رِسول‍لار 15
15
اورشلیمدَکی ماصلاحات
1یهودیه‌دِن بیرنَچه آدام انطاکیَه گِلیپ، دُغانلارا: «موسانینگ شِریغاتینا گُرَه سونِّتلِنمِسِنگیز، نِجات تاپیپ بیلمِرسینگیز» دییّپ اُورِدیَردیلِر. 2پولس بیلِن بارنابا بو آداملار بیلِن کَن چِکِلِشیپ جِدِلِّشدیلِر. اُنسُنگ بو مِسِلَنی چُزمِک اوچین، بِیلِکی دُغانلارینگ بیرنَچه‌سی بیلِن بیرلیکده، پولس بیلِن بارنابا اورشلیمدَکی رِسول‍لارینگ و یاشولیلارینگ یانینا گیتمِلی دییِن قارارا گِلیندی. 3کِلیسا اُلاری یُلا سالیپ اوغراتدی. اُلار فینیقیه‌نینگ و سامِره‌نینگ ایچیندِن گِچیپ، باشغا میلِّتلِرینگ-ده خودایی قابول اِدِندیکلِری بارادا گورّونگ بِردیلِر. بو خابار هِمّه ایماندارلارا اولی شاتلیق گِتیردی.
4اورشلیمه گِلِنلِرینده بُلسا، رِسول‍لار و یاشولیلار و هِمّه کِلیسا اُلاری قیزقین قارشیلادی. پولس بیلِن بارنابا خودایینگ اُزلِرینینگ اوستو بیلِن بیتیرِن هِمّه ایشلِرینی کِلیسالارا گورّونگ بِردیلِر. 5اِمّا فَریسی‌لِردِن ایمان گِتیرِنلِرینگ کَبیری آیاغا قالیپ: «باشغا میلِّتلِردِن بُلانلاری سونِّتلِمِلی و اُلارا موسانینگ شِریغاتینی بِرجای اِتمِگی تابشیرمالی» دییدیلِر.
6اُنسُنگ رِسول‍لار و یاشولیلار بو مِسِله بارادا ماصلاحاتلاشماغا ییغناندیلار. 7ییغناقدا گورّونگ اوزاغا چِکِنسُنگ، پِطرُس یِریندِن توروپ، اُلارا شِیله دییدی: «دُغانلار! اُزونگیز بیلیَنسینگیز، باشغا میلِّتلِره خوش خاباری واغیظ اِتمِگیم اوچین، بیرنَچه واقت موندان اُنگ خودای آرانگیزدان مِنی سایلادی. اُل میلِّتلِرینگ بو خوش خاباری اِشیدیپ، ایمان گِتیرمِگی اوچین شِیله اِتدی. 8هِر بیر اینسانینگ یورِگینی بیلیَن خودای بیزه بِرِن مُقادِّس روحونی باشغا میلِّتلِره هِم بِردی. شُنونگ اوستو بیلِن اُلاری قابول اِدِندیگینی تاصدیقلادی. 9خودای اُلارینگ ایمانینینگ اوستو بیلِن یورِکلِرینی پَکلِدی. شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی. 10بِیله بُلسا، نَمه اوچین آتا-بابالاریمیزینگ و اُزومیزینگ گُتِریپ بیلمِدیک یوغیمیزی شَگیرتلِرینگ بُینونا سالیانگیز؟ خودایی ایمتِحانلاجاق بُلیارسینگیزمی؟ 11یُق! بیز اُزومیزینگ هِم، اُلارینگ هِم تانگریمیز عیسانینگ مِرحِمِتی بیلِن نِجات تاپیاندیغیمیزا اینانیاریس.»
