Паччагьлугъар-1 16
16
Давуддикан паччагьвалиина зейтундин ччим ктатну
1РАББИЙИ Шамуилиз гъапну:
– Саулин кьаназ дерд зигури гъуздива? Узу думу ярхла гъапӀунза – думу сарун Израилин паччагь хьидар! Зейтундин ччимдихъди кӀарч абцӀ ва рякъюъ учӀв – Узу уву Вифлеемдиан вуйи Ессейихьна гьаъраза. Дугъан баярикан сар паччагь апӀуз ктагъунза.
2– Узу фици гъягъиди? – гьерху Шамуили. – Эгер Саулиз дидкан аьгъю гъабхьиш, узу йивну йикӀиди!
РАББИЙИ гъапи:
– Увухъди личӀ гъайибх ва йип: «Узу РАББИЙИЗ гъурбан апӀуз гъафунза». 3Гъурбан апӀбаъ иштирак хьуз Ессейизра теклиф апӀин, хъа Узу, уву фу дапӀну ккундуш, мялум апӀидизавуз, ва уву, фуж Узу улупиш, Узу бадали гьадгъукан ччим ктатидива.
4Шамуили, чаз РАББИЙИ амур гъапӀганси, гъапӀу. Думу Вифлеемдиз гъафиган, аьхюдар гъалабулугъ кади дугъан улихьна удучӀву.
– Ислягьвалиинди уву учухьна гъафунва? – гьерху дурари.
5– Ислягьвалиинди, – жаваб туву дугъу. – Узу РАББИЙИЗ гъурбан апӀуз гъафунза. Ичв марццишин апӀинай – сатӀиди гъурбан апӀидихьа.
Дугъу Ессейин баярихьди чпин марццишин апӀуз гъиту ва дурариз гъурбан апӀбаъ иштирак хьуз дих гъапӀу. 6Дурар гъафиган, Шамуилиз Элиав гъяркъю, ва Шамуили фикир гъапӀу: «РАББИЙИ ччим кадатрур гьаму вухьиди!» 7Амма РАББИЙИ дугъаз гъапи:
– Дугъан зиълан рябкъювализ ва ягълишназ милиган; Узу думу ярхла апӀурза. Узу адми лигруганси лигурдарза аьхир: адми зиълан рябкъювализ, хъа РАББИ кӀваз лигуру.
8Ессейи Авинадавдиз дих гъапӀу ва Шамуилихьна хъади гъафи.
– РАББИЙИ мунур ктагъундар, – гъапи Шамуили.
9Ессейи Шамма хъади гъафи.
– РАББИЙИ мунур ктагъундар, – гъапи Шамуили.
10Ессейи чан ургур бай хъади гъафи, амма дугъу гъапи:
– РАББИЙИ мурар ктагъундар.
11Думуган Шамуили Ессейихьан гьерху:
– Увухъ сарун баяр хътарвухъ?
Дугъу жаваб туву:
– Сарсана айиз, бицӀинур. Думу гьамусяаьтна марччарихъ хъа.
Шамуили Ессейиз гъапи:
– Гьадму хъади гъюри. Думу дарфикьан гагьди, ухьу суфрайихъ деидархьа.
12Ессейи бай хъади гъюз гьау, ва думу хъади гъафи: думу уьру гарцӀлар кайир, кӀваз хуш шлур ва уччвудар улар айир вуйи.
– Гьаму думу ву, – гъапи РАББИЙИ, – гъудужв ва дугъкан ччим кадат.
13Шамуили ччим айи кӀарч гъадабгъу ва, дугъан чвйирра хьади, дугъкан ччим кадату. Гьадму йигъан Давуддиин РАББИЙИН Рюгь алабхъу. Хъа Шамуил Рамайиз хътарку.
14Гьадму вахтна Саулиан РАББИЙИН Рюгь удубчӀвнийи, ва РАББИЙИН амриинди пис жинди дугъаз аьзабар тувуз хъюгънийи.
