Tegnum 10
10
Petus Hab Kaunelius
1Nyob huv lub nroog Xixaleyas, muaj ib tug txivneej hu ua Kaunelius, nwg yog tsaav tuabneeg Loos ib tug thawj tubrog pawg pua, kws saib paab tubrog hu ua “Cov Tuabneeg Italis Paab.” 2Nwg yog ib tug kws fwm Vaajtswv, nwg hab nwg tsev tuabneeg puavleej pehawm Vaajtswv. Nwg txeev paab cov tuabneeg Yudais kws txomnyem, hab nwg thov Vaajtswv tsi tuncua. 3Muaj ib nub kwvlaam le thaus peb teev yaav nubqaij, nwg txawm ua ywgtoog hab pum Vaajtswv ib tug timtswv meej nplhav lug rua ntawm nwg hab has tas, “Kaunelius!”
4Kaunelius saibntsoov tug timtswv ntawd hab ntshai kawg le; nwg txawm nug tug timtswv has tas, “Tug Tswv, koj has dlaabtsi?”
Tug timtswv teb tas, “Vaajtswv tub nov koj tej lug thov hab pum tej kws koj muab pub rua cov tuabneeg txomnyem lawm. 5Zagnua, koj cale khaiv tuabneeg moog huv lub nroog Yaupas, moog coj Ximoos tug kws hu ua Petus tuaj rua ntawm nuav. 6Nwg nyob huv Ximoos tug kws luam tawv tsaj lub tsev, kws yog nyob ntawm ntug havtxwv.” 7Thaus Vaajtswv tug timtswv moog lawm, Kaunelius txawm hu ob tug tubkhai hab ib tug tubrog kws fwm Vaajtswv kws najnub ua num rua nwg lug cuag nwg. 8Nwg pav tej kws nwg pum huv tuabsi rua puab, hab khaiv puab moog rua huv lub nroog Yaupas.
9Nub tomqaab kws puab peb tug ntawd taabtom moog yuav txug lub nroog Yaupas, thaus taavsu, Petus nce moog rua sau ruvtsev, txheej tsev laagtshaav, kws yog moog thov Vaajtswv. 10Nwg txawm tshaib plaab hab nwg xaav noj mov; thaus puab tseem taabtom ua su noj, nwg txawm ua ywgtoog. 11Nwg pum roojntug qheb hab muaj ib yaam zoole dlaim ntaub dlaav-dlaav, muaj hlua khi plaub cegkaum tso dlauv sau ntuj lug rua huv nplajteb. 12Nyob huv dlaim ntaub ntawd muaj txhua yaam tsaj, muaj naab, naabqaa, vaubkib hab tej noog sau nruabntug. 13Tes txawm muaj ib lub suab has rua Petus has tas, “Petus, koj cale sawv hab muab tua noj!”
14Tabsis Petus has tas, “Tsi tau, tug Tswv! Kuv yeej ibtxwm tsi noj tej kws txuj kevcai has tas tsi huv lossis txwv tsi pub noj.”
15Lub suab ntawd txawm rov has dlua rua nwg has tas, “Tej kws Vaajtswv has tas huv lawm, koj tsi xob suav has tas tsi huv.” 16Muaj le ntawd txug peb zag, tes dlaim ntaub ntawd txawm rov rua sau ntuj lawm.
17Thaus Petus tseem taabtom xaav txug lub ntsablug ntawm zaaj kws nwg ua ywgtoog pum ntawd, tes peb tug txivneej kws Kaunelius khaiv tuaj, puab tub tuaj nrhav tau Ximoos lub tsev hab sawv saabnrau lub roojvaag. 18Puab txawm hu hab nug tas tug txivneej kws hu ua Ximoos Petus puas nyob huv lub tsev ntawd.