12اُنسُنگ هِمّه‌لِر سِسّیز بُلوپ، پولس بیلِن بارنابانی دینگلِدیلِر. اُلار خودایینگ اُزلِرینینگ اوستو بیلِن باشغا میلِّتلِره گُرکِزِن اولی عالاماتلارینی و مُعجِزه‌لِرینی گورّونگ بِردیلِر. 13اُلار گورّونگلِرینی قوتاراندان سُنگ، یعقوب سُزه باشلاپ، شِیله دییدی: «دُغانلار، مانگا قولاق آسینگ! 14اینه، شمعون#۱۵:۱۴ شمعون – بو پِطرُسینگ بِیلِکی آدی. بیزه خودایینگ اُوالدان باشغا میلِّتلِره نَهیلی ناظار سالاندیغینی و اُلارینگ آراسیندان اُزونه بیر خالق سایلاپ آلاندیغینی دوشوندیریپ بِردی. 15پیغامبارلارینگ سُزلِری-ده بو آیدیلانلار بیلِن دُغری گِلیَر. اینه، اُندا شِیله یازیلان:
16موندان سُنگ مِن دُلانیپ گِلیپ،
داوودینگ ییقیلان چادیرینی دیکِلدِرین.
وِیران بُلان یِرلِرینی بِجِریپ،
اُنی تَزه‌دِن سالارین.
17شِیدیپ، آمان قالانلار خودایی آغتارسین،
مانگا باغلی هِمّه میلِّتلِر خودایی گُزلِسین.
مونی بو زاتلاری اِدیَن خودای آیدیاندیر،
18بولار قادیمدان معلیمدیر.#عاموس ۹:۱۱-۱۲؛ اِشعیا ۴۵:۲۱
19«شُنونگ اوچین هِم خودایی قابول اِدیَن باشغا میلِّتلِره قینچیلیق دُرِتمِلی دَل دییِن قارارا گِلدیم. 20قایتام، اُلارا نامه یازیپ، شِیله آیدایلینگ: ”بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ“. 21چونکی موسانینگ شِریغاتی قادیم زاماندان بَری هِر بیر شَهرده واغیظ اِدیلیَر، هِر سَبَّت گونی کِنیسه‌لِرده اُقیلیار.»
بو نامه باشغا میلِّتلِردِن بُلان ایماندارلارا
22سُنگرا رِسول‍لار و یاشولیلار تامام کِلیسا بیلِن بیرلیکده بیرنَچه آدامی سایلاپ، اُلاری پولس هِم-ده بارنابا بیلِن انطاکیَه ایبِرمِک قارارینا گِلدیلِر. اُلار ایکی آدامی، بارسابا لاقابی یهودانی و سیلاسی سایلادیلار، اُلارینگ ایکیسی-ده دُغانلارینگ آراسیندا یُلباشچیدیلار. 23اِل‍لِرینه شو نامه‌نی بِریپ:
«سیزینگ دُغانلارینگیز بُلان بیز رِسول‍لار و یاشولیلار انطاکیه‌ده، سوریه‌ده، کیلیکیه‌ده یاشایان یَهودی دَل ایمانلی دُغانلارا سالام یُلّایاریس.
24«بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار. اِمّا اُلاری بیز ایبِرمِدیک. 25شُنونگ اوچین هِم آرامیزدان بیرنَچه آدامی سایلاپ، اُلاری عزیز دُستلاریمیز بارنابا و پولس بیلِن بیله سیزینگ یانینگیزا یُلّاماغی بیر آغیزدان قارار اِتدیک. 26بولار تانگریمیز عیسی مسیحه قولّوق اِتمِک اوچین جانینی اُرتا قُیان آداملاردیر. 27شِیلِلیکده، بیز یهودا بیلِن سیلاسی یُلّایاریس، اُلار بیزینگ یازانلاریمیزی دیل اوستو بیلِن تاصدیقلارلار. 28بیز مُقادِّس روح و واجیپ زادلاردان باشغا هیچ بیر زادی سیزینگ اوستونگیزه یوکلِمِلی دَلدیگینی دُغری بیلدیک: 29بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ. شولاردان ساقلانسانگیز، یاخشی ایش اِدِرسینگیز.
خوش، ساغ-سالامات بُلونگ.»
