Tegnum 9
9
Kev Kws Xaulus Lug Ntseeg Vaajtswv
(Tegnum 22:6-16; 26:12-18)
1Thaus ntawd Xaulus tseem uanruj uatsiv yuav tua cov kws ntseeg tug Tswv. Xaulus txhaj moog cuag tug Tuam Povthawj Hlub, 2hab thov ntawv tsocai moog rua cov tsev saablaaj huv lub nroog Damaxakas has tas, yog nwg ntsib leejtwg, txawm yog quaspuj hab quasyawg los xij, yog puab coj le tug Tswv Txujkev, tes nwg muaj cai nteg coj moog kaw rua huv lub nroog Yeluxalees.
3Thaus Xaulus taabtom moog yuav txug lub nroog Damaxakas, txawm muaj ib tug dluab ci nplaag sau ntuj lug puagncig nwg. 4Nwg txawm qaug ntawg rua huv aav hab nov ib lub suab has rua nwg has tas, “Xaulus, Xaulus! Ua lecaag koj tsimtxom kuv?”
5Xaulus nug has tas, “Tug Tswv, koj yog leejtwg?”
Lub suab ntawd teb tas, “Kuv yog Yexus tug kws koj tsimtxom ntaag. 6Tabsis koj cale sawv hab moog rua huv lub nroog, yuav muaj tuabneeg qha rua koj paub tas koj yuavtsum ua dlaabtsi.”
7Cov txivneej kws nrug Xaulus moog ntawd, puab cale nreg hab yoob taag huv tuabsi; puab nov lub suab tabsis puab tsi pum leejtwg le. 8Xaulus txawm sawvtseeg hab rua muag hlo, tabsis nwg ob lub qhovmuag tsi pumkev lawm. Yogle ntawd, puab txhaj tuav nwg teg hab coj nwg moog rua huv lub nroog Damaxakas. 9Nwg tsi pumkev tau peb nub, hab peb nub ntawd nwg yeej tsi noj tsi haus ib yaam dlaabtsi le.
10Muaj ib tug thwjtim hu ua Ananias nyob huv lub nroog Damaxakas. Nwg ua ywgtoog pum tug Tswv lug has rua nwg has tas, “Ananias!”
Ananias teb tas, “Tug Tswv, kuv nyob ntawm nuav.”
11Tug Tswv has rua nwg has tas, “Koj cale sawv hab moog rua tom txujkev kws hu ua Txujkev Ncaaj, koj moog huv Yudas tsev hab nrhav tug txivneej kws hu ua Xaulus kws yog tuabneeg Thaxus. Lub sijhawm nuav nwg tseem taabtom thov Vaajtswv, 12hab nwg ua ywgtoog pum ib tug txivneej hu ua Ananias lug huv tsev hab tsaa teg rua sau nwg, kuas nwg rov pumkev.”
13Ananias teb tas, “Tug Tswv, kuv nov ntau leej has txug tug txivneej nuav hab txhua yaam kev tsimtxom kws nwg tau ua rua cov ntseeg kws nyob huv lub nroog Yeluxalees. 14Qhov kws nwg tuaj huv lub nroog Damaxakas nuav, tub yog nwg tau fwjchim ntawm cov thawj povthawj hlub tuaj nteg txhua tug kws pehawm Koj.”
15Tabsis tug Tswv has rua Ananias has tas, “Koj cale moog, ruaqhov Kuv tub xaiv nwg lug ua dlejnum rua Kuv lawm. Nwg yuav muab Kuv lub npe moog qha rua Lwmtsaav Tuabneeg, rua cov vaajntxwv, hab rua cov tuabneeg Yixalayees. 16Kuv yuav qha rua nwg paub tas nwg yuav raug kev txomnyem npaum lecaag vim Kuv lub npe.”
17Yogle ntawd, Ananias txawm moog rua tom lub tsev kws Xaulus su hab tsaa teg rua sau Xaulus. Nwg has rua Xaulus has tas, “Tug tijlaug Xaulus 'e, tug Tswv Yexus kws koj pum tom kev thaus koj taabtom tuaj rua ntawm nuav, yog tug khaiv kuv tuaj paab koj kuas koj rov pumkev hab puvnpo Vaaj Ntsujplig Tug Dlawbhuv.” 18Taamsim ntawd txawm muaj ib yaam zoole khum ntseg poob nthaav ntawm Xaulus ob lub qhovmuag lug, tes nwg txawm rov pumkev le qub lawm. Nwg sawv lug hab ua kevcai rausdlej; 19thaus nwg noj mov taag, nwg txhaj rov muajzug tuaj.