19Thaus Petus tseem taabtom xaav txug zaaj kws nwg ua ywgtoog pum ntawd, Vaaj Ntsujplig txawm has rua Petus has tas, “Koj saib, muaj peb tug#10:19: peb tug; tej phoo ntawv qub kws xuas teg sau, muaj tug puav; muaj ib phoo qub has tas ob tug. txivneej tuaj nrhav koj. 20Cale sawv hab nqeg moog rua txheej huv. Tsi xob xaav lecaag, cale nrug puab moog, ruaqhov tub yog Kuv khaiv puab tuaj.” 21Petus txhaj nqeg rua txheej huv hab nwg has rua puab has tas, “Kuv yog tug kws mej tuaj nrhav ntaag; mej tuaj nrhav kuv ua dlaabtsi?”
22Puab teb tas, “Tug thawj tubrog pawg pua, kws yog Kaunelius khaiv peb tuaj. Nwg yog ib tug tuabneeg ncaajnceeg hab fwm Vaajtswv heev, cov Yudais suavdlawg puavleej fwm nwg. Vaajtswv ib tug timtswv lug has rua nwg kuas tuaj caw koj moog rua tom nwg tsev, sub nwg txhaj yuav tau nov tej kws koj qha.” 23Tes Petus txawm caw cov txivneej ntawd lug huv tsev hab kuas puab pw ntawd ib mos.
Nub tomqaab Petus txawm nrug puab moog; hab cov ntseeg kws nyob huv lub nroog Yaupas muaj qeeleej nrug nwg moog hab. 24Ib nub tomqaab ntawd ntxiv hab, nwg maamle moog txug huv lub nroog Xixaleyas. Kaunelius tub hu tej kwvtij neejtsaa hab tej phoojywg tuaj nyob tog Petus lawm. 25Thaus Petus tseem taabtom yuav nkaag moog rua huv tsev, Kaunelius txawm tawm tuaj txaistog Petus; nwg txhuscaug ndlua ntawm Petus kutaw hab hawm. 26Tabsis Petus tsaa kag Kaunelius sawv hab has tas, “Cale sawv! Kuv yog tuabneeg ib yaam le koj hab xwb.”
27Petus txawm nrug Kaunelius sisthaam hab nkaag moog rua huv tsev, nwg pum muaj tuabneeg coob-coob tub tuaj nyob uake rua huv lawm. 28Nwg has rua cov tuabneeg ntawd has tas, “Mej yeej paub zoo lawm has tas cov Yudais txuj kevcai yeej ibtxwm tsi pub ib tug tuabneeg Yudais moog saib lossis nrug Lwmtsaav Tuabneeg uake, tabsis Vaajtswv tau qha rua kuv has tas kuas kuv tsi xob suav ib leeg twg has tas yog tuabneeg tsi huv. 29Yogle ntawd, thaus mej khaiv tuabneeg tuaj hu kuv, kuv tsi yig le, kuv txhaj cale tuaj. Kuv thov nug seb mej hu kuv tuaj ua dlaabtsi?”
30Kaunelius teb tas, “Plaub nub dlhau lug, tuablub sijhawm le taamsim nuav kws yog thaus peb teev nubqaij, kuv taabtom thov Vaajtswv#10:30: thov Vaajtswv tej phoo ntawv qub kws xuas teg sau, muaj yoo mov thov Vaajtswv. huv kuv tsev. Taamsim ntawd, txawm muaj ib tug txivneej naav rigtsho ci ntsaa-ab lug sawv ntawm kuv hauvntej 31hab has tas, ‘Kaunelius, Vaajtswv tub nov koj tej lug thov hab pum tej kws koj tau muab pub rua cov tuabneeg txomnyem lawm. 32Koj cale khaiv tuabneeg moog nraag lub nroog Yaupas hab moog hu tug txivneej kws muaj npe hu ua Ximoos Petus. Nwg su huv Ximoos tug kws luam tawv tsaj lub tsev kws nyob ntawm ntug havtxwv.’ 33Tes taamsim ntawd kuv txawm khaiv tuabneeg tuaj hu koj, hab koj txaussab hlo tuaj. Taamsim nuav peb suavdlawg lug nyob uake rua ntawm Vaajtswv lub xubndlag, togntsoov noog txhua yaam kws tug Tswv tau qha kuas koj has rua peb.”