30شِیلِلیکده، اُلار یُلا دوشدولِر. انطاکیَه گِلیپ، ایماندارلاری اویشوردیلِر-ده، نامه‌نی قاوشوردیلار. 31ایماندارلار نامه‌داقی قوواتلاندیریجی خاباری اُقیپ، شاد بُلدولار. 32یهودا بیلِن سیلاس نِبیدیلِر. اُلار دُغانلارا کَن ناصیحات اِدیپ، اُلارینگ ایمانینی قاییملادیلار. 33بیرنَچه واقت اُل یِرده بُلانلاریندان سُنگرا، دُغانلار اُلاری رِسول‍لارینگ یانینا ساغ-سالامات اوغرادیپ گُیبِردیلِر. 34پولس و بارنابا هِم انطاکیه‌ده قالدیلار. 35اُلار باشغالار بیلِن بیرلیکده تَعلیم بِریپ، خوش خاباری اِعلان اِتدیلِر.
پولس بارنابادان آیریلیار
36بیرنَچه گوندِن سُنگ پولس بارنابا: «ایندی خوش خاباری اِعلان اِدِن شَهرلِریمیزه دُلانیپ بارایلی، اُل یِردَکی دُغانلاریمیزی گُروپ، یاغدایلارینی سُرایلی» دییدی. 37یوحنا دییلیپ آدلاندیریلیان مَرقُس-دا بارنابا اُزلِری بیلِن اَکیتمِک ایسلِیَردی. 38اِمّا پولس اُزلِرینی پامفیلیه‌ده تِرک اِدیپ، خودایینگ خیدماتینی آخیرینا چِنلی بیله دُوام اِتمِدیک مَرقُسی اَکیتمِگی دُغری بیلمِدی. 39شِیلِلیکده، آرالاریندا اُنگوشماسیزلیق دُرَپ، اُلار بیری-بیرلِریندِن آیریلدیلار. بارنابا یانینا مَرقُسی آلیپ، کِشتی بیلِن قِپرِسه گیتدی. 40پولس بُلسا سیلاسی سایلادی، ایماندارلار اُلاری خودایینگ مِرحِمِتینه تابشیرانلاریندان سُنگرا، اُلار یُلا دوشدولِر. 41اُلار سوریه و کیلیکیه آیلانیپ، کِلیسالاری قاییملادیلار.
© Turkmen Truth
رِسول‍لار 15
15
اورشلیمدَکی ماصلاحات
1یهودیه‌دِن بیرنَچه آدام انطاکیَه گِلیپ، دُغانلارا: «موسانینگ شِریغاتینا گُرَه سونِّتلِنمِسِنگیز، نِجات تاپیپ بیلمِرسینگیز» دییّپ اُورِدیَردیلِر. 2پولس بیلِن بارنابا بو آداملار بیلِن کَن چِکِلِشیپ جِدِلِّشدیلِر. اُنسُنگ بو مِسِلَنی چُزمِک اوچین، بِیلِکی دُغانلارینگ بیرنَچه‌سی بیلِن بیرلیکده، پولس بیلِن بارنابا اورشلیمدَکی رِسول‍لارینگ و یاشولیلارینگ یانینا گیتمِلی دییِن قارارا گِلیندی. 3کِلیسا اُلاری یُلا سالیپ اوغراتدی. اُلار فینیقیه‌نینگ و سامِره‌نینگ ایچیندِن گِچیپ، باشغا میلِّتلِرینگ-ده خودایی قابول اِدِندیکلِری بارادا گورّونگ بِردیلِر. بو خابار هِمّه ایماندارلارا اولی شاتلیق گِتیردی.
4اورشلیمه گِلِنلِرینده بُلسا، رِسول‍لار و یاشولیلار و هِمّه کِلیسا اُلاری قیزقین قارشیلادی. پولس بیلِن بارنابا خودایینگ اُزلِرینینگ اوستو بیلِن بیتیرِن هِمّه ایشلِرینی کِلیسالارا گورّونگ بِردیلِر. 5اِمّا فَریسی‌لِردِن ایمان گِتیرِنلِرینگ کَبیری آیاغا قالیپ: «باشغا میلِّتلِردِن بُلانلاری سونِّتلِمِلی و اُلارا موسانینگ شِریغاتینی بِرجای اِتمِگی تابشیرمالی» دییدیلِر.