Xaulus Qhuabqha Huv Damaxakas
Xaulus nrug cov ntseeg huv lub nroog Damaxakas nyob tau ob-peb nub. 20Nwg cale moog tom tej tsev saablaaj hab pib qhuabqha has tas Yexus yog Vaajtswv tug Tub.
21Txhua tug kws nov nwg qha puab xaav tsi thoob le. Puab sisnug has tas, “Tug txivneej nuav tsi yog tug kws tsimtxom cov ntseeg Yexus nraag lub nroog Yeluxalees lov? Nwg lub homphaj kws tuaj ntawm nuav tsi yog tuaj nteg cov ntseeg coj rovqaab moog rua cov thawj povthawj hlub lov?”
22Tabsis Xaulus tej lug qhuabqha yimfuab muajzug heev tuaj. Tej kws nwg qha muaj peevxwm ua tau timkhawv rua suavdlawg paub tseeb-tseeb has tas Yexus yog tug Mexiyas; qhov ntawd ua rua cov Yudais kws nyob huv lub nroog Damaxakas txawm tsi muaj lug has lawm.
23Tomqaab ntawd tsi ntev, cov Yudais txawm tuaj saablaaj hab nrhav kev muab Xaulus tua povtseg, #2Klt 11:32-33 24tabsis tub muaj tuabneeg qha rua nwg paub lawm. Cov Yudais najnub najmo zuv lub nroog ntawd tej roojvaag tog nteg nwg coj moog tua povtseg. 25Tabsis muaj ib mos Xaulus cov thwjtim muab ib lub tawb luj-luj rua nwg nyob huv, hab puab muab hlua khi lub tawb tso dlauv ntawm saab ntsaayeej moog rua saabnrau lawm.
Xaulus Nyob Huv Yeluxalees
26Thaus Xaulus moog txug lub nroog Yeluxalees lawm, nwg txawm npaajsab yuav moog koom cov thwjtim. Tabsis puab ntshai nwg, ruaqhov puab tsi ntseeg tas nwg yog ib tug thwjtim tag. 27Tabsis Npananpas coj nwg moog cuag cov timthawj. Npananpas qha tej kws Xaulus ntsib tug Tswv lecaag thaus nwg taug kev moog peg lub nroog Damaxakas, hab tug Tswv tau lug nrug Xaulus thaam lecaag. Npananpas qha ntxiv txug thaus Xaulus nyob peg lub nroog Damaxakas, Xaulus muaj peevxwm qhuabqha huv Yexus lub npe npaum lecaag rua puab noog.
28Yogle ntawd, Xaulus txhajle nrug cov timthawj nyob hab moog-moog lug-lug thoobplawg lub nroog Yeluxalees, nwg muaj sab tawv qhuabqha huv Yexus lub npe rua nuav rua u. 29Nwg nrug cov Yudais kws haslug Kilis sisthaam hab siscaav, tabsis puab cov ntawd tuavhuv yuav muab nwg tua povtseg. 30Thaus cov ntseeg nov le ntawd, puab txawm coj Xaulus moog rua peg lub nroog Xixaleyas hab xaa nwg moog rua lub nroog Thaxus.
31Lub sijhawm ntawd cov pawg ntseeg kws nyob thoobplawg huv xeev Yudas, xeev Kalilais hab xeev Xamalis muaj txuj kev nyaabxeeb. Vaaj Ntsujplig tug Dlawbhuv tau paab puab, txhawb puab lub zug, ua rua puab lujhlub coob zujzug ntxiv, vim puab ua lub neej paub ntshai tug Tswv.
Petus Nyob Huv Lidas Hab Yaupas
32Petus taug kev moog rua txhua qhov. Muaj ib zag nwg moog saib cov ntseeg kws nyob rua huv lub zog Lidas. 33Thaus nwg nyob huv lub zog ntawd, nwg pum ib tug txivneej hu ua Ane-as. Tug txivneej ntawd tuagteg tuagtaw, nwg pw sau txaaj tau yim xyoo hab yeej sawv tsi taug moog qhovtwg le. 34Petus has rua nwg has tas, “Ane-as 'e, Yexus Khetos yuav khu kuas koj zoo. Cale sawv hab tu koj lub chaw pw.” Taamsim ntawd Ane-as txawm sawvtseeg. 35Taagnrho cov tuabneeg kws nyob huv lub zog Lidas hab huv Saloos pum Ane-as zoo lawm, puab txawm lug ntseeg tug Tswv huvsi.
