Ва Давудди хъана гъапи:
– Асланарихьан ва швеэрихьан узу гъюрхю РАББИЙИ узу гьаму филистимдихьанра уьрхиди.
Саули Давуддиз гъапи:
– Гъарах, увухъди РАББИРА хъади ишри.
38Ва дугъу Давуддиин чан дявдин палтар алахьу, дугъан кӀулʼин чан кемшрин хункӀ улубкӀу ва занаг палат алабхьу. 39Дявдин палтарин зиълан Давудди дугъан тур гьидибтӀу. Гъягъюз чалишмиш духьну (думу дявдин палтар алахьури вердиш дайи аьхир), Давудди Саулиз гъапи:
– Му палтар алди узхьан гъягъюз шулдарзухьан, вердишди дарза.
Гьадрар вари чаллан илдитну, 40дугъу чан маргъ гъадабгъу, гъярʼан хьуб сакӀли гъван гъюдюхю, дурар чан марччлихънин иржаъ иву, чӀвегьент гъадабгъу, ва Давуд филистимдиз машна-машди гъушу.
41Филистим, чан гъалхан гъабхрурра хъади, явашди Давуддиз багахь хьуз хъюгъю. 42Давуд дяркъну, Голиафди Давуддихьан чаз фукӀа апӀуз хьибдар кӀуру фикир гъапӀу: думу уччву ва уьру гарцӀлар кайи живан бай вуйи. 43Филистимди Давуддиз гъапи:
– Узу ху вуйин? Уву узʼина маргъ хьади гьаз гъюрава?
Ва филистимди Давуд чан бутарин ччвурарихъан агьнакк ккау. 44Дугъу Давуддиз гъапи:
– Гъач йиз багахьна, ва узу яв жан заварин ничхрариз ва чӀурдин вягьшйириз туварза.
45Давудди филистимдиз жаваб туву:
– Уву узʼина тур ва жида хьади гъюрава, хъа узу увʼина уву нянайикк ккау Заварин Кьувватарин Аьхюрин, Израилин кьушмарин РАББИЙИН, ччвурнахъан гъюраза. 46Ав, гъи РАББИЙИ уву йиз хилариз тувди. Узу уву йивну йикӀидиза ва яв кӀул алдабтӀидиза, хъа филистим эскрарин майтар заварин ничхрариз ва жилин вягьши гьяйванатариз кячӀяргъюз тувдиза. Вари дюнʼяйиз Израилиъ Заанур айивал рябкъиди. 47Гьамушвахь дийигънайидариз варидиз рябкъиди: РАББИЙИ турихъди ва жидайихъди уьрхюрдар, амма кчӀихбан аьхир РАББИЙИЛАН асиллу ву. Дугъу учву ич хилариз тувди.
48Филистим чахьна багахь шули имиди, Давуд кчӀихру йишвахьна, дугъаз машна-машди чкиди гъажаргъу. 49Иржаъ хил убччвну, дугъу дидʼан гъван адабгъу, думу, чӀвегьентигъ гъивну, гатӀабхьу, гъван филистимдин унтӀан гьацӀкьялак кубкӀу. Гъванди келле гъюбгъю, ва филистим маш исизди жилиинди ккадарку. 50Гьаци, тур хьадарди, чӀегьентиинди ва гъвандиинди Давудди филистим ккагъу, дугъу думу ккадарку ва йивну гъакӀи.
51Хъасин думу филистимдихьна гъажаргъу, дугъан багахь дийигъу ва, дугъан тур халариан уьчӀюбгъну, думу бегьемди йивну гъакӀи ва дугъан кӀул алдабтӀу.
Чпин пягьливан йивну гъакӀиб гъябкъиган, филистимар гьергуз хъюгъю. 52Думу вахтна израилар ва ягьудар, чӀигъар апӀури, тап Гъатдихъна ва Экрондин урнарихъна филистимарихъ хъергу. Шаараимдиз вуйи рякъ тап Гъатдихъна ва Экрондихъна филистимарин майтари абцӀнайи. 53Кьяляхъ хъадаркиган, израилари филистимарин бина тӀараш гъапӀу. 54Давудди филистимдин кӀул чахьди гъадабгъу ва думу Ерусалимдиз гъубху, хъа дугъан яракь чан чадрайикк гъибту.
Давуд Саулиз улупуру
55Давуд филистимдихъди кчӀихбаз фици гъягъюраш рякъюри, Саули Авнерихьан, чан кьушмин аьхюрихьан, гьерху:
– Авнер, гьатму живан шлин бай ву?
Авнери жаваб туву:
– Яв уьмриинди ху апӀурза, паччагь, узуз аьгъдарзуз.
56Паччагьди гъапи:
– Гьатму живан шлин бай вуш, аьгъю апӀин ари.
57Ва Давуд филистимдиин гъалиб гъахьиган, Авнери думу Саулихьна хъади гъафи. Давудди хлиъ филистимдин кӀул дибиснайи. 58Саули дугъхьан гьерху:
– Уву шлин бай вува, живан?
Ва Давудди жаваб туву:
– Вифлеемдиан вуйи яв лукӀ Ессейин бай.
© Институт перевода Библии, 2010, 2013, 2016, 2018, 2023