6اُنسُنگ رِسول‍لار و یاشولیلار بو مِسِله بارادا ماصلاحاتلاشماغا ییغناندیلار. 7ییغناقدا گورّونگ اوزاغا چِکِنسُنگ، پِطرُس یِریندِن توروپ، اُلارا شِیله دییدی: «دُغانلار! اُزونگیز بیلیَنسینگیز، باشغا میلِّتلِره خوش خاباری واغیظ اِتمِگیم اوچین، بیرنَچه واقت موندان اُنگ خودای آرانگیزدان مِنی سایلادی. اُل میلِّتلِرینگ بو خوش خاباری اِشیدیپ، ایمان گِتیرمِگی اوچین شِیله اِتدی. 8هِر بیر اینسانینگ یورِگینی بیلیَن خودای بیزه بِرِن مُقادِّس روحونی باشغا میلِّتلِره هِم بِردی. شُنونگ اوستو بیلِن اُلاری قابول اِدِندیگینی تاصدیقلادی. 9خودای اُلارینگ ایمانینینگ اوستو بیلِن یورِکلِرینی پَکلِدی. شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی. 10بِیله بُلسا، نَمه اوچین آتا-بابالاریمیزینگ و اُزومیزینگ گُتِریپ بیلمِدیک یوغیمیزی شَگیرتلِرینگ بُینونا سالیانگیز؟ خودایی ایمتِحانلاجاق بُلیارسینگیزمی؟ 11یُق! بیز اُزومیزینگ هِم، اُلارینگ هِم تانگریمیز عیسانینگ مِرحِمِتی بیلِن نِجات تاپیاندیغیمیزا اینانیاریس.»
12اُنسُنگ هِمّه‌لِر سِسّیز بُلوپ، پولس بیلِن بارنابانی دینگلِدیلِر. اُلار خودایینگ اُزلِرینینگ اوستو بیلِن باشغا میلِّتلِره گُرکِزِن اولی عالاماتلارینی و مُعجِزه‌لِرینی گورّونگ بِردیلِر. 13اُلار گورّونگلِرینی قوتاراندان سُنگ، یعقوب سُزه باشلاپ، شِیله دییدی: «دُغانلار، مانگا قولاق آسینگ! 14اینه، شمعون#۱۵:۱۴ شمعون – بو پِطرُسینگ بِیلِکی آدی. بیزه خودایینگ اُوالدان باشغا میلِّتلِره نَهیلی ناظار سالاندیغینی و اُلارینگ آراسیندان اُزونه بیر خالق سایلاپ آلاندیغینی دوشوندیریپ بِردی. 15پیغامبارلارینگ سُزلِری-ده بو آیدیلانلار بیلِن دُغری گِلیَر. اینه، اُندا شِیله یازیلان:
16موندان سُنگ مِن دُلانیپ گِلیپ،
داوودینگ ییقیلان چادیرینی دیکِلدِرین.
وِیران بُلان یِرلِرینی بِجِریپ،
اُنی تَزه‌دِن سالارین.
17شِیدیپ، آمان قالانلار خودایی آغتارسین،
مانگا باغلی هِمّه میلِّتلِر خودایی گُزلِسین.
مونی بو زاتلاری اِدیَن خودای آیدیاندیر،
18بولار قادیمدان معلیمدیر.#عاموس ۹:۱۱-۱۲؛ اِشعیا ۴۵:۲۱
19«شُنونگ اوچین هِم خودایی قابول اِدیَن باشغا میلِّتلِره قینچیلیق دُرِتمِلی دَل دییِن قارارا گِلدیم. 20قایتام، اُلارا نامه یازیپ، شِیله آیدایلینگ: ”بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ“. 21چونکی موسانینگ شِریغاتی قادیم زاماندان بَری هِر بیر شَهرده واغیظ اِدیلیَر، هِر سَبَّت گونی کِنیسه‌لِرده اُقیلیار.»