36Nyob rua huv lub nroog Yaupas, muaj ib tug quaspuj hu ua Tanpithas, nwg yog ib tug ntseeg Yexus. (Nwg lub npe huv lug Kilis hu ua Daulakas, lub npe ntawd txhais has tas “muaslwj.”) Nwg najnub ua yaam zoo hab paab cov tuabneeg txomnyem. 37Lub sijhawm ntawd nwg tau mob hab cale tuag lawm. Puab muab nwg lub cev ntxuav hab muab nwg moog tso rua huv ib chaav tsev txheej sau. 38Lub nroog Yaupas kuj nyob ze lub zog Lidas. Thaus cov ntseeg huv Yaupas nov tas Petus nyob huv Lidas, puab txawm khaiv ob tug txivneej moog has rua Petus has tas, “Thov koj maaj ceevnrooj moog rua tom peb.”
39Petus txawm sawvtseeg nrug obtug moog. Thaus nwg moog txug, puab txhaj coj nwg moog rua chaav tsev txheej sau. Cov pujntsuag lug sawv vij nwg, puab quaj zumzawg hab puab qha nwg txug tej tsho naav hab cov tsho tiv no kws Daulakas tau xaws ca thaus nwg tseem muaj sa nyob. 40Petus kuas suavdlawg tawm moog saabnrau; tes nwg txawm txhuscaug hab thov Vaajtswv. Nwg tig rua ntawd tug tuag hab has tas, “Tanpithas, koj cale sawv!” Tanpithas txawm rua hlo qhovmuag; thaus nwg pum Petus, nwg sawv lug nyob quastsawg. 41Petus cev loo teg nqug nwg sawv; tes Petus txawm hu cov ntseeg hab cov pujntsuag lug saib hab muab Daulakas tug kws rov cajsa lawm cob rua puab.
42Zaaj nuav nrov-nchaa moog thoobplawg huv lub nroog Yaupas, tes txawm muaj tuabneeg coob-coob lug ntseeg tug Tswv. 43Petus nyob huv lub nroog Yaupas tau ntau nub, nwg su huv Ximoos tug kws luam tawv tsaj lub tsev.
© 2022 United Bible Societies. All rights reserved.
Tegnum 9
9
Kev Kws Xaulus Lug Ntseeg Vaajtswv
(Tegnum 22:6-16; 26:12-18)
1Thaus ntawd Xaulus tseem uanruj uatsiv yuav tua cov kws ntseeg tug Tswv. Xaulus txhaj moog cuag tug Tuam Povthawj Hlub, 2hab thov ntawv tsocai moog rua cov tsev saablaaj huv lub nroog Damaxakas has tas, yog nwg ntsib leejtwg, txawm yog quaspuj hab quasyawg los xij, yog puab coj le tug Tswv Txujkev, tes nwg muaj cai nteg coj moog kaw rua huv lub nroog Yeluxalees.
3Thaus Xaulus taabtom moog yuav txug lub nroog Damaxakas, txawm muaj ib tug dluab ci nplaag sau ntuj lug puagncig nwg. 4Nwg txawm qaug ntawg rua huv aav hab nov ib lub suab has rua nwg has tas, “Xaulus, Xaulus! Ua lecaag koj tsimtxom kuv?”
5Xaulus nug has tas, “Tug Tswv, koj yog leejtwg?”
Lub suab ntawd teb tas, “Kuv yog Yexus tug kws koj tsimtxom ntaag. 6Tabsis koj cale sawv hab moog rua huv lub nroog, yuav muaj tuabneeg qha rua koj paub tas koj yuavtsum ua dlaabtsi.”
7Cov txivneej kws nrug Xaulus moog ntawd, puab cale nreg hab yoob taag huv tuabsi; puab nov lub suab tabsis puab tsi pum leejtwg le. 8Xaulus txawm sawvtseeg hab rua muag hlo, tabsis nwg ob lub qhovmuag tsi pumkev lawm. Yogle ntawd, puab txhaj tuav nwg teg hab coj nwg moog rua huv lub nroog Damaxakas. 9Nwg tsi pumkev tau peb nub, hab peb nub ntawd nwg yeej tsi noj tsi haus ib yaam dlaabtsi le.
10Muaj ib tug thwjtim hu ua Ananias nyob huv lub nroog Damaxakas. Nwg ua ywgtoog pum tug Tswv lug has rua nwg has tas, “Ananias!”