15Думуган Саулихьна дугъан везирар илтӀикӀу:
– Заанурин амриинди пис жинди увуз аьзабар тувраш, 16гъит ич жанабийи чан улихь дийигънайи чан лукӀариз лирайиин#16:16 Лира: симар али аьхю дару мукьмар йивру алат. мукьмар йивуз аьгъю кьавал агуз амур апӀри. Ва увʼин Заанурин амриинди пис жин алабхънайиган, кьавли чан мукьмариинди яв аьзиятар пчӀу апӀиди.
17Саули амур гъапӀу:
– Лирайиин ужуйи мукьмар йивру кьавал агай узуз ва узухьна акъинай думу.
18Сар гъаравашди гъапи:
– Узуз дицир аьгъязуз. Думу Вифлеемдиан вуйи Ессейин бай ву. Дугъаз мукьмар йивуз аьгъя. Дидланна савайи, думу кӀубан, гучӀ аьгъдру эскер, фикир апӀрур ва лигуз-рякъюз ранг алир ву – дугъахъди РАББИ хъа.
19Саули Ессейихьна гьамциб амриинди чархачйир гьау:
– Узухьна Давуд, марччарихъ хъайи яв бай, гьаъ.
20Ессейи даждиин уьл, чяхир айи ирж иливу, саб мудур гъадабгъу ва, вари гьамрар чан бай Давуддихьна тувну, думу Саулихьна гьау.
21Давуд Саулихьна гъафи ва дугъаз гъуллугъ апӀуз хъюгъю. Саулиз думу гизаф ккун гъахьну ва чан яракь хрурди деркку. 22Саули Ессейиз гьамцдар гафар хътауз амур гъапӀу:
– Гъит Давудди узухь гъуллугъ апӀри. Думу узуз кӀваантӀан кьабул гъахьунзуз.
23Саулиин Заанурин амриинди пис жин алабхъиган, Давудди чюнгюр хлиз гъадабгъуйи ва мукьмар йивуйи, ва Саулиз рягьят шуйи, ва пис жин дугълан улдубчӀвуйи.
© Институт перевода Библии, 2010, 2013, 2016, 2018, 2023
Паччагьлугъар-1 16
16
Давуддикан паччагьвалиина зейтундин ччим ктатну
1РАББИЙИ Шамуилиз гъапну:
– Саулин кьаназ дерд зигури гъуздива? Узу думу ярхла гъапӀунза – думу сарун Израилин паччагь хьидар! Зейтундин ччимдихъди кӀарч абцӀ ва рякъюъ учӀв – Узу уву Вифлеемдиан вуйи Ессейихьна гьаъраза. Дугъан баярикан сар паччагь апӀуз ктагъунза.
2– Узу фици гъягъиди? – гьерху Шамуили. – Эгер Саулиз дидкан аьгъю гъабхьиш, узу йивну йикӀиди!
РАББИЙИ гъапи:
– Увухъди личӀ гъайибх ва йип: «Узу РАББИЙИЗ гъурбан апӀуз гъафунза». 3Гъурбан апӀбаъ иштирак хьуз Ессейизра теклиф апӀин, хъа Узу, уву фу дапӀну ккундуш, мялум апӀидизавуз, ва уву, фуж Узу улупиш, Узу бадали гьадгъукан ччим ктатидива.
4Шамуили, чаз РАББИЙИ амур гъапӀганси, гъапӀу. Думу Вифлеемдиз гъафиган, аьхюдар гъалабулугъ кади дугъан улихьна удучӀву.
– Ислягьвалиинди уву учухьна гъафунва? – гьерху дурари.
5– Ислягьвалиинди, – жаваб туву дугъу. – Узу РАББИЙИЗ гъурбан апӀуз гъафунза. Ичв марццишин апӀинай – сатӀиди гъурбан апӀидихьа.
Дугъу Ессейин баярихьди чпин марццишин апӀуз гъиту ва дурариз гъурбан апӀбаъ иштирак хьуз дих гъапӀу. 6Дурар гъафиган, Шамуилиз Элиав гъяркъю, ва Шамуили фикир гъапӀу: «РАББИЙИ ччим кадатрур гьаму вухьиди!» 7Амма РАББИЙИ дугъаз гъапи:
– Дугъан зиълан рябкъювализ ва ягълишназ милиган; Узу думу ярхла апӀурза. Узу адми лигруганси лигурдарза аьхир: адми зиълан рябкъювализ, хъа РАББИ кӀваз лигуру.
