رِسول‍لار 14
14
پولس بیلِن بارنابا قونیه‌ده
1پولس بیلِن بارنابا قونیه شَهرینده هِم عادات بُلشی یالی یَهودیلِرینگ کِنیسه‌سینه باردیلار. اُل یِرده اُلار شِیله بیر گویچلی واغیظ اِدِنلِری اوچین، کَن سانلی یَهودیلِر و باشغا میلِّتلِر ایمان گِتیردیلِر. 2اِمّا ایمان گِتیرمِدیک یَهودیلِر باشغا میلِّتلِری بو ایکی رِسولینگ اوستونه آزدیریپ، ایماندارلارا قارشی اُلارینگ فیکرینی زَهِرلِدیلِر. 3پولس بیلِن بارنابا بو یِرده اوزاق واقت قالیپ، تانگری عیسی حاقدا باتیرلیق بیلِن واغیظ اِتدیلِر. تانگری عیسی هِم اُلارا مُعجِزه‌لِر و عالاماتلار گُرکِزمِک باشارجاغینی بِریپ، اُز مِرحِمِتی باراداقی خاباری اُلارینگ اوستو بیلِن تاصدیقلادی.
4شَهرینگ خالقی ایکَه بُلوندی. اُلارینگ بیر بُلِگی یَهودیلِرینگ، بیر بُلِگی-ده رِسول‍لارینگ طارافینا گِچدی. 5شوندان سُنگ یَهودیلِر و باشغا میلِّتلِر اُزلِرینینگ باشلیقلاری بیلِن بیرلیکده رِسول‍لارینگ اوستونه دُپولیپ، اُلاری داشلاجاق بُلدولار. 6رِسول‍لار موندان خابارلی بُلانسُنگلار، لیکاونیه‌نینگ لِستره، دِربه شَهرلِرینه و اُلارینگ داش-تُوِرِگینه قاچدیلار. 7اُل یِرلِرده-ده خوش خاباری واغیظ اِتدیلِر.
پولس بیلِن بارنابا لِستره‌ده و دِربه‌ده
8لِستره‌ده آیاقلاری فِلِج بیر آدام یاشایاردی. اُل عُمور بُیی فِلِجدی و هیچ واقت یُریمَندی. 9بو آدام پولسینگ گورّونگینی دینگلَپ اُتیردی. پولس هِم اُنگا دیقّاتلی سِراِدیپ، اُنونگ شِفا بِرجِگینه ایمانینینگ باردیغینی گُردی. 10شُندا پولس قاتی سِس بیلِن: «یِرینگدِن تور!» دییدی. اُل هِم تاوسوپ توردی-دا، یُریپ باشلادی.
11جِماغات پولسینگ اِدِن ایشینی گُروپ، لیکاونیه دیلینده: «خودایلار اینسان صوراتیندا بیزینگ یانیمیزا اینیپدیرلِر!» دییّپ قیغیریشدیلار. 12بارنابانی «زِئوس»، پولسی بُلسا، اِساسی سُزلَپ باشاران اوچین «هِرمِس» دییّپ آدلاندیردیلار. 13زِئوسینگ بُتخاناسی شَهرینگ داشیندا یِرلِشیَردی. زِئوس کاهینیسی بُینونا گول چِمِنلِری گِیدیریلِن سیغیرلاری شَهر دِروِزه‌لِرینینگ آغزینا گِتیریپ، خالق بیلِن بیرلیکده قربانلیق بِرجِک بُلدی.
14اِمّا رِسول‍لار، بارنابا بیلِن پولس مونی اِشیدیپ، یاقالارینی ییرتیپ، خالقینگ اُرتاسینا باسیم گیردیلِر. اُلار قاتی سِس بیلِن: 15«آداملار! نَمه اوچین بِیله اِدیَرسینگیز؟ بیز هِم سیزه مِنگزِش اینساندیریس. سیزه خوش خابار آلیپ گِلدیک. ایندی بو بُش زاتلاردان اِل چِکینگ-ده، یِری، آسمانی، دِریانی و اُلارینگ ایچیندَکی هِمّه زاتلاری یارادان دیری خودایا طاراف دُلانینگ. 16گِچِن زاماندا خودای هِمّه خالقلارا اُز یُل‍لارینا گُرَه یُریمَگه اِجازا بِردی. 17اِمّا، اُل اُزونینگ باردیغینی هیچ هاچان دِلیلسیز قُیمایار. سِراِدینگ! سیزه یاخشیلیق اِدیپ، آسماندان یاغین یاغدیریار، فَصلیندا حاصیل بِریَر، قارنینگیزی کِمسیز دُیروپ، یورِکلِرینگیزی شاتلیقدان دُلدوریار» دییدیلِر. 18بو سُزلِر بیلِن اُلار خالقی اُزلِرینه قربانلیق هُدورلِمِکدِن زُردان دَندیردیلِر.