Ananias teb tas, “Tug Tswv, kuv nyob ntawm nuav.”
11Tug Tswv has rua nwg has tas, “Koj cale sawv hab moog rua tom txujkev kws hu ua Txujkev Ncaaj, koj moog huv Yudas tsev hab nrhav tug txivneej kws hu ua Xaulus kws yog tuabneeg Thaxus. Lub sijhawm nuav nwg tseem taabtom thov Vaajtswv, 12hab nwg ua ywgtoog pum ib tug txivneej hu ua Ananias lug huv tsev hab tsaa teg rua sau nwg, kuas nwg rov pumkev.”
13Ananias teb tas, “Tug Tswv, kuv nov ntau leej has txug tug txivneej nuav hab txhua yaam kev tsimtxom kws nwg tau ua rua cov ntseeg kws nyob huv lub nroog Yeluxalees. 14Qhov kws nwg tuaj huv lub nroog Damaxakas nuav, tub yog nwg tau fwjchim ntawm cov thawj povthawj hlub tuaj nteg txhua tug kws pehawm Koj.”
15Tabsis tug Tswv has rua Ananias has tas, “Koj cale moog, ruaqhov Kuv tub xaiv nwg lug ua dlejnum rua Kuv lawm. Nwg yuav muab Kuv lub npe moog qha rua Lwmtsaav Tuabneeg, rua cov vaajntxwv, hab rua cov tuabneeg Yixalayees. 16Kuv yuav qha rua nwg paub tas nwg yuav raug kev txomnyem npaum lecaag vim Kuv lub npe.”
17Yogle ntawd, Ananias txawm moog rua tom lub tsev kws Xaulus su hab tsaa teg rua sau Xaulus. Nwg has rua Xaulus has tas, “Tug tijlaug Xaulus 'e, tug Tswv Yexus kws koj pum tom kev thaus koj taabtom tuaj rua ntawm nuav, yog tug khaiv kuv tuaj paab koj kuas koj rov pumkev hab puvnpo Vaaj Ntsujplig Tug Dlawbhuv.” 18Taamsim ntawd txawm muaj ib yaam zoole khum ntseg poob nthaav ntawm Xaulus ob lub qhovmuag lug, tes nwg txawm rov pumkev le qub lawm. Nwg sawv lug hab ua kevcai rausdlej; 19thaus nwg noj mov taag, nwg txhaj rov muajzug tuaj.
Xaulus Qhuabqha Huv Damaxakas
Xaulus nrug cov ntseeg huv lub nroog Damaxakas nyob tau ob-peb nub. 20Nwg cale moog tom tej tsev saablaaj hab pib qhuabqha has tas Yexus yog Vaajtswv tug Tub.
21Txhua tug kws nov nwg qha puab xaav tsi thoob le. Puab sisnug has tas, “Tug txivneej nuav tsi yog tug kws tsimtxom cov ntseeg Yexus nraag lub nroog Yeluxalees lov? Nwg lub homphaj kws tuaj ntawm nuav tsi yog tuaj nteg cov ntseeg coj rovqaab moog rua cov thawj povthawj hlub lov?”
22Tabsis Xaulus tej lug qhuabqha yimfuab muajzug heev tuaj. Tej kws nwg qha muaj peevxwm ua tau timkhawv rua suavdlawg paub tseeb-tseeb has tas Yexus yog tug Mexiyas; qhov ntawd ua rua cov Yudais kws nyob huv lub nroog Damaxakas txawm tsi muaj lug has lawm.
23Tomqaab ntawd tsi ntev, cov Yudais txawm tuaj saablaaj hab nrhav kev muab Xaulus tua povtseg, #2Klt 11:32-33 24tabsis tub muaj tuabneeg qha rua nwg paub lawm. Cov Yudais najnub najmo zuv lub nroog ntawd tej roojvaag tog nteg nwg coj moog tua povtseg. 25Tabsis muaj ib mos Xaulus cov thwjtim muab ib lub tawb luj-luj rua nwg nyob huv, hab puab muab hlua khi lub tawb tso dlauv ntawm saab ntsaayeej moog rua saabnrau lawm.
Xaulus Nyob Huv Yeluxalees
26Thaus Xaulus moog txug lub nroog Yeluxalees lawm, nwg txawm npaajsab yuav moog koom cov thwjtim. Tabsis puab ntshai nwg, ruaqhov puab tsi ntseeg tas nwg yog ib tug thwjtim tag. 27Tabsis Npananpas coj nwg moog cuag cov timthawj. Npananpas qha tej kws Xaulus ntsib tug Tswv lecaag thaus nwg taug kev moog peg lub nroog Damaxakas, hab tug Tswv tau lug nrug Xaulus thaam lecaag. Npananpas qha ntxiv txug thaus Xaulus nyob peg lub nroog Damaxakas, Xaulus muaj peevxwm qhuabqha huv Yexus lub npe npaum lecaag rua puab noog.
