Tegnum 11
11
Petus Tshaabxu Rua Pawg Ntseeg Huv Yeluxalees
1Cov timthawj hab cov ntseeg kws nyob txhua qhov huv xeev Yudas nov tas Lwmtsaav Tuabneeg tau lug txais yuav Vaajtswv tej lug lawm hab. 2Thaus Petus rovqaab moog rua sau lub nroog Yeluxalees, cov ntseeg kws ua kevcai txav lawm txawm ywg Petus has tas, 3“Uacaag koj moog rua huv Lwmtsaav Tuabneeg kws tsi ua kevcai txav lub tsev, hab tseem nrug puab noj mov uake hab?” 4Yogle ntawd, Petus txhaj pib pav ntxawg-ntxawg txug txhua yaam kws tau tshwmsim, pib thaus hauvpaug lug:
5“Thaus kuv tseem taabtom thov Vaajtswv nyob huv lub nroog Yaupas, tes kuv txawm ua ywgtoog pum ib yaam zoole dlaim ntaub dlaav-dlaav, muaj hlua khi plaub cegkaum tso dlauv sau ntuj lug rua ntawm kuv. 6Kuv ua tuabzoo saib, kuv pum muaj txhua yaam tsaj, muaj naab, naabqaa, vaubkib hab tej noog sau nruabntug nyob huv dlaim ntaub ntawd. 7Tes kuv txawm nov ib lub suab has rua kuv tas, ‘Petus, koj cale sawv hab muab tua noj!’
8“Tabsis kuv has tas, ‘Tsi tau, tug Tswv! Kuv yeej ibtxwm tsi noj tej kws txuj kevcai has tas tsi huv lossis txwv tsi pub noj.’ 9Lub suab ntawd rov has sau ntuj lug rua kuv has tas, ‘Tej kws Vaajtswv has tas huv lawm, koj tsi xob has tas tsi huv.’ 10Muaj le ntawd txug peb zag, tes dlaim ntaub txawm rov rua sau ntuj lawm.
11“Taamsim ntawd peb tug txivneej kws tau raug khaiv tuaj peg lub nroog Xixaleyas tuaj, txawm tuaj txug huv lub tsev kws kuv su.#11:11: kuv su; tej phoo ntawv qub kws xuas teg sau, muaj peb su. 12Vaaj Ntsujplig has kuas kuv cale nrug puab moog tsi xob xaav lecaag. Tes rau leej kwvtij kws yog cov ntseeg huv lub nroog Yaupas txhaj nrug kuv moog peg lub nroog Xixaleyas, hab peb suavdlawg txawm moog rua huv Kaunelius tsev. 13Kaunelius has rua peb has tas, nwg pum ib tug timtswv ceebtsheej lug sawv huv nwg tsev hab has rua nwg tas, ‘Koj cale khaiv tuabneeg moog nraag lub nroog Yaupas hab moog hu tug txivneej kws muaj npe hu ua Ximoos Petus. 14Nwg yuav qha tej lug kws cawm koj hab koj tsev tuabneeg kuas mej dlim mej lub txim.’
15“Thaus kuv pib qha, Vaaj Ntsujplig tug Dlawbhuv txawm lug rua sau puab ib yaam le thaus chivthawj kws lug rua sau peb hab. 16Thaus ntawd kuv txawm ncudlheev txug tej lug kws tug Tswv qha has tas, ‘Yauhaas muab mej ua kevcai raus lug ntawm dlej, tabsis mej yuav tau ua kevcai raus lug ntawm Vaaj Ntsujplig tug Dlawbhuv.’ #Tegnum 1:5 17Yog tas Vaajtswv tub pub Vaaj Ntsujplig tug Dlawbhuv rua Lwmtsaav Tuabneeg ib yaam le Nwg tau pub rua peb thaus peb lug ntseeg tug Tswv Yexus Khetos lawm hab; es kuv ho yog leejtwg, kws tseem yuav txwv Vaajtswv?”