19اِمّا انطاکیه‌دِن و قونیه‌دِن گِلِن یَهودیلِر خالقی آزدیریپ، پولسی داشلادیلار و اُلِندیر دییّپ گومَن اِدیپ، اُنی شَهردِن سویرَپ چیقاردیلار. 20اِمّا شَگیرتلِر داشینا اویشِنلِرینده، پولس یِریندِن توروپ، شَهره قایتدی. اِرتیسی گون اُل بارنابا بیلِن دِربه طارافا یُلا دوشدی.
پولس و بارنابا انطاکیَه دُلانیپ گِلدیلِر
21دِربه‌ده اُلار خوش خاباری واغیظ اِدیپ، کَن شَگیرت ییغنادیلار. سُنگرا لِستره، قونیه و انطاکیَه دُلانیپ گِلدیلِر. 22اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ: «خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک» دییَّردیلِر. 23پولس بیلِن بارنابا هِر بیر کِلیسا اوچین یاشولیلار بِلِّدیلِر. سُنگرا دُغا اِدیپ، آرازا توتوپ بو یاشولیلاری اُزلِرینینگ ایمان گِتیرِن خودایینا تابشیردیلار.
24اُنسُنگ پیسیدیه‌نینگ ایچیندِن گِچیپ، پامفیلییَه گِلدیلِر. 25پِرجه شَهرینده عیسی حاقیندا واغیظ اِدِنلِریندِن سُنگ، آتالیَه گیتدیلِر. 26اُل یِردِن هِم اُلار کِشتیلی انطاکیَه دُلانیپ گِلدیلِر. پولس بیلِن بارنابا بو شَهرده اُزلِرینی خودایینگ مِرحِمِتینه تابشیریپ، اِدیل شو یِردِن ایندی تاماملان ایشلِرینی یِرینه یِتیرمَگَه اوغراپدیلار. 27انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر. 28رِسول‍لار اوزاق واقتلاپ شَگیرتلِر بیلِن بیله بُلدولار.
© Turkmen Truth
رِسول‍لار 14
14
پولس بیلِن بارنابا قونیه‌ده
1پولس بیلِن بارنابا قونیه شَهرینده هِم عادات بُلشی یالی یَهودیلِرینگ کِنیسه‌سینه باردیلار. اُل یِرده اُلار شِیله بیر گویچلی واغیظ اِدِنلِری اوچین، کَن سانلی یَهودیلِر و باشغا میلِّتلِر ایمان گِتیردیلِر. 2اِمّا ایمان گِتیرمِدیک یَهودیلِر باشغا میلِّتلِری بو ایکی رِسولینگ اوستونه آزدیریپ، ایماندارلارا قارشی اُلارینگ فیکرینی زَهِرلِدیلِر. 3پولس بیلِن بارنابا بو یِرده اوزاق واقت قالیپ، تانگری عیسی حاقدا باتیرلیق بیلِن واغیظ اِتدیلِر. تانگری عیسی هِم اُلارا مُعجِزه‌لِر و عالاماتلار گُرکِزمِک باشارجاغینی بِریپ، اُز مِرحِمِتی باراداقی خاباری اُلارینگ اوستو بیلِن تاصدیقلادی.
4شَهرینگ خالقی ایکَه بُلوندی. اُلارینگ بیر بُلِگی یَهودیلِرینگ، بیر بُلِگی-ده رِسول‍لارینگ طارافینا گِچدی. 5شوندان سُنگ یَهودیلِر و باشغا میلِّتلِر اُزلِرینینگ باشلیقلاری بیلِن بیرلیکده رِسول‍لارینگ اوستونه دُپولیپ، اُلاری داشلاجاق بُلدولار. 6رِسول‍لار موندان خابارلی بُلانسُنگلار، لیکاونیه‌نینگ لِستره، دِربه شَهرلِرینه و اُلارینگ داش-تُوِرِگینه قاچدیلار. 7اُل یِرلِرده-ده خوش خاباری واغیظ اِتدیلِر.