28Yogle ntawd, Xaulus txhajle nrug cov timthawj nyob hab moog-moog lug-lug thoobplawg lub nroog Yeluxalees, nwg muaj sab tawv qhuabqha huv Yexus lub npe rua nuav rua u. 29Nwg nrug cov Yudais kws haslug Kilis sisthaam hab siscaav, tabsis puab cov ntawd tuavhuv yuav muab nwg tua povtseg. 30Thaus cov ntseeg nov le ntawd, puab txawm coj Xaulus moog rua peg lub nroog Xixaleyas hab xaa nwg moog rua lub nroog Thaxus.
31Lub sijhawm ntawd cov pawg ntseeg kws nyob thoobplawg huv xeev Yudas, xeev Kalilais hab xeev Xamalis muaj txuj kev nyaabxeeb. Vaaj Ntsujplig tug Dlawbhuv tau paab puab, txhawb puab lub zug, ua rua puab lujhlub coob zujzug ntxiv, vim puab ua lub neej paub ntshai tug Tswv.
Petus Nyob Huv Lidas Hab Yaupas
32Petus taug kev moog rua txhua qhov. Muaj ib zag nwg moog saib cov ntseeg kws nyob rua huv lub zog Lidas. 33Thaus nwg nyob huv lub zog ntawd, nwg pum ib tug txivneej hu ua Ane-as. Tug txivneej ntawd tuagteg tuagtaw, nwg pw sau txaaj tau yim xyoo hab yeej sawv tsi taug moog qhovtwg le. 34Petus has rua nwg has tas, “Ane-as 'e, Yexus Khetos yuav khu kuas koj zoo. Cale sawv hab tu koj lub chaw pw.” Taamsim ntawd Ane-as txawm sawvtseeg. 35Taagnrho cov tuabneeg kws nyob huv lub zog Lidas hab huv Saloos pum Ane-as zoo lawm, puab txawm lug ntseeg tug Tswv huvsi.
36Nyob rua huv lub nroog Yaupas, muaj ib tug quaspuj hu ua Tanpithas, nwg yog ib tug ntseeg Yexus. (Nwg lub npe huv lug Kilis hu ua Daulakas, lub npe ntawd txhais has tas “muaslwj.”) Nwg najnub ua yaam zoo hab paab cov tuabneeg txomnyem. 37Lub sijhawm ntawd nwg tau mob hab cale tuag lawm. Puab muab nwg lub cev ntxuav hab muab nwg moog tso rua huv ib chaav tsev txheej sau. 38Lub nroog Yaupas kuj nyob ze lub zog Lidas. Thaus cov ntseeg huv Yaupas nov tas Petus nyob huv Lidas, puab txawm khaiv ob tug txivneej moog has rua Petus has tas, “Thov koj maaj ceevnrooj moog rua tom peb.”
39Petus txawm sawvtseeg nrug obtug moog. Thaus nwg moog txug, puab txhaj coj nwg moog rua chaav tsev txheej sau. Cov pujntsuag lug sawv vij nwg, puab quaj zumzawg hab puab qha nwg txug tej tsho naav hab cov tsho tiv no kws Daulakas tau xaws ca thaus nwg tseem muaj sa nyob. 40Petus kuas suavdlawg tawm moog saabnrau; tes nwg txawm txhuscaug hab thov Vaajtswv. Nwg tig rua ntawd tug tuag hab has tas, “Tanpithas, koj cale sawv!” Tanpithas txawm rua hlo qhovmuag; thaus nwg pum Petus, nwg sawv lug nyob quastsawg. 41Petus cev loo teg nqug nwg sawv; tes Petus txawm hu cov ntseeg hab cov pujntsuag lug saib hab muab Daulakas tug kws rov cajsa lawm cob rua puab.
42Zaaj nuav nrov-nchaa moog thoobplawg huv lub nroog Yaupas, tes txawm muaj tuabneeg coob-coob lug ntseeg tug Tswv. 43Petus nyob huv lub nroog Yaupas tau ntau nub, nwg su huv Ximoos tug kws luam tawv tsaj lub tsev.
© 2022 United Bible Societies. All rights reserved.