18Thaus puab nov le ntawd, puab tsi ywg Petus lawm, puab ua Vaajtswv tsaug has tas, “Nwgnuav Vaajtswv kuj qheb kev rua Lwmtsaav Tuabneeg lug tso puab tej kev txhum tseg hab lug txais txujsa.”
Pawg Ntseeg Huv Aati-aukias
19Ibtxha ntawm cov ntseeg kws tau tsiv uasaab uasua vim kev tsimtxom thaus lub sijhawm kws puab muab Xatefanus tua, puab tau tsiv moog nyob rua puag peg xeev Faunikias, rua tim lub povtxwv Xaipas, hab lub nroog Aati-aukias, hab puab tsuas qha Txuj Moo Zoo rua cov Yudais nkaus xwb. #Tegnum 8:1-4 20Tabsis ibtxha ntawm cov ntseeg kws tsiv moog ntawd, cov kws nyob huv lub povtxwv Xaipas hab Kulenes, tau moog rua lub nroog Aati-aukias hab qha Txuj Moo Zoo kws has txug tug Tswv Yexus rua Lwmtsaav Tuabneeg#11:20: Lwmtsaav Tuabneeg; tej phoo ntawv qub kws xuas teg sau, muaj tuabneeg Yudais kws haslug Kilis lossis tuabneeg haslug Kilis. hab. 21Tug Tswv lub fwjchim nrug puab, txhaj ua rua muaj tuabneeg coob-coob lug ntseeg hab tig lug cuag tug Tswv.
22Thaus pawg ntseeg kws nyob nraag lub nroog Yeluxalees nov txug zaaj nuav, puab txhaj khaiv Npananpas moog rua peg Aati-aukias. 23Thaus nwg moog txug peg hab pum tas Vaajtswv tau foom koobmoov rua puab, nwg zoosab kawg le, nwg txhaj txhawb puab lub zug kuas puab ncaajnceeg hab nyob ruaj-khov rua ntawm tug Tswv kawg puab lub sab lub ntsws. 24Npananpas yog ib tug tuabneeg kws zoo, nwg puvnpo Vaaj Ntsujplig tug Dlawbhuv hab kev ntseeg, txhaj ua rua nwg coj tau coob leej lug cuag tug Tswv.
25Tomqaab ntawd Npananpas txawm moog nrhav Xaulus huv lub nroog Thaxus. 26Thaus nwg nrhav tau Xaulus lawm, nwg coj Xaulus lug rua huv lub nroog Aati-aukias. Obtug nrug pawg ntseeg nyob tau ib xyoos, hab qha coob leej. Pawg ntseeg kws nyob huv lub nroog Aati-aukias yog thawj pawg kws muaj lub npe hu ua cov Ntseeg Yexus.
27Lub sijhawm ntawd muaj ib cov xwbfwb cev Vaajtswv lug moog ntawm Yeluxalees rua Aati-aukias. 28Ib tug ntawm puab cov xwbfwb cev Vaajtswv lug kws hu ua Ankanpus txawm sawvntsug qha txug tej kws yuav tshwm lug yaav tomntej lug ntawm Vaaj Ntsujplig has tas yuav muaj kev tshaib kev nqhes thoobplawg lub nplajteb. (Tes lub sijhawm kws Khlaudius ua fuabtais txawm muaj le ntawd tag). #Tegnum 21:10 29Cov ntseeg suavdlawg pumzoo kuas ib leeg muab ib qhov nyaj lawvle puab muaj peevxwm muab tau, xaa moog paab cov kwvtij ntseeg kws nyob rua huv lub xeev Yudas. 30Puab txawm ua le ntawd, hab puab muab cov nyaj ntawd rua Xaulus hab Npananpas coj moog rua cov txwjlaug kws saib pawg ntseeg nraag.
© 2022 United Bible Societies. All rights reserved.