Petus Tej Lug Tsuamxeeb
34Petus pib qha rua puab has tas, “Nwgnuav kuv paub tseeb has tas Vaajtswv tsi xaiv leejtwg ntsejmuag. #2Kev 10:17 35Txawm yog tsaav tuabneeg twg los xij, txhua tug kws fwm Vaajtswv hab ua qhov kws dlawbhuv, tes Vaajtswv yeej txaussab yuav. 36Mej tub paub txujlug kws Vaajtswv qha rua cov tuabneeg Yixalayees lawm, kws yog Txuj Moo Zoo has txug txuj kev kaajsab kws muaj nyob rua ntawm Yexus Khetos, tug kws yog suavdlawg tug Tswv. 37Mej tub paub zaaj kws tau tshwmsim nyob thoobplawg tebchaws Yixalayees, kws pib muaj huv xeev Kalilais, tomqaab kws Yauhaas qhuabqha has txug kevcai rausdlej. 38Hab mej paub txug qhov kws Vaajtswv tau pub Vaaj Ntsujplig tug Dlawbhuv hab fwjchim rua Yexus tug kws yog tuabneeg Naxalev lawm. Yexus moog rua txhua qhov chaw, Nwg ua tej dlejnum kws zoo hab khu txhua tug kws nyob huvqaab dlaab ntxwgnyoog lub fwjchim, ruaqhov muaj Vaajtswv nrug Nwg.
39“Peb ua tau timkhawv txug txhua yaam kws Yexus ua huv cov Yixalayees tej zog hab huv lub nroog Yeluxalees. Puab tua Nwg lug ntawm qhov kws muab Nwg ntsa rua sau ntoo khaublig. 40Tabsis peb nub tomqaab, Vaajtswv tsaa Nwg sawv huv qhovtuag rovqaab lug hab Nwg tau lug tshwm rua ib cov pum. 41Tsi yog txhua tug pum, tabsis tsuas yog rua cov ua timkhawv kws Vaajtswv tub xub xaiv ca lawm pum xwb, cov ntawd yog peb cov kws tau nrug Nwg nojhaus uake tomqaab kws Nwg sawv huv qhovtuag lug lawm. 42Hab Nwg xaaj kuas peb moog qha Txuj Moo Zoo rua suavdlawg, hab ua timkhawv qha has tas Nwg yog tug kws Vaajtswv tau tsaa lug ua tug txavtxim rua cov tuabneeg caj hab cov tuabneeg tuag. 43Cov xwbfwb kws cev Vaajtswv lug puavleej has txug Nwg has tas txhua tug kws ntseeg Nwg, Vaajtswv yuav zaam puab lub txim lug ntawm Nwg lub npe kws muaj fwjchim.”
Lwmtsaav Tuabneeg Tau Txais Vaaj Ntsujplig Kws Dlawbhuv
44Thaus Petus tseem taabtom qha, Vaaj Ntsujplig tug Dlawbhuv txawm lug rua sau txhua tug kws noog nwg tej lug qha. 45Cov Yudais kws ntseeg Yexus kws nrug Petus tuaj nraag lub nroog Yaupas tuaj cale xaav tsi thoob txug qhov kws Vaajtswv tau pub Vaaj Ntsujplig tug Dlawbhuv lug rua Lwmtsaav Tuabneeg lawm hab. 46Ruaqhov puab nov cov tuabneeg ntawd has tau lug txawv-txawv, hab qhuas has tas Vaajtswv yog tug kws zoo kawg nkaus. Petus has tas, 47“Cov tuabneeg nuav tub tau txais Vaaj Ntsujplig tug Dlawbhuv ib yaam le peb tau txais lawm. Leejtwg tseem yuav txwv tsi pub muab cov tuabneeg nuav ua kevcai rausdlej hab?” 48Yogle ntawd, Petus txhaj kuas puab ua kevcai rausdlej lug ntawm Yexus Khetos lub npe. Puab txhaj thov kuas nwg nrug puab nyob ob-peb nub ntxiv.
© 2022 United Bible Societies. All rights reserved.