پولس بیلِن بارنابا لِستره‌ده و دِربه‌ده
8لِستره‌ده آیاقلاری فِلِج بیر آدام یاشایاردی. اُل عُمور بُیی فِلِجدی و هیچ واقت یُریمَندی. 9بو آدام پولسینگ گورّونگینی دینگلَپ اُتیردی. پولس هِم اُنگا دیقّاتلی سِراِدیپ، اُنونگ شِفا بِرجِگینه ایمانینینگ باردیغینی گُردی. 10شُندا پولس قاتی سِس بیلِن: «یِرینگدِن تور!» دییدی. اُل هِم تاوسوپ توردی-دا، یُریپ باشلادی.
11جِماغات پولسینگ اِدِن ایشینی گُروپ، لیکاونیه دیلینده: «خودایلار اینسان صوراتیندا بیزینگ یانیمیزا اینیپدیرلِر!» دییّپ قیغیریشدیلار. 12بارنابانی «زِئوس»، پولسی بُلسا، اِساسی سُزلَپ باشاران اوچین «هِرمِس» دییّپ آدلاندیردیلار. 13زِئوسینگ بُتخاناسی شَهرینگ داشیندا یِرلِشیَردی. زِئوس کاهینیسی بُینونا گول چِمِنلِری گِیدیریلِن سیغیرلاری شَهر دِروِزه‌لِرینینگ آغزینا گِتیریپ، خالق بیلِن بیرلیکده قربانلیق بِرجِک بُلدی.
14اِمّا رِسول‍لار، بارنابا بیلِن پولس مونی اِشیدیپ، یاقالارینی ییرتیپ، خالقینگ اُرتاسینا باسیم گیردیلِر. اُلار قاتی سِس بیلِن: 15«آداملار! نَمه اوچین بِیله اِدیَرسینگیز؟ بیز هِم سیزه مِنگزِش اینساندیریس. سیزه خوش خابار آلیپ گِلدیک. ایندی بو بُش زاتلاردان اِل چِکینگ-ده، یِری، آسمانی، دِریانی و اُلارینگ ایچیندَکی هِمّه زاتلاری یارادان دیری خودایا طاراف دُلانینگ. 16گِچِن زاماندا خودای هِمّه خالقلارا اُز یُل‍لارینا گُرَه یُریمَگه اِجازا بِردی. 17اِمّا، اُل اُزونینگ باردیغینی هیچ هاچان دِلیلسیز قُیمایار. سِراِدینگ! سیزه یاخشیلیق اِدیپ، آسماندان یاغین یاغدیریار، فَصلیندا حاصیل بِریَر، قارنینگیزی کِمسیز دُیروپ، یورِکلِرینگیزی شاتلیقدان دُلدوریار» دییدیلِر. 18بو سُزلِر بیلِن اُلار خالقی اُزلِرینه قربانلیق هُدورلِمِکدِن زُردان دَندیردیلِر.
19اِمّا انطاکیه‌دِن و قونیه‌دِن گِلِن یَهودیلِر خالقی آزدیریپ، پولسی داشلادیلار و اُلِندیر دییّپ گومَن اِدیپ، اُنی شَهردِن سویرَپ چیقاردیلار. 20اِمّا شَگیرتلِر داشینا اویشِنلِرینده، پولس یِریندِن توروپ، شَهره قایتدی. اِرتیسی گون اُل بارنابا بیلِن دِربه طارافا یُلا دوشدی.
پولس و بارنابا انطاکیَه دُلانیپ گِلدیلِر
21دِربه‌ده اُلار خوش خاباری واغیظ اِدیپ، کَن شَگیرت ییغنادیلار. سُنگرا لِستره، قونیه و انطاکیَه دُلانیپ گِلدیلِر. 22اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ: «خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک» دییَّردیلِر. 23پولس بیلِن بارنابا هِر بیر کِلیسا اوچین یاشولیلار بِلِّدیلِر. سُنگرا دُغا اِدیپ، آرازا توتوپ بو یاشولیلاری اُزلِرینینگ ایمان گِتیرِن خودایینا تابشیردیلار.
24اُنسُنگ پیسیدیه‌نینگ ایچیندِن گِچیپ، پامفیلییَه گِلدیلِر. 25پِرجه شَهرینده عیسی حاقیندا واغیظ اِدِنلِریندِن سُنگ، آتالیَه گیتدیلِر. 26اُل یِردِن هِم اُلار کِشتیلی انطاکیَه دُلانیپ گِلدیلِر. پولس بیلِن بارنابا بو شَهرده اُزلِرینی خودایینگ مِرحِمِتینه تابشیریپ، اِدیل شو یِردِن ایندی تاماملان ایشلِرینی یِرینه یِتیرمَگَه اوغراپدیلار. 27انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر. 28رِسول‍لار اوزاق واقتلاپ شَگیرتلِر بیلِن بیله بُلدولار.
© Turkmen Truth