8Ессейи Авинадавдиз дих гъапӀу ва Шамуилихьна хъади гъафи.
– РАББИЙИ мунур ктагъундар, – гъапи Шамуили.
9Ессейи Шамма хъади гъафи.
– РАББИЙИ мунур ктагъундар, – гъапи Шамуили.
10Ессейи чан ургур бай хъади гъафи, амма дугъу гъапи:
– РАББИЙИ мурар ктагъундар.
11Думуган Шамуили Ессейихьан гьерху:
– Увухъ сарун баяр хътарвухъ?
Дугъу жаваб туву:
– Сарсана айиз, бицӀинур. Думу гьамусяаьтна марччарихъ хъа.
Шамуили Ессейиз гъапи:
– Гьадму хъади гъюри. Думу дарфикьан гагьди, ухьу суфрайихъ деидархьа.
12Ессейи бай хъади гъюз гьау, ва думу хъади гъафи: думу уьру гарцӀлар кайир, кӀваз хуш шлур ва уччвудар улар айир вуйи.
– Гьаму думу ву, – гъапи РАББИЙИ, – гъудужв ва дугъкан ччим кадат.
13Шамуили ччим айи кӀарч гъадабгъу ва, дугъан чвйирра хьади, дугъкан ччим кадату. Гьадму йигъан Давуддиин РАББИЙИН Рюгь алабхъу. Хъа Шамуил Рамайиз хътарку.
14Гьадму вахтна Саулиан РАББИЙИН Рюгь удубчӀвнийи, ва РАББИЙИН амриинди пис жинди дугъаз аьзабар тувуз хъюгънийи.
15Думуган Саулихьна дугъан везирар илтӀикӀу:
– Заанурин амриинди пис жинди увуз аьзабар тувраш, 16гъит ич жанабийи чан улихь дийигънайи чан лукӀариз лирайиин#16:16 Лира: симар али аьхю дару мукьмар йивру алат. мукьмар йивуз аьгъю кьавал агуз амур апӀри. Ва увʼин Заанурин амриинди пис жин алабхънайиган, кьавли чан мукьмариинди яв аьзиятар пчӀу апӀиди.
17Саули амур гъапӀу:
– Лирайиин ужуйи мукьмар йивру кьавал агай узуз ва узухьна акъинай думу.
18Сар гъаравашди гъапи:
– Узуз дицир аьгъязуз. Думу Вифлеемдиан вуйи Ессейин бай ву. Дугъаз мукьмар йивуз аьгъя. Дидланна савайи, думу кӀубан, гучӀ аьгъдру эскер, фикир апӀрур ва лигуз-рякъюз ранг алир ву – дугъахъди РАББИ хъа.
19Саули Ессейихьна гьамциб амриинди чархачйир гьау:
– Узухьна Давуд, марччарихъ хъайи яв бай, гьаъ.
20Ессейи даждиин уьл, чяхир айи ирж иливу, саб мудур гъадабгъу ва, вари гьамрар чан бай Давуддихьна тувну, думу Саулихьна гьау.
21Давуд Саулихьна гъафи ва дугъаз гъуллугъ апӀуз хъюгъю. Саулиз думу гизаф ккун гъахьну ва чан яракь хрурди деркку. 22Саули Ессейиз гьамцдар гафар хътауз амур гъапӀу:
– Гъит Давудди узухь гъуллугъ апӀри. Думу узуз кӀваантӀан кьабул гъахьунзуз.
23Саулиин Заанурин амриинди пис жин алабхъиган, Давудди чюнгюр хлиз гъадабгъуйи ва мукьмар йивуйи, ва Саулиз рягьят шуйи, ва пис жин дугълан улдубчӀвуйи.
© Институт перевода Библии, 2010, 2013, 2016, 2018, 2023