Tegnum 10
10
Petus Hab Kaunelius
1Nyob huv lub nroog Xixaleyas, muaj ib tug txivneej hu ua Kaunelius, nwg yog tsaav tuabneeg Loos ib tug thawj tubrog pawg pua, kws saib paab tubrog hu ua “Cov Tuabneeg Italis Paab.” 2Nwg yog ib tug kws fwm Vaajtswv, nwg hab nwg tsev tuabneeg puavleej pehawm Vaajtswv. Nwg txeev paab cov tuabneeg Yudais kws txomnyem, hab nwg thov Vaajtswv tsi tuncua. 3Muaj ib nub kwvlaam le thaus peb teev yaav nubqaij, nwg txawm ua ywgtoog hab pum Vaajtswv ib tug timtswv meej nplhav lug rua ntawm nwg hab has tas, “Kaunelius!”
4Kaunelius saibntsoov tug timtswv ntawd hab ntshai kawg le; nwg txawm nug tug timtswv has tas, “Tug Tswv, koj has dlaabtsi?”
Tug timtswv teb tas, “Vaajtswv tub nov koj tej lug thov hab pum tej kws koj muab pub rua cov tuabneeg txomnyem lawm. 5Zagnua, koj cale khaiv tuabneeg moog huv lub nroog Yaupas, moog coj Ximoos tug kws hu ua Petus tuaj rua ntawm nuav. 6Nwg nyob huv Ximoos tug kws luam tawv tsaj lub tsev, kws yog nyob ntawm ntug havtxwv.” 7Thaus Vaajtswv tug timtswv moog lawm, Kaunelius txawm hu ob tug tubkhai hab ib tug tubrog kws fwm Vaajtswv kws najnub ua num rua nwg lug cuag nwg. 8Nwg pav tej kws nwg pum huv tuabsi rua puab, hab khaiv puab moog rua huv lub nroog Yaupas.
9Nub tomqaab kws puab peb tug ntawd taabtom moog yuav txug lub nroog Yaupas, thaus taavsu, Petus nce moog rua sau ruvtsev, txheej tsev laagtshaav, kws yog moog thov Vaajtswv. 10Nwg txawm tshaib plaab hab nwg xaav noj mov; thaus puab tseem taabtom ua su noj, nwg txawm ua ywgtoog. 11Nwg pum roojntug qheb hab muaj ib yaam zoole dlaim ntaub dlaav-dlaav, muaj hlua khi plaub cegkaum tso dlauv sau ntuj lug rua huv nplajteb. 12Nyob huv dlaim ntaub ntawd muaj txhua yaam tsaj, muaj naab, naabqaa, vaubkib hab tej noog sau nruabntug. 13Tes txawm muaj ib lub suab has rua Petus has tas, “Petus, koj cale sawv hab muab tua noj!”
14Tabsis Petus has tas, “Tsi tau, tug Tswv! Kuv yeej ibtxwm tsi noj tej kws txuj kevcai has tas tsi huv lossis txwv tsi pub noj.”
15Lub suab ntawd txawm rov has dlua rua nwg has tas, “Tej kws Vaajtswv has tas huv lawm, koj tsi xob suav has tas tsi huv.” 16Muaj le ntawd txug peb zag, tes dlaim ntaub ntawd txawm rov rua sau ntuj lawm.
17Thaus Petus tseem taabtom xaav txug lub ntsablug ntawm zaaj kws nwg ua ywgtoog pum ntawd, tes peb tug txivneej kws Kaunelius khaiv tuaj, puab tub tuaj nrhav tau Ximoos lub tsev hab sawv saabnrau lub roojvaag. 18Puab txawm hu hab nug tas tug txivneej kws hu ua Ximoos Petus puas nyob huv lub tsev ntawd.