بو نامه باشغا میلِّتلِردِن بُلان ایماندارلارا
22سُنگرا رِسول‍لار و یاشولیلار تامام کِلیسا بیلِن بیرلیکده بیرنَچه آدامی سایلاپ، اُلاری پولس هِم-ده بارنابا بیلِن انطاکیَه ایبِرمِک قارارینا گِلدیلِر. اُلار ایکی آدامی، بارسابا لاقابی یهودانی و سیلاسی سایلادیلار، اُلارینگ ایکیسی-ده دُغانلارینگ آراسیندا یُلباشچیدیلار. 23اِل‍لِرینه شو نامه‌نی بِریپ:
«سیزینگ دُغانلارینگیز بُلان بیز رِسول‍لار و یاشولیلار انطاکیه‌ده، سوریه‌ده، کیلیکیه‌ده یاشایان یَهودی دَل ایمانلی دُغانلارا سالام یُلّایاریس.
24«بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار. اِمّا اُلاری بیز ایبِرمِدیک. 25شُنونگ اوچین هِم آرامیزدان بیرنَچه آدامی سایلاپ، اُلاری عزیز دُستلاریمیز بارنابا و پولس بیلِن بیله سیزینگ یانینگیزا یُلّاماغی بیر آغیزدان قارار اِتدیک. 26بولار تانگریمیز عیسی مسیحه قولّوق اِتمِک اوچین جانینی اُرتا قُیان آداملاردیر. 27شِیلِلیکده، بیز یهودا بیلِن سیلاسی یُلّایاریس، اُلار بیزینگ یازانلاریمیزی دیل اوستو بیلِن تاصدیقلارلار. 28بیز مُقادِّس روح و واجیپ زادلاردان باشغا هیچ بیر زادی سیزینگ اوستونگیزه یوکلِمِلی دَلدیگینی دُغری بیلدیک: 29بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ. شولاردان ساقلانسانگیز، یاخشی ایش اِدِرسینگیز.
خوش، ساغ-سالامات بُلونگ.»
30شِیلِلیکده، اُلار یُلا دوشدولِر. انطاکیَه گِلیپ، ایماندارلاری اویشوردیلِر-ده، نامه‌نی قاوشوردیلار. 31ایماندارلار نامه‌داقی قوواتلاندیریجی خاباری اُقیپ، شاد بُلدولار. 32یهودا بیلِن سیلاس نِبیدیلِر. اُلار دُغانلارا کَن ناصیحات اِدیپ، اُلارینگ ایمانینی قاییملادیلار. 33بیرنَچه واقت اُل یِرده بُلانلاریندان سُنگرا، دُغانلار اُلاری رِسول‍لارینگ یانینا ساغ-سالامات اوغرادیپ گُیبِردیلِر. 34پولس و بارنابا هِم انطاکیه‌ده قالدیلار. 35اُلار باشغالار بیلِن بیرلیکده تَعلیم بِریپ، خوش خاباری اِعلان اِتدیلِر.
پولس بارنابادان آیریلیار
36بیرنَچه گوندِن سُنگ پولس بارنابا: «ایندی خوش خاباری اِعلان اِدِن شَهرلِریمیزه دُلانیپ بارایلی، اُل یِردَکی دُغانلاریمیزی گُروپ، یاغدایلارینی سُرایلی» دییدی. 37یوحنا دییلیپ آدلاندیریلیان مَرقُس-دا بارنابا اُزلِری بیلِن اَکیتمِک ایسلِیَردی. 38اِمّا پولس اُزلِرینی پامفیلیه‌ده تِرک اِدیپ، خودایینگ خیدماتینی آخیرینا چِنلی بیله دُوام اِتمِدیک مَرقُسی اَکیتمِگی دُغری بیلمِدی. 39شِیلِلیکده، آرالاریندا اُنگوشماسیزلیق دُرَپ، اُلار بیری-بیرلِریندِن آیریلدیلار. بارنابا یانینا مَرقُسی آلیپ، کِشتی بیلِن قِپرِسه گیتدی. 40پولس بُلسا سیلاسی سایلادی، ایماندارلار اُلاری خودایینگ مِرحِمِتینه تابشیرانلاریندان سُنگرا، اُلار یُلا دوشدولِر. 41اُلار سوریه و کیلیکیه آیلانیپ، کِلیسالاری قاییملادیلار.
© Turkmen Truth