Tegnum 11
11
Petus Tshaabxu Rua Pawg Ntseeg Huv Yeluxalees
1Cov timthawj hab cov ntseeg kws nyob txhua qhov huv xeev Yudas nov tas Lwmtsaav Tuabneeg tau lug txais yuav Vaajtswv tej lug lawm hab. 2Thaus Petus rovqaab moog rua sau lub nroog Yeluxalees, cov ntseeg kws ua kevcai txav lawm txawm ywg Petus has tas, 3“Uacaag koj moog rua huv Lwmtsaav Tuabneeg kws tsi ua kevcai txav lub tsev, hab tseem nrug puab noj mov uake hab?” 4Yogle ntawd, Petus txhaj pib pav ntxawg-ntxawg txug txhua yaam kws tau tshwmsim, pib thaus hauvpaug lug:
5“Thaus kuv tseem taabtom thov Vaajtswv nyob huv lub nroog Yaupas, tes kuv txawm ua ywgtoog pum ib yaam zoole dlaim ntaub dlaav-dlaav, muaj hlua khi plaub cegkaum tso dlauv sau ntuj lug rua ntawm kuv. 6Kuv ua tuabzoo saib, kuv pum muaj txhua yaam tsaj, muaj naab, naabqaa, vaubkib hab tej noog sau nruabntug nyob huv dlaim ntaub ntawd. 7Tes kuv txawm nov ib lub suab has rua kuv tas, ‘Petus, koj cale sawv hab muab tua noj!’
8“Tabsis kuv has tas, ‘Tsi tau, tug Tswv! Kuv yeej ibtxwm tsi noj tej kws txuj kevcai has tas tsi huv lossis txwv tsi pub noj.’ 9Lub suab ntawd rov has sau ntuj lug rua kuv has tas, ‘Tej kws Vaajtswv has tas huv lawm, koj tsi xob has tas tsi huv.’ 10Muaj le ntawd txug peb zag, tes dlaim ntaub txawm rov rua sau ntuj lawm.
11“Taamsim ntawd peb tug txivneej kws tau raug khaiv tuaj peg lub nroog Xixaleyas tuaj, txawm tuaj txug huv lub tsev kws kuv su.#11:11: kuv su; tej phoo ntawv qub kws xuas teg sau, muaj peb su. 12Vaaj Ntsujplig has kuas kuv cale nrug puab moog tsi xob xaav lecaag. Tes rau leej kwvtij kws yog cov ntseeg huv lub nroog Yaupas txhaj nrug kuv moog peg lub nroog Xixaleyas, hab peb suavdlawg txawm moog rua huv Kaunelius tsev. 13Kaunelius has rua peb has tas, nwg pum ib tug timtswv ceebtsheej lug sawv huv nwg tsev hab has rua nwg tas, ‘Koj cale khaiv tuabneeg moog nraag lub nroog Yaupas hab moog hu tug txivneej kws muaj npe hu ua Ximoos Petus. 14Nwg yuav qha tej lug kws cawm koj hab koj tsev tuabneeg kuas mej dlim mej lub txim.’
15“Thaus kuv pib qha, Vaaj Ntsujplig tug Dlawbhuv txawm lug rua sau puab ib yaam le thaus chivthawj kws lug rua sau peb hab. 16Thaus ntawd kuv txawm ncudlheev txug tej lug kws tug Tswv qha has tas, ‘Yauhaas muab mej ua kevcai raus lug ntawm dlej, tabsis mej yuav tau ua kevcai raus lug ntawm Vaaj Ntsujplig tug Dlawbhuv.’ #Tegnum 1:5 17Yog tas Vaajtswv tub pub Vaaj Ntsujplig tug Dlawbhuv rua Lwmtsaav Tuabneeg ib yaam le Nwg tau pub rua peb thaus peb lug ntseeg tug Tswv Yexus Khetos lawm hab; es kuv ho yog leejtwg, kws tseem yuav txwv Vaajtswv?”