19Thaus Petus tseem taabtom xaav txug zaaj kws nwg ua ywgtoog pum ntawd, Vaaj Ntsujplig txawm has rua Petus has tas, “Koj saib, muaj peb tug#10:19: peb tug; tej phoo ntawv qub kws xuas teg sau, muaj tug puav; muaj ib phoo qub has tas ob tug. txivneej tuaj nrhav koj. 20Cale sawv hab nqeg moog rua txheej huv. Tsi xob xaav lecaag, cale nrug puab moog, ruaqhov tub yog Kuv khaiv puab tuaj.” 21Petus txhaj nqeg rua txheej huv hab nwg has rua puab has tas, “Kuv yog tug kws mej tuaj nrhav ntaag; mej tuaj nrhav kuv ua dlaabtsi?”
22Puab teb tas, “Tug thawj tubrog pawg pua, kws yog Kaunelius khaiv peb tuaj. Nwg yog ib tug tuabneeg ncaajnceeg hab fwm Vaajtswv heev, cov Yudais suavdlawg puavleej fwm nwg. Vaajtswv ib tug timtswv lug has rua nwg kuas tuaj caw koj moog rua tom nwg tsev, sub nwg txhaj yuav tau nov tej kws koj qha.” 23Tes Petus txawm caw cov txivneej ntawd lug huv tsev hab kuas puab pw ntawd ib mos.
Nub tomqaab Petus txawm nrug puab moog; hab cov ntseeg kws nyob huv lub nroog Yaupas muaj qeeleej nrug nwg moog hab. 24Ib nub tomqaab ntawd ntxiv hab, nwg maamle moog txug huv lub nroog Xixaleyas. Kaunelius tub hu tej kwvtij neejtsaa hab tej phoojywg tuaj nyob tog Petus lawm. 25Thaus Petus tseem taabtom yuav nkaag moog rua huv tsev, Kaunelius txawm tawm tuaj txaistog Petus; nwg txhuscaug ndlua ntawm Petus kutaw hab hawm. 26Tabsis Petus tsaa kag Kaunelius sawv hab has tas, “Cale sawv! Kuv yog tuabneeg ib yaam le koj hab xwb.”
27Petus txawm nrug Kaunelius sisthaam hab nkaag moog rua huv tsev, nwg pum muaj tuabneeg coob-coob tub tuaj nyob uake rua huv lawm. 28Nwg has rua cov tuabneeg ntawd has tas, “Mej yeej paub zoo lawm has tas cov Yudais txuj kevcai yeej ibtxwm tsi pub ib tug tuabneeg Yudais moog saib lossis nrug Lwmtsaav Tuabneeg uake, tabsis Vaajtswv tau qha rua kuv has tas kuas kuv tsi xob suav ib leeg twg has tas yog tuabneeg tsi huv. 29Yogle ntawd, thaus mej khaiv tuabneeg tuaj hu kuv, kuv tsi yig le, kuv txhaj cale tuaj. Kuv thov nug seb mej hu kuv tuaj ua dlaabtsi?”
30Kaunelius teb tas, “Plaub nub dlhau lug, tuablub sijhawm le taamsim nuav kws yog thaus peb teev nubqaij, kuv taabtom thov Vaajtswv#10:30: thov Vaajtswv tej phoo ntawv qub kws xuas teg sau, muaj yoo mov thov Vaajtswv. huv kuv tsev. Taamsim ntawd, txawm muaj ib tug txivneej naav rigtsho ci ntsaa-ab lug sawv ntawm kuv hauvntej 31hab has tas, ‘Kaunelius, Vaajtswv tub nov koj tej lug thov hab pum tej kws koj tau muab pub rua cov tuabneeg txomnyem lawm. 32Koj cale khaiv tuabneeg moog nraag lub nroog Yaupas hab moog hu tug txivneej kws muaj npe hu ua Ximoos Petus. Nwg su huv Ximoos tug kws luam tawv tsaj lub tsev kws nyob ntawm ntug havtxwv.’ 33Tes taamsim ntawd kuv txawm khaiv tuabneeg tuaj hu koj, hab koj txaussab hlo tuaj. Taamsim nuav peb suavdlawg lug nyob uake rua ntawm Vaajtswv lub xubndlag, togntsoov noog txhua yaam kws tug Tswv tau qha kuas koj has rua peb.”
Petus Tej Lug Tsuamxeeb
34Petus pib qha rua puab has tas, “Nwgnuav kuv paub tseeb has tas Vaajtswv tsi xaiv leejtwg ntsejmuag. #2Kev 10:17 35Txawm yog tsaav tuabneeg twg los xij, txhua tug kws fwm Vaajtswv hab ua qhov kws dlawbhuv, tes Vaajtswv yeej txaussab yuav. 36Mej tub paub txujlug kws Vaajtswv qha rua cov tuabneeg Yixalayees lawm, kws yog Txuj Moo Zoo has txug txuj kev kaajsab kws muaj nyob rua ntawm Yexus Khetos, tug kws yog suavdlawg tug Tswv. 37Mej tub paub zaaj kws tau tshwmsim nyob thoobplawg tebchaws Yixalayees, kws pib muaj huv xeev Kalilais, tomqaab kws Yauhaas qhuabqha has txug kevcai rausdlej. 38Hab mej paub txug qhov kws Vaajtswv tau pub Vaaj Ntsujplig tug Dlawbhuv hab fwjchim rua Yexus tug kws yog tuabneeg Naxalev lawm. Yexus moog rua txhua qhov chaw, Nwg ua tej dlejnum kws zoo hab khu txhua tug kws nyob huvqaab dlaab ntxwgnyoog lub fwjchim, ruaqhov muaj Vaajtswv nrug Nwg.
39“Peb ua tau timkhawv txug txhua yaam kws Yexus ua huv cov Yixalayees tej zog hab huv lub nroog Yeluxalees. Puab tua Nwg lug ntawm qhov kws muab Nwg ntsa rua sau ntoo khaublig. 40Tabsis peb nub tomqaab, Vaajtswv tsaa Nwg sawv huv qhovtuag rovqaab lug hab Nwg tau lug tshwm rua ib cov pum. 41Tsi yog txhua tug pum, tabsis tsuas yog rua cov ua timkhawv kws Vaajtswv tub xub xaiv ca lawm pum xwb, cov ntawd yog peb cov kws tau nrug Nwg nojhaus uake tomqaab kws Nwg sawv huv qhovtuag lug lawm. 42Hab Nwg xaaj kuas peb moog qha Txuj Moo Zoo rua suavdlawg, hab ua timkhawv qha has tas Nwg yog tug kws Vaajtswv tau tsaa lug ua tug txavtxim rua cov tuabneeg caj hab cov tuabneeg tuag. 43Cov xwbfwb kws cev Vaajtswv lug puavleej has txug Nwg has tas txhua tug kws ntseeg Nwg, Vaajtswv yuav zaam puab lub txim lug ntawm Nwg lub npe kws muaj fwjchim.”
Lwmtsaav Tuabneeg Tau Txais Vaaj Ntsujplig Kws Dlawbhuv
44Thaus Petus tseem taabtom qha, Vaaj Ntsujplig tug Dlawbhuv txawm lug rua sau txhua tug kws noog nwg tej lug qha. 45Cov Yudais kws ntseeg Yexus kws nrug Petus tuaj nraag lub nroog Yaupas tuaj cale xaav tsi thoob txug qhov kws Vaajtswv tau pub Vaaj Ntsujplig tug Dlawbhuv lug rua Lwmtsaav Tuabneeg lawm hab. 46Ruaqhov puab nov cov tuabneeg ntawd has tau lug txawv-txawv, hab qhuas has tas Vaajtswv yog tug kws zoo kawg nkaus. Petus has tas, 47“Cov tuabneeg nuav tub tau txais Vaaj Ntsujplig tug Dlawbhuv ib yaam le peb tau txais lawm. Leejtwg tseem yuav txwv tsi pub muab cov tuabneeg nuav ua kevcai rausdlej hab?” 48Yogle ntawd, Petus txhaj kuas puab ua kevcai rausdlej lug ntawm Yexus Khetos lub npe. Puab txhaj thov kuas nwg nrug puab nyob ob-peb nub ntxiv.
© 2022 United Bible Societies. All rights reserved.