18Thaus puab nov le ntawd, puab tsi ywg Petus lawm, puab ua Vaajtswv tsaug has tas, “Nwgnuav Vaajtswv kuj qheb kev rua Lwmtsaav Tuabneeg lug tso puab tej kev txhum tseg hab lug txais txujsa.”
Pawg Ntseeg Huv Aati-aukias
19Ibtxha ntawm cov ntseeg kws tau tsiv uasaab uasua vim kev tsimtxom thaus lub sijhawm kws puab muab Xatefanus tua, puab tau tsiv moog nyob rua puag peg xeev Faunikias, rua tim lub povtxwv Xaipas, hab lub nroog Aati-aukias, hab puab tsuas qha Txuj Moo Zoo rua cov Yudais nkaus xwb. #Tegnum 8:1-4 20Tabsis ibtxha ntawm cov ntseeg kws tsiv moog ntawd, cov kws nyob huv lub povtxwv Xaipas hab Kulenes, tau moog rua lub nroog Aati-aukias hab qha Txuj Moo Zoo kws has txug tug Tswv Yexus rua Lwmtsaav Tuabneeg#11:20: Lwmtsaav Tuabneeg; tej phoo ntawv qub kws xuas teg sau, muaj tuabneeg Yudais kws haslug Kilis lossis tuabneeg haslug Kilis. hab. 21Tug Tswv lub fwjchim nrug puab, txhaj ua rua muaj tuabneeg coob-coob lug ntseeg hab tig lug cuag tug Tswv.
22Thaus pawg ntseeg kws nyob nraag lub nroog Yeluxalees nov txug zaaj nuav, puab txhaj khaiv Npananpas moog rua peg Aati-aukias. 23Thaus nwg moog txug peg hab pum tas Vaajtswv tau foom koobmoov rua puab, nwg zoosab kawg le, nwg txhaj txhawb puab lub zug kuas puab ncaajnceeg hab nyob ruaj-khov rua ntawm tug Tswv kawg puab lub sab lub ntsws. 24Npananpas yog ib tug tuabneeg kws zoo, nwg puvnpo Vaaj Ntsujplig tug Dlawbhuv hab kev ntseeg, txhaj ua rua nwg coj tau coob leej lug cuag tug Tswv.
25Tomqaab ntawd Npananpas txawm moog nrhav Xaulus huv lub nroog Thaxus. 26Thaus nwg nrhav tau Xaulus lawm, nwg coj Xaulus lug rua huv lub nroog Aati-aukias. Obtug nrug pawg ntseeg nyob tau ib xyoos, hab qha coob leej. Pawg ntseeg kws nyob huv lub nroog Aati-aukias yog thawj pawg kws muaj lub npe hu ua cov Ntseeg Yexus.
27Lub sijhawm ntawd muaj ib cov xwbfwb cev Vaajtswv lug moog ntawm Yeluxalees rua Aati-aukias. 28Ib tug ntawm puab cov xwbfwb cev Vaajtswv lug kws hu ua Ankanpus txawm sawvntsug qha txug tej kws yuav tshwm lug yaav tomntej lug ntawm Vaaj Ntsujplig has tas yuav muaj kev tshaib kev nqhes thoobplawg lub nplajteb. (Tes lub sijhawm kws Khlaudius ua fuabtais txawm muaj le ntawd tag). #Tegnum 21:10 29Cov ntseeg suavdlawg pumzoo kuas ib leeg muab ib qhov nyaj lawvle puab muaj peevxwm muab tau, xaa moog paab cov kwvtij ntseeg kws nyob rua huv lub xeev Yudas. 30Puab txawm ua le ntawd, hab puab muab cov nyaj ntawd rua Xaulus hab Npananpas coj moog rua cov txwjlaug kws saib pawg ntseeg nraag.
© 2022 United Bible Societies. All rights reserved.